أفيدونى يامسلمين

[gamal_salem84]

بسم الله الرحمن الرحيم



السلام عليكم ورحمه الله وبركاته



يا جماعه انا وقعت فى مشكله جامده جدا مع صديق بسبب الموضوع اللى ها اقوله دا فارجو ان اى حد يعرف



راى الدين يقولى وبسرعه علشان الموقف مش مستحمل تاخير



الموضوع بدأ بنقاش بينى وبينو عن علاقه المسلم بغير المسلم بالتحديد بالمسيحى



والخلاف كان فى نقطه محدده هوا كاتب بحب فلان وبعشقو وحياتى وكدا وفلان دا مش مسلم



فانا قولتلو استنادا لمحاضرات سمعتها قبل كدا



صحيح لكم دينكم ولى دين .. يبقى التعامل كويس وبالحسنى وعلى احسن ما يكون دا صحيح



لكن الحب منزله كبيره اوى اوى واللى اعرفو ان ناس كتير بسبب الحب سابت دينها وجريت ورا



احساسها...يعنى لما تحب فلان يبقى ها تكون متعلق بيه اوى اوى لبسه طريقه تفكيره وكدا



وان المسلم الحق بيحب فى الله ويبغض فى الله...



وفى حديث اعرفو مش عارف ضعيف ولا لا معناه ان المرء يحشر مع من احب



وكمان دخول الجنه بيكون زمرا مجموعات مجموعات



وانا عارف الايه الكريمه اللى معناها ان الله لا ينهاكم عن اللى لم يخرجوكم عن دياركم



بس بتقول ان تبروهم وتقسطو اليهم



وكمان الايه لتجدن اقرب الناس للمسلمين النصارى وبينا موده ورحمه



بس هل دا كله مسوغ للوصول لدرجه الحب



صاحبى قالى



هاتلى ايه صريحه او حديث يثبت ان لازم منحبهمش



واستشهد بأمنا السيد ماريا القبطيه زوجه حبيبنا محمد صلى الله عليه وسلم



ودخل بقا فى موال انت بتشوه الاسلام انت تفكيرك حجرى انت انت انت...



طيب دلوقتى انا محتار جدا لدرجه انى مش عارف ارد فلو حد فيكم يقدر يقولى على راى الدين



وهل كلامى صح فاقنعه بيه او غلط فيفهمنى الصح علشان امشى معاه



طبعا بالدليل



مش عارف ارجو الافاده باسرع وقت ممكن وجزاكم الله كل خير..............

ارجو الاهتمام و اذا اقتضى الامر ارسال رساله خاصه فافعلو وجزاكم الله خيرا

[3aber_sabeel]

انصحك والنصيحه لله بأن تشتري له كتيب منه الرحمن فى نصيحه الاخوان فيه بابين مخصصين للموضوع ده اسمهم الولاء والبراء وهذا افضل ما انصحك به واعانك الله

[كينشي هيمورا]

بسم الله الرحمن الرحيم


الحمد لله رب العالمين والصلاة والسلام علي اشرف المرسلين سيدنا محمد خاتم الانبياء والمرسلين وبعد

اخي العزيز انت فعلا اصبت عندما قلت له ان الحب منزلة عظيمة ولا تكون الا للمسلمين ولاخوانهم المسلمين وللاسف جادلك في هذا الامر وطالبك بنص صريح من القران

اولا النص هو (ومن الناس من يتخذون من دون الله اندادا يحبونهم كحب الله والذين امنوا اشد حبا لله ولو يري الذين ظلموا اذ يرون العذاب ان القوة لله جميعا وان الله شديد العذاب ) سورة البقرة اية 196

النص الثاني ( لا يتخذ المؤمنون الكافرين اولياء من دون المؤمنين ومن يفعل ذلك فليس من الله في شيء الا ان تتقوا منهم تقاه ويحذركم الله نفسه والي الله المصير ) سورة ال عمران 38
وهناك الكثير والكثير ولكن اكتفي بهذين الايتين

ثانية افتري هذا الرجل علي رسول الله صلي الله عليه وسلم وقال ان مارية القبطيه واستشهد بها وارد عليه واقول

اولا القبط هم اهل مصر جميعا وليس النصاري فقط كما هو مشاع لدي الكثيرين فكل اهل مصر اقباط سواء كانوا مسلمين او نصاري فلذا عندما يقال مارية القبطيه فليس هذا معناه انها مسيحيه ولكن معناه انها من اهل مصر
ثانيا وهو الاهم عندما اهدي المقوقس مارية القبطيه واختها سيرين الي رسول الله صلي الله عليه وسلم اتت مارية القبطيه وقبل ان يتسري بها رسول الله صلي الله عليه وسلم اسلمت وهذا باجماع كل علماء التاريخ وعلماءالاسلام ولا يوجد من يقول ان مارية القبطيه لم تسلم ولكنها اسلمت وهي من امهات المؤمنين

لذا وجب عليك ان تنصح زميلك وتقول له لا تعاند ولا تكابر فقط عاملهم بالحسني ولكن لا تتخذهم اولياء او رفقاء

هذا ولله التوفيق

وجزاكم الله خيرا والسلام عليكم ورحمة الله وبركاته

والسلام عليكم ورحمة الله وبركاته