مشكلة open in new tab في بريد hotmail

[hussain_alsabah]

السلام عليكم ورحمتة الله وبركاتة

اواجهة مشكلة في فتح اكثر من صفحة في بريد الهوت ميل !!

وهي فقط في بريد الهوت ميل ولا اعاني منها في اي بريد ثاني

وحتي عند استخدام متصفح غير Internet Explorer 7

وهو Mozilla Firefox تكون النتيجة متطابقة وهي ان لايمكن فتح

الي صفحة واحدة ولا تعمل خاصية open in new tab

وعند سؤال اكثر من شخص اخبرني ان المشكلة عند شركة

hotmail فهم يخففون علي سيرفر بغلق هذة الخاصية ,


وانا اناشد اهل الخبرة هل من حل الي هل مشكلة ؟؟؟

ودمتم سالمين

[ahmed_f888]

انا هفهمك ليه بيحصل كده....روح على اى موقع واقف بالماوس على الى انت عاوز تفتحه فى تاب تانى هتلاقى تحت ظهر لينك للصفحة الى انت هتفتحها دى لكن فى الهوت ميل هيظهرلك كود جافا
انت لما تيجى تفتح رسالة فى الهوت ميل بتفتح بكود جافا مش بلينك مباشر زى باقى المواقع...انا مش عارف ليه هما عاملينها كده بس هى ملهاش علاقة بالسيرفر....المهم يعنى كود الجافا ده مينفعش يتعمله open link in new tab
حتى هو كاتب open link in new tab مش open java code in new tab
هو انا عارف انى معرفتش اوصلهالك اوى بس انا مش بعرف اشرح اوى
المشكلة مش من المتصفح المشكلة من الهوتميل

[©® Del Piero ®©]

تمام كدة يا أحمد الله ينور عليك

فعلاً المشكلة كلها يا غالي إن كل رسالة مش عبارة عن لينك ده كود جافا Java Script و مينفعش تفتحه في Tab لوحده

و هتقابلك نفس الحكاية في اي موقع تاني بيستخدم اكواد الجافا لربط الصفحات ببعضها

لو مش عايز تفتح كل رسالة و بعدين تعمل Back تاني للانبوكس عشان تقرأ بقية الرسائل

جرب الـ Full Version من الويندوز لايف هتلاقيه بيعرض الرسايل كلها علي الشمال

و لما بتضغط علي اي رسالة بيعرضها كلها علي اليمين و مش هتحتاج تدوس علي Back كل شوية

بس خلي بالك انه بيحتاج ان النت عندك يكون سريع

[hussain_alsabah]

جزاكم الله خير علي الشرح الوافي

انا فهمت عليكم وعرفت سبب المشكلة

ودمتم سالمين

[khattab_012]

أفاضوا الأخوة و شرحوا السبب.

أحب أن أضيف أن الهوتميل الجديد عمل كدة إجباري عشان يدخل تقنية الأجاكس في الموقع Ajax و دي الي بتخليك تمسح و تغير الفولدر و تقرا الرسايل و انت واقف في صفحة واحدة.

و بتساهم في تعلية سرعة التحميل لأكثر من 70% بدون Ajax.

أتمنى أن أكون قدرت اضيف شيء..