انا عايز حد فاهم

[amrtarek31]

انا عايز برنامج محلات يعنى اكتبلة الكود + السعر + سعر البيع وهو يطلع الحساب

[incubus]

البرنامج اللي انت عايزه جميل
بس محتاج شويه حاجات
يعني مثلا هتحتاج شاشه ادخال علشان تدخل كل صغيره وكبيره في المحل
ولازم تديلها كود
يعني لو مثلا عندك شمعدان احمر هيبقى بكود ولو شمعدان اصفر هيبقى بكود تاني ولو شمعدان بسكر كود تالت وشمعدان فحلقي كود رابع وكل يوم تطلع شركه شمعدان منتج وانت تديله كود وفي الاخر هيبقى عندك مليون كود وابقى قابلني لو مشيت العمليه للاخر صح هتلاقي لخبطه في النص للصبح وهتلاقي كود كيس رز في مكان كان بيبسي وحاجات كتير هتوهك
الا اذا كنت في محل بيبيع حاجات ثابته لفترات زمنيه متوسطه نوعا ما
قللي بس على الحاجات وانا ان شاء الله اعملهولك في ظرف اسبوع او اسبوعين بكتيره

[amrtarek31]

يا باشا ربنا يخليك لينا وللشعب المصرى ، انا بس عايز برنامج محل ملابس اديلة الكود والسعر الجملة والسعر البيع والنوع وعموما انا هبعتلك باقى التفاصيل اس سون اس بوسيبل وشكرا..... :icon30:

[incubus]

العفو
وانا تحت امرك

[waleedsoultan]

وأنا وأنا وأنا ربنا يخليك أنا مصنع أحذية عايز كده برضه بس بالأضافة لحساب العملاء مثلا أنا وديت لمحل 10 زوج أحذية من الموديل أرتيكل كذا ، سعر 50ج ، لون كذا ، بتاريخ 28/12/2005 للمحل فولجا شوز
ثم 20 زوج حذاء موديل أرتيكل كذا أخر ، سعر 60 ج ، بتاريخ 30/12/2005 لنفس المحل
ثم موديل بتفاصيل اخري لمحل اخر وهكذا حتي مدة معينة
ثم اريد ان استخرج حساب كل محل لوحدة من الفترة كذا الي كذا
يارب يكرمك يارب لو تعرف تصممه وشوية حركات من عندك