استفسار مهم بخصوص شقق مدينه نصر (أراضى وضع اليد) اللى بدون ماء وكهرباء [الأرشيف] - موقع الدي في دي العربي

مشاهدة النسخة كاملة : استفسار مهم بخصوص شقق مدينه نصر (أراضى وضع اليد) اللى بدون ماء وكهرباء

dr mazagangy

25-10-2008, 02:03 PM

السلام عليكم ورحمه الله وبركاته...
عندى استفسار مهم جدا يا جماعه
وارجو اللى يجاوبنى عليه يكون من الفاهمين فى الموضوع ده...
لأن الموضوع بجد مهم جدا بالنسبه لى
فيه شقق كتير موجوده فى الوسيط وكده عن الشقق اللى على اراضى مأخوذه بوضع اليد بالذات فى مدينه نصر فى الحى الثامن...عند ابراج التوفيقيه...اخر مترو مصطفى النحاس
وهم بيقولوا ان ممكن اعمل صحه توقيع وحاجات فى المحكمه كده للضمان
غير ان الشقق ملهاش عداد كهرباء...والميه داخلالها من خط بره مش العمومى بتاع الشارع
طبعا الشقق اسعارها رخيصه ومساحاحتها حلوه جداً...
ارجو انكم تفيدونى اخد هناك ولا لأ؟؟؟
وياريت كمان لو حد يعرف المنطقه هناك حلوه وحيويه ولا صحراء ومقطوعه
لأنى مروحتش اتفرج...

momo100010

25-10-2008, 03:11 PM

السلام عليكم اخى الكريم
اولا الشقق دي فعلا مغرقة الدنيا ف ارقى مواقع مدينة نصر (زي ما بيقولوا على الأقل)
المهم الكلام دا اللى هما ف احسن منطقتين ف زهراء مدينة نصر :-
1- اخر مترو مصطفى النحاس شمال بعدابراج التوفيقية (ودي 4.5 او عزبة الهجانة من ورا)ولما تيجي تقول لهم دي 4.5 يقول لك يا بيه دا كان زمان دلوقتى اسمها زهراء مدينة نصر
2-خلف مخازن السلاب (ودي 4.5 من اليمين)وبرده الحال نفس القصة بتاعة الموقع الراقي الاولانى
طيب دول المنطقتين
المهم اسعارهم رخيصة ليه؟
لان الناس دي بتشتري العشة ولا البيت الصغير اللى ف اخر 4.5 وبيعمله برج (دا بالنسبة لمصطفى النحاس)
والمنطقة التانية اللى هى خلف مخازن السلاب دي بقى اساسا كانت ارض قوات مسلحة وكان المفروض انها تبقى استكمال لمرحلة زهراء مدينة نصر بتاعة لظباط ولكن كان فى هناك الناس البوابين اللى كانوا بيحرسوا عمارات الظباط دول كانوا اعدين ف الحتة الصحرا دى وبطريقة او باخى او (زي ماهم بيقولوا ) السيد الرئيس هو اللى فتح المنطقة دي للتسجيل وبقوا البوابين صحاب الارض
ودلوقتي بيبنوا ابراج
المية والكهربا بيخدونها من الخط العمومي ف مصطفى النحاس وبيخدوها من مساكن الظباط اللى جنب مخازن السلاب اللى ورا مخازن السلاب

طيب من الاخر بقى علشان انا دوشتك انا اسف انى طولت
عزبة الهجانة ليها اربع مخارج
1-مخرج ناحية مصر / السويس (ودا المخرج الوحيد اللى نفد من العبط الى بيحصل دلوقتى (على اساس ان 4.5 بقت ارقى مواقع زهراء مدينة نصر)
2-مخرج عملوا فيه اول ارقى مواقع زهراء مدينة نصر(اخر مصطفى انحاس شمال)التبة من الاخر
3-مخرج عملوا فيه تاني ارقى مواقع زهراء مدينة نصر(خلف مخازن السلاب).
4-مخرج ناحية شارع الورشة واللى غيروا اسمه دلوقتى وبيقولوا عليه شارع الزهور .
ان لم تستحي فافعل ما شئت
البلد اللى يبقى فيها البواب صاحب الارض واللى كان صاحب الارض بيتمنى شقة من الشقق بتاعة البواب يبقى حلال اى حاجة تحصل فيها
البلد اللى يبقى فيها الناس طبقتين يبقى تتوقع اى حاجه تحصل فيها
حسبنا الله ونعم الوكيل
اخر الكلام وخلاصته دا لو انت فضلت تقرا لغايه هنا
انا رحت التلت مواقع دول وولا واحده نفعتنى لعدة اسباب :-
1- لو سكنت فيها يبقى انت مش هتشوف شمس يعنى الشقة كلها على منور الا (دا لو انت اخدت مكان مميز) هتاخد بلكونة كده (اسما بس) يعنى اللى يصحى بدري هو اللى يبص شوية او ياخد شوية شمس مع العلم ان جارك اللى ف العمارة مش اللى قدامك بقى العمارة اللى لازقه فيك هتلاقيه باصص وتسلم عليه وممكن تحضنوا بعض وانتا ف البلكونات
2- العمارات مش مجروحة لا دا لا مؤاخزة اعتبر ان انت واللى ف نفس الدور ف العمارة اللى قدامك عايشين مع بعض الا لو انت افلت بالضبة والمفتاح
3- وطبعا اهم حاجه ان انت لازم تستلم الشقة وبعد كده طبعا الحديد بتاع السجن علشان السرقات الكتييييييييييييييييييير موووووووت اللى هناك يعنى انت مشض عايش ف شقة ف سجن
يعلم الله انى نقلت الصورة بوضوح ومن الناحية اللى انا شايفها مع تجميل بعض الاشياء او عدم التحدث عنها مثل الطرق واجيران والمنطقة
والمشاكل بتاعة اعضاء الحزب الوطنى ف شارع حسنى مبارك خلف مخازن السلاب واللى ما شفتهاش ولكنى سمعتها من مقاول كان اعد هناك
ربنا يتولانا برحمته يا رب

dr mazagangy

25-10-2008, 03:28 PM

momo100010

25-10-2008, 06:21 PM

momo100010

بصراحه يا باشا كتر الف خيرك...
ردك ده شرح كافى ووافى للموضوع
واضح ان المكان فعلا معفن يكاد يكون مزبله للأسف
اشكرك جدا على الشرح الوافى ده
بس يا ترى...ايه قانونيه الموضوع ده اساساً
وهل فيه ميه وعدادات كهرباء ولا لأ؟؟

اولا يا باشا دا اقل حاجة والله انا كنت عايز ابقى عارف اكتر علشان اقول لك
بص ؟بالنسبة لقانونيتها انا هقول لك اللى سامعه
ان انت بتقدم شكوى او بتعمل محضر اول ما تستلم الشقة والمفروض بيطلع لك امر (بحصة من الارض )وليس بصلاحية الشقة والا مكنش حد عمل ترخيص بناء
معنى كده انت مش ضامن لو ( لا قدر الله والف بعد الشر)لو حصل حاجه للعمارة ان انت مش هتاخد شقة بس دي حوارات من الاخر كده مفيش حد جربها
بس يا عالم يجي حد محترم نضيف وهو دا اللى هيحصل قريب ا ش ا ان حد محترم يجي ينضف البلد دي محافظ بقى او ايا كان
المهم انت سعتها مش هيبقى ليك حق والا مكنش حد غلب ولا كان حد فكر يعمل ترخيص بناء
المهم دا بالنسبة للارض او الشقة
لكن عدادات المية والكهربا الراجل بيقول ان لما العمارة بتخلص وبتتسلم بيجمعوا والشركة مطالبة انها تعمل عدادات مية وكهربه
طيب شوف انت هتستلم شقتك امتى
وجيرانك كلهم هيستلموها امتى
وهل الشركة اللى بنت العمارة هتلتزم بنص العقد ولا هيلعبوا بالتلت ورقات ومش هتعرف تاخد منهم ولا حق ولا باطل طيب هنروح بعيد ليه يعنى مش وارد ان دول يكونوا ناس مش تمام وساعتها لا ينفع الندم ممكن يكونوا من اللى بيقولوا المحاكم حبالها طويلة والمبلغ اللى بياخده من ساكن بس لا العمارة لا العمارات اللى بيعملوها مش شويه يعنى يستاهل ان الواحد يتبهدل عبشانه كتير عامة الله اعلم وانت برده المفروض تروح وتحكم بس انا برأت زمتى ان الكلام اللى هم بيقولوه دا الله اعلم صح ولا غلط انت تروح تسال وتستخير والخيرة فيما اختاره الله
لو اى حاجة تانى
انا تحت امرك

dr mazagangy

25-10-2008, 06:35 PM

momo100010

25-10-2008, 07:31 PM

ربنا يخليك يا باشا
والله انا تعبتك معايا جدااااااااا
الف شكر ليك...ربنا يجعله فى ميزان حسناتك...
واتمنى لو حد عنده اى اضافات تانيه يقولها لعل وعسى الموضوع يكون منفعه لناس تاتنيه
وربنا يجعلنا سبب

يا باشا دا انا ماعملتش الا الواجب وعامة انا هسأل ف القصة دي تانى واديب لك الديب من ديلة بإذن الله
ويارب يبقى فى حد له اضافة نستفيد بيها انا خاطب بقالى ترة كيرة وبدور على شقة يارب الاقي شقة يااااااااااارب

المفكر.

25-10-2008, 08:57 PM

شوف يا باشا انا كنت ناوى اعمل الموضوع ده انا كمان وافتح باب المناقشة فيه وانا ندى بعض المعلومات عن الموضوع ده لانى ليا اصحابى ساكنبين هناك

اولا" تعقيبا" على كلام الاستاذ momo100010 عاوز اقول حاجه يمكن اكون فاهمها غلط او صح لكن ده اللى اعرفه من اصحابى:
العمارت اصحابها مش البوابين.. اللى حصل ان كل ظابط كان واخد منطقه هناك عمل اتفاق مع واحد من المقاولين على اساس ان المقاول يبنى و يبقو هما الاتنين اصحاب العمارة و الدليل على كده ان العقد بتاعك بيبقى مكتوب فيه اسم الاتنين مش بس كده ده كمان بيبقى فيه صورة من عقد الارض اللى كان واخده الظابط ساعة ما خد الارض (اللى عاوز ياخد شقة هناك لازم يعمل كده يعنى لازم يكون اسم الاتنين موجود و فيه صوره من عقد الارض الاصلى و اللى بييجى ياخد شقه بياخد معاه محامى من المنطقة و هو عارف كل الحاجات دى)
و لما تروح المناطق دى هتلاقى كل السماسرة اللى هناك عباره عن ظباط جيش و مقاولين

نيجى بقى بالنسبة للكهربا: شركة الكهربا بتاخد من كل شقة 40 جنيه على اساسا ان مفيش عداد عندك و بيحاسبوك عل استهلاك لمبه واحده حتى لو كنت بتستهلك ب 1000 جنيه

انا ان شاء الله هاروح المنطقة دى قريب يمكن ابقى اخد شوية صور ليها وابقى انزلها هنا فى الموضوع.
و على فكرة نفس الوضع ده هتلاقيه موجود كمان فى جسر السويس و انا رحت المنطقة دى النهارده.

الخلاصة ان الاسعار هناك حلوه والناس مش لاقيه الأرخص طب الناس تعمل ايه ده الشقة فى زهراء مدينة نصر وصلت ل 300 الف جنيه يا عالـــــــــــــــــــــــــــــــــــــــــم؟؟

و انا من رايى الخاص ان الحكومه عمرها ما هتقدر تعمل مع الناس دول حاجه لانك بتتكلم عن منطقة فيها ما يقرب من 300 عمارة و شوف كل عماره فيها كام شقة يعنى مستحيل الحكومه تيجى فى يوم وليله و تقول للناس امشوا من هنا
لكن ممكن تعمل مصالحه او حاجه زى كده و فى النهايه باقول ان ده كله رأيى الخاص جدا"""

فيه منطقة برضه كويسه لكن زحمه جدا و هى فيصل والدواخل بتاعتها و جسر السويس عامله زى فيصل بالظبط بالنسبة للشوارع الداخلية.
و لو عاوز نصيحتى انزل شوف المنطقة بنفسك احسن لك علشان تقدر تقرر.

واتمنى الاقى مداخلات تانيه هادفه تعبر لنا عن الموجود

megor_mya

26-10-2008, 06:54 AM

السلام عليكم يا جماعه
انا واخد هناك شقتين في المنطقة اللى بتقولو عليها
ودا اكيد مش راجع لان المنطقة عجباني لأ طبعاً بس دا راجع لاني مالقتش ارخص من كدا
وكما شفت منطقة مشابهه في فيصل اسمها "مريوطية فيصل" المهم ان المكان دا متقدم في السن "يعني اقدم من الزهراء"
والاتينين فعلا نفس الحوار مع فرق في الاسعار طبعا فيصل لقيتها اغلى ودا بسس انها اقدم او بقت عمارانه زيي مابيقولو
انا وانا بمضي كان معايا المحامي وفعلا خدت صورة من عقد الارض وصورة من عقد الشراكة بس اللى مضى على العقد كان صاحب الدور او الشقة ومش عايز اطول اكتر من كدا انا حبيت بس اعرض تجربتي وشكرا

المفكر.

26-10-2008, 12:12 PM

ومش عايز اطول اكتر من كدا انا حبيت بس اعرض تجربتي وشكرا
لو حضرتك عندك اى معلومات تانيه يا ريت تعرضها لنا و مفيش تطويل ولا حاجه

momo100010

26-10-2008, 05:27 PM

" تعقيبا" على كلام الاستاذ momo100010 عاوز اقول حاجه يمكن اكون فاهمها غلط او صح لكن ده اللى اعرفه من اصحابى:
العمارت اصحابها مش البوابين.. اللى حصل ان كل ظابط كان واخد منطقه هناك عمل اتفاق مع واحد من المقاولين على اساس ان المقاول يبنى و يبقو هما الاتنين اصحاب العمارة [/CENTER]

اولا اهلا بيك اخى الكريم
اساسا الظباط ماشتروش الارض دي لان الجيش مش بينزل قطع اراضي للظباط بينزل شقق وانا الت ان القطعه دى كانت المفروض تبقى استكمال للمراحل بتاعة مشروع القوات المسلحة وكانت الاراضي تخص القوات المسلحة او صندوق الاسكان وليس بتاعة الظباط
تاكد من المعلومات اخى الكريم
بس انا ااكد لحضرتك ان مفيش ظابط له قطعة ارض من القطع دي لان الريس فتح باب التسجيل للارض دي وكان البوابين هما اللى اعدين ف المنطقة (الصحرا دي)سعتها
اسف انى طولت
ولكنى متاكد من المعلومات دي