مفهوم الرجولة

[mnvcxv]

الرجولة ايه مفهومها من وجهة نظركم ايه الصفات اللي تخلي الواحد راجل

[™ČoΜmÅnÐeŘ]

اعتزازه بنفسه وعدم التقليل من كرامته مهما كان

[weldomran]

بسم الله الرحمن الرحيم

الرجولة دى كلمة ليها معنى كبير جدااا

الراجل لازم يجمع بين مميزات كتير مش راجل بجنسة وبس او بعزة نفسة وكبريائة وبس . لا الراجل الصح هو الى وقت الشدة يسد , راجل فى كلمته يقول وينفذ , راجل فى حنيته على اهل بيته واسرته , راجل يقود والكل يحترم كلمته , راجل مانخافش منه بس نحترمة , راجل بيعمل ومايقولش انا عملت وعملت , راجل اخلاق وتدين .
لو خدت رايه ينصحك بحكمة , ولو طلبت مساعدته يجرى عليك ويساعدك مش عايز مقابل انا راجل , ياه . . . . . فعلا راجل مش باين صحيح ولا معروف ولا مشهور بس بيظهر فى اوقات صعبة ويرجع يختفى تانى لانه راجل .
تفتكرا حد فيكم يعرف راجل ................................


انا اعرف كتير

[™M!DoΘoZ]

عارف وأنتا بتتصرف مع صاحب جدع أو أى إنسان جدع وبتقوله أنتا بجد راجل ,
عارف لما إنسان يقف جنبك لأنك على حق وهوا ميعرفكش ,
لما يكون فى ضمير صاحى يبقى فى رجوله , لما ميقدرش يظلم دى رجوله ,
لما يخاف على أهله ويحميهم ويدافع عنهم بنفسه حتى لو على حساب نفسه ,
الرجوله إن تغير على أهل بيتك ومتسبهومش فى وسط التيار لوحدهم ,
الرجوله شجاعه وإحتمال وتصرف صح وصبر ونخوه وخوف على المسلمين ,
الرجوله منقدرش نجيب كل صفاتها , لأن كل فعل صح بيصدر هوا فعل الراجل ,
وللأسف معنى الرجوله موش موجود كتير فى مصر ولا فى العالم العربى ,

[™MoHaMMeD ElHaGeR]

عارف وأنتا بتتصرف مع صاحب جدع أو أى إنسان جدع وبتقوله أنتا بجد راجل ,
عارف لما إنسان يقف جنبك لأنك على حق وهوا ميعرفكش ,
لما يكون فى ضمير صاحى يبقى فى رجوله , لما ميقدرش يظلم دى رجوله ,
لما يخاف على أهله ويحميهم ويدافع عنهم بنفسه حتى لو على حساب نفسه ,
الرجوله إن تغير على أهل بيتك ومتسبهومش فى وسط التيار لوحدهم ,
الرجوله شجاعه وإحتمال وتصرف صح وصبر ونخوه وخوف على المسلمين ,
الرجوله منقدرش نجيب كل صفاتها , لأن كل فعل صح بيصدر هوا فعل الراجل ,
وللأسف معنى الرجوله موش موجود كتير فى مصر ولا فى العالم العربى ,
انا بقيد رأى الاستاذ ™M!DoΘoZ

جاب من الاخر اللى انا كونت هقولة

شكرا لك