تصفح الانترنت لازم برصيد ولا من غير رصيد !!!!!

[ho0o0oba]

السلام عليكم ورحمة الله وبركاته
شباب انا عندى الموبايل بدخل بيه على الانترنت وشغال تمام طول ما انا معايا رصيد
لكن اول لما الرصيد يخلص مش بيدخل نت تانى
على الرغم من ان كل الناس هنا بتقول انه شغال عادى مع الرصيد ومن غير ما يكون فى الرصيد ولا مليم
طيب انا كنت عايزة اعرف ايه الغلط اللى عندى علشان ادخل بيه وقت ما ميكونش معايا رصيد
لانه بيرفض تماما انه يدخلنى على الانترنت وقت ما الرصيد يخلص
هل فى غلط مثلا فى اعدادات النت عندى او لو اى حد يعرف اسباب تانية للمشكلة دى ياريت يقولهالى
وجزاه الله خيرااا
انا العدة بتاعتى سونى اريكسون
الخط فودافون
بدخل عن طريق vodafone internet وايه الفرق بينها وبين vodafone wap
مع العلم انى انا معنديش الاختيار فودافون واب عندى فودافون انترنت فقط
وشكرااااااااااااااااااااا جدااااا جداااا

[amr_diaaab]

فى فودافون اليوم ب جنية

[ho0o0oba]

ما اختلافناش انا عارفة التكلفة بس هى المشكلة انى لما مش بيبقى معايا رصيد
مش بيرضي يدخل على الانترنت على عكس مابيقول باقى الاعضاء انه ممكن يدخل على الانترنت
من غير مايكون معايا رصيد
وثانكس هلى اهتمامك يا عمرو

[grandmoon]

نزل على موبايلك برنامج Opera Mini هتتصفح النت وبلاش وانا مجرب والله ومش معاية رصيد غير50قرش وبخش ومش بيحصل حاجة للرصيد

[MafiaMan23]

اظن انك لازم تخش عن طريق Vodafone WAP
مش Internet
اطلب
#4*888*
وهيبعتولك الاعدادت

[doctorbloody]

انا بخش عادي بدون رصيد بس ببرنامج mini opera

[ho0o0oba]

انا منزلة برنامج مينى اوبرا وبتصفح بيه وشغال تمام بس برده مش بيرضى يدخل انترنت وانا مش معايا رصيد
واتصلت ب #4*888* بعتولى اعدادات pic message
مش اعدادات النت :(

[dr_elsab3]

بصي من الآخر عشان تدخلي ببلاش لازم 3 حاجات . الأولى : ان مايكونش معاكي رصيد عشان ما يخصمش منه . التانية : انك تدخلي بأي برنامج جافا زي الأوبرا ميني مش الأوبرا العادي أو الإي بودي أو نيم بز أو ميج . التالته : إن يكون الأكسس بوينت اللي داخلة منه هو فودافون واب مش انترنت . وواضح كدة ان المشكلة عندك في النقطة التالتة دي جربي تكلمي فودافون وقوليلهم انا عاوزة الضبط بتاع فودافون واب يدوي لو مانفعش هجرب معاكي طريقة تانية بس هنطول فيها شوية ولازم تكوني معايا خطوة بخطوة بس ان شاء الله تتحل لما تكلمي خدمة العملاء . وربنا معاكي سلام

[merick]

السلام عليكم ورحمة الله وبركاته
شباب انا عندى الموبايل بدخل بيه على الانترنت وشغال تمام طول ما انا معايا رصيد
لكن اول لما الرصيد يخلص مش بيدخل نت تانى
على الرغم من ان كل الناس هنا بتقول انه شغال عادى مع الرصيد ومن غير ما يكون فى الرصيد ولا مليم
طيب انا كنت عايزة اعرف ايه الغلط اللى عندى علشان ادخل بيه وقت ما ميكونش معايا رصيد
لانه بيرفض تماما انه يدخلنى على الانترنت وقت ما الرصيد يخلص
هل فى غلط مثلا فى اعدادات النت عندى او لو اى حد يعرف اسباب تانية للمشكلة دى ياريت يقولهالى
وجزاه الله خيرااا
انا العدة بتاعتى سونى اريكسون
الخط فودافون
بدخل عن طريق vodafone internet وايه الفرق بينها وبين vodafone wap
مع العلم انى انا معنديش الاختيار فودافون واب عندى فودافون انترنت فقط
وشكرااااااااااااااااااااا جدااااا جداااا


عندى نفس المشكلة

:31: مع ان اصحابى بيقولو انة شغال عادى بدون رصيد

[khaled_sl]

اليوم ب جنيه في كل الشبكات ليك 60 ميجا بس في اليوم تصفح الانتر نت فقد لكن اتصلات حمل علي رحتك

[khaled_sl]

عيش الانترنت من كل الشبكات ب 1

[Bahaa218]

يا جماعة النت فى فودافون فصل خلاص من يوم 27 اكتوبر

[dr_elsab3]

يا جماعة النت فى فودافون فصل خلاص من يوم 27 اكتوبر

لا لسة مافصلش هو فعلا الأوبرا ميني ماكانش عاوز يدخل معايا خالص من ساعة التاريخ ده بس وقتها الميج والإي بودي كانو شغالين معايا ودلوقتي ومن حوالي ساعتين بس الأوبرا رجع يشتغل تاني وأنا بابعتلك الرد منه ناو
وكلمني عالفودافون

[m_abdelaziz200]

فودافون انترنت بيسحب من الرصيد
فودافون واب ببلاش
فى موبايلات بتدعم الواب وموبايلات لا
نوكيا 73 بيشغل الواب
نوكيا 82 مبيشغلش الواب
يعنى ممكن يكون موبايلك مبيدعمش الواب

[ahmed2883166]

طيب انا موبينل وبيسحب رصيد وتقريبا مش بينطبق عليه اليوم بجنية دا بيسحب اكتر من جنية فى اليوم

[gehadag05]

علي فكرة يا جماعة

انا كمان كنت بدخل ببلاش ونا مش معايا رصيد خالص

علي opera mini+nimmbuzz+ebuddy

بس فعلا من كام يووم كدة مبقاش يدخلني غير لما يكون معايا رصيد بس

اول ما الرصيد يخلص مبيدخلنيش

مع العلم اني vodafone wab وكونت شغال عادي مغيرتش الاعدادات ولا حاجة

معرفش بقا هما اكتشفو البرامج دي وعالجوها ولا ايه

ياريت حد يقوولي

[Insulin]

ايوه ياجماعه الموضوع شكله خلاص اتعرف
لانه كان شغال معايا ببلاش
بس خلاص من كام يوم كده الموبيل مش بيدخل نت خالص
اتقفشنا

[m_abdelaziz200]

موبينيل محدش يعرفلها
ممكن تخش عالنت ببلاش وانته مش معاك رصيد

[mohnassef2010]

Thaaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaanks

[happy67]

انا كمان كان شغال عندى ببلاش لمده شهران

ومن يومين وقفت النت خالص

كنت بدخل عن طريق فودافون لايف ان 73

ودلوقتى مفيش خالص وكنت جربت بخط تانى فودافن والنت اشتغل

هل هناك من طريقه

[Eng.3mrlizm]

أيوة يا شباب .. فعلاً الموضوع إتوقف

تقريباً كانو سايبين الناس يدمنوا الإستخدام

و بعد كدة يحاسبوهم لما يستخدموه هههههه

[ledo_el_proff]

اتقفشنا يا رجاله
ههههههههههههههههه
انا نفس الموضوع
بس مشكله الواحد انه خلاص
ادمن
وبنخش حتي لو بفلوس
حد يشوفلي دكتور نت في اي سايبر يعالجني من ادمان النت ده

[khaled_sl]

موبنيل انا مكنش معايه رصيد و دخل ببلاش

[frank_lampard]

أنا برضه كانت شغاله معايا 100 فل و10 بعد كده مبقاش يخش من غير رصيد وكمان لما بشحن بخمسة جنيه مثلا عشان أقعد بيها 5 أيام ألاقي الرصيد خلص في 5 ساعات رغم اني مبعملش دونلود وقافل الصور

شركة حرامية:31: