ياريت تساعدوني يا هندسة

[النجم الطائر]

انا عندي كومبيوتر قديم شوية البروسيسور 1000 والرامات 128 والبوردة بيلت ان ده كل اللي أعرفه عنه وعايز اوصل
dsl ولذلك عايز أحدثه شوية في حدود فلوس معقولة برضه رايكم إيه يا هندسة اصل واحد صاحبي عنده خبرة شوية قال لي مش حينفع تزود الرامات ولا البروسيسور معاك لازم تغير البوردة والبروسيسور والرامات مع بعض من الاخر اشتري جهاز جديد :shiny000: انا ما ارضيتش اكتبه في قسم الصيانه واي قسم من اقسام الكومبيوتر قلت خلينا مع المتخصصين أحسن وأضمن :bigsmile:

[chessspy]

يا باشا الموضوع مش محتاج متخصصين ولا حاجه .. و صاحبك عنده حق عشان تقدر تزود الرامات او memory يبقس لازم يكون البروسيسور يقدر يشوف الرامات الجديده و بالتالي انت محتاج بروسيسور اعلي و طبعا البروسيسور مرتبط ارتباط وثيق بالبورده و بالتالي هتغير برده بورده .. يبقي موضوع التحديث ده صعب شويه .. بس عموما انا شايف ان جهازك ممكن يركبله dsl عادي جدا و ده لان سرعه النت مش محتاجه جهاز مواصفاته عاليه قوي و للعلم انا واحد صاحبي كان مركب dsl علي جهاز اقل من بتاعك بكتير و كان شغال كويس الي حد ما .. يعني لو عاوز تركب dsl مفيش مشكله و 128 رام كافيه و هيشتغل معاك كويس متقلقش

[النجم الطائر]

الف شكر علي الرد السريع . ساعات الحقيقة بتحبط :no000000:

[chessspy]

العفو يا باشا اي خدمه

[tarekgnaid]

بص يا باشا انا عالطول بشترى كمبيوترات لاقاربى و صحابى
بس انا عايز اقولك على حاجة
لو انت مبتلعبش games و لا بتشتغل على برامج جرافيكس جامدة يبقى مش محاج مواصفات عالية فى الجهاز
و اديك مثال على الجهاز بتاعى
pentium 3 500 M.h
ram 128 m.b s.d buss 133
h.d 80 G.B
vga 32 m.b sis
cd r/rw benq 52x32x52
mother board tomato

يلاحظ ان الجهاز بيشغل العاب لحد لعبة empire earth و ما شابهامن العاب ال 3d
يلاحظ ان الجهاز يعمل بكفاءة لبرامج الجرافيكس لحد ال 3d max و ال auto cad 2005

انا مركب dsl 1 m.b
انت علشان تركب دى اس ال مش محتاج اكتر من كارتة نت ورك ب 20 جنيه

و لو عايز تلعب جيمز مش محتاج اكتر من فيجا 64 بس ماركة نظيفة

و لو عايز برامج جرافيكس مش محتاج اكتر من رامات 256

و على فكرة انا منزل وينوز 98 و اكس بى

لو الجهاز عندك شغال براحة نزل الويندز من اول و جديد و امسح ملفات الويندز القديم

[النجم الطائر]

ألف شكر يا باشا ربنا يخليكم

[tarekgnaid]

العفو يا باشا

[LeCaire]

انا عندى صاحبى راماته 64 و البروسيسور 500 و شغال dsl زى الفل

[النجم الطائر]

ألف شكر يا Lecaire انا اتوكل علي الله واشترك

[LeCaire]

العفو على ايه ، ربنا معاك