سؤال للخبراء بخصوص شراء نوكيا N95 .. محدش يبخل بالرد

[العـنـتـيـل]

السلام عليكم
بفكر أشتري نوكيا N95 العادي مش الـ 8 جيجا بكره كم التوكيل بإذن الله ..
رأيكم فيه إيه ؟؟؟؟
عيوبه إيه ؟؟؟
آخد بالي من إيه و أنا بشتريه ؟؟؟
أفضل ضمان ليه إيه ؟؟؟
خاصية الجي بي إس (gps) هتشتغل و للا لأ لو نزلت له سوفت وير جديد من موقع نوكيا ؟؟؟؟؟؟

منتظر مشاركاتكم الكريمه و شكرا مقدما

السلام عليكم

[aleemon]

جهـــاز جميل جداً وقوي بس لازم تجيبله جراب كويس علشان اللون مايقشرش وإذا كنت حتجيبه من الضمان فده حتلاقيه تمام 100% بس حتلاقس الGPS ملغي وده من رأيي مش مهم بالنسبة للمستخدم العادي ومخصوص لفئة قليلة جداً من الناس يعني مش حتفرق....المهم اتأكد من وجود السماعة القطعتين والشاحن والكاتلوجات والاسطوانة ووصلة الكمبيوتر وكارت الميموري وبس كده وشراء موفق بإذن الله

[العـنـتـيـل]

جهـــاز جميل جداً وقوي بس لازم تجيبله جراب كويس علشان اللون مايقشرش وإذا كنت حتجيبه من الضمان فده حتلاقيه تمام 100% بس حتلاقس الGPS ملغي وده من رأيي مش مهم بالنسبة للمستخدم العادي ومخصوص لفئة قليلة جداً من الناس يعني مش حتفرق....المهم اتأكد من وجود السماعة القطعتين والشاحن والكاتلوجات والاسطوانة ووصلة الكمبيوتر وكارت الميموري وبس كده وشراء موفق بإذن الله



شكرا أخي الكريم لردك .. جزاك الله خيرا
بس اللي سمعته إنهم بيكونوا قافلين الـ GPS من السوفت وير فقط .. و لو نزلت له سوفت جديد من على النت بيشتغل عادي .. هل الكلام ده صح و للا لأ ؟؟؟؟؟؟

[samir_gang]

معلش انا عايز اعرف حاجه

كل مصر همها عالجى بى اس

و لنفرض انه شغال

لازم يكون فى برنامج للخرايط معاه

تفتكر مصر فيها الخرايط دى ولا عارفين الشوارع المكسره و الحوارى وكل الكلام ده

ياباشا مصر قدمها 30 سنه عالاقل عشان لو الجى بى اس اشتغل يبقى ماشى على خريطه مظبوطه

[العـنـتـيـل]

معلش انا عايز اعرف حاجه

كل مصر همها عالجى بى اس

و لنفرض انه شغال

لازم يكون فى برنامج للخرايط معاه

تفتكر مصر فيها الخرايط دى ولا عارفين الشوارع المكسره و الحوارى وكل الكلام ده

ياباشا مصر قدمها 30 سنه عالاقل عشان لو الجى بى اس اشتغل يبقى ماشى على خريطه مظبوطه

يا أخي الفاضل
إن كان عليا .. تقريبا مش هستخدمه تقريبا .. لكنه أكيد بدون شك هيفرق لما تيجي تبيع الجهاز لأي سبب .. وقتها لو المشتري عرف إن جهازك لا تعمل به هذه الخاصيه هيبتعد عن شرائه
ده من جهه .. و من ناحيه تانيه برضه إنتا بتدفع تمن هذه الخاصيه .. فحقك إنها تبقى موجوده ..

و لو على موضوع إمكانيات الجهاز هتستخدم و للا لأ .. ببساطه أحب أعرف حضرتك إني مش من هواة التصوير .. و مع ذلك هجيب أقوى جهاز موبيل فيه كاميرا !!!!!!! .. عادي جدا .. أنا ممكن أستخدم أي حاجه من إمكانياته في أي وقت .. و عايز الجهاز يكون متكامل و كويس معايا .. طالما هدفع سعر مش قليل ...
ده كل الموضوع

بس حضرتك لسه مش أفدتني يمعلوماتك عن أسئلتي .. أرجو منك التكرم بالرد عشان رأي حضرتك أكيد هيفيدني
شكرا جزيلا
السلام عليكم

[cabrel]

اكيد واحد من أفضل الاجهزة الموجودة حاليا

[العـنـتـيـل]

اكيد واحد من أفضل الاجهزة الموجودة حاليا

شكرا جزيلا لردك أخي الفاضل

[TheInfernal]

مفيش خلاف على ان الجهاز ممتاز, و لكني شايف انه قديم شوية. أنا رأيي تستنى لغاية ما الN85 أو الN79 ينزلوا.

[cabrel]

سعر الجهاز حاليا 2275 بعد ما كان فوق ال 3000 اول ما نزل

[THE RETURN]

الجهاز ده احسن جهاز حاليا كسعر مقابل مضمون

و ارخص سعر شفته 2175 من محلات سيليكت

واتكل على الله وهاته وانا وراك على طول

[العـنـتـيـل]

شكرا يا شباب على ردودكم و إهتمامكم
تم الشراء بفضل الله

[cabrel]

السعر كام ؟؟؟