إلي بنات حواء : ما رأيكم في هذه الشخصيـه ..[ الجـزء الأول ] ؟

[Mr.GaMeoVeR]

بسم الله الرحمن الرحيم

السلام عليكم ورحمة الله وبركاته ,
------------
إلي كل أخواتي الفاضلات , سيتم طرح شخصيه للرجل في موضوعات إن كتب الله لنا من العمر بقيه , وبرجاء إبداء الأراء وبالآخير نحن نتناقش لنصل لأجمل وأكثر معامله بها إحترام بين الرجل والمرأه .

-----------

" الشخصيه الأولي "

العصبيه .. شخص عصبي مُتقلب المزاج .. في ثواني يتحول من ملاك برئ إلي موجة غضب وشخصيه ثائره , دائم الشك ... شخص يصعب إقناعه .,.فكيف تتعاملوا معه ..؟؟

-----

في حفظ الله وأمنه ,

أرجو إن الموضوع الي فات ميكونش ساب إنطباع عني إني ( خراب بيوت ) بس أنا والله كنت محرج لأسباب ثانيه كتير :2: وعالعموم دلوقتي سمنه علي عسسسسل :0:

والسلام عليكم ورحمة الله تعالي وبركاته ,

[romanza]

وعليكم السلام ورحمة الله وبركاته

موضوع جميل وفكرته جديدة
في الحقيقة الشخصية دي من أصعب الشخصيات في التعامل معاها

لأن طول الوقت الواحدة بتشغل بالها بكيفية التعامل وكيفية التصرف في مواقف كتير

بتخللي الواحدة مخها شغال علطول بلا توقف لإرضاء الطرف الآخر

وممكن في الآخر ما يكونش راضي برضه

بجد من أكتر الشخصيات المتعبة في التعامل معاها

لأن الأوقات الحلوة مع النوع ده من الشخصيات أينعم بتبقى حلوة جدا لكن قليلة جدا

زي مانت قلت بالظبط يتحول من الملاك البرئ إلى موجة غضب وشخصية ثائرة في ثواني

للتعامل معاه بقى

أكيد الموضوع بيكون محتاج صبر من حواء في هذا الموقف خاصة لما يكون ده زوجها


يعني مافيش في إيدها حاجة غير الصبر والذكاء

تحاول تفهمه وتحتويه على أد ما تقدر عشان مافيش حاجة تعصبه منها

لأنه وقت الغضب مابيشوفش أدامه لا في تصرفات ولا كلام

ونصيحة للنوع ده من الشخصيات يحاول يغير من نفسه

لأن مش كل البنات ويمكن أغلبهم لا يتحمل هذا الأسلوب

وممكن الانفصال يكون هو الحل بالنسبة لها في أوقات كتير

[starsong]

شخصية صعب جدا التعايش معها للأسف سواء كانت لرجل أو ست

يمكن لو الاتنين المرتبطين شخصياتهم كده يكون أحسن شويه يبقوا يقدروا

يبدلوا العصبية على بعض ! لكن لو شخص هادى طول الوقت و التانى

عصبى طول الوقت أظن ساعتها أن الشخص الهادى ده هيتحمل ما لا طاقة

له فى حياته مع الطرف الأخر !!


ملحوظة أنا شايفها : فوق ال 90% من البشر فى زماننا ده بقت دى

شخصياتهم سمتها الأساسية العصبية الزائدة راجل بقى ست أو بنت مش فارقة

الكل للاسف بقى عصبى و مشحون دايما و متوتر نتيجة ظروف الحياة و المعيشة

يعنى بجد الشخص اللى لسه بيحتفظ بهدوءها فى الزمن ده هيتظلم كتير أوى

وسط البشر دى :thumbdown:

[pink rose]

موضوع جميل وفكرة اروع شكرا ..
الشخصية اللى انت اخترتها متعبة جدا جدا ولا تكفى كلمة متعب لها لأنها شخصية مزعجة وصعب ارضاؤها
وكمان بتحتاج إلى الصبر ولكن برده كل إنسان بيبقى له طاقة فى التحمل وبذلك الشخصية اللى من النوع ده لازم تغير من نفسها وتحاول تغير من هذا الطبع السىء لأن لا أحد يستطيع تحمل صفاتها او التعايش معاها

[asma2 soso]

انا عن نفسى مش بعرف اتعامل مع حد عصبى خالص