إياك وإياك مـــــــــــــن N82

[tous2010]

والله العظيم ال n82 جهاز مقلب واللى يشترية يبقى ........

والكلام دة عن سابق تجربة.... ولا انصح اى حد هيجيب موبيل يجيب ال n82

والميزة الوحيدة اللى فيها ان الكاميرا حلوة والكمليات التانية زى اللى موجودة فى موبيلات الجيل الثالث

واهم عيب السماعة واخطر عيب السماعة بجد دى لوحدها تمحى اى حسنة لية ولو الكاميرا بتاعتة 10px

ولله الحمد اكتر من 70% من الناس اللى معاها الموبيل السماعات بتاعتهم ضربت وانا واحد منهم

وبجد الموبيل دة اثبت فشلة بطريقة جبارة ومحدش يقدر يقول غير كدة

يعنة اية اجيب موبيل 2500ج والسماعة تبوظ واصلحها ب200ج وكمان الموبيل بيتفتح يعنى موت وخراب ديار

واجى ابيع الموبيل يقول لى هينزل الف جنية لية هى الفلوس دى بلقيها فى الارض وانا ماشى ولا اية دة حتى يبقى حرام

وبجد وبجد والله نصيحة بقدمها لكل اللى بيفكروا انهم يشتروا الn82 اياك و الn82 نصيحة وليس اكثر.

[sherif_2000]

موبايل اثبت فشله ايه بس ده من احسن الموبيلات اللى نوكيا نزلتها و 70% ايه يا راجل اللى سماعتهم باظت محسسنى ان كل اللى جابوا الموبايل ده من المنتدى هنا بس و مفيش ناس تانية بتشتريه و جبلى مصدر واحد من بيقول ان ده عيب صناعة فى الموبايل مش هتلاقى و انا قلت الكلام ده مليووووووووووووووووووووووووون مرة انا جبت الموبايل من شهر 11 اللى فات و ما شاء الله لسة شغال زى الفل

[bayoumisoft]

طيب الواحد يشترى اية ؟

على فكرة الموضوع حظوظ مش اكتر

[tous2010]

انا ليا 2 اصحابى كان معاهم ال n82 والسمعات بتاعتهم ضربت وانا التالت وشوف كام واحد فى المنتدى السماعة بتاعتة باظت يبقى دة اية ثلاثة جيبين الموبيل مع بعض فى يوم واحد وفى ظرف شهرين كل شوية واحد السماعة بتاعتها تضرب
يبقى دة اية عيب منا مظنش انة عيب منا احنا دة عيب من الموبيل
مع العلم ان ممكن يكون حظة حلو زيك والموبيل بتعاعك السماعة بتعتة متضربش بس دة بيحصل بندرة جداً
وانا بحترم رأيك وخوفك على تشوية صورة الn82 زى ما كنت انا بعمل زمان بس دلوقتى اعذرنى مش هخلى حد على
اد ما اقدر انة يتخم فى الموبيل دة علشان كل واحد يشترية يدخل ويقول الموبيل ممتاز وحلو اوى يروح الواحد منا يشوف
الناس كلها بتقول ممتاز يروح يضرب فى عقلة ويشترية زى ما حصل معايا
وشكراً

[misry]

أنا عندي الموبايل ده من فترة وزي الفل ...

[MABUAOUF]

أنا عندي الموبايل ده من فترة وزي الفل ...

الجهاز تحفة ومعايا انا كمان من فترة وماشاء الله زى الفل

[moonrise]

مش علشان واحد ولا اتنين ولو حتى 50 واحد باظت معاهم السماعات يبقى موبيل فاشل لو عندك احصائية رسمية من موقع موثوق فية .. وقالت الموبيل مقلب يبقى كلامك مضبوط ... مع العلم انة فية ناس كتير معاهم الموبيل ومحدش اشتكى ولو عملت احصائية فقط على مستوى الدى فى دى هتلاقى نسبة اللى سماعتهم شاغلة من غير عيوب ومحلصش فيها حاجة اكتر من اللى سماعتهم باظت .. ونوكيا بتصنع 14 موبيل فى الثانية يعنى لو قلنا موبيل 82 يتصنع كل 10ثوانى .. شوف وانت واحسب كام موبيل 82 بيتصنع وبيتاع فى اليوم الواحد .. ولو الموضوع على مستوى واسع مكنش حد من البلاد المحترمة اللى فيها قانون حماية المستهلك سكت على حقة
يعنى الموضوع مش بيتحسب بكام موبيل فى الدى فى دى باظ سماعتة واللى ممكن يكون سوء استخدام .. وممكن يكون محل الموبيل اللى انت اشتريت منة ضحك عليك لان المحلات اللى برة التوكيل من تغير لك من قلب الموبيل من غير ما تحس من الشاحن ل السماعة اللى انت بتشتكى ان هيا باظت
طبعا انا مش وكيل نوكيا او محامى n82 خخخخخخخخخخخخخ .. بس لما تتكلم اتكلم بحياد مش وانت مخنوق لان سماعتك باظت .. لان كلامك مش هياثر فى اى مبيعات لاى موبيل نوكيا مش n82 بس

[amro_zinhom]

هو انا ادفع 2500ج و بعدين انا و حظى

تظ فى دا موبيل

تليفون فاشل

[amr_diaaab]

Nokia N95 m الافضل بكل المقايس الفنية والبدنية

[shatou]

مع كامل احترامى لحضرتك اختر الاجابة الصحيحة:
على اساس قولت السنبة 70%؟

1. اعلان رسمى من نوكيا.
2. اعلان رسمى من بياعين مصر النصابين.
3. فتى زى اى مصرى بيحب يفتى.

شكرا لتعاونكم معنا...

[cabrel]

هو انا ادفع 2500ج و بعدين انا و حظى

تظ فى دا موبيل

تليفون فاشل

انا قلت نفس الكلمة بعد ما كان عاجبنى جدا من قبل حتى ما ينزل وكنت حشترية ولما لقيت موضوع السماعات ( انت وحظك ) محبتش اجازف عشان مخسرش فلوس تانى فى تصليحة دة غير انة لو اتفتح لما تيجى تبيعة مستعمل عشان تغيرة مش حيجيب نص تمنة

[moonrise]

مع كامل احترامى لحضرتك اختر الاجابة الصحيحة:
على اساس قولت السنبة 70%؟

1. اعلان رسمى من نوكيا.
2. اعلان رسمى من بياعين مصر النصابين.
3. فتى زى اى مصرى بيحب يفتى.

شكرا لتعاونكم معنا...

مينفعش ياشاتو يستعين بصديق علشان يساعدة ويكسب جراب هدية :lol:

[soltanfriend]

والله يا جماعه انا قريت الموضوع دا الساعه واحدة الظهر واصلا استخسرت انى ارد عليه عشانه موضوع تافه وحرام يترد عليه بس لما لقيت ناس محترمه بترد زى shatou cabrel moonrise وطبعا الكل محترمين بس فى ناس بيبقى فهمها محدود شويه فقمت رادد ومش ها اقول غير كلمه واحده الN82 جهاز جامد جدا واحسن مليون مره من ال 95 وحتى من معظم الاجهزة اللى موجوده الوقتى فى السوق واللى عايز يتحدانى فى اى مقارنه انا فى الخدمة

[samir_gang]

عشانه موضوع تافه وحرام يترد عليه


يعنى ايه موضوع تافه و حرام يترد عليه

واحد حصلت معاه و مع اصحابه مشكله بسبب الموبايل

و بيحذر الناس يبقى غلطان حتى لو فرضنا ان التلات اجهزه دول هما الوحيدين اللى باظوا فى العالم

اسلوب الحوار ياريت يرتقى اكتر من كده

[monnem82]

يا عم اهدى شوية بس احنا بنتكلم عن موبايل مش عن القدس..
انا معايا الجهاز ده ووالله زى الفل لحد دلوقتى مفيهوش اى مشاكل..وفعلا فى ناس سماعاتها بتبوظ لما كذا واحد يقول كده يبقى اكيد ده كلام حقيقى..ومع ذلك انا غامرت واشتريته لأنى مقتنع بأمكانياته وقلت لنفسى لو السماعات ضربت ابقى اصلحها واتأكدت انها بتتصلح وعرفت كمان سعر التصليح بس كده!
يعنى انا من الاخر حطيت العيوب اللى ممكن اصادفها والمميزات اللى فى الجهاز واخدت قرارى على الاساس ده بعد ما قرأت كل صغيرة وكبيرة عن الجهاز..
لكن انك تشترى حاجة وانت متعرفش حاجة عنها ده غلطتك..وحظك جه كده ان السماعة باظت..
وعلى العموم كل واحد حر فى رأيه وانا رأيى ان الجهاز تحفة وسعره كويس واحسن من ال 95 وحتى لو سماعاته باظت رأيى مش حيتغير

[when99]

يوجد نوع مقلد من صنع الصين

[cabrel]

يوجد نوع مقلد من صنع الصين

نوكيا الصينى جهاز اصلى

[soltanfriend]

يا عم اهدى شوية بس احنا بنتكلم عن موبايل مش عن القدس..
انا معايا الجهاز ده ووالله زى الفل لحد دلوقتى مفيهوش اى مشاكل..وفعلا فى ناس سماعاتها بتبوظ لما كذا واحد يقول كده يبقى اكيد ده كلام حقيقى..ومع ذلك انا غامرت واشتريته لأنى مقتنع بأمكانياته وقلت لنفسى لو السماعات ضربت ابقى اصلحها واتأكدت انها بتتصلح وعرفت كمان سعر التصليح بس كده!
يعنى انا من الاخر حطيت العيوب اللى ممكن اصادفها والمميزات اللى فى الجهاز واخدت قرارى على الاساس ده بعد ما قرأت كل صغيرة وكبيرة عن الجهاز..
لكن انك تشترى حاجة وانت متعرفش حاجة عنها ده غلطتك..وحظك جه كده ان السماعة باظت..
وعلى العموم كل واحد حر فى رأيه وانا رأيى ان الجهاز تحفة وسعره كويس واحسن من ال 95 وحتى لو سماعاته باظت رأيى مش حيتغير




يعنى ايه موضوع تافه و حرام يترد عليه

واحد حصلت معاه و مع اصحابه مشكله بسبب الموبايل

و بيحذر الناس يبقى غلطان حتى لو فرضنا ان التلات اجهزه دول هما الوحيدين اللى باظوا فى العالم

اسلوب الحوار ياريت يرتقى اكتر من كده
اسف يا جماعه بس الموضوع مش على الموبايل ما طز فى الموبايل انا اكتر واحد غير اجهزه بس الموضوع فى الكلام اللى يحرق الدم وفى الاهانه لكل الناس اللى معاها التليفون دا يعنى انا مثلا بمسك تليفون واحد صاحبى ومش عاجبنى اقوم قايل فى وشه انه وحش ويقرف واوعى حد يجيبه دا حتى مش من الزوق انى ازم فى حاجه مدفوع فيها فلوس
يعنى انا لو لاقدر الله التليفون بتاعى باظ ايه اللى ممكن اقوله على المنتدى هنا غير انى اوصف اللى حصل معايا بالظبط وخلاص يعنى انا مثلا كان معايا 5610 وكان جهاز زى الفل بس قعد اقل من شهر وضرب سوفت مرتين وبعد كدا قعد يعمل ستارت فى نص المكالمه ومع ذلك الموبايل كان عاجبنى جدا ولما اى حد يسألنى بقوله حلو وكل حاجه بس انا حصل معايا كذا عشان ممكن اللى بيسأل دا يكون فعلا اشتراه خلاص اقوم انا اقوله انه وحش يقوم هو كارهه وتبقى فلوسه رماها فى الارض ساعتها مش ها يشكرنى على رأيي لا اكيدالعكس