المساعد الشخصي الرقمي

مشاهدة النسخة كاملة : سؤال عن لمبة حوض السمك

mesbah1983
22-11-2005, 01:59 PM
اريد شراء لمبة للحوض ووجدت لمبة توضع فى الماء ولا تحتاج لاى وصلات اخرى فهل هى جيده ام اشترى اللتى تركب فى غطاء الحوض؟
وشكرا
golden_knight_1
22-11-2005, 06:01 PM
رايي الشخصى يا مصباح

بلاش اللمبة اللى بتوضع فى الماء

محدش ضامن اذا كانت معزولة كويس و لا لأ !!!

الا لو انت مصر عليها ممكن تجيبها بس بلاش تحطها فى الحوض

علقها و را الحوض
ninja911
23-11-2005, 04:16 AM
أتفق مع الأخ العزيز جولدن فبعض اللمبات لا تكون معزولة جيداً

ومن الممكن أن تضع أى إضاءه فى الحوض وتكون بعيد عن سطح الماء على الأقل 5 سم

واللمبات المخصصة للحوض لا توضع خارج المياه لأنها تسخن جداً وتحترق

مع مراعاة الإنتباه لدرجة الحرارة حين وضع أى إضاءه فى الماء لأنها تسخن الماء فمن الممكن أن تصل درجة الحرارة لدرجة عالية مميته للسمك خصوصاً لو يوجد سخان أيضاً

ولكن الإضاءه المائية جميلة وأنا أفضلها بشرط إنتقاء أنواع جيدة ومضمونة والتجربة قبل الشراء لو أمكن
mesbah1983
24-11-2005, 09:02 AM
شكرا كثيرا على المعلومات الفيده
mohamed rashad
03-12-2005, 11:44 PM
اخي الغالي لمبة الحوض كويس بس شدة الاضاءة ضعيفة جيدا
وطبعا النيون احلى خصوصا لو كانت لمبة نيون زرقة
أنس النور
04-12-2005, 05:09 AM
شكرا لكم على المعلومات الاكثر من رائعة




النور
tamerfouad
07-12-2005, 04:07 AM
انا جربت الاضائة الى فى الحوض هى كويسة انا كنت جايب اتنين من اليابان مخلين الحوض شكلة روعة بس
متشغلهاش كتير عشان متتحرقش ولان السمك بيهرب منها معرفش لية يعنى لو حططها على الجنب بتلقيهم فى الجنب الاخر او فى المنطصف بس بتدى شكل جمالى خرافى على فكرة مساحة الازاز هى الوحيدة الى ممكن تلزاء عليها وداة الخطر لانها بتموت خلى بالك
mesbah1983
29-12-2005, 05:05 PM
شكرا وانا جبتها فعلا وشكلها جميل جدا
wardaya128
03-01-2006, 07:50 AM
انا جربتها بردو انا كمان...
بس للاسف المحل اللي كنت جايباها منه ماكنش عنده غير النوع ده واعتقد انه نوع رديء
وحسه انها معموله تحت بير السلم :evil_lol:
بس كان نفسي اجرب شكلها اوي...
دي حتى من غير فيشه...
هههههههههههههههههههههه
اه والله
واتحرقت ماقعدتش كتير...[س كانت اضاءتها عجباني جدا...

مش عارفه المعلومه دي حقيقه ولا لا...
انا في الاول ماكنتش مقتنعه باللمبه عشان شكلها مش عاطفي خالص ...والبائعه حاولت تقنعني ونجحت..بس كان في واحد واقف قالها انها مش ظريفه عشان مابتبقاش معزوله زي ماقلتوا وهو خايف يجيب منها عشان السمك مش يموت
قالتله ان السمك مش بيتأثر لو الكهربا اتسربت للحوض بالفعل :surrende: !!
قالها ازاي اذا كان السمك بيصطادوه بالكهربا؟؟او بيموتوه بالكهربا(هي دي حقيقه بردو؟؟)
قالت بقوه معينه...وللمبه قوتها ماتقتلش السمك...بتقول انها في مره كنت بتحط ايدها في الحوط عشان تعمل حاجه لاقيت نفسها اتكهربت...خفيف...بس اتخضت...ولاقيت لسمك متعايش عادي...

بس ازاي الكهربا اتسربت للحوض...وماحصلش قفله في النور؟؟


:surrende: ...

عموما...طبعا الاضاءه الخارجيه افضل كتيرمن ناحية الامان ومش هاقدر ازود على كلامكوا لانه هايبقى ولا حاجه :bye10000:
medo_3018
29-01-2006, 01:25 AM
شكرا لكم على هذة المعلومات التى بتفيد المبتاديئين فى هذة الهواية الرائعة ونتامنا المزيد ووووششششششششككككككككررررررررااااااا
mohamed180
29-01-2006, 05:08 AM
ورداية طبعا الاسماك متتاثرش لو المياة مكهربة و السمك مبيصطدوهوش بالكهرباء بيصطادوة بالديناميت و المتفجرات

لان اي حد كان في ثانوية عامة او حتي اعدادية يعرف ان علشان الدائرة الكهربية تكمل لابد من وجود ارضي او قطب سالب و السمك مبيكونش لامس الارض و حتي لو لمس قاع الحوض الزجاج غير موصل للكهرباء يعني التيار الكهربي مينفعش يمر خلال السمك بس احنا بنتكهرب بقي علشان بنكون واقفين علي الارض لكن لو وقفنا علي حاجة عازلة زي الخشب او الزجاج مش هنتكهرب برضةز

بس هو اللي بيضر السمك ويموتة مش الكهرباء بقدر ما هي المواد الكيماوية اللي بتكون موجودة في اللمبة من الداخل و بتتسرب للحوض مع عدم وجود عزل جيد

بس كدة
aahmed19901
23-04-2006, 03:52 AM
على فكرة السمك بيصاد بكهرباء و انا و و الله شركت ابلكدة في صيده بالكهربا لكن الكلام ده مش بيكون في اماكن مفتوحة و على فكرة تاثير الكهربة مش جامد على السمك زي ما الناس متصورة ده يدوبك تاثيرها بيبان في حدود مترين بس و كمان السمك مبيموتش بيطلع على السطح طبعا الكلام ده على السمك الكبير نسبيا
مسترموسى
23-04-2006, 05:33 PM
على فكرة السمك بيصاد بكهرباء و انا و و الله شركت ابلكدة في صيده بالكهربا لكن الكلام ده مش بيكون في اماكن مفتوحة و على فكرة تاثير الكهربة مش جامد على السمك زي ما الناس متصورة ده يدوبك تاثيرها بيبان في حدود مترين بس و كمان السمك مبيموتش بيطلع على السطح طبعا الكلام ده على السمك الكبير نسبيا

لاكن فى الحوض يا احمد السمك بيموت ولاقدر الله لو حد ايده فى الحوض ممكن برده يصعق حتى الموت.

بالنسبه للصيد فى المصارف بالكهرباء, فان الزريعه بتموت وكمان خطر اوى على الناس اللى بتكهرب الميه لان ممكن حد يتزحلق ويموت مصعوقا.......ارجو عدم تكرار التجربه, مالها الصنانير يا حماده.