عايز اتجوز بجد

[nesho]

مساء الخير انا اخوكم محمود من المنصورة انا عندى 26 سنه وعايز اتجوز من الاخر وعندى بدل الشقة شقتين وعندى محلين الحمد لله بس بجد انا كل ما اتعرف على واحده الاقى دماغها متركبة شمال مش عارف فى ايه لما خلاص قررت انى مش هتجوز ورجعت فى كلامى فعلا الواحد من غير زوجة زى الشاى من غير سكر هو التشبيه اهبل شوية بس هنعمل ايه بس الواحد جاب اخره وعلى العموم انا بقول لبنات حوا الموجودين هنا مساء الخير حد بقى يا انسات يقولى فين الحل العروسية فين علشان انا والله لو ما تجوزتش هضطر انزل السودان الشقيق وهتجوز هتاك وهبقى سودانى مملح
ياريت الاقى الحل هنا

[romanza]

صللي كده لربنا وادعيه يرزقك بالزوجة الصالحة وقرب من ربنا وإن شاء الله هستجيب لدعاك

وانا كمان هدعيلك إن شاء الله ربنا يرزقك الزوجة الصالحة في الوقت المناسب ويقدرلك الخير حيث كان ويرضيك بيه

اللهم آمين

[™Mo7aMMeD SaLeM]

وحد الله ف قلبك كده , :2:
وأن شاء الله ترزق بالزوجة الصالحة ,


معك اللــــه

[™MoHaMMeD ElHaGeR]

دا باين عليك خلاص جيبت اخرك وبعدين انت لسة 26 سنة لسة قدامك العمر طوييييييييييييييل ومش تسعجل كدة ياجدع

ان شاء الله ترزق بالزوجة الصالحة

[GHOST RIDER™]

وحد الله وان شاء الله ربنا يرزقك بازوجة الصالحه

[pink rose]

ادعى ربنا وصلى واستعذ بالله واصبر
لحد ما يحين الوقت .. وتلاقى الإنسانة المناسبة

[asma2 soso]

مش داخله دماغى حكايه مش لاقى دى لان البنات كتير اووووى ...
ومش معقول كل الى بتعرفهم فيهم حاجه غلط ...
طيب ما تراجع نفسك يمكن ان الى فيك حاجه مثلااا..
وبعدين ممكن تكلم اصحابك يشوفولك او مامتك تدور معاك ...
وصلى وادعى ربنا يرزقك الزوجه الصالحه ان شاء الله...

[..(ReD RoSe)]

اازاى يعنى دماغهم متركبة شمال
مش يمكن العيب فيك انت ..؟؟
يمكن انت اللى افكارك او طريقتك اى حاجة فيك فيها عيوب شوية
عموما البنات كتيرررررررررر جداااا
نصيحة مش اى بنت تتجوزهاا لازم تختار وتنقى كويس جدا جداا
لان دا جواز مش هزار
ان شاء الله ربنا يهيدك لزوجة صالحة تراعى ربنا فيك وتراعى ربنا فيها ويرزقكم بالخلف الصالح يارب امين

redrose

[weldomran]

ياههههههههههههههههههههههههههههههههههههههه انت مش لاقى عروسة خالص دول يابنى على افى من شيل سورى يابنات انت عارف انتى لو خرجت الصبح الساعة 7 من بيتكم ووقفت على الموقف الى فى حتتكم لغاية الساعة 8.5 مثلا اوعدك هتشوف كتيررررررررررررررررررررررررررررررررررررررررررررررر ررررررر ونقى واختار يامعلم طالما انت جاهز ومتيسر هتلاقى

[سامح انور]

عندى اقتراح جميل وحاجه حلوة خالص

انت تقف فى الشارع ومعاك موبيل او كاسيت وتشغل اغنيه بتاعت كريم ابو زيد انا عايز اتجوز انا احلى بنت فى الدنيا دى بحالها ومعايا شقتين ومحلين ولا حد فى جمالها هتلاقى اى وحدة تقولك انا تحت امرك يا سى السيد سورى يا جماعه طبعا لكل البنات اكتر من الاهم على القلب انا كان معايا وحدة زميلتى بتقولى ما تخطب بقى قولتلها انا لو عايز اتجوز من بكرة هتجوز بتقولى ليه يعنى قولتلها شغال ثانيا عندى شقه ثالثا طالعلى معاش تخيل انت بتقولى ايه انا موجودة اهوة وتقولى مش لاقى

[egypt4egypt90]

ياههههههههههههههههههههههههههههههههههههههه انت مش لاقى عروسة خالص دول يابنى على افى من شيل سورى يابنات انت عارف انتى لو خرجت الصبح الساعة 7 من بيتكم ووقفت على الموقف الى فى حتتكم لغاية الساعة 8.5 مثلا اوعدك هتشوف كتيررررررررررررررررررررررررررررررررررررررررررررررر ررررررر ونقى واختار يامعلم طالما انت جاهز ومتيسر هتلاقى


ههههههههههههههههه

طيب فين يا عم

شوفلتنا شوية بنات كده

6 ؛ 7 ؛ 10 بنات


احنا على كلامك ده عايزين نتجوز بالجملة

هههههههههه

انا جيب الموضوع ده من جوجل لم كنت ببحث عن قضايا ومشاكل الزواج

فوجدت هذا الموضوع بالصدفة
ههههههههههههههه


انا لائيت موضوع عاجبنى جدا جدا فى منتدى تانى
وهو كان بيكلم عن الصين بتصدر بناتها للزواج بالنسبة الشباب ال مش لائى يتجوز
هههههههههههههههههههههه


سلام

[egypt4egypt90]

مساء الخير انا اخوكم محمود من المنصورة انا عندى 26 سنه وعايز اتجوز من الاخر وعندى بدل الشقة شقتين وعندى محلين الحمد لله بس بجد انا كل ما اتعرف على واحده الاقى دماغها متركبة شمال مش عارف فى ايه لما خلاص قررت انى مش هتجوز ورجعت فى كلامى فعلا الواحد من غير زوجة زى الشاى من غير سكر هو التشبيه اهبل شوية بس هنعمل ايه بس الواحد جاب اخره وعلى العموم انا بقول لبنات حوا الموجودين هنا مساء الخير حد بقى يا انسات يقولى فين الحل العروسية فين علشان انا والله لو ما تجوزتش هضطر انزل السودان الشقيق وهتجوز هتاك وهبقى سودانى مملح
ياريت الاقى الحل هنا

هههههههههههههههه


والله لو هاتروح السودان لهاجى معاك
وبدل الفرح فرحين

يلا يا عم انبسط

[P.R.E.S.T.I.G.E]

مفيش حد مستريح لا اللى معاه ولا اللى معهوش

كويس انك فكرت ف السودان على فكره

لو مفيش شقه كنت فكرت ف شرم ومنها على ايطاليا

روق كده يامان بكره تتجوز وتزهق من الجواز

[sheere4244]

انا مش عارف انت مستعجل كده ليه ... علي فكره الشاي ممكن يتشرب من غير سكر..عادي يعني .... هههههههههههه

[takki]

ضحكتني واللة
هم يبكي وهم يضحك
يعني انتا معاك بدل الشقة شقتين
وبتدور علي عروسة

وفي غيرك معاة العروسة بس مش لاقي الشقة
وفي غيرك ولا لاقي عروسة ولا شقة ولا اي حاجة

هي الدنيا دي كة مابتديش البني ادم كل حاجة
وفي الاخر احب اقولك نصيحة
فكك من الحوار دة صدقني مبقاش ياكل عيش واللة
نكد وقرف وحورات مش هتخلص
وعموما ماتستعجلش كدة كدة جايلك نصيبك ;)

[jasbar]

ايه يا عم جواز ايه بس اللى بتفكر فيه ده وغير كده وكده سيبك من موضوع الجواز ووفكر كويس فى الشاى . هوا انتا متعرفش انك كل ما السكر يقل فى الشاى كل ما تحس اكتر بطعم الشاى ولا ايه .ياعم ابعد الشاى عن السكر احسنلك . دى نصيحه اخوية يعنى

[egypt4egypt90]

هما عاملين يقولون البلد فيها عونسة

هههههههه
اتارى هما ال بيجبوها لنفسهم