تحذير من أكاديمية سموحة:

[mman2005]

تحذير من أكاديمية سموحة:




أنا من الدارسين اللذين أخذت كورس صيانة محمول هارد وير فى أكاديمية سموحة وأرجو تحذير الأعضاء من تجربتى فى الدراسة فى هذه الأكاديمية بالعناصر الآتية:


1- ثمن كورس صيانة الهارد وير 950 جنيهاً والسوفت وير 750 جنيها.




2- الهدية المعلن عنها فى إعلانات الأكاديمية لا يتجاوز ثمنها 5 جنيهات (عبارة عن مفك للموبايلات رخيص- لفة قصدير درجة ثالثة- علبة فلكس رديئة- جفت ردئ ينحنى بسرعة من أول أستخدام).




3- كل شئ بعد ذلك فى الأكاديمية بفلوس شهادة التخرج بفلوس وعلى حسب نوع الشهادة يرتفع الثمن، إذا كانت الشهادة موثقة من وزارة الخارجية يصل ثمن الشهادة ل 250 جنيها وإذا كانت شهادة عادية من الأكاديمية يصل سعرها ل 20 جنيهاً بالإضافة إلى مخططات الموبايل يتم شرائها من الأكاديمية وكل شئ حتى الملازم يتم إعطائها للدراسين لكى يتم تصويرها وإرجاعها مرة أخرى للمهندس علماً بأن هذه الملازم غير مستوفية الشرح ورديئة جداً ومن كثرة التصوير تصبح غير واضحة الكلام والرسومات التى بها.




4- أغلب الشرح نظرى وحفظ والتدريب العملى فقط على بورد موبايلات قديمة، ويقوم المهندس المختص بتحفيظ الدارسين كل عطل خطوات تصليحه نظرى يعنى مثلاً يقول لو الموبايل فيه عطل شبكة الخطوات التى يجب أن تتخذها (4،3،2،1) يعنى المفروض لو فيه عطل تقعد تجرب كذا طريقة لغاية ما توصل للحل الصحيح يعنى عبارة عن تجارب وليس إعطاء للحل الصحيح والواضح من أول مرة، وعندما تقوم بتجربة هذه الخطوات جميعها بعد أن تكون خربت الموبايل من الممكن أن لا تجدى هذه الخطوات التى شرحها المهندس لإصلاح هذا العطل.




5- لا يوجد فى الكورس فك لأى عدد موبايل ولا يوجد تدريب على طريقة فتح العدد إطلاقاً.




6- التدريب فقط فى الآكاديمية على صيانة تليفونات النوكيا.




7- لا يوجد تنظيم فى جدول المحاضرات للكورس، فهناك فرعين للأكاديمية فى شارع شريف فرع قديم فى 26 شارع شريف وفرع جديد فى 36 شارع شريف، فعندما تذهب للفرع القديم تخبرك السكرتيرة أن الكورس سينعقد فى الفرع الجديد وعندما تذهب للفرع الجديد تقول لك السكرتيرة أن المهندس هيعقد الكورس فى الفرع القديم، وكعب داير على الفرعين طول مدة الكورس.




8- كثير ما يتم إلغاء محاضرات بسبب عقد الحصة المجانية لأستقطاب أعداد جديدة من الدارسين حيث يتم إغراء الراغبين بدعوتهم لحضور حصة مجانية يتم فيها توزيع بورد موبايلات وعمل صيانة عملية لإغراء الدراسين بدخول الكورس، وما دام أنت دفعت ثمن الكورس مش مهم حضرتك تضرب مشوار على الفاضى ويعتذرو لك ويقولك علشان النهاردة القاعات كاملة علشان فيه دعوة لمحاضرة مجانية فالمحاضرة بتاعتك أتلغت.




9- سوء التعامل مع الدارسين بواسطة مهندسين الصيانة حيث يعللون أى تقصير منهم بعدم أستيعاب الدارس وغبائه، ولا يقومون بتوضيح الغامض وغير المفهوم فى الكورس.ويقومون بالرد على الدراسين بطريقة سيئة وكأنك عيل فى ورشة وبتكلم الأسطى بتاعك.




10. التدريب العملى فقط عبارة عن عمل كبارى على البوردة وتركيب ic وفكه وتركيب زرار باور وفكه، ولا يوجد تدريب على تصليح أعطال حقيقية فعبارة عن تدريب فقط على كيفيه التعامل مع ic وفكه وتركيبه وعمل كبارى على البوردة، وطريقة تصليح الأعطال هى نظرية فقط.




11- لا يوجد نظام فى مواعيد المحاضرات فكثيراً ما تبدأ المحاضرة متأخرة عن ميعادها بنصف ساعة وفى أحيان تبدأ متأخرة بساعة كاملة.




12- قاعات التدريس ضيقة وغير مريحة وتكتظ بالدراسين وفى أحيان كثيرة يكون التكييف معطل ومع تشغيل الهوت إير والكاوية والقصدير يصبح الجو فى القاعة لا يطاق، كما تحدث إصابات نتيجة لجلوس الدراسين بجوار بعض فى مكان ضيق نتيجة لتقارب أجهزة الهوت إير والكاويات فيتعرص الدارس للسع فى يده وملابسه.




13- تعتمد الأكاديمية على أن يقوم الدارسين بها بأن يجيبوا موبايلات تحتاج إلى الصيانة لورشة الصيانة فى الأكاديمية وإصلاحها بفلوس، والتدريب العملى فقط ضعيف جداً وتعتمد على أن يجيب الدارس عدة بها عطل ويقوم المهندس بإعطائه إرشادات لكيفية صيانتها.




14- عند انتهاء الكورس يقوم المهندس بطلب أن كل دارس يجيب أسطوانة أو فلاشة لأخذ هدية المهندس وهى أسطوانة الصيانة، حتى الأسطوانة أم 75 قرش مستخصرين يعملوها.




هذه بعض التحذيرات التى أوجهها لكل من يفكر فى أخذ كورس فى هذه الأكاديمية ويشهد الله أن هذا حدث فعلا وخرجنا نحن جميع الدراسين نلعن الحظ الذى أوقعنا بالدراسة فى هذه الأكاديمية بعد أن دفعنا هذا المبلغ دون أستفادة حقيقية.




ونصيحة لكل من يفكر فى تعلم صيانة المحمول أن يقوم بتحميل كتب ودروس من النت ويقوم بالتعلم على بورد قديمة وشراء جهاز الهوت إير والأفو والباور صبلاى وأدوات الصيانة وأن يقوم بتطبيق هذه الدروس عملى فى البيت فهى أفضل استفادة من الدراسة بهذه الأكاديمية، وتمنياتى لكل الأعضاء بالتوفيق والنجاح.

[mman2005]

ارجو من الإدارة ثبيت الموضوع لتحذير أكبر قدر من الأعضاء، وشكراً.

[mman2005]

وأرجو من يقرأ الموضوع أن يترك رد حتى يكون دائماً الموضوع فى المقدمة ليطلع عليه أكبر عدد ممكن.

[montaserco_2008]

إنت مية مية على فكرة

وشكراُ على نصيحتك الغالية

لأنى كنت ناوى أخد كورس فيها

جزاك الله خيراًًُ

وياريت يا جماعة أى واحد يحصلة موقف ذى دة يقولة عشان الناس تاخد بالها

[mustafah82]

هههههههههههههه
جامد اوي الموضوع ده يعني ضحك على الناس والله حرام عليهم ده كده ربنا مش هيوفقهم
ربنا يكون معاك وقول حسبي الله ونعم لوكيل في الفلوس اللي دفعتها دي كلها وهي مش مبلغ صغير

[cobra]

شكراُ على نصيحتك الغالية

[gamalali_25]

ربنا يكرمك ااامييين

[ledomask]

thank u alot

[Walid_KaRaMaT]

السلام عليكم
الاخ صاحب المشكله الجميله
لو كلامك صحيح فعلا زى ما انت بتقول
انت اسمك ايه ؟
كنت بتاخد الدوره مع مين ؟ مين المهندس الى درس ليك الدوره ؟
ثانيا انت بدات الدوره امتى ؟
ثالثا راسلنى على المنتدى هنا علشان احللك مشكلتك الى هيا اساسا ليس لها اى اساس من الصحه بشهاده طلبه كتير جدا موجوده فى الاكاديمه
ولو كلامك صحيح ازاى فى ناس من اول اسبوع فى الدوره بتفتح محلات وبتشتغل كويس وبتصلح الى غيرهم فى السوق من زمن مبيعرفش يصلحه ؟
عموما راسلنى
لانه بمنتهى السهوله انت ممكن تعيد الدوره بالكامل مجانا فى حاله ان انت مفهمتش اى حاجه على كلامه

م- وليد كرامات
مهندس سوفت وهارد فى اكاديميه سموحه

[Walid_KaRaMaT]

بالمناسبه وانا بدور فى النت لقيت حضرتك عامل نفس الموضوع فى منتديات اخرى
واحلى حاجه ان فى طالب رد عليك كان رده كما يلى


================================================== =======
السلام عليكم

انا من الدارسين فى اكادمية سموحه وان شاء الله هتخرج من دورة الهردوير يوم الحد القادم يعنى بكره باذن الله وحبيت اوضح شوية حجات بالنسبه للكلام الى حضرتك بتقولو
1- ثمن كورس صيانة الهارد وير 950 جنيهاً والسوفت وير 750 جنيها.

انا دفعت 1500 لدورة الهرد وير فقط مش 950 جنيه لانى طلبت ان الدوره تكون خاصه يعنى 2 طلاب فقط وانا شايف ان العلم الى اتعلمتو يساوى اكتر من ال 1500 جنيه




2- الهدية المعلن عنها فى إعلانات الأكاديمية لا يتجاوز ثمنها 5 جنيهات (عبارة عن مفك للموبايلات رخيص- لفة قصدير درجة ثالثة- علبة فلكس رديئة- جفت ردئ ينحنى بسرعة من أول أستخدام).




انا لما رحت الاكادمية كان هدفى انى اتعلم مش اخد هديه يعنى مش فرقه هديه ب 5 جنيه او 500 جنيه





3- كل شئ بعد ذلك فى الأكاديمية بفلوس شهادة التخرج بفلوس وعلى حسب نوع الشهادة يرتفع الثمن، إذا كانت الشهادة موثقة من وزارة الخارجية يصل ثمن الشهادة ل 250 جنيها وإذا كانت شهادة عادية من الأكاديمية يصل سعرها ل 20 جنيهاً بالإضافة إلى مخططات الموبايل يتم شرائها من الأكاديمية وكل شئ حتى الملازم يتم إعطائها للدراسين لكى يتم تصويرها وإرجاعها مرة أخرى للمهندس علماً بأن هذه الملازم غير مستوفية الشرح ورديئة جداً ومن كثرة التصوير تصبح غير واضحة الكلام والرسومات التى بها.




ياخى بالله عليك شهاده معتمده من وزارة الخارجيه يعنى معترف بيها فى جميع انحاء الوطن العربى كتير عليها 250 جنيه ؟ !!! وشهاده من جامعة الاسكندريه كتير عليها 160 جنيه تقريبا ؟ والبنسبه للمخططات انتا ممكن تنزل جميع المخططات من على النت يعنى مش لازم تشتريهم وعلى فكره ثمن المخطط بره الاكادميه هوا هوا نفس الثمن داخل الاكادميه
وبالنسبه للملازم ... زى ما ذكرت انا اخت الدوره خاصه يعنى المهندس بيشرح على الورق وبيدينا الورق انا والدارس الى معايه



4- أغلب الشرح نظرى وحفظ والتدريب العملى فقط على بورد موبايلات قديمة، ويقوم المهندس المختص بتحفيظ الدارسين كل عطل خطوات تصليحه نظرى يعنى مثلاً يقول لو الموبايل فيه عطل شبكة الخطوات التى يجب أن تتخذها (4،3،2،1) يعنى المفروض لو فيه عطل تقعد تجرب كذا طريقة لغاية ما توصل للحل الصحيح يعنى عبارة عن تجارب وليس إعطاء للحل الصحيح والواضح من أول مرة، وعندما تقوم بتجربة هذه الخطوات جميعها بعد أن تكون خربت الموبايل من الممكن أن لا تجدى هذه الخطوات التى شرحها المهندس لإصلاح هذا العطل.



انا صلحت فى الاكادميه 6-10 موبيلات كان ومنهم 6600 و 6630 وغيرها وبعدين يا باشا فى مثلا اكتر من 8 اعطال فى دائرة البور انتا عايز الاكادمية توفر 8 مويلات كل موبيل فيه عطل من ال 8 لكل دارس ؟ مش صعب شويه !!!






5- لا يوجد فى الكورس فك لأى عدد موبايل ولا يوجد تدريب على طريقة فتح العدد إطلاقاً.




فى الاكادميه المهندس بيديك 8 جيجا فديو فك وتركيب للجميع اجهزة النوكيا وبعدين فديوهات الفك والتركيب كتير على النت متهيئلى انتا رايح تتعلم ازاى تصلح مش تفك وتركب !!




6- التدريب فقط فى الآكاديمية على صيانة تليفونات النوكيا.


حضرتك من شويه قولت ان فى الاكادمية الشغل نظرى ودلوقتى بتقول ان التدريب على النوكيا فقط؟!!

على اى حال النوكيا زى السامسونج زى الموتورلا الخ... مع بعض اختلافات فى اماكن المكونات



7- لا يوجد تنظيم فى جدول المحاضرات للكورس، فهناك فرعين للأكاديمية فى شارع شريف فرع قديم فى 26 شارع شريف وفرع جديد فى 36 شارع شريف، فعندما تذهب للفرع القديم تخبرك السكرتيرة أن الكورس سينعقد فى الفرع الجديد وعندما تذهب للفرع الجديد تقول لك السكرتيرة أن المهندس هيعقد الكورس فى الفرع القديم، وكعب داير على الفرعين طول مدة الكورس.





انا باخد الدوره فى الفرع الرئيسى بالاسكندريه وعمرى مرحت وقلولى ان مفيش محضره او المحاضره اتلغت .. بالعكس فى بعض الايام كنت بروح متاخر والاقى المهندس والدارس الى معى منطظرين لما انا اجى او لو كان المهندس بداء الشرح كان بيعيد من الاول




8- كثير ما يتم إلغاء محاضرات بسبب عقد الحصة المجانية لأستقطاب أعداد جديدة من الدارسين حيث يتم إغراء الراغبين بدعوتهم لحضور حصة مجانية يتم فيها توزيع بورد موبايلات وعمل صيانة عملية لإغراء الدراسين بدخول الكورس، وما دام أنت دفعت ثمن الكورس مش مهم حضرتك تضرب مشوار على الفاضى ويعتذرو لك ويقولك علشان النهاردة القاعات كاملة علشان فيه دعوة لمحاضرة مجانية فالمحاضرة بتاعتك أتلغت.




محصلتش معايه ولا مره !!



9- سوء التعامل مع الدارسين بواسطة مهندسين الصيانة حيث يعللون أى تقصير منهم بعدم أستيعاب الدارس وغبائه، ولا يقومون بتوضيح الغامض وغير المفهوم فى الكورس.ويقومون بالرد على الدراسين بطريقة سيئة وكأنك عيل فى ورشة وبتكلم الأسطى بتاعك.



والله العظيم بالنسبه للمهندس محمد عاصم الى بيدينى الكورس متفاهم جدا واسلوبه اكثر من رائع وبالو طويل قوى وعمرو مكلمنى بطريقه سيئه بالعكس كان بيتقبل كل الاسئله بصدر رحب .... بس اكيد طباع الناس مش زى بعضه




10. التدريب العملى فقط عبارة عن عمل كبارى على البوردة وتركيب ic وفكه وتركيب زرار باور وفكه، ولا يوجد تدريب على تصليح أعطال حقيقية فعبارة عن تدريب فقط على كيفيه التعامل مع ic وفكه وتركيبه وعمل كبارى على البوردة، وطريقة تصليح الأعطال هى نظرية فقط.



انا عن نفسى صلحت اعطال حقيقيه فى الاكاديمة .. وكل الى درسته فى الاكادميه كنت بخرج اطبقو خارج الاكادمية




11- لا يوجد نظام فى مواعيد المحاضرات فكثيراً ما تبدأ المحاضرة متأخرة عن ميعادها بنصف ساعة وفى أحيان تبدأ متأخرة بساعة كاملة.




بردو دى محصلتش معايه !!




12- قاعات التدريس ضيقة وغير مريحة وتكتظ بالدراسين وفى أحيان كثيرة يكون التكييف معطل ومع تشغيل الهوت إير والكاوية والقصدير يصبح الجو فى القاعة لا يطاق، كما تحدث إصابات نتيجة لجلوس الدراسين بجوار بعض فى مكان ضيق نتيجة لتقارب أجهزة الهوت إير والكاويات فيتعرص الدارس للسع فى يده وملابسه.



والله يا باشا الى عايز يتعلم مش هتفرق معاه ان كان قاعد فى قاعة مكيفه ولا فى عشة فراخ
وزى ما قلت لك انا اخت الدوره خاصه فى ورشة الصيانه وكانت القعده تمام




13- تعتمد الأكاديمية على أن يقوم الدارسين بها بأن يجيبوا موبايلات تحتاج إلى الصيانة لورشة الصيانة فى الأكاديمية وإصلاحها بفلوس، والتدريب العملى فقط ضعيف جداً وتعتمد على أن يجيب الدارس عدة بها عطل ويقوم المهندس بإعطائه إرشادات لكيفية صيانتها.



انا صلحت 3 موبيلات فى الاكادميه والله العظيم مدفعت ولا قرش غير موبلات كتير كنت باجى بيها الاكادميه وكان المهندس بيشخص العطل معايه وكنت بصلحا فى البيت لتوفير الوقت فى الاكادميه للمحاضره






14- عند انتهاء الكورس يقوم المهندس بطلب أن كل دارس يجيب أسطوانة أو فلاشة لأخذ هدية المهندس وهى أسطوانة الصيانة، حتى الأسطوانة أم 75 قرش مستخصرين يعملوها.





هوا فى اسطوانه 8 جيجا ب 75 قرش ؟
على اى حال دى بردو هديه يعنى الراجل مش ملزوم انو يديلك اسطوانه منسوخه

والله العظيم يا جماعه انا دخلت اكادمية سموحه وانا معرفش اى شىء عن الموبيلات
حتى مكنتش اعرف الموديلات وبجد اتعلمت كتير واستفت كتير وتقريبا صلحت جميع الاعطال الى درستها فى الاكادميه وذالك كان بفضل الله ثم مهندس محمد عاصم جذاه الله خير

وبعدين نصيحه لاى واحد عايز يدرس فى اكادمية سموحه او اى مكان اخر انصحك انك تشتغل فى اى مركز او محل صيانه وانتا بتاخد الدوره حتى لو هتشتغل الفتره دى ببلاش

انا بدأت الدوره تقريبا من 18 يوم وفضلى يومين واخلص الدوره

فى الفتره دى انا صلحت اكثر من 20 موبيل خارج الاكادميه
وحوالى 6 او اكثر داخل الاكادميه

وكان الفضل لله ثم مهندس محمد عاصم جذاه الله خيرا

وبعدين يا جماعه على اى حال الدراسه فقط لا تكفى لازم تشتغل فى مجال الصيانه وانتا بتدرس وتحاول تطبق كل الى انتا بتدرسه خارج الاكادمية

وبالنسبه للفلوس الله انا شايف ان العلم ميقدرش بفلوس ... فى ناس كتير علمها فى مجال الصيانه قليل وترفض انها تعلمك حتى لو دفعت 10000 جنيه هذا حقيقى !!!
واقسم بالله العلى العظيم انى مليش اى مصلحه فى الكلام ده بس انا حبيت اوضح الحقيقه
================================================== =======

وفى سؤال مهم جدا لما انت لقيت نفسك فى مشكله فى الدراسه فى الاكاديمه
ليه مكلمتش مع الاداره
ليه مسالتش فين الناس الى بتدير المكان او فين صحابه علشان تشوف حقك الضايع على كلامك ؟؟؟
انت بتقول ان انت اشتغلت واتعلمت على النوكيا
وبعدها على طول بتقول ان انت مستفدتش اى حاجه خالص من المكان
ازاى ؟ هوا ده كلامه يعقله حد
والى بيعرف يقرا بيعرف يفهم الكلام الى بيقراه

حاجه تانيه ايه الفرق ما بين القاهره والاسكندريه وطنطا وبورسعيد واسيوط
كلهم فروع لمكان واحد
والى الناس بتتعلمه فى فرع بيتعلمه باقى الناس فى باقى الفروع لانه نفس المنهج الى كل المهندسين الى فى الاكاديمه بيشتغلو عليه
وياريت يكون منهج بس الى بنعلمه للناس
احنا بنعلم الناس خبره سنسن فى المجال ده مش علم بس
ومش معنى ان انت مقدرتش تفهم جزئيه فى الدوره ان انت مفهمتش الدوره كلها لان على كلامك ان انت فعلا صلحت بعض الاجهزه
لو كلامك فيه اى نسبه صحه
ازاى احنا موجودين ومستمرين فى مجال تدريس صيانه المحمول والدش والمازر بورد من سبع سنين
خرج من الاكاديمه اكتر من 6000 طالب
خرج من الاكاديمه اكتر من 6000 ابن للمكان ؟؟


بالنشبه الى الاسعار الى انت بتكلم عليها
لما انت بتتصل فى التليفون قبل ما تيجى الاكاديمه السكرتاريه بترد عليك وتقولك الاسعار بالتفصيل !!
وبمجرد ما بتدخل من باب الاكاديمه فى اى فرع من الفروع بتلاقى لوحه معلقه عليها كافه الاسعار الخاصه بالدورات وبيانات تفصيليه عن الدورات المختلفه فى الاكاديمه يعنى موضوع ان انت تفاجأ بالاسعار غير صحيح بالمره

وارجع واقولك مره تانيه انت ليه مكلمتش مع الاداره فى الاكاديميه ؟؟؟؟؟؟
ليه مطلتش تتكلم مع اى حد مسئول عن اداره المكان ؟؟؟؟؟

كمان انت ازاى اتخرجت ؟؟؟ انت قبل ما تخلص الدوره او تتخرج
بتمضى على بيان تخرج مكتوب فيه انت انت صلحت بايدك اجهزه واستفدت من المكان ازاى اتخرج ومضيت على بيان التخرج وخلصت الدوره ؟؟؟؟؟

وبالنسبه الى الهدايا الى انت بتكلم عليها
تظن انى وانا بعلمك هاقولك هات معدات للشغل علشان اشغلك بيها ؟؟لا حبيبى احنا بنديك معدات تشتغل بيها علشان لما تهلكها وتبوظ منك ميبقاش تكلفه عليك رغم ان تكلفتها ولا شىء

ومن امتا فنى صيانه بيجيب علبه فلكس او جفت او مفك يشتغل بيهم ويفضل شغال بيهم طول عمره ؟؟
كل فتره بتجيب عده تانيه ومعدات تانيه
وكمان هوا فى حد بيقول انا مش هاوز اخد هديه قيمتها كذا او يحدد قيمه الهديه ؟؟؟؟
بالنسبه الى المخططات الى بتكلم عليها الاسعار الموجوده فى الاكاديمه ليها اقل من سعر السوق بره ومحدش بيقولك انت لازم تشتريها او هاضربك سلعه موجوده فى المكان عاوز تشتريها اشتريها مش عاوز محدش بيغصبك
كمان مهندس الهارد الى معاك بيقولك هاتلى فلاشه علشان انسخلك عليها المخططات وبعض الصور التوضيحيه حجم الملفات الى بتاخدها تقارب ال 8 جيجا لو عاوز تشتريهم من السوق على مخططات شوف هاتدفع كام علشان تاخدهم من السوق بره وده اذا كمان لقيتهم بنفس الانواع الى المهندس بيدهالك لانك بتاخد المخططات منه لاى احدث انواع الموبيل الموجوده فى السوق وحتى الى مش موجوده فى مصر اساسا او لسه منزلتش عندنا عارف ليه ؟؟؟
علشان تبقى جاهز انك تشتغل فى اى موديل ينزل جديد حتى لو مكنتش شوفته قبل كده وكمان ملفات الفيديو الخاصه بالفك والتركيب لاغلب انواع الموبيل وشرح تفصيلى ليها
جرب تسال على الحاجه ديه بس وانت تعرف انت بتاخد فعلا هدايا بقيمه ايه !!!!!!!!!!!
يمكن على حسب معرفتك او اسلوبك فى الحياه انت بتعمل كده ولكن الحياه والواقع غير كده خالص

كمان انت ناسى حاجه مهمه جدا ان احنا الجهه الوحيده فى مصر الى بتقدر تخرج منها رخصه مزاوله مهنه خاصه بصيانه الموبيل !!!!!!!! ومعتمده من الوزاره
علشان تكتب فى البطاقه بتاعتك فنى صيانه محمول فى خانه المهنه لازم تدخل من باب اكاديميه سموحه فى الاول
لو كلامك صحيح ازاى تم اعتمادنا الجهه الوحيده الى تقدر تؤهلك للحصول على الرخصه الفنيه ؟؟

انت بتقول ان انت عرفت معلومات متساويش المبلغ الى انت دفعته مش كده ؟
لو جالك تليفون فاصل باور وصلحته وكان موديله عالى هاتاخد فيه مبلغ 10جنيه ؟
لو فعلا انت بتعمل كده تبقى ديه مشكله عندك انت مش من معلومه انت متعرفهاش
زى بعض الناس الى قابلتهم وبيشتغلو صيانه قامو بتصليح جهاز N73 فاصل باور وحاسب صاحبه 3جنيه !!!
هوا هنا المعلومه الى اشتغل بيها متسواش المبلغ الى دفعه ولا هوا الى مش عارف يقول كام للعميل لانه مستهتر بالمعلومه ؟؟؟؟

واكرر تانى انت ليه مكلمتش مع الاداره ؟؟؟؟؟؟؟؟؟ ليه مطلبتش حقك من الاداره ؟؟ ليه مقولتش ان انت مقدرتش تفهم من المحاضرات

فى كل فرع موجود بجوار الباب صندوق معلق مكتوب عليه بخط كبير وواضح لكل من يراه
---- شكاوى ومقترحات -----
ليه مستخدمتش الصندوق ده ؟؟؟ مع العلم انه بيفتح كل يوم لمراجعه محتوياته واذا تواجد فيه اى شىء بيتم حلها فى خلال 24 ساعه كحد اقصى !!!

قبل ما تظلم حد فكر كويس وراجع نفسك
ابعد عن الظلم ابعد عن الظلم
حاسب نفسك قبل انت تحاسب

م- وليد كرامات
مهندس سوفت وير وهارد وير فى اكاديميه سموحه لتعليم الصيانه

[Morphixx]

طيب بما يرضي الله انا مليش اي علاقة بأي طرف من الطرفين و لكن .......

ياباشمهندس وليد ... يعني انتا عامل عضوية مخصوص عشان ترد علي الراجل في المنتدي هنا ؟؟

و طبعا الدليل ان عدد مشاركاتك اتنين بس اللي هما في الموضوع هنا و كمان تاريخ التسجيل نوفمبر 2008 !!

وبعدين أزاي اصلا وصللك ان فيه كلام علي شركتك ؟؟؟؟

طب وليه متكونش فرقعة في الهوا بغرض الشهرة لشركتك و يكون كل اللي حصل ده تمثيليه ؟؟؟؟

شوفتوا بقي المواضيع دي بتوصل الواحد لدرجة شك في كل شيء اد ايه ؟

خلاصة الكلام :

في يوم من الايام انا اخدت كورس صيانة موبايل و الكلام ده ييجي من 5 سنين تقريبا و اتدربت علي

Dct3 و Dct 4 وطبعا مش في اكاديمية سموحة كنت في مكان تاني ، فلاقيت أن أحسن الطرق فعلا

أنك تمارس الشغل عملي و بأيدك ولو معملتش كدة أقعد في بيتك و وفر فلوسك احسن بلا 2000 بلا 3000

[mman2005]

وفى سؤال مهم جدا لما انت لقيت نفسك فى مشكله فى الدراسه فى الاكاديمه
ليه مكلمتش مع الاداره
ليه مسالتش فين الناس الى بتدير المكان او فين صحابه علشان تشوف حقك الضايع على كلامك ؟؟؟
انت بتقول ان انت اشتغلت واتعلمت على النوكيا
وبعدها على طول بتقول ان انت مستفدتش اى حاجه خالص من المكان
ازاى ؟ هوا ده كلامه يعقله حد
والى بيعرف يقرا بيعرف يفهم الكلام الى بيقراه

حاجه تانيه ايه الفرق ما بين القاهره والاسكندريه وطنطا وبورسعيد واسيوط
كلهم فروع لمكان واحد
والى الناس بتتعلمه فى فرع بيتعلمه باقى الناس فى باقى الفروع لانه نفس المنهج الى كل المهندسين الى فى الاكاديمه بيشتغلو عليه
وياريت يكون منهج بس الى بنعلمه للناس
احنا بنعلم الناس خبره سنسن فى المجال ده مش علم بس
ومش معنى ان انت مقدرتش تفهم جزئيه فى الدوره ان انت مفهمتش الدوره كلها لان على كلامك ان انت فعلا صلحت بعض الاجهزه
لو كلامك فيه اى نسبه صحه
ازاى احنا موجودين ومستمرين فى مجال تدريس صيانه المحمول والدش والمازر بورد من سبع سنين
خرج من الاكاديمه اكتر من 6000 طالب
خرج من الاكاديمه اكتر من 6000 ابن للمكان ؟؟


بالنشبه الى الاسعار الى انت بتكلم عليها
لما انت بتتصل فى التليفون قبل ما تيجى الاكاديمه السكرتاريه بترد عليك وتقولك الاسعار بالتفصيل !!
وبمجرد ما بتدخل من باب الاكاديمه فى اى فرع من الفروع بتلاقى لوحه معلقه عليها كافه الاسعار الخاصه بالدورات وبيانات تفصيليه عن الدورات المختلفه فى الاكاديمه يعنى موضوع ان انت تفاجأ بالاسعار غير صحيح بالمره

وارجع واقولك مره تانيه انت ليه مكلمتش مع الاداره فى الاكاديميه ؟؟؟؟؟؟
ليه مطلتش تتكلم مع اى حد مسئول عن اداره المكان ؟؟؟؟؟

كمان انت ازاى اتخرجت ؟؟؟ انت قبل ما تخلص الدوره او تتخرج
بتمضى على بيان تخرج مكتوب فيه انت انت صلحت بايدك اجهزه واستفدت من المكان ازاى اتخرج ومضيت على بيان التخرج وخلصت الدوره ؟؟؟؟؟

وبالنسبه الى الهدايا الى انت بتكلم عليها
تظن انى وانا بعلمك هاقولك هات معدات للشغل علشان اشغلك بيها ؟؟لا حبيبى احنا بنديك معدات تشتغل بيها علشان لما تهلكها وتبوظ منك ميبقاش تكلفه عليك رغم ان تكلفتها ولا شىء

ومن امتا فنى صيانه بيجيب علبه فلكس او جفت او مفك يشتغل بيهم ويفضل شغال بيهم طول عمره ؟؟
كل فتره بتجيب عده تانيه ومعدات تانيه
وكمان هوا فى حد بيقول انا مش هاوز اخد هديه قيمتها كذا او يحدد قيمه الهديه ؟؟؟؟
بالنسبه الى المخططات الى بتكلم عليها الاسعار الموجوده فى الاكاديمه ليها اقل من سعر السوق بره ومحدش بيقولك انت لازم تشتريها او هاضربك سلعه موجوده فى المكان عاوز تشتريها اشتريها مش عاوز محدش بيغصبك
كمان مهندس الهارد الى معاك بيقولك هاتلى فلاشه علشان انسخلك عليها المخططات وبعض الصور التوضيحيه حجم الملفات الى بتاخدها تقارب ال 8 جيجا لو عاوز تشتريهم من السوق على مخططات شوف هاتدفع كام علشان تاخدهم من السوق بره وده اذا كمان لقيتهم بنفس الانواع الى المهندس بيدهالك لانك بتاخد المخططات منه لاى احدث انواع الموبيل الموجوده فى السوق وحتى الى مش موجوده فى مصر اساسا او لسه منزلتش عندنا عارف ليه ؟؟؟
علشان تبقى جاهز انك تشتغل فى اى موديل ينزل جديد حتى لو مكنتش شوفته قبل كده وكمان ملفات الفيديو الخاصه بالفك والتركيب لاغلب انواع الموبيل وشرح تفصيلى ليها
جرب تسال على الحاجه ديه بس وانت تعرف انت بتاخد فعلا هدايا بقيمه ايه !!!!!!!!!!!
يمكن على حسب معرفتك او اسلوبك فى الحياه انت بتعمل كده ولكن الحياه والواقع غير كده خالص

كمان انت ناسى حاجه مهمه جدا ان احنا الجهه الوحيده فى مصر الى بتقدر تخرج منها رخصه مزاوله مهنه خاصه بصيانه الموبيل !!!!!!!! ومعتمده من الوزاره
علشان تكتب فى البطاقه بتاعتك فنى صيانه محمول فى خانه المهنه لازم تدخل من باب اكاديميه سموحه فى الاول
لو كلامك صحيح ازاى تم اعتمادنا الجهه الوحيده الى تقدر تؤهلك للحصول على الرخصه الفنيه ؟؟

انت بتقول ان انت عرفت معلومات متساويش المبلغ الى انت دفعته مش كده ؟
لو جالك تليفون فاصل باور وصلحته وكان موديله عالى هاتاخد فيه مبلغ 10جنيه ؟
لو فعلا انت بتعمل كده تبقى ديه مشكله عندك انت مش من معلومه انت متعرفهاش
زى بعض الناس الى قابلتهم وبيشتغلو صيانه قامو بتصليح جهاز N73 فاصل باور وحاسب صاحبه 3جنيه !!!
هوا هنا المعلومه الى اشتغل بيها متسواش المبلغ الى دفعه ولا هوا الى مش عارف يقول كام للعميل لانه مستهتر بالمعلومه ؟؟؟؟

واكرر تانى انت ليه مكلمتش مع الاداره ؟؟؟؟؟؟؟؟؟ ليه مطلبتش حقك من الاداره ؟؟ ليه مقولتش ان انت مقدرتش تفهم من المحاضرات

فى كل فرع موجود بجوار الباب صندوق معلق مكتوب عليه بخط كبير وواضح لكل من يراه
---- شكاوى ومقترحات -----
ليه مستخدمتش الصندوق ده ؟؟؟ مع العلم انه بيفتح كل يوم لمراجعه محتوياته واذا تواجد فيه اى شىء بيتم حلها فى خلال 24 ساعه كحد اقصى !!!

قبل ما تظلم حد فكر كويس وراجع نفسك
ابعد عن الظلم ابعد عن الظلم
حاسب نفسك قبل انت تحاسب

م- وليد كرامات
مهندس سوفت وير وهارد وير فى اكاديميه سموحه لتعليم الصيانه

يا بش مهندس وليد أنا هرد عليك بإختصار شديد جداً.

أولاً:- كل نقطة أنا ذكرتها فى موضوعى دى يشهد الله أنها حصلت فعلاً.
ثانياً:- يظهر أن حضرتك مقرتشى مشاركتى كويس ومقدرتش تفهم كلامى..... أنا مقلتش أنى مفهمتش.... لأننا ما أخدناش كم كبير من المعلومات أساساً، المشكلة أساساً أن عندكم مفيش تدريب على أعطال حقيقية... الأعطال بتتاخد نظرى والعملى عندكم عبارة عن فك أى سى وتركيب أى سى وعمل كبارى فقط

المشكلة يا باش مهندس أن مفيش تدريب على فك عدد ومفيش تدريب على أعطال حقيقية... بالإضافة إلى السلبيات الأخرى المتمثلة فى سوء الإدارة بالنسبة لمواعيد المحاضرات ومكانها فلم أحضر محاضرتين متتاليتين فى مركز واحد... كعب داير على المركزين الى فى شارع شريف طول مدة الكورس... والكورس كان بيبدأ كل يوم متأخر عن ميعاده... بالإضافة أن ساعات كان بيتلغى المحاضرة علشان القاعات مليانه بالناس بتوع المحاضرة المجانية الى بتغروا فيها المتقدمين أنهم يخدوا الكورس فى الأكاديمية وما دام إحنا دفعنا الفلوس مش مهم نضرب دماغنا فى الحيطة سهل جداً أننا نروح نضرب مشوار على الفاضى ونلاقى المحاضرة أتلغت.

لما تلاقى نظام التدريس بالأكاديمية بالشكل ده هتشتكى لمين إذا كان ده المنهج بتاعكم فى التدريس.. العملى عبارة عن لحامات على البوردة والأعطال عبارة عن كلام نظرى....

الحكاية أنى مش خرجت الكورس مش فاهم ومطلوب منى أنى أعيد الكورس تانى مجانى عندكم زى ما بتقول

المشكلة أن مفيش تدريب على أعطال حقيقية عندكم بالإضافة للسلبيات اأخرى التى ذكرتها..... هل تعلم أن 12 دائرة فرعية أخذناها فى حصتين منهم 7 دوائر فرعية أخذناها نظرى فقط فى حصة.

أزاى أخد 7 دوائر فرعية نظر فى محاضرة واحدة
كاميرا وبلوتوث وراديو وشاشة وبيانات وغيرها فى محاضرة واحدة نظرى؟؟؟

هل 7 دوائر فرعية تتاخد نظرى فى حصة واحدة ولم نقم بالتدريب العملى على اى منها لكى أصلح عطل كاميرا أو بلوتوث؟؟؟

ازاى هخد 7 دوائر فرعية فى حصة نظرى ولما يجيلى عطل فيهم ازاى أقدر أتعامل معاه أساسا... ده أن نستهم بمجرد خروجى من الكورس



وده مش رأيى لوحدى ده رأى المجموعة كلها الى كانت بتددرس وعددهم 14 فرد وفيه منهم ناس فاتحة محلات وشغالة ولغاية أخر يوم كانوا مش عارفين يصلحو الأعطال غير أنه يركبوا زرار باور أو يسخن على بى أف وتيجى معاه بالصدفة عطل الشبكة يتصلح.... لكن أعطال حقيقية وكبيرة مفيش حد خرج بيعرف يصلح.

وبعدين يا راجل مفيش فى الأكاديمية بوردة واحدة أو مخطط واحد خارج نطاق نوكيا

وأخيرا فأنا الذى أقول لحضرتك والأكاديمية أتقوا الله فأن الظلم ظلمات يوم القيامة.

[katymtaty]

اخي العزيز انا احد خريجين اكاديميه سموحه درست بها في فرع الاسكندريه و تخرجت منها و الحمدلله و انا الان اعمل في مجال صيانه الموبايل بنجاح و لو في اي عطل وقف معايا بروح للاكاديميه و بسأل اي مهندس عن العطل اللي في الجهاز و بصراحه الراجل بيتفضل مشكور و بيوريني العطل و يعرفني ازاي اصلحه

اما بالنسبه للكلام اللي انت كاتبه
انا اولا متخرج من فرع اسكندريه معرفش باقي الفروع بتاعتها بصراحه مهندسينها ازاي بس انا بتكلم بكل امانه عن الاكاديميه و الله علي ما اقول شهيد و انا مليش مصلحه في كده انا بتكلم بكل امانه

في الاول انت بتتكلم عن سعر الدوره 950 للهارد و السوفت وير 750
انا اخدت دوره الهارد وير في الاكاديميه و الحمد لله انا شايف ان فعلا سعر الدوره كده كويس بس بصراحه كل اللي اخدته مايساويش السعر ده لاني لما اشتغلت باللي اخدته من الدوره الحمدلله عرفت اجيب تمن الدوره و لما كنت في الاكاديميه بدرس هناك كان بيجيلي اجهزة من صحابي و كنت بروح بيها الاكاديميه و كان المهندس بيصلحها قدامي من غير ما ياخد مني فلوس غير كده و كده كان بيقولي ازاي اصلح العيب اللي في التليفون و اذا معرفتش اعمله كان بيعملوا قدامي و بعدين لو انت كنت شايف ان سعر الدوره غالي اخدتها ليه ده علي ردك الاولاني

بالنسبه للهديه اللي انت بتتكلم عنها الهديه بقيمتها يا غالي مش بسعرها كفايه انهم قدرونا و ادونا الحاجه اللي ممكن نتعلم بيها في الاكاديميه و اصلا الحاجه اللي بتتكلم عنها دي اصلا بتبوظ بسرعه فلازم يكون عندك منها كتير و كل واحد بيشتغل بالعده اللي تريحوا ولا ايه رأيك ؟؟؟

أما بالنسبه للشهادات اللي بتتكلم عنها انا شايف فعلا ان سعر الشهادات دي مناسب لسبب
اول حاجه انت بتاخد شهاده معتمده من وزارة الخارجيه يعني لو جالك شغل في اي مكان شهاده اكاديميه سموحه شهاده معتمده تقدر تشتغل بيها في اي مكان في الوطن العربي و غير كده و كده شهاده الاكاديميه علي الاقل دي شهاده معروفه في معظم انحاء مصر لان الاكاديميه دي فعلا اكاديميه محترمه لازم تحافظ علي مستواها و لازم يكون ليها سعر في شهادتها
و بعدين انا عايز اسألك سؤال لو انت رحت اي مصلحه حكوميه تعمل شغل فيها او تطلع اي ورقه انت عايزها مش بتدفع فلوس علشان تخلص نفسك ولا لا ؟؟؟؟

أما عن المحاضرات بصراحه انا محاضراتنا كان بيكون الجزء النظري فيها بسيط و طول المحاضره كنا بنشتغل في الموبايلات اللي في الاكاديميه او بنكون جايبن معانا موبايلات لان بصراحه الاكاديميه مش هتعرف توفرلنا كل انواع الموبايلات اللي ممكن نقابلها او نشوفها في الشغل العملي و غير كده و كده وانا في الاكاديميه صلحت حوالي 6 اجهزة من انواع مختلفه 6600 - 3250 - 1100 - n70 - 6630 – 6080
و بصراحه المهندس اللي كنت باخد معاه الدوره كتر خيره كان بيرد علي اسألتنا كلنا بلا استثنا من حد و الحمد لله انا بحب المهندس ده بصراحه لان فعلا اتعلمت من كتير و استفدت منه كتير ربنا يباركله

أما بالنسبه للتنظيم في الاكاديميه بصراحه انا كنت باجي بدري علشان متأخرش عن معادي و كنت بدخل محاضراتي في ميعادها و الي كان بيتأخر المهندس مكنش بيدخلوا في نص المحاضره علشان بعد كده ميتأخرش و علي فكره الموضوع ده حصل معايا مره و من بعدها انا مكونتش بتأخر خالص لان ده احترام لمواعيد الاكاديميه و قدرت موقف المهندس لان لو كان استني عقبال ما اجي و ادخل كان هيعطل ال 14 فرد اللي موجودين معايا و لو كل واحد اتأخر هيستناه يبقي المحاضره هتشتغل بعد ماعدها بساعه و عمره ما لغي محاضره في الكورس بتاعنا لان المهندسين دي فعلا بتقدر الوقت اللي بيشتغلوا فيه و بتقدر سمعت الاكاديميه

اما عن القاعات اللي عايز يفهم و اللي عايز يتعلم مش هتفرق معاه المكان ضيق ولا واسع المهم انك تفهم
ولا ليك رأي تاني اللي عايز يتعلم بيتعلم و يفهم حتي لو كان هيفضل واقف غير كده القاعه اللي كنا فيها في الاكاديمه كانت قاعه مكيفه وكانت كويسه جدا مش واسعه ولا ضيقه كانت مظبوطه علي العدد بتاع الكورس

و بعدين انت بتتكلم علي اسطوانه علشان تاخد فيها حاجات انت هتستفيد بيها و تشتغل بيها ياراجل حرام عليك انت مش بتقدر اللي بيقف ادامك ده بيكون عامل ازاي هو انت علشان دفعت فلوس عايز تاخد بيها اي حاجه و خلاص

و بصراحه انا عندي صحابي كانوا شايفني و انا رايح الاكاديميه و كانوا بيتريقوا عليا بس من بعد ما اتخرجت و فتحت المحل منهم واحد راح الاكاديميه وعرف اني بتكلم صح و هو دلوقتي خلاص قرب يخلص الدوره بتاعته و الحمدلله شغال معايا في المحل
وعلي فكره انا رايح الاكاديميه تاني علشان اخد دوره السوفت وير لاني فعلا محتاج اخد الدوره دي علشان اكمل المحل بتاعي و ميكونش ناقصني حاجه في الموبايل و ابدأ احاول اني اطور نفسي فيه اكتر و اكتر
و الله علي ما اقول شهيد انا مش مع الاكديميه ولا حاجه انا بس حبيت اوضح للناس اللي حصل معاي و دي تجربتي في الاكاديميه و الحمد لله انا شغال في الموبايل زي الفل و كل يوم بعرف عطل جديد و ده كله بفضل ربنا و المهندس اللي اداني الكورس ده

تحياتي لكم

[katymtaty]

علي فكره انا كنت بدور في المواقع و لقيت المشاركه دي لقيت نفسي مسجل في المنتدي قلت ادخل اشارك معاكم لان فعلا الناس دي تعبت معايا كتير و اتعلمت منه كتير و بصراحه من الناس اللي تقف جنب الطلبه بتاعتهم
ولازم الواحد يقول الحق في اللي شافه منهم لانهم ناس محترمه جدا
تحياتي لكم

[mman2005]

علي فكره انا كنت بدور في المواقع و لقيت المشاركه دي لقيت نفسي مسجل في المنتدي قلت ادخل اشارك معاكم لان فعلا الناس دي تعبت معايا كتير و اتعلمت منه كتير و بصراحه من الناس اللي تقف جنب الطلبه بتاعتهم
ولازم الواحد يقول الحق في اللي شافه منهم لانهم ناس محترمه جدا
تحياتي لكم

هههههههههههههههه واضح جداً أن كل مهندسين الأكاديمية سجلوا مخصوص علشان الموضوع بتاعى.... على العموم أن حذرت الأعضاء منكم ... ويمكن لأى عضو عايز يتأكد من كلامى أنه يسأل الناس الى أخذو الدورة.... أو أعملوا موضوع عن أكاديمية سموحة على أحد المنتديات الخاصة بالمحمول ونشوف رأى الناس....

يا جماعة والله العظيم السلبيات دى حصلت معايا ومع المجموعة ... الأكاديمية هدفها الاول الربح بغض النظر عن إستفادة الدراسين....

وبعدين موضوع الهدية ده مش مهم المهم الإستفادة... لكن الأكاديمية تتلاعب بالألفاظ جيداً... فهم يجيدون التلاعب بالألفاظ .... فى إعلانات الأكاديمية يعلنون بأنك ستتسلم أدوات الصيانة.... إلى ثمنها 5 جنيه طبعاً كل الناس إلى رايحه الكورس مفكرة أنها هتتسلم أدوات صيانة محترمة... القصدير نوعه ردئ جداً مش بيلحم كويس والفلكس زبالة والجفت بينتى من أول إستخدام والمفك من العادى.... كان الأولى بالأكاديمية إلا تتلاعب بالألفاظ وتذكر هذه الهدية فى إعلاناتها... وعندما تسأل هل هذه أدوات الصيانة... يقولولك هناك إحنا قلنا أدوات الصيانة وليس أجهزة الصيانة.... فهم يجيدون التلاعب جيداً بالألفاظ...

نسبنا من موضوع أدوات الصيانة.....

حضرتك بتقول صلحت 6 اجهزة من انواع مختلفه 6600 - 3250 - 1100 - n70 - 6630 – 6080

لو حضرتك جايبهم من عندك هقولك جايز... لكن لو هتقولى الأكاديمية وفرتلك الأجهزة دى سورى هقولك أنت كداب لأنها لم توفر إلا جهاز واحد نوكيا 1112 فى الإمتحان العملى لإصلاحه.

وبعدين يا سيدى أنا فرد عادى مش عندى محل أجيب منين عدد أصلحها أمال أنا جاى الأكاديمية ليه مش علشان توفرى عدد بها الأعطال.... ومش طالب كل العدد أنا طالب بس الأعطال الى درسناها نظرى تتطبق عملى على أى عدة أنشاالله 3310 بس أصلح عليها عطل شبكة وعطل باور وعطل شحن... وعدة 6600 أصلح عليها أعطال الكاميرا والبلوتوث والدوائر الفرعية..

إلى يتكلم يتكلم بعقل شوية علشان الناس مش أغبية وفيه مئات خرجوا من الأكاديمية بيلعنوا اليوم الى درسوا فيها هناك... وإلى عايز يتأكد هيلاقى ناس كثير درست هناك وهتذكر السلبيات دى وأكثر منها.

[katymtaty]

هههههههههههههههه واضح جداً أن كل مهندسين الأكاديمية سجلوا مخصوص علشان الموضوع بتاعى.... على العموم أن حذرت الأعضاء منكم ... ويمكن لأى عضو عايز يتأكد من كلامى أنه يسأل الناس الى أخذو الدورة.... أو أعملوا موضوع عن أكاديمية سموحة على أحد المنتديات الخاصة بالمحمول ونشوف رأى الناس....

يا جماعة والله العظيم السلبيات دى حصلت معايا ومع المجموعة ... الأكاديمية هدفها الاول الربح بغض النظر عن إستفادة الدراسين....

وبعدين موضوع الهدية ده مش مهم المهم الإستفادة... لكن الأكاديمية تتلاعب بالألفاظ جيداً... فهم يجيدون التلاعب بالألفاظ .... فى إعلانات الأكاديمية يعلنون بأنك ستتسلم أدوات الصيانة.... إلى ثمنها 5 جنيه طبعاً كل الناس إلى رايحه الكورس مفكرة أنها هتتسلم أدوات صيانة محترمة... القصدير نوعه ردئ جداً مش بيلحم كويس والفلكس زبالة والجفت بينتى من أول إستخدام والمفك من العادى.... كان الأولى بالأكاديمية إلا تتلاعب بالألفاظ وتذكر هذه الهدية فى إعلاناتها... وعندما تسأل هل هذه أدوات الصيانة... يقولولك هناك إحنا قلنا أدوات الصيانة وليس أجهزة الصيانة.... فهم يجيدون التلاعب جيداً بالألفاظ...

نسبنا من موضوع أدوات الصيانة.....

حضرتك بتقول صلحت 6 اجهزة من انواع مختلفه 6600 - 3250 - 1100 - n70 - 6630 – 6080

لو حضرتك جايبهم من عندك هقولك جايز... لكن لو هتقولى الأكاديمية وفرتلك الأجهزة دى سورى هقولك أنت كداب لأنها لم توفر إلا جهاز واحد نوكيا 1112 فى الإمتحان العملى لإصلاحه.

وبعدين يا سيدى أنا فرد عادى مش عندى محل أجيب منين عدد أصلحها أمال أنا جاى الأكاديمية ليه مش علشان توفرى عدد بها الأعطال.... ومش طالب كل العدد أنا طالب بس الأعطال الى درسناها نظرى تتطبق عملى على أى عدة أنشاالله 3310 بس أصلح عليها عطل شبكة وعطل باور وعطل شحن... وعدة 6600 أصلح عليها أعطال الكاميرا والبلوتوث والدوائر الفرعية..

إلى يتكلم يتكلم بعقل شوية علشان الناس مش أغبية وفيه مئات خرجوا من الأكاديمية بيلعنوا اليوم الى درسوا فيها هناك... وإلى عايز يتأكد هيلاقى ناس كثير درست هناك وهتذكر السلبيات دى وأكثر منها.



يا استاذي الفاضل انا بقولك انا متخرج من الاكاديميه مش مهندس فيها و بعدين مهندسين اكاديميه سموحه اللي ادربت علي ايديهم مش هيهزهم اي كلام ممكن يتكتب عنهم ده اصلا هيفدهم لان انت كده بتعملهم شغل لان كلامك مش صريح عارف ليه
لان انت بتقول انك اتعلمت منهم و بعدين ممكن العيب يكون فيك انت مش في المهندس اللي ادالك الدوره ده اولا

اما علي ردك انا الاكاديميه في فرع اسكندريه و فرتلي جهازين 6600 و 6630 اما باقي الاجهزة انا الي جبتها معايا
و بعدين انا عايز اسألك سؤال واحد هو اللي هيجيب من الاخر و خلاصه القول احسن من المهاترات اللي انت عمال تكتبها و تذم في ناس علمتك حاجه تعرف تشتغل بيها
انت ليه مدخلتش للاداره علشان تشتكي من سؤ معامله المهندس انت و زمايلك ؟
انا حضرت واقعه في فرع اسكندريه و شوفتها بعيني صاحب الاكاديميه سحب مجموعه كامله من مهندس و خلي مهندس جديد يبدأ معاهم علشان حس بس ان الناس مش فاهمه من المهندس التاني عارف ليه
لان الناس دي محترمه و بتقدر الطلبه اللي عندهم في الاكاديميه و عايزينهم يكونوا حاجه و سط الحيتان الموجوده في السوق انت بتتعلم من مهندسين خبره في شغلهم و بيعرفوا يصلحوا اي عيب في اي جهاز موبايل و ده شرف ليهم ان و احد من الطلبه هو اللي يدافع عنهم و خلي بالك ربنا مش هيسيبك تذم فيهم كتير و ان شاء الله ربنا هيظهر الحق و هتعرف ان الناس دي ناس محترمه جدا و بتحافظ علي شغلهم

و ياريت يا جماعه اي حد درس في اكاديميه سموحه في اي فرع هيشوف الموضوع ده ياريت يتفضل مشكور انه يسجل في المنتدي و يقولنا بكل صراحه ايه اللي حصل معاه في الاكاديميه و هو استفاد منها ولا لا ؟
تحياتي للجميع و انا في انتظار ردك

[eng yasser]

تحذير من أكاديمية بدر:

[eng yasser]

تحذير من أكاديمية بدر:
لتعليم صيانة الحاسب

[esmail011]

ياااااااااااااااااه كلام كتير قوي اتقال
استوقفني الموضوع وشد انتباهي لاني كنت ناوي اقدم في الاكاديميه علشان اتعلم صيانه مازربورد ولقيت اراء كتير مكتوبه كل رأي بيفند الرأي الاخر طبعا الاستاذ man 2005 شايف ان ضميره بيحتم عليه انه يكتب عن اللي شافه في الاكاديميه بصراحه وده حقه لانه دفع فلوس وبيطالب بالمقابل وهو العلم والمهندس وليد بيفند كلامه ويتهمه بالكذب لانه بيشتغل في الاكاديميه وبياكل منها عيش وده حقه وجاب له دليل علي صحه كلامه وهو الاخ اللي دفع في الدوره (المخصوصه او الخاصه علي حسب كلامه 1500 جنيه ) وانه اتعلم كويس وان المهندسين اللي في الاكاديميه بيشرحوا كويس وبيراعوا ضمايرهم ...الخ وطبعا هو اتعلم كويس والمهندسين كانوا بيشرحوا له كويس لانه دفع 1500 جنيه (دوره خاصه ) ذي المدرس ما بيشرحش كويس الا في الدرس (الخصوصي) وطبعا قال ان الدوره كان فيها فردين فقط ..يعني كان مستريح في كل شيئ من ناحيه الشرح والقاعات والزحمه .... الخ لانها طبعا دوره سوبر مش عاديه زي دورتك ! المهـــــــــــــــــــــــم لي ملاحظتين علي الموضوع :-
1-ان المهندس وليد طلب منك يا اخ man 2005 انك تراسله علي الموقع وهو هايحل لك مشكلتك وطلب منك بعض المعلومات عن الدوره اللي كنت فيها فياريت لو كلامك حقيقي وعندك شجاعه ادبيه تراسله وتقوله علي المعلومات دي ونشوف هايحل لك مشكلتك ولا لأ .
2- بالنسبه للمهندس وليد ياتري لو الاخ man 2005 حقق لك طلبك وراسلك وزودك بالمعلومات اللي انت طلبتها هاتقدر تعمل له حاجه من باب الاخلاص في القول والعمل ... ياريت لانك لو عملت كده هاتخليه هو من نفسه يسحب كلامه السباق ويذكر الاكاديميه ومهندسيها بكل خير ..... واخيرا تحياتي للجميع

[mman2005]

ياااااااااااااااااه كلام كتير قوي اتقال
استوقفني الموضوع وشد انتباهي لاني كنت ناوي اقدم في الاكاديميه علشان اتعلم صيانه مازربورد ولقيت اراء كتير مكتوبه كل رأي بيفند الرأي الاخر طبعا الاستاذ man 2005 شايف ان ضميره بيحتم عليه انه يكتب عن اللي شافه في الاكاديميه بصراحه وده حقه لانه دفع فلوس وبيطالب بالمقابل وهو العلم والمهندس وليد بيفند كلامه ويتهمه بالكذب لانه بيشتغل في الاكاديميه وبياكل منها عيش وده حقه وجاب له دليل علي صحه كلامه وهو الاخ اللي دفع في الدوره (المخصوصه او الخاصه علي حسب كلامه 1500 جنيه ) وانه اتعلم كويس وان المهندسين اللي في الاكاديميه بيشرحوا كويس وبيراعوا ضمايرهم ...الخ وطبعا هو اتعلم كويس والمهندسين كانوا بيشرحوا له كويس لانه دفع 1500 جنيه (دوره خاصه ) ذي المدرس ما بيشرحش كويس الا في الدرس (الخصوصي) وطبعا قال ان الدوره كان فيها فردين فقط ..يعني كان مستريح في كل شيئ من ناحيه الشرح والقاعات والزحمه .... الخ لانها طبعا دوره سوبر مش عاديه زي دورتك ! المهـــــــــــــــــــــــم لي ملاحظتين علي الموضوع :-
1-ان المهندس وليد طلب منك يا اخ man 2005 انك تراسله علي الموقع وهو هايحل لك مشكلتك وطلب منك بعض المعلومات عن الدوره اللي كنت فيها فياريت لو كلامك حقيقي وعندك شجاعه ادبيه تراسله وتقوله علي المعلومات دي ونشوف هايحل لك مشكلتك ولا لأ .
2- بالنسبه للمهندس وليد ياتري لو الاخ man 2005 حقق لك طلبك وراسلك وزودك بالمعلومات اللي انت طلبتها هاتقدر تعمل له حاجه من باب الاخلاص في القول والعمل ... ياريت لانك لو عملت كده هاتخليه هو من نفسه يسحب كلامه السباق ويذكر الاكاديميه ومهندسيها بكل خير ..... واخيرا تحياتي للجميع

يا سيدى الفاضل... أنا لم أكتب هذا الموضوع لكى أجرح فى الأكاديمية... ولم أكتبه بشكل شخصى رغم أننى تضررت منه، أنا قضيت شهر ونصف فى الأكاديمية فى عذاب نتيجة للخبطة فى المواعيد وعدم أنتظام الكورس.... وزى ما ذكرت العملى فقط كان لحامات على البوردة... وقياس بالأفوميتر والباور صبلاى.... هذا العملى الذى تعلمه الأكاديمية فقط... أما التدريب على أعطال حقيقية فلم يحدث إلا نادراً ومن الأشخاص اللذين أحضروا معهم عدد بها أعطال.

أنا بموضوعى هذا أرسلت إشارات إنذار إلى الأكاديمية لكى تعدل من سلوكها وتتقى الله وتصلح من شأنها وتتدارك هذه السلبيات.... بموضوعى هذا سيدى الفاضل قد أفدت كثيرا من أن يقعوا فى نفس الخطأ.

أنا أومن أن كل إنسان يجب أن يعمل ما يقدر عليه... ولو كل إنسان مر بتجربة سيئة وحصل على خدمة دون المستوى وأنذر الناس ووعاهم بهذه السلبيات لما أنتشرت السلبيات فى مجتمعنا.

الأكاديمية عرضت علينا أن تعيد أى حصص بالمجان وأنا أعترف بذلك لأنى لا اريد أن أفترى عليهم بغير وجه حق... ولكن إعادة هذه الحصص لن يعود بجديد لأن منهجهم واحد لا يتغير فى التدريس... وأنا ليس لدى الوقت والجهد لكلى أتحمل شهر ونصف من المجهود فى الكورس لن أتعلم فيه على إصلاح أعطال حقيقية...

الأكاديمية تأخذ كثير من الأموال وواجب عليها أن تقوم بتوفير خدمة تعليمية جيدة فالمجموعة الواحدة من المتدربين تصل إلى 14 فرد أى أن المجموعة الواحدة تدفع للأكاديمية مبلغ 13300 جنيه مصرى...

يجب على الأكاديمية حتى تكون محل إحترام وتقدير أن تتبع الأاسس التالية:-

1- أن تحترم مواعيد الكورس.

2- أن لا تكون القاعات مكتظة بشكل يجعل من الصعب العمل والتدريب حيث المتدربين يجلسون بجوار بعض فى مكان ضيق والعمل على الهوت إير يتطلب مكان أوسع وحرية حركة أكبر حيث أن الدارس يتعامل مع أى سيهات ومقاومات دقيقة جداً فيجب أن يكون هناك مجال للحركة للدراس.

3- أن يكون كل حصة نظرية تتبعها حصة عملية للتدريب على عطل حقيقى وتنفيذ الخطوات النظرية عملياً.

4- أن يكون هناك تدريب على فك عدد من العدد.

5- أن يكون هناك معلومات ولو مبسطة عن أنواع التليفونات الأخرى غير النوكيا.

6- أن يتم إحترام الدارس فى طريقة التعامل معه وخصوصاً من مهندسى الصيانة.

7- أن تكون الملازم الموجود بها الشرح واضحة ومصممة بطريقة إحترافية وواضحة وليست مكتوبة بلهجة غير مفهومة.

هذه بعض الملاحظات... وأقسم بالله العظيم أن مهندس الصيانة بعد أن كلمناه فى أن نأخذ تدريب عملى على صيانة أعطال حقيقية وقلنا له أننا لم نأخذ تدريب عملى على أعطال حقيقية وكنا قد أخذنا حصة واحدة تدريب عملى لمن أحضر معه عدد بها أعطال حقيقية أما من لم يحضر فلم يتدرب ... عندما طلبنا منه تدريب عملى زعل وأتضايق وقال أنا مش ملزم أصلح عدد بها أعطال فى المحاضرة وده مش مطلوب منى أنى أصلح عدد بها أعطال وكأنه يمن علينا بحصة أو حصتين تم التدريب فيها عملى فقط لمن أحضر عدد بها أعطال بأنه شارك المتدربين فى إصلاح هذه الأعطال معهم....

وكان المهندس كثير ما يزعل ويتضايق ويهدد بأنه لن يعطينا الملزمة الجديدة لو حد وجه أى أنتقاد....

واقسم بالله العظيم مرة أخرى أن التدريب العملى فقط كان محدود للغاية لمن يحضر عدد بها أعطال وبعدها المهندس قفل الموضوع ده وقال بالحرف الواحد مفيش حد يجيب عدة بها أعطال لأنى مش ملزم أصلحها معاه فى الكورس والأكاديمية مانعه كده علشان فيه ورشة للصيانة فى الأكاديمية بفلوس، إلى عايز يصلح يودى تليفونه الورشة.

يعنى حتى الناس الى جابت عدد معاها بها أعطال المهندس فى الأخر زعل لأن الناس الى مكنتش بتجيب عدد بها أعطال أشتكت فراح قافل موضوع التدريب العملى حتى للناس الى كانت بتجيب عدد بها أعطال وده قمة فى التهريج فى الأكاديمية.

يعنى حضرتك أنا مش بتبلى على الأكاديمية... الأكاديمية فعلاً ظلمتنا وضحكت علينا... ولو رحنا للأكاديمية تانى علشان تعيد لينا الكورس مش هنستفاد... فكفاية تضييع وقت وفلوس ومجهود ... ونقول حسبنا الله ونعم الوكيل فى الأكاديمية.

وأخيراً أوجه كلامى للأكاديمية بأن تتقى الله سبحانه وتعال فهى تربح كثيراً وعليها أن تقدم فى المقابل خدمة جيدة للدارسين.

[esmail011]

يا سيدى الفاضل... أنا لم أكتب هذا الموضوع لكى أجرح فى الأكاديمية... ولم أكتبه بشكل شخصى رغم أننى تضررت منه، أنا قضيت شهر ونصف فى الأكاديمية فى عذاب نتيجة للخبطة فى المواعيد وعدم أنتظام الكورس.... وزى ما ذكرت العملى فقط كان لحامات على البوردة... وقياس بالأفوميتر والباور صبلاى.... هذا العملى الذى تعلمه الأكاديمية فقط... أما التدريب على أعطال حقيقية فلم يحدث إلا نادراً ومن الأشخاص اللذين أحضروا معهم عدد بها أعطال.

أنا بموضوعى هذا أرسلت إشارات إنذار إلى الأكاديمية لكى تعدل من سلوكها وتتقى الله وتصلح من شأنها وتتدارك هذه السلبيات.... بموضوعى هذا سيدى الفاضل قد أفدت كثيرا من أن يقعوا فى نفس الخطأ.

أنا أومن أن كل إنسان يجب أن يعمل ما يقدر عليه... ولو كل إنسان مر بتجربة سيئة وحصل على خدمة دون المستوى وأنذر الناس ووعاهم بهذه السلبيات لما أنتشرت السلبيات فى مجتمعنا.

الأكاديمية عرضت علينا أن تعيد أى حصص بالمجان وأنا أعترف بذلك لأنى لا اريد أن أفترى عليهم بغير وجه حق... ولكن إعادة هذه الحصص لن يعود بجديد لأن منهجهم واحد لا يتغير فى التدريس... وأنا ليس لدى الوقت والجهد لكلى أتحمل شهر ونصف من المجهود فى الكورس لن أتعلم فيه على إصلاح أعطال حقيقية...

الأكاديمية تأخذ كثير من الأموال وواجب عليها أن تقوم بتوفير خدمة تعليمية جيدة فالمجموعة الواحدة من المتدربين تصل إلى 14 فرد أى أن المجموعة الواحدة تدفع للأكاديمية مبلغ 13300 جنيه مصرى...

يجب على الأكاديمية حتى تكون محل إحترام وتقدير أن تتبع الأاسس التالية:-

1- أن تحترم مواعيد الكورس.

2- أن لا تكون القاعات مكتظة بشكل يجعل من الصعب العمل والتدريب حيث المتدربين يجلسون بجوار بعض فى مكان ضيق والعمل على الهوت إير يتطلب مكان أوسع وحرية حركة أكبر حيث أن الدارس يتعامل مع أى سيهات ومقاومات دقيقة جداً فيجب أن يكون هناك مجال للحركة للدراس.

3- أن يكون كل حصة نظرية تتبعها حصة عملية للتدريب على عطل حقيقى وتنفيذ الخطوات النظرية عملياً.

4- أن يكون هناك تدريب على فك عدد من العدد.

5- أن يكون هناك معلومات ولو مبسطة عن أنواع التليفونات الأخرى غير النوكيا.

6- أن يتم إحترام الدارس فى طريقة التعامل معه وخصوصاً من مهندسى الصيانة.

7- أن تكون الملازم الموجود بها الشرح واضحة ومصممة بطريقة إحترافية وواضحة وليست مكتوبة بلهجة غير مفهومة.

هذه بعض الملاحظات... وأقسم بالله العظيم أن مهندس الصيانة بعد أن كلمناه فى أن نأخذ تدريب عملى على صيانة أعطال حقيقية وقلنا له أننا لم نأخذ تدريب عملى على أعطال حقيقية وكنا قد أخذنا حصة واحدة تدريب عملى لمن أحضر معه عدد بها أعطال حقيقية أما من لم يحضر فلم يتدرب ... عندما طلبنا منه تدريب عملى زعل وأتضايق وقال أنا مش ملزم أصلح عدد بها أعطال فى المحاضرة وده مش مطلوب منى أنى أصلح عدد بها أعطال وكأنه يمن علينا بحصة أو حصتين تم التدريب فيها عملى فقط لمن أحضر عدد بها أعطال بأنه شارك المتدربين فى إصلاح هذه الأعطال معهم....

وكان المهندس كثير ما يزعل ويتضايق ويهدد بأنه لن يعطينا الملزمة الجديدة لو حد وجه أى أنتقاد....

واقسم بالله العظيم مرة أخرى أن التدريب العملى فقط كان محدود للغاية لمن يحضر عدد بها أعطال وبعدها المهندس قفل الموضوع ده وقال بالحرف الواحد مفيش حد يجيب عدة بها أعطال لأنى مش ملزم أصلحها معاه فى الكورس والأكاديمية مانعه كده علشان فيه ورشة للصيانة فى الأكاديمية بفلوس، إلى عايز يصلح يودى تليفونه الورشة.

يعنى حتى الناس الى جابت عدد معاها بها أعطال المهندس فى الأخر زعل لأن الناس الى مكنتش بتجيب عدد بها أعطال أشتكت فراح قافل موضوع التدريب العملى حتى للناس الى كانت بتجيب عدد بها أعطال وده قمة فى التهريج فى الأكاديمية.

يعنى حضرتك أنا مش بتبلى على الأكاديمية... الأكاديمية فعلاً ظلمتنا وضحكت علينا... ولو رحنا للأكاديمية تانى علشان تعيد لينا الكورس مش هنستفاد... فكفاية تضييع وقت وفلوس ومجهود ... ونقول حسبنا الله ونعم الوكيل فى الأكاديمية.

وأخيراً أوجه كلامى للأكاديمية بأن تتقى الله سبحانه وتعال فهى تربح كثيراً وعليها أن تقدم فى المقابل خدمة جيدة للدارسين.
اخي العزيز m man2005 قل حسبي الله ونعم الوكيل فيما اهدرت من مال وجهد ووقت بلا طائل ولو كنت انا مكانك لفعلت مثل ما فعلت لعل الاكاديميه تراجع حساباتها ومواقفها وتحاول ان تعدل منها وتقضي علي السلبيات الموجود بها ؛ فالشيئ المؤكد ان الاكاديميه تتقاضي مبالغ باهظه اضعاف ما يتقاضاه اي مركز تعليمي اخر فيجب عليها (بالتالي) ان تكون متميزه عن اي مركز تعليمي اخر من ناحيه كل شيئ (الا اذا كان سبب المغالاه في اجر الدوره هي الشهاده الممنوحه من عندهم -بالرغم انها عاده ما تكون غير مطلوبه فقد سمعت ان اجر دوره تعليم الدش يبلغ 800 جنيه وهذا مبلغ كبير حتي للشهاده الممنوحه فعند التخرج وممارسه العمل الفعلي فان الزبون عاده لا يسأل فني تركيب الدش ..معاك شهاده في تركيب الدش ولا لأ ؟...) فحتي هذه الشهاده غير مجديه احيانا ! فيا اكاديميه سموحه ان اردتم الرياده والامتياز فعليكم بتغيير اسلوبكم والانضباط في مواعيدكم والتركيز علي الحصص العمليه فما اكثر الكلام النظري ولا تكن قاعات محاضراتكم شبيهه بفصول المدارس الحكوميه ...فهل ياتري للاكاديميه اذن تسمع بها ام اننا (بندن في مالطه) ؟

[Walid_KaRaMaT]

لوضع نهايه لهذا الموضوع
طلبت منك معلوماتك علشان اقدر اساعدك واشوف ايه مشكلتك بالزبط ولكن لا رد منك نهائيا وفى نفس الوفت انت بتتهرب من اى اسئله عن معلوماتك
ايه الى عرفنى اساسا ان انت طالب عندنا فى الاكاديميه؟؟
ايه الى يثبتلى ان انت طالب فى الاكاديميه طالما انت رافض تقول اى معلومات عنك
ويا ريت متاخدش كلامى اقتباس وتعيد وتزيد فى نفس الكلام الى انت قولته فى ردودك الى فاتت
ويا ريت يكون ردك التالى يشمل معلوماتك الى طلبتها منك قبل كده او ما تردش خالص ونقفل الموضوع على الكلام الى اتقال وشكرا على الدعايه

م وليد كرامات

[lynx82]

بصراحه يا جماعه الرجل قال تحذير وخلاص مش بقصد اساءه لشخص او مكان بس دى اراء شخصيه انا واحد من الناس اخدت الدوره بتاعت الهاردوير بس فى المنصوره عند الاستاذ الفاضل احمد ابو بكر اقسم لكم بالله انا مش كنت مرتاح الا لوجودى مع انسان محترم فى التعامل وقمه فى الاخلاق من البشمهندس احمد ابو بكر او مهندس التدريب ووحبت اكمل بس حبا فى الناس دى واخلاقهم لكن لو هنجى للمهنه نفسهم مش حبتها لانها بالنسبه لى فلوس مش حلال ودى مش مقصود بيها الاهانه للعاملين فى هذا المجال
اقرب مثال لم اجيب مفتاح بور يوم ما يتكلم يقول انا بخمسين قرش واركبه ب 10 جنيه دا اضعف الايمان و اى سى ب بتلاته جنيه ونص واركبه ب 60 و45 جنيه دا حلال ولا حرام فى ناس هتقول طيب ما تنزل فى السعر وخد اللى يرضى ضميرك يا جماعه لو عملت كده الناس اللى معى فى نفس المكان هيطلعوا حراميه او هيقولى على حرامي وبعمل صيانه رخيص عشان بقلب الجهاز سواء بقى ايسيهات او اى شى ذو قيمه فعشان ايه دا كله واجتنبوا الشبهات من الاساس والحمد لله ربنا كرمنى بشغل احسن منها بكتير كمستقبل وكعائد مادى محترم
وياريت الناس اللى شغله بالصيانه مش تزعل من كلامى بس هى دى الحقيقه لان العميل لو عارف حقيقه الاسعار بتاع قطع الغيار عمره ما يوافق على الاسعار ولا الفلوس اللى اى شخص بياخدها ولو فرضا قبل عشان محتاج الجهاز مش هيبقى مسامح فيها وربنا مش هيبارك فى الفلوس دى
وفى ملحوظه اخيره فى ناس بتحاسب الزبون على حسابه المظهر بمعنى لو حس انه محتاج الجهاز اوى او معه فلوس يعلى فى السعر اوى عشان من جواه واثق انه مش هيتكلم ويطمع فيه وفى ناس تانيه مش بتراعى ظروف ناس تانيه اذا كانت ظروفها تسامح لها تدفع المبلغ المطلوب ولا لا
عالعموم ربنا يقربنا لبعض ونحس بظروف بعضنا ومش نتماد فى الافتراء على بعضنا
الشى الوحيد اللى استفدتها بجد ان بعمل صيانه اى موبيل من بتوعى لنفسى لان اكت بصراحه اديتنى كتير واديتنى اكتر ما دفعت ولو حد قصدنا فى موبيل اعمله صيانه ربنا يشهد مش باخد ولا مليم منه الا لو فى قطع غيار هو اللى بيجبها

واسف عالاطاله علىكم واتمنى ان محدش يزعل منى
لان غالبا الحقيقه بتتعبنا وبتزعلنا بس لازم نواجه حقيقه اللى وصلنا له
وشكر
والسلام عليكم ورحمه الله

[kazablnka]

[CENTER][SIZE="4"][COLOR="RoyalBlue"][FONT="Georgia"]انا سألت اتنين من اللى خدوا الدوره فرع طنطا قالوا اكادميه كويسه
وفتحوا محلات الوقت

[alisarhan2006]

مشكوووووووووووووووووووووووووووووور

[just_smile504]

شكرا على تحذيرك ومجهودك
اكثر من رائع

[scorbin king]

السلام عليكــــم قال تعالي ومايلفظ من قول الا لديه رقيب عتيد
انا كنت طالب في الاكادميه فرع الاسكندريه درست سوفت وهارد بالنسبه للهارد وير انا مستفدش منه خالص وكانت معاملة المهندس معايا وحشه وكان اسمه المهندس كريم والكلام ده من سنتين بالظبط لكن في السوفت وير استفد كويس لان كان بيدرسلي مهندس كويس وباله طويل للطلبه اسمه مهندس سليمان وكمان مهندس الهارد والله علي ما اقول شهيد كنت كل ما اجبله تليفون عشان يوريني عليه يسبني لحد ما ابوظه او اتير تراك من البورده ويقولي ده خلاص انساه بل واللهي كنت جيبله تليفون عشان يغيرلي البروسسر طيرلي تراك وباظ التليفون ومكملتش الدوره

[saiko2010]

الي صاحب الموضوع اللي بيقول انه اتخدع هقولك كلمتين
انت كداب
السبب ايه؟ اقولك يانجم
اولا انا باخد كورس هاردوير في اكاديمية سموحة فرع مدينة نصر وبصراحة 90 % من كلامك غلط ومحصلش ومبيحصلش لانك كداب بمنتهى البساطة ومتزعلش لاني صريح جدا مبعرفش اجامل

ثانيا الكورس اصلا مدته شهر ونص صح؟
انا بقالي شهرين ونص ومش عارف اتخرج مع اني بقيت الحمد لله امسك اي تليفون افرمه تحت ايدي وصلحت كتير بجميع الاجيال ومش عارف اتخرج ليه لسبب بسيط جدا ان المهندس مش عايز يخرجنا من تحت ايده غير واحنامش مهندسين لا دكاترة كل مرة بيراجع على القديم لو لقى حاجة واقعة بيعدها المحاضرة اللي بعدها وكل شوية عمليهقولك ايه ولا ايه الله يباركله المهندس محمد عبد السلام وكفاية الراجل اللي رد عليك من شوية
معلش الكلمتين كبرو بس انت مستفز

[احمد صابرمكي]

انا اسمي احمد صابر عبدالعال
من طما محافظة سوهاج
ويا ريت اللي يكلم في الموضوع ده
يعرف نفسه وما يكونش خايف الا فهو علي طول
كـــــــــــــــــذاب
صح يا اخونا
المهم يا اخواني انا كنت بتصفح وقريت الموضوع ده فجاءة وحبيت اني اقول كلمة حق
وانا مش مسجل في المنتدي ده علشان الموضوع ده
لاني انا عضو قديم واقروا تارخ انضمامي
المهم
اقسم بالله العلي العظيم
اني انا ماليش مصلحة في الكلام ده وان كل كلمة هاقولها صدق وحقيقة بينة علي الي يوم الدين
انا حاليا باخد دورة في اكاديمية سموحة فرع اسيوط
فرع الصعيد يعني
واحنا كصعايدة الناس كلها عملانا اني احنا اخر حاجة في الدنيا
المهم
انا اول يوم ليا كان محاضرة مجانية
اللي هي قبل الاشتراك ودفع الرسوم
استقبلنا مهندس جميل جدا ومحترم جدا جدا وزي العسل
اسمه المهندس احمد ربيع
هو اللي ادانا المحاضرة المجانية
اتعرف علينا واحد واحد وعرفنا علي نفسه وحتي عن حياته الشخصية علشان ناخد علي بعض اكتر
وهو اساسا من اسوان وراجل قمة الادب والاخلاق
وكان اسلوبه سلس وبسيط للغاية لدرجة اني الواحد من اول محاضرة واللي هي المحاضرة المجانية حس بانه بقي خبير في صيانة المحمول
والله العظيم بتكلم جد والكلام ده شاهد عليه ربنا
انا اتمنيت اني المهندس احمد ربيع يكمل معانا جميع المحاضرات اللي بعد كدة
دفعنا الرسوم واخذنا مواعيد الدورة اللي هو جدول المحاضرات يعني
المحاضرة التانية ادها لينا المهندس زياد
وعلي فكرة المهندس زياد مدير الادارة
يعني شوف المدير لما يديك المحاضرة بنفسه
وطلع بالظبط زيه زي المهندس احمد ربيع تمام
ادب واخلاق واحترام
واسلوب بسيط للغاية في التدريس والتعليم
لدرجة والله كان بيعيد المحاضرة مرة واتنين وقبل ما ندخل علي حاجة جديدة يختبرنا في اللي قبلها
صراحة ناس الله يبارك لها
وعلي فكرة انا لسة بدرس النظري ولسه العملي
والله من النظري بس انا حسيت اني بقيت خبير في صيانة المحمول
وفي نفس الاسبوع انا اشتركت في دورة السوفت
والمهندس المسئول عن السوفت هو المهندس وليد
اللي رد علي حضرتك
المهندس وليد برضه ميتخيرش عن المهندس احمد والمهندس زياد
والادب والاخلاق والاحترام
والله انا اول محاضرة ليا في السوفت اتاخرة ربع ساعة
وبعد ما خلص المهندس وليد المحاضرة عاد اللي فاتني من المحاضرة من غير ما اطلب منه والله العظيم
انا مش بجامل حد
لكن انا حبيت اقول الصراحة علشان الظلم حرام والساكت عن الحق شيطان اخرس
وبالنسبة للادارة
قمة الادب قمة الاحترام
احنا معانا جدول مواعيد المحاضرات
لكن بيتصلوا بينا علي ارقام تلفيوناتنا اللي هي متسجلة في الاكاديمة
يتصلوا قبل المحاضرة بيوم
ويوم المحاضرة نفسها علشان ياكدوا علينا
ولو حصل لا قدر الله اني في محاضرة اتاجلت ودي حصلت مرة واحدة بيتصلوا قبلها بيوم وبيقوللنا علي الميعاد الجديد
اقسم بالله العلي العظيم
اني هي دي الحقيقة واظن ان مفيش حاجة في الدنيا اكبر من يمين والله
اللي هو من الكبائر يا اخي
وهي دي الحقيقة والله علي ما اقول شهيد
احمد صابر عبدالعال
طما_سوهاج
0103393678

[last 1]

كله نصب في نصب يا مان.... وتحيا مصر

[yayooo]

ايه راي اي حد بيشكك في المكان انه اول لما يدخل يشوف بعنيه إخواته اللي كانوا قبل منه مستواهم ايه بالصوت والصورة أحسن من الاراء السمعيةويتهيألي كدا أحسن من إن أخ يشكر وأخ يذم.

[amattr]

بصراحة كل كلام الأخ عن مساوئ دورة سموحة كلام صحيح ومؤكد من خلال التجارب واللي مش مصدق يختبر اي واحد خريج اكاديمية سموحة بشرط انه ميكونش اتعلم في مكان تاني قبل او بعد دورة سموحة

[weeert22]

يا جماعة خلاصة الكلام لو حد عايز ياخد دورة يروح فين واللى هيرود يقول رد واثق منه 100*100 مش اى كلام او لمصلحة بالله عليكم
والسلام عليكم ورحمة الله

[hhggff]

السلام عليكم ورحمة الله وبركاته الكلام اللى بيتقال عن الاكاديميه نصه صح والنص التانى غلط لان فى ناس مهندسين فى الاكاديميه مهندسين كويسين جدااااااااااا وفى مهندسين واخدين لقب مهندسين علشان الصوره تبقى حلوه وهما فى الاساس ميعرفوش الصيانه غير بالشكل ولو حد درس وسال واحد منهم العيب ده ايه يقوله هاتلى الجهاز او سيبهولى علشان يسال حدحد من المهندسين اللى بجد والاستاذ وليد انت بتحسسنى ان كل المهندسين اللى فى الاكاديميه دكاتره وانت عارف ومتاكد ان فى ناس بدرس اى كلام وطحينه وان كل التدريب على البورد بتبقى بورد مجهولة الهويه ومطحونة وحتى لو دخلت اجهزه كبير الدارسين يفتحوها ويقفلوها تانى من غير محد يمسك حاجه غير المفك وانا والله بقول كلام موثق به وانا بشكر مهندسين اللى اسمهم مهندسين بجد

1-م/احمد حسنين الله يباركله لانه استاذى

2-م/سليمان استاذ السوفت وير فى العالم العربى

اكتر اتنين اعترف بيهم هاردوسوفت

وبعديهم م/عمرو الهوارى م/ماجد

[misoalex]

السلام عليكم ورحمة الله وبركاته الكلام اللى بيتقال عن الاكاديميه نصه صح والنص التانى غلط لان فى ناس مهندسين فى الاكاديميه مهندسين كويسين جدااااااااااا وفى مهندسين واخدين لقب مهندسين علشان الصوره تبقى حلوه وهما فى الاساس ميعرفوش الصيانه غير بالشكل ولو حد درس وسال واحد منهم العيب ده ايه يقوله هاتلى الجهاز او سيبهولى علشان يسال حدحد من المهندسين اللى بجد والاستاذ وليد انت بتحسسنى ان كل المهندسين اللى فى الاكاديميه دكاتره وانت عارف ومتاكد ان فى ناس بدرس اى كلام وطحينه وان كل التدريب على البورد بتبقى بورد مجهولة الهويه ومطحونة وحتى لو دخلت اجهزه كبير الدارسين يفتحوها ويقفلوها تانى من غير محد يمسك حاجه غير المفك وانا والله بقول كلام موثق به وانا بشكر مهندسين اللى اسمهم مهندسين بجد

1-م/احمد حسنين الله يباركله لانه استاذى

2-م/سليمان استاذ السوفت وير فى العالم العربى

اكتر اتنين اعترف بيهم هاردوسوفت

احسن كلام انا سمعته فى الموضوع ده وهو ده الكلام الصح
فعلا فى ناس فى الاكاديميه دى كويسين جدا جدا جدا واولهم اساتذتى
مهندس احمد حسنين
و
مهدس سليمان نيو
انا نفسى بجد اشفهم واشكرهم تانى بعد حوالى 4 او 5 سنين من تخرجى من الاكادميه من ايام ما الاكاديميه كانت لسه جديده ويعتبر تانى دفعه اتخرجت كانت احنا وفى مننا دلوقتى ناس فاتحه محلات وكانت داخله الاكاديميه متعرفش معنى كلمه بورده ودلوقتى ماشاء الله انا مش حقدر اتكلم عن نفسى لانى كنت داخل الاكاديميه وانا فنى اليكترونيات وكمبيوتر سوفت وهارد وكنت بشتغل بسيط فى الموبايلات بس بعد مأخدت الكورس الحمد لله طلعت من الاكاديميه بفهم مهندسين بقالهم فى السوق سنين وبصلحلهم شغل هما ميعرفوش يعملوه ومش عاوز اتكلم عن نفسى اكتر من كده
ممكن اكون انا حاله شاذه لان فعلا كان فى ناس فى الكورس معانا دخلو وخرجو ميعرفوش يفكو موبايل بس العيب فيهم مش فى المهندس لان زى مفى ناس من المجموعه دخلو مش فاهمين ودلوقتى مهنتهم هيا الصيانه فقط فى ناس زى مدخلو زى مخرجو
احب اقول لحضرتك انا زى مقولت من اول الناس الى اتخرجت من المكان ده وساعتها مكانش فى غير مهندس احمد حسنين ومكانش فى هدايا ولا غيره والسيدهات احنا الى جبناها ونسخناها لنفسنا مش هما الى نسخوها كمان
ومكانش فى ساعتها فى تكيف اصلا فى الاكاديميه وكانت البورد برضو بايظه ومكانش فى اجهزه نتدرب عليها وكنا احنا برضو الى بندور على اجهزه ونجبها نتعلم فيها وكانت ممكن تبوظ كمان و كانو المهندسين بيساعدونا اننا نرجعها تشتغل تانى وانا افتكر المواقف دى كويس جدا وياريت استاز احمد حسنين يقرأ الكلام ده عشان يفتكر الايام دى
الهدف من كلامى ده كله ان الى عاوز يتعلم حيتعلم فى اى ظروف مدام هو مصر على التعليم
على فكره انا مصدق كل كلامك لان كل كلامك صحيح وفى ناس معانا فى الكورس كانت بتقوله بس عاوز اقولك انك انت الى معرفتش تاخد حقك وتروح لمدير الاكاديميه وتحكيله على السلبيات الى قابلتك وتعيد الكورس تانى وممكن تاخده فى فرع تانى مدام الفرع الى انت فيه المهندسين الى فيه مش كفائه
انا عاوز اقولك فى واحد معانا قعد فى الكورس من شهر 2 الى شهر 8 ومدفعش ولا مليم زياده ومدفعش ولا اخد شهاده اصلا لان اغلبنا مش عاوز الشهاده وكانت على ايامنا ب حوالى 100 جنيه احنا كنا رايحين نتعلم مش ناخد شهاده
صدقنى انت عندك حق بس غلطان انك معرفتش تاخد حقك فى موضوع انا قريته من شويه فى موقع تانى لو مش ممنوع انى احط الرابط كنت حتيطه
واحد بيشتكى زيك بالظبط من كل الى انت قولته من فرع بور سعيد وده كمان من بلد جنب بور سعيد وبسافر عشان يروح الاكاديميه وكان برضو يلاقى المحاضره اتلغت والمهم برضو اتخرج ولاقا نفسه فلوسه راحت على الفاضى وبعد فتره كبيره واحد من المندوبين بتوع الاكاديميه عدى عليه فى محله وكان بيشرحله نظام الاكاديميه وكده المهم قاله انه متخرج منها ومستفدش اى حاجه فالمندوب اقنعه انه يجى الاكاديميه ويشوف التجديدات الى عملوها وراح ولقا ان الاداره والمهندسين اتغيرو ولما اتكلم مع المدير وشرحله الى حصل معاه بيقول ان المدير احتواه وحلله المشكله دى واخد الكورس مره تانيه وعمال يدعى للمهندسين والمدير بعد ما فى اول الموضوع كان عمال يدعى عليهم وظننت انه كاتب موضوع زى بتاعك يحظر الناس من الاكاديميه على العموم اانا معرفش كلام الراجل ده صح ولالا انا ليا الى انا شفته
على العموم فى الاخر احب اقولك انا ولا معاك ولا مع الاكاديميه انا مع الى انا شفته والناس الى علمتنى وافادنى وعتطنى مهنه جديده كتييييير يتمنوها
وانا الحمدلله مش مسجل جديد عشان اكتب رد لا انا كل يوم هنا وليا مواضيع وعامل رابطه كمان ولاقيت الموضوع وانا بعمل بحث على جوجل بالصدفه فحبيت اشرح للناس الى انا شفته
واخيرا اهدى شكرى الى المهندس احمد حسنين والمهندس سليمان الى هما فعلا اساس اكاديميه سموحه والى بنوها وعمملولها اسم

[hamadazaitoun]

تحذير من أكاديمية سموحة:




أنا من الدارسين اللذين أخذت كورس صيانة محمول هارد وير فى أكاديمية سموحة وأرجو تحذير الأعضاء من تجربتى فى الدراسة فى هذه الأكاديمية بالعناصر الآتية:


1- ثمن كورس صيانة الهارد وير 950 جنيهاً والسوفت وير 750 جنيها.




2- الهدية المعلن عنها فى إعلانات الأكاديمية لا يتجاوز ثمنها 5 جنيهات (عبارة عن مفك للموبايلات رخيص- لفة قصدير درجة ثالثة- علبة فلكس رديئة- جفت ردئ ينحنى بسرعة من أول أستخدام).




3- كل شئ بعد ذلك فى الأكاديمية بفلوس شهادة التخرج بفلوس وعلى حسب نوع الشهادة يرتفع الثمن، إذا كانت الشهادة موثقة من وزارة الخارجية يصل ثمن الشهادة ل 250 جنيها وإذا كانت شهادة عادية من الأكاديمية يصل سعرها ل 20 جنيهاً بالإضافة إلى مخططات الموبايل يتم شرائها من الأكاديمية وكل شئ حتى الملازم يتم إعطائها للدراسين لكى يتم تصويرها وإرجاعها مرة أخرى للمهندس علماً بأن هذه الملازم غير مستوفية الشرح ورديئة جداً ومن كثرة التصوير تصبح غير واضحة الكلام والرسومات التى بها.




4- أغلب الشرح نظرى وحفظ والتدريب العملى فقط على بورد موبايلات قديمة، ويقوم المهندس المختص بتحفيظ الدارسين كل عطل خطوات تصليحه نظرى يعنى مثلاً يقول لو الموبايل فيه عطل شبكة الخطوات التى يجب أن تتخذها (4،3،2،1) يعنى المفروض لو فيه عطل تقعد تجرب كذا طريقة لغاية ما توصل للحل الصحيح يعنى عبارة عن تجارب وليس إعطاء للحل الصحيح والواضح من أول مرة، وعندما تقوم بتجربة هذه الخطوات جميعها بعد أن تكون خربت الموبايل من الممكن أن لا تجدى هذه الخطوات التى شرحها المهندس لإصلاح هذا العطل.




5- لا يوجد فى الكورس فك لأى عدد موبايل ولا يوجد تدريب على طريقة فتح العدد إطلاقاً.




6- التدريب فقط فى الآكاديمية على صيانة تليفونات النوكيا.




7- لا يوجد تنظيم فى جدول المحاضرات للكورس، فهناك فرعين للأكاديمية فى شارع شريف فرع قديم فى 26 شارع شريف وفرع جديد فى 36 شارع شريف، فعندما تذهب للفرع القديم تخبرك السكرتيرة أن الكورس سينعقد فى الفرع الجديد وعندما تذهب للفرع الجديد تقول لك السكرتيرة أن المهندس هيعقد الكورس فى الفرع القديم، وكعب داير على الفرعين طول مدة الكورس.




8- كثير ما يتم إلغاء محاضرات بسبب عقد الحصة المجانية لأستقطاب أعداد جديدة من الدارسين حيث يتم إغراء الراغبين بدعوتهم لحضور حصة مجانية يتم فيها توزيع بورد موبايلات وعمل صيانة عملية لإغراء الدراسين بدخول الكورس، وما دام أنت دفعت ثمن الكورس مش مهم حضرتك تضرب مشوار على الفاضى ويعتذرو لك ويقولك علشان النهاردة القاعات كاملة علشان فيه دعوة لمحاضرة مجانية فالمحاضرة بتاعتك أتلغت.




9- سوء التعامل مع الدارسين بواسطة مهندسين الصيانة حيث يعللون أى تقصير منهم بعدم أستيعاب الدارس وغبائه، ولا يقومون بتوضيح الغامض وغير المفهوم فى الكورس.ويقومون بالرد على الدراسين بطريقة سيئة وكأنك عيل فى ورشة وبتكلم الأسطى بتاعك.




10. التدريب العملى فقط عبارة عن عمل كبارى على البوردة وتركيب ic وفكه وتركيب زرار باور وفكه، ولا يوجد تدريب على تصليح أعطال حقيقية فعبارة عن تدريب فقط على كيفيه التعامل مع ic وفكه وتركيبه وعمل كبارى على البوردة، وطريقة تصليح الأعطال هى نظرية فقط.




11- لا يوجد نظام فى مواعيد المحاضرات فكثيراً ما تبدأ المحاضرة متأخرة عن ميعادها بنصف ساعة وفى أحيان تبدأ متأخرة بساعة كاملة.




12- قاعات التدريس ضيقة وغير مريحة وتكتظ بالدراسين وفى أحيان كثيرة يكون التكييف معطل ومع تشغيل الهوت إير والكاوية والقصدير يصبح الجو فى القاعة لا يطاق، كما تحدث إصابات نتيجة لجلوس الدراسين بجوار بعض فى مكان ضيق نتيجة لتقارب أجهزة الهوت إير والكاويات فيتعرص الدارس للسع فى يده وملابسه.




13- تعتمد الأكاديمية على أن يقوم الدارسين بها بأن يجيبوا موبايلات تحتاج إلى الصيانة لورشة الصيانة فى الأكاديمية وإصلاحها بفلوس، والتدريب العملى فقط ضعيف جداً وتعتمد على أن يجيب الدارس عدة بها عطل ويقوم المهندس بإعطائه إرشادات لكيفية صيانتها.




14- عند انتهاء الكورس يقوم المهندس بطلب أن كل دارس يجيب أسطوانة أو فلاشة لأخذ هدية المهندس وهى أسطوانة الصيانة، حتى الأسطوانة أم 75 قرش مستخصرين يعملوها.




هذه بعض التحذيرات التى أوجهها لكل من يفكر فى أخذ كورس فى هذه الأكاديمية ويشهد الله أن هذا حدث فعلا وخرجنا نحن جميع الدراسين نلعن الحظ الذى أوقعنا بالدراسة فى هذه الأكاديمية بعد أن دفعنا هذا المبلغ دون أستفادة حقيقية.




ونصيحة لكل من يفكر فى تعلم صيانة المحمول أن يقوم بتحميل كتب ودروس من النت ويقوم بالتعلم على بورد قديمة وشراء جهاز الهوت إير والأفو والباور صبلاى وأدوات الصيانة وأن يقوم بتطبيق هذه الدروس عملى فى البيت فهى أفضل استفادة من الدراسة بهذه الأكاديمية، وتمنياتى لكل الأعضاء بالتوفيق والنجاح.
















الراجل ده كلامه صح انا درست فى الاكاديميه دى من 4 سنوات وشفت الكلام ده كله ومجموعتى ما كملش منها فى المجال ده غير اتنين انا وواحد صديق ترك المهنه منذ سنتين وانا كملت بس اتعلمت لما اتمرمت فى محلات ناس بتفهم صيانه لحد الحمد لله ما وصلت للى يرضى نفسى والى ما يخلينيش احتاج الى حد فى مجال الهارد ونصيحه لكل الى عايز يدخل المجال ممكن تنزل تتعلم عند حد بيفهم صيانه فى محل صحيح هتتمرمط شويه بس هتطلع بنى ادم بتفهم والاكادميه دى نصبايه ناس عايزه فلوس وبس
ونصيحه لمهندسين الاكاديميه التدريس رساله يا تقدمها صح وتحافظ على الثقه الى الدارسين بيوضعوها فيكم يا تشتغل بعيد عن التدريس علشان ما تشلش زنبهم ودعاهم عليكم

[mman2005]

أنا صاحب الموضوع والموضوع ده حصل معايا وحبيت بس أرضى ضميرى وأحذر الناس، والى مش مصدق يروح يجرب، ويا ريتنى كنت قريت تحذير زى كده قبل ما اروح الأكاديميةولكن للأسف فيه ناس كثير بتتعرض لنصب ومش بيكلف نفسه يحذر الناس علشان كده فيه ناس تانية بتوقع فى نفس الغلطة وأنا حبيت أنى أكون إيجابى وأعمل الى عليه، أما الى مش مقتنع فيروح يجرب بنفسه.

الأكاديمية بإختصار هدفها المال فقط والربح، ولو كلفو أنفسهم جزء من الأموال التى يحصلون عليها من الناس فى تقديم خدمة تعليمية جيدة لكان لهم سمعة طيبة ألا وأنهم لا يتقون الله ويأكلون أموال الناس باالباطل فأنا أحذر من الوقوع فى شباك هذه الأكاديمية.

اللهم ما بلغت اللهم فأشهد.

[adsnd]

بسم الله الرحمن الرحيم

السادة الكرام اعضاء المنتدي الكريم احب ان اسجل شكري وامتناني لكل القائمين على هذا المنتدي

لما يحويه من مواضيع قيمه في شتى المجالات واهتمام بالمناقشة وطرح الاراء بحياديه والاستماع للرأي والرأي الاخر وفي النهاية يذهب الحق لأصحابة ولكن فى الأونه الاخيرة ظهرت فئه خرجت عن النص بالهجوم الشرس الغير مبرر سواء لغرض او لاخر
على أكاديمية سموحه للتدريب على صيانة المحمول
اداره شئون الطلبة والعلاقات العامة
ولكن احتراما لهذه الأراء يجب ان يكون هناك الرأي الاخر حتى يرد الحق لأصحابه
ولايستطيع احد ان يكون له الرأي المطلق بدون الرد عليه
ولهذا فأن أكاديمية سموحه ترحب بكل من له رأي من له رأي وكل الدارسين
من خلال اداره شئون الطلاب و العلاقات العامة
وذلك من خلال اتصالكم بنا هاتفيا او المراسلة على البريد الالكتروني الخاص بأداره شئون الطلبه والعلاقات العامة
مدير شئون الطلاب والعلاقات العامه
0187222355 أ: أحمـــد بشير
مسئولي العلاقات العامة
محمد رمضان : 0163957006
كريم مكاوي : 0105456415

او المراسلة والاقتراحات والشكاوي على البريد الخاص بشئون الطلاب والعلاقات العامة

ولمزيد من المعلومات عن الاكاديمية

والمناهج التدريبية وكيفية الحصول على المحاضرات التأهيلية المجانية
من خلال صفحتنا على الانتر نت

اضغط هنا

http://up2.m5zn.com/photo/2009/4/22/09/2lkccytwh.jpg/jpg (http://www.hayl.com/form/view.php?id=47)


ولمزيد من المعلومات عن الاكاديمية

والمناهج التدريبية وكيفية الحصول على المحاضرات التأهيلية المجانية
من خلال صفحتنا على الانتر نت

اضغط هنا

http://up2.m5zn.com/photo/2009/4/22/09/n184jgzd3.jpg/jpg

[adsnd]

وشكر خاص للمهندس وليد كرمات لرده على ذلك الموضوع

ونرجوا من جميع الاعضاء بالمنتدى عند وجود اى شكوي او اقتراح

بعدم التصديق على الموضوع دون السماع للطرف الاخر لان هناك اراء حرة تعبر عن نفسها ويوجد ايضااراء اخري تشوه وتعيب لسبب او لاخر

مع تحيات ادارة شئون الدارسين وشئون الطلاب
وندعو كل من بالمنتدي لحضور محاضرتنا التأهيلية المجانية
للمقارنة بين ماطرح فى ذلك الموضوع وما هو على ارض الواقع
http://www12.0zz0.com/2009/04/18/17/778604108.jpg

[المروة للمحمول]

بسم الله ارحمن الرحيم

انا واحد من الدارسين باكدمية سموحه اخدت الدوره من حوالى 3 سنوات ومع ذللك انا كنت عندى محل صيانه خاص بى
وكونت بدرس علشان ارفع من مستوى مهاواتى والحمد لله كان مستوايا اكبر من المواد المطروحه بالاكادميه ورغم ذلك كملت الدوره واشتفدت منها كتير بالنسبه للتعامل من المهندسين الى فى فرع طنطا كان احسن تعامل وكنا نتعامل كالاصدقاء وليس كمدرس وطالب وارجو من الدارسين الجدد ان يراعو الله فى الى بكتبوه وردى على صاحب المشكله اقول ان العلم اغلى شىء لا يقدر بثمن

[adsnd]

بسم الله الرحمن الرحيم


شكرا جزيلا للاخ الفاضل صاحب الكلمات التى تلفظ بالحق

المروة فون على تلك الكلمات التى غابت عن اعين الكثير من الاعضاء

الكرام

ومع ذلك فنحن ايضا نحترم كل الاراء ونتمني من اي دارس من دارسين

الاكاديمية اذا واجهتكم اية مشاكل او اى اقتراحات يرجي الاتصال على

ادارة شئون الدارسين والعلاقات العامة

سواء بالاتصال الهاتفي على الارقام 0105456415-0163957006-0187222355

او على المراسلة على البريد الالكتروني الخاص بشئون الدارسين والعلاقات العامة

smouhaacadey@hotmail.com
smouhaacademy@yahoo.com

[mohamed50333]

على رايكم انا دخلت النهارده وشوفت المشاركة بتاعتكم حبيت اوضخ بعض النقاط
انا محمد من بورسعيد درست فى اكاديمية سموحة السنة الى فاتت كنت مع مهندس احمد حسانين قالو لنا لدورة شهر ونصف بقينا نروح ونيجى حوالى 3 شهور كانت اطول محاضرة لا تزيد عن نصف ساعه ومكنش فيه التزام بالمواعيد كنا ندخل بعد معادنا بساعه واتنين مستنين المهندس وكله كلام فى المحاضرة وبعد كده بكام شهر بقيت اروح للمهندسين الى هناك الصراحه كان فيه دعم فنى وساعدونى كتير وبداءت اصلح بجد فى الدعم الفنى المجانى بعدها بطلت ادعى عليهم بعد ما ضيعت مع المهندس احمد ثلاث شهور فى الهوا

[awaga_353]

السلام عليكم ورحمه الله وبركاته
انا بحب مجال الموبايل ده اوي وكان نفسي فعلا
اتعلم وادرس فيه واكون فاهم صح لاني كنت معجب
بالمجال ده اوي .
وبصراحه كبيره وزي اي حد لما شوفت اعلانات
اكاديميه سموحه انبهرت اوي وكنت متخيل فعلا
ان انا لو دخلت الاكاديميه هخرج منها عالم في
مجال الموبايل.
لكن بصراحه مقدرتش ادبر المبالغ المطلوبه
زائد توافق مواعيد الدراسه بيها مع دراسه
الكليه .
وجت فرصه حقيقه فعلا وهي اني اروح مع واحد
معرفه عنده محل وشغال في مجال الصيانه بس
متعلمش في الاكاديميهوانا لمارحت الاول بردو
كان في دماغي الاكاديميهواني لازمه ادخلها لانها
هي اللي توصلني لل انا عايزه.
وفي الفرصه دي انا فعلا اتعلمت صح وكنت بشتغل بايديه
وبشوف كل حاجه وكملت طبعا ده بالدراسه علي النت
والحمد بعد مرور بعض الوقت كنت خلاله اتعرضت لكتير
اوي من الاجهزه والاعطال المتداوله في مجال الموبايل
لحد ما الحمد الله بقيت كويس في المجال ده.
وبخصوص الموضوع ده اقسم بالله في المحل اللي اتعلمت واشتغلت فيه
كان بيجلنا ناس من خريجي الاكاديميهعلشان نصلح لهم اعطال
عجزوا انهم يصلحوهاوبصراحه وانا بتكلم معاهم انا حسيت فعلا
الفرق بيني وبنهم واد ايه انا استفدت كتير اوي
والمعرفه اللي عندهم كانت معرفه عامه ممكن اي حد يعرفها
بشويه مجهود قليل طبعا بعد ماشوفت الناس دي وخبرتهم في الشغل
طلعت فكره الاكاديميه دي من دماغي خالص وعرفت انا كل الاعلانات
دي مجرد اعلانات مش اكتر.
ولما سالت الناس عن الاكادميه اللي دخلوها كان ردهم
(ضحك علي الدقون مش اكتر)
ومن بعد ردهم ده انا مش هعلق عليه وهسيب الحكم ليكم انتوا
اسف ان كنت طولت عليكم.
في رعايه الله.

[mohamed_loveday]

شكرا لافادة يا بااش مهندس وربنا يعود ععليك ويجزيك خير ان شاء الله ومش مهم اللى راح المهم انى الواحد ويتعلم عشان اللى جى لانى عدمات الضمير اللى فكرنها حداقة كترروا اوى فى البلد دى

[mohamed_loveday]

شكرا لافادة يا بااش مهندس وربنا يعود ععليك ويجزيك خير ان شاء الله ومش مهم اللى راح المهم انى الواحد ويتعلم عشان اللى جى لانى عدمات الضمير اللى فكرنها حداقة كترروا اوى فى البلد دى

[elmemo14]

شكرا على التحذير واضح ان كل حاجة بقت نصب

[aoqda]

أنا عاوز اقول حاجه

هي ان الأماكن الكويسة مابتعملش اعلانات لأنها مش محتاجه إعلانات عشان تعبر عن نفسها.

هل عمرك شفت إعلان في التليفزيون عن الجامعة الأمريكية مثلا؟ ومزايا الدراسة فيها؟

الرخيص مغيص يا جماعة

دي نصيحة مني

[al ahlawy]

طيب ياجماعه أنا كنت هروح أكاديمية سموحه وإتصلت بيهم فعلآ . فى مكان مضمون غير ده وفين أنا من الزقازيق وياريت لو حد يعرف مركز فى الزقازيق . وبعدين بالنسبه لسموحه فى ناس بتشكر وناس بتنكر وإحنا ماإستفدناش غير الحيره نعمل إيه دلوقتى

[السيد السويركى]

بسم الله الرحمن الرحيم
انا اسمى السيد السويركى خلصت الكورس السنة اللى فاتت وحتى الان لم أذهب حتى أحصل على الشهادة اما بعد
1-بالصدفة وجدت هذا الموضوع وحبيت ارد عليه واشارك فيه لاننى أخذت دورة فى الاكادمية
2-سوف ابدأبالتعليق على بعض النقاط الموجودة فى الموضوع بس الرد يبقى للامانة
أ-ثمن الكورس 750او خاصة 1500 هى غالية بس دية حاجة ترجع الى ادراة الأكادمية
ب-الهدية بغض النظر عن الجفت او المفك او الفلقس كل ديه حاجة اى حد بيجيب العدة بتعتوه على مزاجه ديه حاجة رمزية منهم
ت-المعاملة من المسؤلين هى مش كويسة مع بعض منهم مش كلهم بس للأمانة اناكنت مع مهندس محترم جداوكنا اصحاب وربنا يصلح حاله
ث-المخططات المفروض تبقى تبع الكورس هم بيبعوه والفوليم واى حاجة بفلوس بس زى ما قولنا دية حاجة ترجع للأدارة
ج-اماكن المحاضرات ماشى هى ضيقة بس مش الى الدرجة اللى حضرتك بتقول عليها
خ-الشرح النظرى هم كويسين المهندس لو سألته فى اى حاجة هيقولك عليها ويشرح تانى المهم النسان الى يستوعب ويركذمعه
2- انا أخذت الدورة بتاعتى خاصة ب1500ج فى وقت قليل جدا فى حوالى 8محضرات ماشى بس هم اللى فى صيانة المحمول والحمد لله واعوذ بالله من كلمة أنامن الناس الكويسبن فى بلدى الأن واصبحت معروف فى مجال الصيانة وده بفضل من الله ثم أكادمية سموحةبغض النظر عن ثمن الكورس او المعاملةمع اننى لم ارى التقصير الا من بعض الأدرايون منهم
3- وبالمناسبة اننى اشكر المهندس محمد رجب على المجهود الذى بذله معى
اخى الكريم اخيرا كل ماقولته هو من واقع تجربتى فى الكورس
واقول الى كل من يريد ان يتعلم صيانة المحمول الكورس وحده لا يكفى فلابد انتكون مستعدا تماما بكل شيىء
واشكر الأخ الكريم على طرح الموضوع

[zain424]

شكراُ على نصيحتك الغالية

[سالى جو]

شكرا ليك يا مان على النصيحه كنت رايح النهارده اول يوم بعد ما اتكلمت مع السكرتيره ولكن ربناسلم بعد ما قرأت موضوعك جزاك الله خيرا والحمد لله:clap::clap::clap::3d smile (21)::3d smile (21)::3d smile (21):

[شحاته راضى]

بسم الله الرحمن الرحيم



أولا انأ بضم صوتي لصوت الأخ كاتب الموضوع انه انعدام الضمير بقى شئ عادى والتحايل على الناس وإغرائهم بأشياء لاوجود لها بقى بالنسبة لمعظم الناس إلا من رحم ربى بقى بالنسبة إليهم شطاره وزى ما بيقولو الأغبياء فهلوة


اولاً أنا من المنيا وقرأت من فتره عن المركز الدولي واتصلت بهم وحددوا ميعاد المحاضرة المجانية التي تكلم عنها الأخ نفس القصة الحزينة بتحصل للأسف في المركز الدولي أول شئ يحدث منهم في هذه المحاضرة هي زرع أخ محترم حسن المظهر والكلام مثلهم تماما وسط هذه المحاضرة والذي يحدث كالتالي يشرح المهندس المحترم عن منهج الدورة ويحاول أثناء الشرح تبرير بعض الأشياء التي وعدو بها في اعلانتهم أو في أثناء الاتصال بهم طبعاً بالكلام المعسول لاستقطاب الناس الطيبين الذين لا حول لهم ولا قوه ولا يعرفون شئ عن صيانة المحمول ووهمهم بانهم سيصبحون عمالقه فى هذا المجال اولاً سالنا المهندس عن شنطة العده المعلن عنها قال اسطوانات نختصر الدوره فيها عندما تنسى شئ من الذى تعلمته فى الدوره ومفك وجفت مثل ما ذكر الاخ بما يحدث فى اكاديمية سموحه ثانياً تبرير اعلانهم على انك ستدرب على احدث العدد او الاجهزه الموجوده بالسوق المصرى والاجهزه هى عباره عن بورد متهالكه طبعاً من المجموعات التى سبقتك وهى بورد اقدم جهاز 3310 الذى لا وجود له فى السوق و يبرررون بذلك بان كل الاجهزه تتكون مما يتكون منه هذا الجهاز وهى السبع طبقات الضوئيه او النحاسيه وكلامهم صحيح فى هذه النقطه لكن كيف اتدرب على بورده قديمه لا تعمل اساسا وان تعلمت عليها فى بداية الامر المفروض انى ساجتاز هذه المرحله لمرحله متقدمه اتعامل فيها مع اجهزه تعمل بالفعل وبها بعض الاعطال والمفروض الالتزام بالوعود التى فى الاعلان او التى تتم اثناء الاتصال لكن يوهموك بانك ستحصل على ما تريد من خلال النظرى وانهم يملكون احدث البرامج التى تكشف العيوب او الاعطال التى ستغنيك عن التدريب العملى على الاجهزه الحديثه كلام لا يعقل اصلاً اون جادلت معهم يقولون لك بان كلامك انت غير منطقى ولا يعقل بان ناتى لك بعده تعمل لكى تدرب عليها ويضربون لك المثل وهو الطبيب الذى يتدرب فى البدايه على جثه هامده وينسون بالطبع ان النفس الطبيب الذى يتدرب على جثه هامده فى البدايه ما هى الا مرحله وبعدها لا بد ان يتدرب على انسان حى ويعالجه او يقوم بالجراحه ويبدل العضو المصاب بالاذى ولكن ينسون ذلك وان ناقشتهم فى هذه الجزئيه تجدهم كلهم قد انصبو عليك لكى يقطعو عليك الحديث حتى لا تشتت او ينتبه اليك الغير ممن سياخذون معك الدوره اما بالنسبه للشهادات فالضبط مثل ما تحدث الاخ وما يحدث فى اكاديمية سموحه يحدث ايضاً فى المركز الدولى وللعلم انا اتصلت ايضاً بفرع اسيوط وقامت بالرد على الاستاذه .. رضوا .. التى تعمل هناك وقلت لها هل يوجد بالفعل اجهزه تعمل سيتم تدريبنا عليها قالت نعم قلت لها كيف هل المركز باسيوط يوفر هذه الاجهزه من خلال الاجهزه التى يدخلها العملاء لصيانتها قالت هذا لا يخصك انما ستدرب على احدث الاجهزه وهى تعمل بالفعل وقلت لها هل انتى مسئوله عن هذا الكلام قالت نعم بكل تاكيد وحدث معى مثل ما حدث فى المركز او فى الفرع الموجود بالمنيا ما هى الا ووعود او اعلانات لا اساس لها من الصحه وقابلت هناك شخص يطلقون عليه المهندس محمد وان اشهد ان هذا الشخص بائع كلام فقط وحين واجهته بالاسئله بعد طبعا ما حجزت بمبلغ 250 جنيه للانسه التى كانت تجلس بدلاً من الاستاذه رضوا التى لم تكن موجوده هناك وقالت لى ان الاستاذه رضوا اخبرتها قبل ان تذهب بانى ساتى فى الميعاد المحدد لكى اتدرب لمدة ساعتين لمحاضره كانت قد فاتتنى من المجموعه التى ساتدرب معها مع المهندس الذى تأخر عن ميعاده حوالى ساعه وربع وانا فى انتظاره وفى انتظار الاستاذه رضوا وحينها كنت قد ملأت استمارة التقدم للمركز وبعد اتصالات متكرره تستعجل فيها الانسه الموجوده هناك للاستاذه رضوا والمهندس الذى تاخر جداً عن الموعد جاء المهندس وبدأ بالمزاح مع فتاه كانت هناك الله اعلم ماذا تعمل معهم المهم اخذ المهندس يشرح كيف سنتدرب وكيف سيدربنا وما يملكه من قدرات خارقه فى هذا المجال وانه ادعى انه يدرب كل المهندسين المتواجدين باكاديمة سموحه والمهندسين المتواجدين بالمركز الدولى لانه على حد قوله يملك قدرات جباره وبرامج لا توجد الا عنده هو فقط بائع كلام المهم سالته وواجهته باهم جزئيه عندى بقولى يا بشمهندس فيه اجهزه هنتدرب عليها فعلا قال بكل صراحه وبامانه كان صريح فى هذه النقطه قال لا لاننى لا اريد تثبيت شئ على.طبعاً حتى لا يطالب فيما بعد بالوعود التى وعد بها واخذ يضرب على المثل الذى ذكرته فيما سبق الطبيب او الدكتور والجثه الهامده حينهاادركت ان سفرى وتعبى لاسيوط ذهب هباءً وايضاً ربما المبلغ الذى دفعته للحجز فى الدوره وحينها قررت استرداد المبلغ والرجوع و اخبرت المهندس بانى لن اخذ هذه الدوره واريد استرداد المال قال لى على حد علمى بانك لن تستطيع الحصول على المبلغ وانا لست مسؤل عن هذا المسؤل الاستاذه رضوا قلت له حسناً سانتظر الاستاذه المحترمه سواء اخذت المال ام لا لكى اعاتبها بما حدث فى المكالمه الهاتفيه للمركز بوعودها لى التى لا اساس لها من الصحه وانتظرت طويلاً حتى جاءت الاستاذه المحترمه التى كانت ترد على فى الهاتف بكل احترام وادب وسالت بصوت منخفض الانسه المتواجده هناك هل هذا هو الاستاذ شحاته ردت عليها الانسه بنعم هو ودخلت الاستاذه للداخل من باب خلفى لقاعة المحاضره المتواجد فيها المهندس ولا اعلم ما دار بينهم ولكنى لاحظت دخولها من الباب الخلفى وربما شرح لها ماذا حدث بيننا وجاءت الاستاذه المحترمه وقالت بصوت عال نعم يا استاذ انقلبت المعامله طبعاً بعد ما قررت عدم اخذ الدوره فى المركز وقلت لها باختصار انا حجزت واريد الغاء الحجز لانى والله كنت قد تعبت جدا من السفر وارددت اللحاق باحد الاقارب للرجوع معه الى المنيا فى نفس القطر المهم قالت لى وما الذى حدث او ما الاسباب التى جعلتك تقرر عدم التددرب هنا قلت لها باختصار والله انا اتصلت بحضرتك وانتى قلتى لى باننى ساتدرب على اجهزه حديثه وتعمل فعلا بررت ذلك بقولها بان كلامى غير منطقى قلت ربما لكن انتى وعدتى بذلك فى الاعلانات وفى المكالمه الهاتفيه المهم اخرجت المبلغ من المكتب واعطته لى بعد استهزاء منها ومن المهندس المحترم بكل وقاحه وباسلوب وقح اعطتنى المبلغ وقامت بتقطيع الاستماره تقريباً فى وجهى ووالله لانها انثى ونحن لا نستطيع اهانة النساء او التشاجر معهم لكنت رددت لها كل اهانه لكن الحمد لله تمالكت نفسى وقلت لها شكراً ورميت السلام عليهم ولم يردو حتى السلام ورجعت وانا فاقد الثقه فى الناس واعلم انهم ربما يشاهدون هذا الموضوع ويقومو بالرد عليه وانا مستعد للاجابه على اى نقطه ووالله ترددت كثيراً فى كتابة هذا التحذيرخوفاً من التأثير على مستقبل هذا المركز ولكن قررت كتابته من اجل الناس البسطاء الذين يبيعون اشياء من بيوتهم لاخذ هذه الدوره واسف على الاطاله



ملاحظه:على فكره المبلغ المدفوع لا يسترد كما حدث معى فى المنيا لم استطع استرداد المبلغ المدفوع لاننى كنت حينها قد حجزت واخذت وصل منهم ولكن فى فرع اسيوط لم تكن الاستاذه موجوده حتى تعطينى وصل الدفع او الحجز وقالت فى هذه الجزئيه نحن لا نرد المال ولكننى قلت لها انا لم اخذ ايصال من حضرتك ولم يتم الحجز لى بشكل رسمى . يعنى احترسو ايضاً من هذه النقطه المال المدفوع لا يسترد... وشكراً واسف مره اخرى على الاطاله


والسلام عليكم ورحمة الله وبركاته

[mondy333]

كويس اوي انا كنت رايح بكرة بس بصراحة كلامكم جه ف وقته بس عايزين مكان تاني نستفيد منه مافيش غير اكاديمية سموحة ولا ايه

[hamoda5005]

اصلى اصلى اصلى

[naderkafaa]

[الله يكرمك بجد انا كنت هاروح قبل ماقرى رسالتك بجد شكرا انك رحمتنى

[a77med]

الله يعوض عليك ياصاحبى لكن احب اقول مش المركز ده بس اللى كده
ده جميع المراكز فى كل المجالات نفس النظام نظام نصب فى نصب
الله كريم

[khopho2007]

ربنا يكرمك يا اخي فعلا الموضوع ده حذر الواحد من التعامل مع الاكادميه الغير محترمه دي

[العاشق الحزين]

كل التقدير والاحترام لصاحب الموضوع

بصرااااحة انا روحت الاكادمية دى من حوالى يومين محاضرة مجانية

قبل ما ادخل المحاضرة عاوزين يخدوا اى فلوس باى

شكل ان كان

وكل الكورسات هارد وير سوفت وير 550 جنية شهر وصف

ولما دخلنا اتقال تقسيمة صيانة الهارد ووير والى انكتب ادمنا متعديش 25 ساعة 3 مرات فى الاسبوع ساعتين يوميا طيب ودة هناخد الكورس ازاى فى شهر ونصف

جتى دة موش فى مشكله

بس الاستقبال مريب بجد مفيش اى راحة نفسية

ولازم نسيب البطاقة ولما نخلص المحاضرة المجانية لازم نقابل المختص على ما اعتقد اسمة اشرف

وبسؤال الاخ اشرف فى نهاية اللقاء العجيب ما هى الادوات التى توزع مجانا رد بسرعة قال وهى الناس لية كلها بتسال على الهدايا قبل الكورس قولتة عشان انتوا قايلن كدا فى الاعلانات بتعتكوا قال اية بقى الاخ اشرف قالى شوفت الاعلان قولتة ايوة

قالى شوفت مين بيوزع الهدايا قولتة لا مختش بالى قالى انا هههههههههههههههه ساب كل حاجة عشان يقولى انة هو الى بيوزع الهدايا
قولتة يعنى اية بردوا الاجهزة كان فى شخص بيرتب علبتين صغيرين ومفك جمبة قالى هما دول ودول اعتقد الحجات الى قالها كاتب الموضوع

والغريب انة قال ها هتدفعوا كام بصوا بقى الى هيدى المحاضرة الجية المهندس شريف ودة بقى برنس هيطلعك من هنا مية مية وخش المحاضرة موش عاوز منك فلوس هدية منى ليك وهتخرج تدفع على طول بس معاك واحد اكاديمى برنس واسال فى راديو شاك دة مدير الصيانة هناك ............................


اية يا سيدى برنس اية وشقيق اية وغالى اية اية الاسلوب الغريب دة الى بيتكلموا بية لو دى اكادمية كبيرة (.....) يبقوا المفروض يختاروا حد بيعرف يتكلم واجهة مشرفة فى النهاية قولتة فرصة سعيدة وان شاء الله نفكر ونرتب امورنا ونيجى

بس للاسف اديقت جدا انى ضيعت وقت فى انى اروح للمركز الغريب والمريب

ونزلت لحقت ماتش الزمالك

رايى الشخصى ان الاكاديمة سمحوحة لاترقى لطموحنا بجد

مع خالص احترامى وتحياتى لكاتب الموضوع




وطبعا

[احمد منصور على]

اقسم بالله انى اكتب هذا الكلام من واقع تجربتى الشخصيه مع اكاديمية سموحة
وتذكروا جيدا اننى
اقسمت بالله
واننى متحمل لهذا القسم أمام الله اولا ثم نفسى
وماحملنى على الدخول فى هذا الموضوع والمشاركه به هو تحذير الاخوه والاخوات من الوقوع فى براثن هؤلاء النصابين باسم العلم والتعليم
وباختصار شديد جدا انامن اوائل اللذين قاموابالتسجيل باكاديميةسموحةبالاسكندريه وذلك فى سنة2005
وقبل ان تطرحوا على سؤال وهو سكوتى كل تلك الفترة
*اولا والله مطلع على مااقول هو خوفى من الله لان الساكت عن الحق شيطان اخرس
ثانيا: هو تحذير لكل الاخوه والاخوات كما ذكرت سابقا
وتخيلوا معى بالله عليكم حجم معاناتى فانا من صعيد مصر بالتحديد من سوهاج وقرأت بالجريدة اعلان عن افتتاح اكاديمية سموحة بالاسكندريه
ووقتها كنت عائد من دولة الكويت وظروفى المادية سيئه جداولكن لان هذا المجال
هو المطلوب.
سواء بمصر او بالكويت او باى مكان بالعالم
وتوكلت على الله وقمت باستئجار شقه ودفعت رسوم الدوره (سوفت وير+هارد وير)
لان المقدمه مغرية جدا عندما ذهبت للسؤال عن الدوره
البداية كانت بعدد 2 سكرتارية وخذ عندك فى الكلام المعسول لسانهم ياخواتى بينقط سكر
افادونى انه يوجد محاضرة مجانية غداوعليه قم
بتحديد ان كنت ستنتظم معنا ام لا وبالفعل حضرت بالموعد المحددوكانت المحاضرة اكثر من رائعة فقد قاموا بتسليمناجهاز
(موبايل) وعدة تصليح وبورده مستعمله وقمنا بفتح الاجهزه واستخدمنا العدد اللازمة لتغيير الاجزاء من تغيير اى سيهات بواسطة الهوت اير وقام المهندس بشرح مختصر لما سيكون بالدوره وبالتالى امام
هذه الاغراءات قمنا جميعا بسداد الرسوم ماعدا شخص واحد وكان من الواضح انه من احد التوكيلات الخاصة بالاجهزه وحضورة فقط من باب الاطلاع
وطبعا منا من قام بالسداد على دفعات ومنامن قام بالسداد الكامل لان عندما تقوم بالسداد دفعه واحدة يتم خصم جزءمن الرسوم طبعا لان احنا شطار قمنا بالسداد الفورى وحصلنا على الخصم برافووووووووو
دخلنا فى الجد محاضرة نظريه وبعدها كيفية استخدام جهاز الهوت اير (وهو جهاز تسخين بالهواء لفك الاجزاء المختلفه بالبوردة بعدها والمحاضره اللى بعدها تبديل اى سى الباور وشرح طريقة عمله وبعدها شرح ممل لأجزاء ومكونات الاجهزة
ده جميل جدا السؤال هو انوا الاجهزة التى كنا نقوم بالتدريب عليها اقسم بالله انه 3300 وماشبهها من اصدارات الجيل الاول والشرح فقط مقتصر على اجهزة نوكيا
المهم ان النظرى خذ عندك اما العملى فنادرا مايتم بطريقه صحيحه فهومط وشد ولت وعجن عالفاضى وده مش بشهادتى انا لا اقسم بالله ده كان راى الجميع باستثناء شاب وفتاة وكان يتهمونا اننا احنا اللى مش قادرين نستوعب
ومن الواضح جدا انهم يتبعوا ا/ياسر حسانين مدير الاكاديمية اللى صوره بالاعلان الذى يتم بثه حاليا
ويبداون الاعلان بيشهد الله ثم الجميع لكى يجذبوا اليهم الانظار
وعندما تقع فى المحظور تكتشف انك وقعت فريسة لهؤلاء
المهم اننااثناء دراستنا اردنا اخذ الكتب والمذكرات ففاجأنا ا/ياسر اننا لابد من ان نقوم بسداد مصروفات الكتب والمذكرات امال ايه اللى دفعناه بالاول ده بس مجرد مس زور ياله ادفعوا ياحلوين فقامت احدى الاخوات وهى كما روت لنا قصتها واقسم بالله على ذلك انها مطلقة وتريد العيش بالحلال والصرف على ابنها الوحيد
فقامت بشراء الكتب والمذكرات وقمنا جميعا بتصويرها منها ناهيك الكتابة غير واضحه من كثرة التصوير جزاها الله عنا كل الخير
ولماذا تحملنا كل تلك المعاناه ؟
الاجابة ببساطه اننا كنا نعيش على امل اننا سنتعلم شئ وولكن للاسف الكل خرج يامولاى كما خلقتنى والكل يلعن الحظ الذى اوقعه فى بارثن هؤلاء النصابين وبالنهاية لملمت اوراقى وعدت من حيث اتيت من اقاصى الصعيد وجلست على النهر اندب حظى ولم استمر فى ذلك كثيرا فعدت بعدها الى الكويت وانا الحمد لله مستقر بعمل عوضنى كثيرا عما فاتنى ادعوا الله ان يوفق الجميع الى مافيه الخير وصالح الاعمال (والله على ماقول شهيد):lol: