اي حد عاوز يستفسر عن اي حاجه بخصوص راية واختبارات التقدم [الأرشيف] - موقع الدي في دي العربي

مشاهدة النسخة كاملة : اي حد عاوز يستفسر عن اي حاجه بخصوص راية واختبارات التقدم

tamer_ahlawyy

26-10-2008, 07:26 PM

سلاااااااااااااام عليكم يا شباب....

انا قلت اعمل الموضوع ده عشان انا مريت بالوقت ده وكنت عاوز حد يساعدني ومش لاقي...فقلت اعمله يمكن ربنا يسهل واقدر اساعد الناس....
عموما يا شباب لو في اي حد قدم ف راية او بيقدم ومحتاج يعرف اي حاجه عن الانتر فيوهات من اول واحد لحد ميمضي العقد انا ان شاء الله هقدر افيدك..قول السؤال بتاعك وانا هحاول ارد عليه ف اقرب وقت...وربنا يسهل للجميع ان شاء الله..

tamer_ahlawyy

26-10-2008, 11:54 PM

:whistle::whistle::whistle:

ahmed_y2j001

27-10-2008, 12:21 AM

قول يا عم كل اللي تعرفو
وجزاك الله خيرا
انا بعت السي في ومحدش كلمني

bernoulli100

27-10-2008, 12:30 AM

ألف شكر يا باشا على عرضك للمساعدة
لكن أنا أسف هتعبك .. أنا مش عارف أي حاجة عن الشركة و عرضها للوظائف

ممكن فكرة عامة عن الوظيفة و متطلباتها و نوع الشغل و طريقته ؟
لأن أنا إشتغلت قبل كده في مجال الإتصالات و عايز أعرف لو كان الشغل ده ممكن يناسبني

tamer_ahlawyy

27-10-2008, 12:41 AM

الشركه حاليا محتاجه CUSTMER CARE وهو خدمة عملاء وجها لوجه...بمعني انك بتبقي ففرع من فروع رايه..بيجي اي شخص عنده مشكله بيحكيلك المشكله بتاعته,وانت ساعده بقي بطريقه مناسبه..بيبقي البوزيشن بتاعك جوه الكاستمر كير حاجه من 3 دليفري او هاب او ريسيف..دول بتستلم او بتسلم و الهاب ده زي محطه التليفون بيعدي عليها عشان تحدد نوع الصبانه...

متطلبات الشغل,انك يكون عندك مقدره للتعامل مع الناس بمختلف الفئات باسلوب مناسب وكل واحد حسب طبيعته ومستواه,,,طبعا في مشاكل كتير جدا ف المجاال ده ف محتاج الهدوء التاااااااام...

مؤهل عالي طبعا....

المظهر مهم جداااااا جدااااااا جدااااااااااااااااااااااااااااااا.

ال انتر فيوهات بتبقي ب انجلش و ساعات عربي..وفي امتحان اي كيو و انجلش...

مواعيد الشغل من 11 ل 11 و 3 ايام ف الاسبوع اجازه...

bernoulli100

27-10-2008, 12:47 AM

ألف شكر يا باشا على المعلومات
كده الواحد يكون فاهم الوظيفة عبارة عن إيه

أنا كنت تجارة إنجليزي و إشتغلت في calling center قبل كده إللي في أميكو تيك في برج التطبيقيين
بيتهيألي كده ممكن أنفع في الوظيفة دي
و يا ريت توضيح بسيط بالنسبة للمرتبات
لأني سمعت إن شركات الإتصالات ما بقتش بتدي مرتب ثابت كبير
و بيعتمدوا على الإنجاز في الشغل و على نسبتها بتكون العمولة !!

و عموماً شكرا مرة ثانية على الإفادة

eslammam

27-10-2008, 02:39 AM

أنا روحت الأنتر فيو وقالولى هنتصل بيك بعد العيد علشان نحدد معاك مواعيد الأمتحانات و متصلوش للأسف

tamer_ahlawyy

27-10-2008, 10:02 PM

اولا يا جماعه انا عاوز اقول للقدم مره او راح مره ومقبلش متفقدش الامل...روح قدم ففرع رايه ف اكتوبر...

بالنسبه للمرتبات و الموضوع ده,,هو كان ف الاول المرتب كان بيبقي كله حاجه واحده دلوقتي قسموه جزء ثابت و جزء متغير..ده طبعا لان كان في ناس كتير جدا بتدلع ويبقي زميلك جانبك مفحوت طول النهار و ف الاخر كله بيتساوي...

بالنسبه للقيمة هم بيمضوا معاك حسب مؤهل وخبراتك وقدراتك بس عموما هو بيبدا من 600 اساسي و 600 متغير او 700 و 750 و 750 او 900 و 900...بس نادرا جدا 600 دي.....ولو انت مؤهل عالي وليك خبرات كويسه واشتغلت قبل كده و انجليزي بقي وبتاع ف الغالب هيمضوا معاك علي 900 و 900...

ميزة راية انهم بيمضوا معاك من اول يوم..مش زي فودافون بعد اول 3 شهور علي حسب مسمعت....

ربنا يوفق الجميييع...واي حاجه انام وجود ان شاء الله..

eslamsaeid

27-10-2008, 11:20 PM

معلش استفسار انا عملت انتريفيو و بعديه علي طول عملت انتريفيو تان في نفس اليوم و بعدها قالو حنبقي نكلمك علشان الانجليزي و الاي كيو بس ماحدش رد عليا من حوالي اسببوع او عشر ايم مع ان في ناس من اللي كانو مقدمين معايا في نفس اليوم اخدو ميعاد الامتحان و انا قلولي حنبقي نكلمك و متكلموش .....!!!!؟؟؟؟؟

wammawar

28-10-2008, 12:34 AM

هوا كل الشغل فى راية للمؤهلات العليا فقط؟ مفيش شغل للمؤهلات المتوسطة فى راية؟

bernoulli100

29-10-2008, 03:04 AM

ألف شكر على إهتمامك بالرد على الناس
أخر سؤال و معلش إستحملني
عايز أعرف العناوين إللي ممكن أروح أقدم فيها
لأني مش عارف بالضبط مكان فروع الشركة فين
و ربنا يجازيك عنا كل خير

kamba

29-10-2008, 03:51 AM

هو في مكان تقديم تاني غير اكتوبر..و لا هو اكتوبر بس

bernoulli100

30-10-2008, 04:49 PM

في إنتظار ردك يا أستاذ تامر

tamer_ahlawyy

31-10-2008, 12:48 AM

معلش يا جماعه انا اسف علي اتاخير في الرد....

اولا.عنوان الشركه في 6 اكتوبر الحي المتميز..خلف جامعة مصر...هتروح تقدم السي في ف الريسبشن..

بالنسبه للسوال عن المؤهلات المتسوطه,,هو حاليا مفيش للاسف قبول مؤهلات متوسطه...

يا جماعه انا اسف اني اقول حاجه رزله شويه,,بس ال شايف انهم مثلا مكلمهوش بقالهم شهر مثلا, ف يحاول يبحث عن حاجه تانيه,لان كده الفرصه ضعيفه..

المفترض انهم بين كل انتر فيو والتاني عشان يردوا عليك بيبقي بحد اقصي اسبوع او 10 ايام..متكلموش دور ف مكان تاني, وخلي نيتك خير وانت بتدور .وبلاش تكسل...اسعي يا عبد وانا اسعي معاك.....وان شاء الله ربنا يوفقكم جميعاااااااا لشغل كويس...ولو حد عاوز اي استفسار انا موجود..

SlaVe.Of.AllaH

31-10-2008, 01:01 AM

انا روحت 6 اكتوبر وعدى اسبوع بس مكنش انترفيو الا ل 5 دقائق مع كل الناس ..قاللى دى تصفية
بس المشكلة ان سنى كبير اعتقد عشان كده ممكن ميتصلوش هو عدى اسبوع بالظبط .الله المستعان .

dead man walken

31-10-2008, 02:02 AM

السلام عليكم
طبعا بشكرك علي موضوعك و اهتمامك بالرد علي الناس
انا سمعت ان راية يتدي كورسات في مجال الاتصالات
و كنت عايز اعرف الكلام ده صح و لا غلط
انا لسة طالب في 2 هندسة
و عايز اتدرب في شركات اتصالات قبل ما اتخرج
و جزاك الله خيرا

alaalolo15

31-10-2008, 02:51 PM

ya tamer
ana ba3tlk 3l private
plz rod 3lya