ادخل وشارك برائيك

[ياسمين زهران]

بصراحة انا حبيت اتكلم معاكم فموضوع لفت نظرى جداااا فى الجامعة


موضوع الاعجاب



انا لاحظت ان الشباب معظمهم تقريبا مش كلهم بحس انهم ماشيين يحبوا على نفسهم



تلاقى كل واحد عنيه تعباه وقاعد يسبل لاى بنت معدايه جنبه



والاكتر من كده انك تلاقى واحد مرتبط بواحده واقاعد جنبها وااقعد يسبل لواحده تانه



تفتكروا ايه سبب الموضوع الزايد ده؟؟؟

[™$ERiou$]

ده بيكون فى وقت معين مع الشاب او الشابة . وهى مرحلة المراهقة ... لانه بيلفت نظره أى بنت جميلة وخلاص .

[profilerpasha]

الاخت العزيزة ياسمين
مع احترامى للجميع
حب الجامعة و المدرسة دة مجرد شىء وقتى بمعنى ( يومين و بيعدوا )
الا فى بعض الحالات القليلة جدا
واكبر منك بيوم يعرف عنك بسنة
السن ده فى الغالب سن عدم اتزان و انجراف وراء المشاعر فى معظم الحالات بدون تحكيم العقل

[ღ♥ღ J€ŜŜY ღ♥ღ]

اولا انا برحب بيكى و بطرحك للموضوع دة يا ياسمين
(ملحوظة : انا كمان ياسمين :2: )
بالنسبة بقى للتساؤل اللى انتى طرحتية فى الموضوع
انا شايفة ان دة شئ متوقع جدا
من شباب فى السن دة
لان السن دة بيبقى سن الاحتياج للحب
الواحد بيبقى عندة مشاعر كتير جدا
و مابيصدق يلاقى حد عشان يعبر معاة عن كل المشاعر اللى جواة
يعنى هما غالبا بيبقو بيحبو الحب نفسو
مش الشخص
مجرد احتياج للحب مش اكتر
طبعا انا مش بعمم
انا بقول غالبا
يعنى ممكن جدا يكون فى شباب فى السن الصغير دة و بيحبو بجد
و بيعرفو معنى الحب الحقيقى
و حبهم بيكمل و بيتجوزو كمان
بس المهم بقى الواحد يحسبها صح و يفكر كويس
عشان مايبقاش الحب مجرد لعبة او تسلية
الواحد بيتسلى بيها لحد ما يخلص جامعة
و بعد كدة كل واحد يروح لحالة
و بعدين فى نقطة مهمة جدا
فى الكلية الواحد بيبقى مش علية مسؤليات خاااااالص
فاضى يعنى
و الفاضى لازم يدور على حاجة تشغلة
و مافيش احلى من الحب تسلية تشغل الواحد
لكن الواحد لما بيختلط بالحياة و يشتغل
و يشوف المسؤلية بشكلها الصحيح
ساعتها ممكن يقرر اذا كان فعلا هيتحمل مسؤلية الحب دة او لا
لان الحب مسؤلية كبيرة جدا
مش شوية خروجات و فسح و دباديب
انا عارفة يا جماة ان كلامى يدى عنى فكرة
انى مش فى سن شباب الجامعة اللى احنا عمالين ننقدهم
و انى بتكلم من عالم تانى خالص
بس انا على فكرة فى نفس السن اللى احنا بنناقش مشاكلة
انا عندى 21 سنة (مش كبيرة اوى يعنى :0:)
يارب ماكونش طولت عليكم
و ياريت نشارك كلنا برأينا فى الموضوع
و ميرسى يا ياسو على طرحك للموضوع :glasses:

[story99]

والله انا شايف خلاف كده خالص
اولا المناظر اللى بنشوفها فى الجماعة بتشد الانتباه بالنسبة للبس الخارج
واحنا نعمل ايه لما نشوف واحده بالمنظر ده او لابسة لبس زيادة عن المطلوب لازم نبص وغصب عننا هانبص
وموضوع ان اتنين مرتبطين ببعض وقاعد يبص على اللى رايح واللى جاى المحترمة والغير يبقى فيه عيب فيه هو انه عينه زايغة
وبرضه ياجماعة احنا شباب هانعمل ايه يعنى والله غصب عننا ولازم برضه نكتسب الخبرة فى البنات على أمل لو فكرنا فى الارتباط يبقى نشوف واحده من اللى بنشوفهم ونرتبط بيها

مع تحياتى للجميع والاخص يااااااااااااااسميييييييييين

[ايكوكو]

ضعف الوازع الديني هو اللي بيخلي الشباب في الحاله دي
وكمان الاختلاط بين الجنسين شيء طبيعي الشاب والشابه بيعملوا كذا
والا كان ربي ما أمرنا بالتفريق بين الذكر والانثى في المضاجع عند سن معينه

[weldomran]

والله انا شايف خلاف كده خالص
اولا المناظر اللى بنشوفها فى الجماعة بتشد الانتباه بالنسبة للبس الخارج
واحنا نعمل ايه لما نشوف واحده بالمنظر ده او لابسة لبس زيادة عن المطلوب لازم نبص وغصب عننا هانبص
وموضوع ان اتنين مرتبطين ببعض وقاعد يبص على اللى رايح واللى جاى المحترمة والغير يبقى فيه عيب فيه هو انه عينه زايغة
وبرضه ياجماعة احنا شباب هانعمل ايه يعنى والله غصب عننا ولازم برضه نكتسب الخبرة فى البنات على أمل لو فكرنا فى الارتباط يبقى نشوف واحده من اللى بنشوفهم ونرتبط بيها

مع تحياتى للجميع والاخص يااااااااااااااسميييييييييين

انا مع الراى دا مع ان الاراء السابقة صحيحة بس الراى دا صح ودى بقت مشكلة ياجماعة المناظر الى الشباب بيشوفها اليومين دول يعنى فظيعة ربنا يسترها بجد ربنا يسترها

[زميل زمالك]

على فكره انا كمان نفسى أعرف اجايه على سؤالك ده
على كل حال تسلم ايدك على الموضوع

[HETLAR 2]

تفتكروا ايه سبب الموضوع الزايد ده؟؟؟

هو بين البنات و الولاد مش الولاد بس
و اعتقد السبب الفضي بس في وقت فراغ عند الولاد فا بيسلو نفسهم

[ياسمين زهران]

ميرسى ياجماعة على ردودكم كلها

وبجد كلها حلوه اوى


وتقريبا كله اجمع على انها مراهقة