pes5 ام fifa 2006 لعبة كرة القدم للعام الجديد

[boosh]

اظن الكتير منا لو ماكانش كلنا لعب اللعبتين

عايزين هنا كل واحد يختار اللعبة الافضل لكرة القدم للعام الجديد

هل هى pes5 ام fifa 2006 ?

[essawi]

pes5 بدون شك و بدون مشاركة

[محب الالعاب 112]

انا صراحة
ما حبيت ولا وحدة
:no000000:
بس FIFA 2005 وبس :icon2600:

[mimoo2000]

طبعا فيفا 2006 كفايه نظااااااااام الكاريير فى اللعبه جااااااااااااامد جدااااااااااااااااااا
والللعبه واسعه جدااااااااا فيها بطولات كتيره قوى واهم ميزه فيها انه يوجد بها مالتى بلير وده من وجهه نظرى اهم شى فى لعب الكوره بصفه عامه

[mody26]

فيفا 2005 احلى واحسن من كل حاجه من 2006
اللى شايف انهم بدل ما يخدوا مميزات 2005 ويزودوا عليها
اخفوا مميزات فى 2005
الصراحه 2005 احلى بكتتتتتتتتتتتتتتر من 2006
ودى راى
شكرا

[moodyy25]

فيفا 2006
جامده

[medo_omar]

من وجهة نظرى pes5 هى الافضل واظن ان شركة Konami سحبت البساط تماماْ من شركة EA .

[ahmed_sherifi]

fifa 06....

[asamirmid]

أنا لسه مجبتش Pro evelo Soccer 05 ... بس جربت FiFA 06 لعبة سخيفة وبها عيوب كتيرة جدا جدا ولا يرضي بها غير الهواه المستجدين. وأنا مع أن FiFA 2005 أفضل منها بمراحل في اللعب ...

اما بالنسبة للقوائم والجرافيكس وإمكانيات اللعبة وتنوع البطولات والنوادي والاماكن فلا قيمة لكل هذا بدون طريقة لعب ممتعة ...

وعلي فكرة من بحثي في أيزوهات اللعبة و ملفاتها علي الهارد درايف ... لاقيت أن فيه حوالي 2 جيجا من حجم الجيم عبارة عن ملفات صوت لللغات الأخري ... يعني بالعربي لعبة FiFA 06 لعبة منفوخة علي الفاضي ....

ســـــــــــــــــــــــلام.

[mickey_2150]

فعلا كلامك مظبوط يا asamirmid فيفا سخيفة جدا و pes اجمل منها بمراحل على الاقل اطريقة اللعبة واقعية جدا غير الفيفا الى بحس انها زى لعبة زمان كان اسمها sens ball

[hosnet]

ال pes 5 اجمد من اى حاجه تانيه

[abdou23]

pro evalution lw feha career gamed teb2a a7sn le3ba ever

[ahmed_sherifi]

يبدو انكو ملعبتوش فيفا 06 أو مش عارفين تلعبوها
واتهام اللى يقول انها جامدة انه هاوي ده كلام فاضي
انا لعبت فيفا من اول 97 ولعبت لعبة الاتاري pes
وشايف ان الفيفا 06 لعبة رائعة ولعبة واقعية ونص


علشان تحكم على اللعبة لازم اجربها فترة كويسة
مش الواحد يباصي كام باصه ويترقص ويقول أي كلام

[spider87eg]

طبعا الفيفا 2006 مالهاش حل

[ahmed_sherifi]

ولا يرضي بها غير الهواه المستجدين.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عيييب ماتقولش مستجدين انا عن نفسي الفيفا عندي زي الميا و الهوا

وعلي فكرة من بحثي في أيزوهات اللعبة و ملفاتها علي الهارد درايف ... لاقيت أن فيه حوالي 2 جيجا من حجم الجيم عبارة عن ملفات صوت لللغات الأخري ... يعني بالعربي لعبة FiFA 06 لعبة منفوخة علي الفاضي ....

ملف الاوديو 1.15 جيجا يا أخ
وده مش عيب في اللعبة .... لما تغير اللغة يتغير المذيع ,,,, يعني احنا لو بلد محترمة كانو عملو لغة عربي
و مذيع عربي
........... لكن ليه يعملو لينا لغة إحنا مش فالحين الا في الهجس

.......... جتنا نيلة في حظنا الهباب.....,,,

[moradgold]

FiFa 2006 فيها امكانيات جديده رفعت من مستوى FiFa
ده فى رآى

[mnbvcxzaq]

pes5 افضل

[beko0o0o0o]

Pro Evolution Soccer 5



اللعبة دة بجد يوم منزلت كان المنتدى واقف على رجل و فى كل حتة فى المنتدى ياتورنت للعبة يا روابط مباشرة ليها و الكل كان بيدور ينزلها منين و انا كنت واحد من اللى عاشوا اللحظات العصيبة دى و كأن الواحد بيدور على كنز و عايز يلاقية باى طريقه و كمان كان فية كام واحد بكلمهم برسايل خاصة عن اللعبة و مين اللى نزلها و عايزة اية و التطورات الجديدة فيها و كل حاجة بصراحة عن اللعبة و كمان السيريال نمبر اللى كانت محتجاة اتحط على طول فى جميع الصفحات علشان اللى ينزلها ميحتجشى لحاجة تانيه والله فعلا بعد التعب و سهر الليال و انا بنزل اللعبة تورنت اكتر من 4 ايام لماشفت الواقعية من الجرافيك اللى زاد عن Pro Evolution Soccer 4 اكتر بكتير و كمان طريقة اللعب و كان يعيب النسخة الرابعة ان الشوط من خارج المنطقة قليل الى حد ما بس فى النسخة الجديدة انا جايب حوالى اكتر من 10 اهداف من خارج المنطقة على 18 فاول و كمان ابعد من 30 يارده و بجد اللى يلعب اللعبة دى مش محتاج يلعب كورة تانية خالص غيرها Pro Evolution Soccer 5 و بس .

[روبيرتو باجيو]

انا مجربتش البرو ايفيليوشن 5


لاكن الفيفا 2006 شئ اكثر من رائع خصوصا المانجر موود فيها محاكاه للواقع بشكل ممتاز كانك مدير فنى حقيقى وبرضه اللعبة داخل الملعب تحسنت كتير و تخطت العيوب فى الفيفا 2005

[drahmed99]

pes5 بلا منازع هى الاحسن

[GENNI]

تم نقل الموضوع من القسم العام لمنتدى الألعاب لأنه في غير مكانه الصحيح ... و لم يتم حذفه مراعاة للمجهود المبذول فيه ...

نرجو كتابة المواضيع في أقسامها الصحيحة لتنظيم المنتدى ... و يمكنكم مراجعة هذا الموضوع (http://www.dvd4arab.com/forums/showthread.php?t=90398) لمزيد من المعلومات ...

و شكرا على المجهود ...
تحياتي ...

[™ KiiNgZooN PeS]

pes 5 طبعااااااااااااااااا

[waddaa_mohamed]

fifa 2006
قمة الواقعية ألي لعب العبتين المفروض يقول fifa2006
يبني دا pes لعبة هبلة جدا الترئيس فيها قمة السهولة هات أي واحد بيلعب فيفا و قولو رأس في pes هيبهدل الفريق ألي أدامه لأن الترئيس فيها أهبل أوي

[alaagem]

لاطبعا البرو

[boosh]

حتى الان pes 5 تتقدم بثبات فى جميع الاستفتاءات على النت

[فارس الامل]

يا عمى انتو لسا بتتكلموا عن الفيفا ... دى بقت حاجة قديمة خلاص وما حدش بيطلعلها لانها فاشلة بكل المقاييس

ولاحظوا ان كلمة ( كل المقاييس فى الغالب تتبع كلمة (( ناجحة )) ) وهذا للدلالة على فشلها الذريع فى كل شىء نسبيا . ولا يوجد بها اى ميزة تذكر حتى .

والرجاء من الاعضاء عندما يضعوا مواضيع عن WE9 & PES5 ما يذكرش الفيفا معاها ابدا لازم تحترموا كونامى وما تذكروش EA
معاها .. لان هذه اهانة لكونامى او pes5 لما تذكر الفيفا .

والمقارنة دايما بتكون بين لعبتين من نفس النوع وبينافسوا بعض ... بس الفيفا لا تعتبر لعبة اساسا .. وانتو عاملين مقارنة وتصويت بينهم


اجمل وافضل واروع واضخم لعبة كرة قدم فى التاريخ وعلى الاطلاق ، وبلا منافس من يوم ما انولدت هى الجبارة :

((((((( WENNING ELEVEN 9 واختها PRO EVOLUTION SOCCER5 )))))))

من جرافيكس خيالى ... لصوت وتشجيع و اثارة اروع ... لتنظيم وحنكة وترتيب وسهولة فى الخيارات

... لاداء عالى جدا ورائع فى اللعب من حركات وترقيصات ومشى وحركة وزحلقة وراسيات وشوط وفاولات وكورنيات وبلانتيات
وعرضيات وتمريرات ومباصاة وركض وخداع .. وكل ما تتمنون من الخفايا فى اللعبة لما تلعبوها حيبين كل شى .

... واقوى الدوريات فى العالم والبطولات ... وناهيك عن العروض اثناء اللعبة لما يعملوا تبديل او ينكسر واحد او التعبير عن الفرح بالاهداف والزعل لما ينهزموا وكل شى ... اخر خيال

بصراحة انا لسا ما اديت اللعبة حقها فى الوصف ..
وانا صرت لما اسمع كلمة فيفا باحس انى اتخنقت او سمعت كلمة بذيئة وحاجة تقرف

مع احترامى لكل الاراء طبعا .

[waddaa_mohamed]

يا عمى انتو لسا بتتكلموا عن الفيفا ... دى بقت حاجة قديمة خلاص وما حدش بيطلعلها لانها فاشلة بكل المقاييس

ولاحظوا ان كلمة ( كل المقاييس فى الغالب تتبع كلمة (( ناجحة )) ) وهذا للدلالة على فشلها الذريع فى كل شىء نسبيا . ولا يوجد بها اى ميزة تذكر حتى .

والرجاء من الاعضاء عندما يضعوا مواضيع عن WE9 & PES5 ما يذكرش الفيفا معاها ابدا لازم تحترموا كونامى وما تذكروش EA
معاها .. لان هذه اهانة لكونامى او pes5 لما تذكر الفيفا .

والمقارنة دايما بتكون بين لعبتين من نفس النوع وبينافسوا بعض ... بس الفيفا لا تعتبر لعبة اساسا .. وانتو عاملين مقارنة وتصويت بينهم


اجمل وافضل واروع واضخم لعبة كرة قدم فى التاريخ وعلى الاطلاق ، وبلا منافس من يوم ما انولدت هى الجبارة :

((((((( WENNING ELEVEN 9 واختها PRO EVOLUTION SOCCER5 )))))))

من جرافيكس خيالى ... لصوت وتشجيع و اثارة اروع ... لتنظيم وحنكة وترتيب وسهولة فى الخيارات

... لاداء عالى جدا ورائع فى اللعب من حركات وترقيصات ومشى وحركة وزحلقة وراسيات وشوط وفاولات وكورنيات وبلانتيات
وعرضيات وتمريرات ومباصاة وركض وخداع .. وكل ما تتمنون من الخفايا فى اللعبة لما تلعبوها حيبين كل شى .

... واقوى الدوريات فى العالم والبطولات ... وناهيك عن العروض اثناء اللعبة لما يعملوا تبديل او ينكسر واحد او التعبير عن الفرح بالاهداف والزعل لما ينهزموا وكل شى ... اخر خيال

بصراحة انا لسا ما اديت اللعبة حقها فى الوصف ..
وانا صرت لما اسمع كلمة فيفا باحس انى اتخنقت او سمعت كلمة بذيئة وحاجة تقرف

مع احترامى لكل الاراء طبعا .

فعلا عندك حق مفيش مقارنة بين ea و konami

عارف ليه لأن EA أحسن من كونامي بكتير شوف شركة EA بتنتج كام لعبة في السنة وشركة كونامي كام لعبة في السنة
شوف مبيعات EA و konami
وبعدين أنا رأي أن pes هيا ألي زبالة ولعبة عبيطة بعيدة كل البعد عن الواقعية في أسلوب اللعب سيبك من الحجات الهبلة دي ذي التغير هونا هيفرق معايا إه لما أشوف اللعيبه خارجه من اللملعب
وبعدين أصلا اللعبةألي بتبأ واخدة أحسن لعبة في السنة في أكثر المرات من EA وعمرها ما كانت من كونامي
ها عندك رد بئا أبئا قارن براحتك

[GENNI]

الأخوة الأفاضل ...
برجاء الحفاظ على روح المناقشة الهادئة ...

[waddaa_mohamed]

الأخوة الأفاضل ...
برجاء الحفاظ على روح المناقشة الهادئة ...
طب أنت إه رأيك يا جني

لأ أنا عارف أنك هتؤل pes
بس أنا أصدي الشركات




على فكرة يا جني في موضوعين في منتدي تحميل الألعاب بالتورنت واحد أعلان لمنتدى أخر و التاني أعلان لموقع للتربح المادي أرجو الأسراع بالحذف

[GENNI]

طب أنت إه رأيك يا جني أخي العزيز وضاء ...
رأيي هو (كما قلته) : "برجاء المحافظة على روح النقاش الهادئ" !!

فبغض النظر عن الآراء و وجهات النظر ... يجب أن نحترم وجهات نظر بعضنا البعض ... و لذا يجب أن يكون أسلوب الحوار هادئا خاليا من التعصب ...

و أنا لا أخصك أنت فقط بالكلام أخي العزيز ... بل كلامي موجه للجميع ...

تحياتي ... سلام ...

~~~~~~~~~~~~

على فكرة يا جني في موضوعين في منتدي تحميل الألعاب بالتورنت واحد أعلان لمنتدى أخر و التاني أعلان لموقع للتربح المادي أرجو الأسراع بالحذف شكرا أخي العزيز على التنبيه ... أرجو أن تقوم بإرسال روابطهم إليّ في رسالة خاصة و أنا سأرى ما بإمكاني فعله ...

[mimoo2000]

ياجماعه ال pes5 مفهاش نت ورك يعنى طول عمرك هتقعد تلاعب الكمبيوتر يعنى لعبه مقفوله
اما الفيفا 2006 ممكن تلعبها شبكه (lan) او من خلال النت direct ip النقطه دى مهمه جدا فى المقارنه مابين اللعبتين لان اهم حاجه فى العاب الكوره هى النت ورك

[malec]

انه لمن العيب اجراء مقارنة بين pes5 و fifa 2006 لان فيفا 2006 وبكل صراحة اجمل لعبة كرة قدم فبالاضافة الى روعة الجرافيك هنلك روعة اللعب خصوصا 2006 بينما في لعبة pes5 في رايي انها بعيدة جدا عن الواقع انظر مثلا الى الجري في pes5 فكان اللاعب هارب من وحش كاسر من غير ان نذكر الاخطاء الكبيرة الاخرى في اللعبة وهذا لا ينفي وجود اخطاء في فيفا 2006 لكن ليس بحجم اخطاء pes5

[boosh]

المشكلة ياجماعة ان الناس اللىبتقول فيفا 2006 متاكدين من جواهم ان البرو وسكر احسن بمراحل ولكن هما بيضحكوا على نفسيهم وبجد نسى اعرف ايه السر فى كده

[beko0o0o0o]

اللى عايز يقارن بنهم ميعرفشى لان PES5 هى الافضل طبعا و بدون مقارنة و اللى بقول نشوف التصنيف بتاع الالعاب حيلاقى ان PES5 خدت من اول منزلت الترتيب الاول فى الالعاب و اللى مش مصدق يروح لتصنيف الالعاب فى اى موقع من المواقع بتاعت التصنيف و يلاقى البرو فى المقدمة و الفيفا مش من العشرة الاوائل اصلا و دة من اول منزلت مش من النهاردة و بعد كدة مفيش كلام تانى عن الفيفا لازم تودوها على طنط Recycle Bin علشان متزعلشى و هو دة مكانها الصحيح و بعدين من هناك تدوها Empty Recycle Bin علشان طنط Recycle Bin تبقى نضيفة كدة و حلوة .

[فارس الامل]

انا احترم رايك يا اخ waddaa mohamed .

ولو انو باين من كلامك كده متعصب اوى للفيفا لانو شكلك بتلعبها من سنين وسنين .. فمش عاوز تحكى عن الفيفا حاجة ولو عملت فيفا ثنائية الابعاد كان ممكن تحكى عنها افضل لعبة كورة .. باين من التعصب بتاعك .

وليس المهم الكم ولكن الاهم هو الكيف ... EA بالنسبة لكل العاب الرياضة وليس الفيفا فقط ..فاشلة جدا
الا فى بعض الاعاب ولا انكر ذلك وهى على مستوى عالمى جدا ومشهورة جدا وومبيعات خيالة ك The Sims 2 & Battle Field 2
وغيرو وغيرو ... لكن الجرافيكس بتاعها تقريبا فى اغلب العابها مش كويس يصل الى الجيد بنظرى .

لكن كونامى لها كم من لعبة وكل لعبة اسطورة بحد ذاتها بداية من Winning Eleven وطبعا ازهقت كلام عنها .
Metal Gear Solid 3 اعظم العاب التجسس على الاطلاق وجرافيكس يستحق اكثر من 10/10 بتصنيف مكل المواقع طبعا
وعندك الشهيرة جدا Yu-Gi-Oh! Power Of Chaos بجميع اجزائها .. حاجات تهوس كونامى شركة مرعبة

اما الى خلى EA على هذا المستوى من الشهرة كثرة العابها وبتدخل حالها فى كل نوع فى االعاب علشان يبقالها اسم بس مش اكتر
وبتكونش فالحة فى كل حاجة زى ما بيقولوا ( منفوخة عالفاضى )


وفى النهاية احنا بنحكى على لعبتيى كرة القدم لكلا الشركتين وايهما تفوق على الاخرى والذى ( ليس انا من اقول هذا فقط ولا الاعضاء ايضا ... انما اشهر مواقع الالعاب والتقاييم العالمية ك gamwspot & IGN وغيرو .. انو كونامى سحقت EA سحق ولم تتفوق لمجرد التفوق بدرجات فقط .. بل كسحتها كسحا وجعلت منها العوبة العاب كرة القدم FIFA )

وارجو ان لا تحاول اختلاق العيوب فى Winning Eleven لا يوجد لعبة الا وبها عيوب لكن على درجات وهنا لا تذكر ..

وارجو ان تكون فكرتى وصلت .. وما تزعلش منى احنا حبايب و EA شركة عملاقة
وصراحة احسن شركات عندى UBISOFT & KONAMI & ACTIVITION & CAPCOM

[فارس الامل]

وبعدين يا اخ mimo2000 انت بتهزر ولا شو بالزبط .. هى اصلا كان اطلعلها حد لو ما فيها نتو ورك او لون لاين

ارجو انك تتاكد قبل لتحكى اى حاجة

فيها NET WORK ورهيب جدا وسهل وبسيط التعامل فيه .. تقدر تلعبها LAN مع صاحبك او جارك
وتقدر تلعبها ONLINE مع صاحبك عالنت من كل الدنيا كمان ... واللعبة عندى ولا تحكى اكتر من هيك ..

[mimoo2000]

وبعدين يا اخ mimo2000 انت بتهزر ولا شو بالزبط .. هى اصلا كان اطلعلها حد لو ما فيها نتو ورك او لون لاين

ارجو انك تتاكد قبل لتحكى اى حاجة

فيها NET WORK ورهيب جدا وسهل وبسيط التعامل فيه .. تقدر تلعبها LAN مع صاحبك او جارك
وتقدر تلعبها ONLINE مع صاحبك عالنت من كل الدنيا كمان ... واللعبة عندى ولا تحكى اكتر من هيك ..

على فكره انا بتكلم على pes5 مش we8 لعيه pes5 فيها نتورك بس مقفول بباص ورد ومستحيل تعرف تجيبه
ارجو او انت جبت حل للمشكله ددى تقولها لان الناس كلها دايخه عليها

[mimoo2000]

ارجو لو عندك حل لمشكله النت ورك فى ال pes5 لان النت ورك مقفول بباص ورد ارجو الرد
واكوووووووووووووووووون شاااااااااااااااكر جدااااااااااااااااااااااا

[waddaa_mohamed]

انا احترم رايك يا اخ waddaa mohamed .

ولو انو باين من كلامك كده متعصب اوى للفيفا لانو شكلك بتلعبها من سنين وسنين .. فمش عاوز تحكى عن الفيفا حاجة ولو عملت فيفا ثنائية الابعاد كان ممكن تحكى عنها افضل لعبة كورة .. باين من التعصب بتاعك .



اما الى خلى EA على هذا المستوى من الشهرة كثرة العابها وبتدخل حالها فى كل نوع فى االعاب علشان يبقالها اسم بس مش اكتر
وبتكونش فالحة فى كل حاجة زى ما بيقولوا ( منفوخة عالفاضى )

..

وارجو ان تكون فكرتى وصلت .. وما تزعلش منى احنا حبايب و EA شركة عملاقة
وصراحة احسن شركات عندى UBISOFT & KONAMI & ACTIVITION & CAPCOM

بص أنا زهقت من كتر الكلام أنا هقول كلمتين ومش هتكلم تاني
أنا أولا بقيم اللعبة من حيث محاكتها للواقع في أسلوب اللعب مش في الجرافكس لأنه مستحيل نوصل بالجرافك أنو يساوي الطبيعة المهم عندي أنوا يقترب من الواقع و الفيفا محققة ده والفيفل أقرب لعب كرة القدم محاكاة للوقع في اسلوب اللعب وده ألي أنا عايزه و بعدين ُEA مش منفوخة على الفاضي شوف منزلة كام لعبو السنه دي ملهاش مثيل أنا أقولك
fifa 2006 - need for speed most wanted - battel field 2 - sims2 nightlife- lord of rings the battel for the middel Earth - batman begins - medial of honor europan assult - generals-
قولي كونامي عملت إه
وبعدين كل لعب ea sports ناجحة بمعنى الكلمة بس مش في الدول العربية ناجحة جدا جدا في أمريكا


اللى عايز يقارن بنهم ميعرفشى لان PES5 هى الافضل طبعا و بدون مقارنة و اللى بقول نشوف التصنيف بتاع الالعاب حيلاقى ان PES5 خدت من اول منزلت الترتيب الاول فى الالعاب و اللى مش مصدق يروح لتصنيف الالعاب فى اى موقع من المواقع بتاعت التصنيف و يلاقى البرو فى المقدمة و الفيفا مش من العشرة الاوائل اصلا و دة من اول منزلت مش من النهاردة و بعد كدة مفيش كلام تانى عن الفيفا لازم تودوها على طنط Recycle Bin علشان متزعلشى و هو دة مكانها الصحيح و بعدين من هناك تدوها Empty Recycle Bin علشان طنط Recycle Bin تبقى نضيفة كدة و حلوة .
المشكلة ياجماعة ان الناس اللىبتقول فيفا 2006 متاكدين من جواهم ان البرو وسكر احسن بمراحل ولكن هما بيضحكوا على نفسيهم وبجد نسى اعرف ايه السر فى كده

ههههههههههههههههههههههههههههههههههههshiny000: :shiny000: :shiny000: :shiny000: :shiny000: :shiny000: :shiny000: :shiny000: :shiny000: :shiny000: :shiny000: :shiny000: :shiny000: :shiny000:
مكنتش أعرف أن ألي بيلعبو pes دمهم خفيف كده

[GENNI]

سؤال أسأله لنفسي دائما ؟!

لماذا لا نتناقش ... بل تتحول كل مناقشة (بقدرة قادر) في النهاية لمحاولة فرض الرأي :eusa_eh: ؟!

كل لعبة منهما لها مميزاتها و لها عيوبها ... و شركة EA Sports و شركة Konami شركتان من أكبر الشركات (مبدأيا يجب الفصل بين EA Sports و EA Games ... و يجب الأخذ في الاعتبار تاريخ Konami مع الـ Playstation) ...

المناقشة تعني أن يكون الرأي مستندا على دليل علمي و واضح ... و أن نقول رأينا بغض النظر عن رأي الآخرين ...

أرجو (مرة ثانية و أخيرة) أن يتم التناقش في الموضوع بهدوء ... و يرجى احترام الرأي الآخر و عدم استهزاء به بأي شكل من الأشكال ... و إلا فسوف يتم غلق الموضوع و إنذار المخالف علنا ...

تحياتي ...

[Neano]

طبعاpes5 بفارق ساحق لأن اللعبة بها كثير من الواقع علي عكس الفيفا اللي تحس ان طريقة الشوط والرفع والتمرير واحدة ومبتتغيرش يعني اللعيب ممكن يشوط من نص المعلب تيجي جون!!!!!!!!
ولا يحفظ ماء وجه فيفا الا نظام الكارير

[GENNI]

طبعا pes5 بفارق ساحق لأن اللعبة بها كثير من الواقع علي عكس الفيفا اللي تحس ان طريقة الشوط والرفع والتمرير واحدة ومبتتغيرش يعني اللعيب ممكن يشوط من نص المعلب تيجي جون!!!!!!!!
ولا يحفظ ماء وجه فيفا الا نظام الكاريرهذا هو مثال للمناقشة الموضوعية المطلوبة ...
الأخ العزيز Neano قال رأيه بصراحة ... و أكد على رأيه بالدلائل ... بدون التجريح في أي رأي سابق ...

أرجو أن أكون قد وضحت ما قصدته بمشاركتي السابقة ...

[waddaa_mohamed]

طبعاpes5 بفارق ساحق لأن اللعبة بها كثير من الواقع علي عكس الفيفا اللي تحس ان طريقة الشوط والرفع والتمرير واحدة ومبتتغيرش يعني اللعيب ممكن يشوط من نص المعلب تيجي جون!!!!!!!!
ولا يحفظ ماء وجه فيفا الا نظام الكارير

أولا الشوط من نص الملعب في 2006 دلوقتي ميجيش بس ممكن من بعيد يجي بس رد عليا في الحقيقة مبيدخلش شوط من بعيد في الفيفا لو الشوطة من بعيد و مفاجئه و مفاجئه و مفاجئه و مفاجئه و مفاجئه و مفاجئه و مفاجئه وفي مقتل ممكن تدخل بس رد عليا الترئيس في pes مش سهل أوي؟؟؟؟

[فارس الامل]

بالفعل الفيفا ميزاتها كتيرة وال pes اكتر طبعا .. والفيفا الها شعبيتها وتقدر بنسبة 10 % .. منهم العضو waddaa mohamed

وهو واتنين تلاتة معاه ميالين للفيفا وما حدش حكى غيرهم غير pes العملاقة

ما ترحم حالك بقى يا محمد انت مش عارف بتلاحق على مين ومين ترد على كل واحد وبطريقة شكل وتورينا الكلام الجميل الى عندك

يا ابنى ما حدش بيغلط عليك او بيشتم او بيتعرضلك .. تقولى بيقطعوا من لحمك

هما بيعبروا عن رايهم الى 90 % من العالم مسانداهم فيه .. وانت حتقدر تعمل ايه بينا !!! اما عجايب يا دنيا

وهدا اكبر ما يدل على صدق كلامى انك متعصبلها وعايش معها وبكل اجزائها ولو نزللها جزء ثنائى الابعاد حتقول احلى من لعبة كونامى .

ويا سيدى احنا كرهانين ان شاء الله يطلعوا 2007 تكون رائعة ويكون هناك منافسة يا رب ما هو كلو فى مصلحتنا احنا الى بنلعب

واحنا مش منحازين لشركة معينة انما انا باعبر عن رايى باللعبتين وبردو الشركتين هبت نفسى اوصفهم .. اما انا مش باشتم فيك


واسف كل الاسف ان كنت اتعرضتلك بكلام ما يعجبكاش ، ولو عندى لبست راسك كمان علشان ما تزعلشن منى
انا باقلك احنا اخوت وحبايب والله يديم الاخوة

[waddaa_mohamed]

بالفعل الفيفا ميزاتها كتيرة وال pes اكتر طبعا .. والفيفا الها شعبيتها وتقدر بنسبة 10 % .. منهم العضو waddaa mohamed

وهو واتنين تلاتة معاه ميالين للفيفا وما حدش حكى غيرهم غير pes العملاقة

ما ترحم حالك بقى يا محمد انت مش عارف بتلاحق على مين ومين ترد على كل واحد وبطريقة شكل وتورينا الكلام الجميل الى عندك

يا ابنى ما حدش بيغلط عليك او بيشتم او بيتعرضلك .. تقولى بيقطعوا من لحمك

هما بيعبروا عن رايهم الى 90 % من العالم مسانداهم فيه .. وانت حتقدر تعمل ايه بينا !!! اما عجايب يا دنيا

وهدا اكبر ما يدل على صدق كلامى انك متعصبلها وعايش معها وبكل اجزائها ولو نزللها جزء ثنائى الابعاد حتقول احلى من لعبة كونامى .

ويا سيدى احنا كرهانين ان شاء الله يطلعوا 2007 تكون رائعة ويكون هناك منافسة يا رب ما هو كلو فى مصلحتنا احنا الى بنلعب

واحنا مش منحازين لشركة معينة انما انا باعبر عن رايى باللعبتين وبردو الشركتين هبت نفسى اوصفهم .. اما انا مش باشتم فيك


واسف كل الاسف ان كنت اتعرضتلك بكلام ما يعجبكاش ، ولو عندى لبست راسك كمان علشان ما تزعلشن منى
انا باقلك احنا اخوت وحبايب والله يديم الاخوة

محدش جاوب على سؤالي الأخير ليه و بعدين انا مستعد ألاعب أي واحد فيكم pes و أوعدكم أني هبقى أحسن منه فيها بعد متشين بالكتير لأنها لعبة سهلة
أنت جبت النسب دي منين أنت لفيت العالم و سألتهم واحد واحد؟؟؟ :shiny000: :shiny000: :shiny000: :shiny000:

[waddaa_mohamed]

بص أنا هجبلك من الأخر عشان نقفل الكلام
أنا أسلوب الفيفا عجبني يعني أسلوبها لو كان في لعبة أسمها pes كنت هحب اللعبة دي
و أنت كمان العكس يعني من الأخر ألي عملين الفيفا عملنها للزيي و ألي عملين ال pes عملنها للزيك
وأنا شيفها أحسن لعبة لأني ليا شخصية مختلفة عنك و أنت شيف ال pes أحسن لعبو لأنك ليك شخصية مختلفة عني
يعني من الأخر أحنا الأتنين صح ومحدش فينا غلطان و حقك عليا لو كنت غلط فيك من غير مقصد قبل كده أو طلعت كلمة مني ضيقتك

[رحمتك يا رب]

انا مجبرتش ال pes لكن الفيفا السنه دى مش عجبانى حاسس انها بطيئه كده
والملاعب وحشه ... وحاسس انها نفس الفيفا اللى كان بتنزل على اتارى السيجا

[waddaa_mohamed]

بص أدخل على يصنيف ال gamespot وأنت هتلاقي الفيفا من ال 10 لعب الأولى و غيرها من لعب ال EA
ولا يوجد أي لعبة لكونامي وده اللنك
http://www.gamespot.com/games.html?type=top_rated&platform=5&page_type=games
وشكراااااااااااااااااااااااااااااااااااااااااااااا اااااااااااااااااااااااااا :bye10000:

[فارس الامل]

يا عمى شفتو ومبروك عليك تفوق اللعبة .

للعلم انا كنت من عشاق الفيفا وحافظها سنة سنة من يوم ال 2002 بالزبط حافظها وكل حاجة فيها ..

لحد ما شفت Winning Eleven 7 طبعا .. لحد 9 حاليا او pes 5 ... انا ندمت على عمرى الى قضيتو فى فيفا ( لعبة العيال الاطفال )

واخر شى اقلك انت شايف كام واحد فى المنتدى او فى اى منتدى اخر عندو اللعبتين وبيفضل الفيفا عليهم ؟؟؟؟؟؟؟؟؟

وحتى فى موضوع للتصويت عاللعبتين الويننج ساحقة فيفا بمراحل وفايتاها ب 30 % فى التصويت واغلب الى صوتوا لفيفا ما عندهم ويننج .. وهدا الى خلى فيفا تاخد اكتر من 10 % هههههه

واذا عاوز تلاعبنى انا جاهز طبعا .. ولا تنسى انا بردو لو لاعبتك فيفا حاوريك العجايب .... بردو بيت لكل واحد موهبتو وطريقتو باللعب .. مش من كده بتحكم على اللعبتين .. لو سحقتك فى الفيفا مش حاستهبل اللعبة اكتر من كده لانها بردو لعبة !!
وعلى فكرة الترقيص كان فيه اشوية مشاكل فى نسخة ويننج 8 .. ولو انها جميلة كانت .؟؟ انت حط مستوى الصعوبة على اعلى مستوى يعنى 5 نجوم مش 3 الافتراضى بيكون من اللعبة ... وانت تشوف اللعب الصح .. مع انو 3 نجوم مستوى متوسط رائع بردو

[waddaa_mohamed]

يا عمى شفتو ومبروك عليك تفوق اللعبة .

للعلم انا كنت من عشاق الفيفا وحافظها سنة سنة من يوم ال 2002 بالزبط حافظها وكل حاجة فيها ..

لحد ما شفت Winning Eleven 7 طبعا .. لحد 9 حاليا او pes 5 ... انا ندمت على عمرى الى قضيتو فى فيفا ( لعبة العيال الاطفال )

واخر شى اقلك انت شايف كام واحد فى المنتدى او فى اى منتدى اخر عندو اللعبتين وبيفضل الفيفا عليهم ؟؟؟؟؟؟؟؟؟

وحتى فى موضوع للتصويت عاللعبتين الويننج ساحقة فيفا بمراحل وفايتاها ب 30 % فى التصويت واغلب الى صوتوا لفيفا ما عندهم ويننج .. وهدا الى خلى فيفا تاخد اكتر من 10 % هههههه

واذا عاوز تلاعبنى انا جاهز طبعا .. ولا تنسى انا بردو لو لاعبتك فيفا حاوريك العجايب .... بردو بيت لكل واحد موهبتو وطريقتو باللعب .. مش من كده بتحكم على اللعبتين .. لو سحقتك فى الفيفا مش حاستهبل اللعبة اكتر من كده لانها بردو لعبة !!
وعلى فكرة الترقيص كان فيه اشوية مشاكل فى نسخة ويننج 8 .. ولو انها جميلة كانت .؟؟ انت حط مستوى الصعوبة على اعلى مستوى يعنى 5 نجوم مش 3 الافتراضى بيكون من اللعبة ... وانت تشوف اللعب الصح .. مع انو 3 نجوم مستوى متوسط رائع بردو

انا نزلت ال pes5 ولعبت أول ماتش ليا فبها ضد الكمبيوتر على 5 نجوم و تعادلت مهعاه و لقيت أسلوب اللعب فيها غبي و الجرافيك وحش مش حلو زي منتو بتقولو (أجسام اللعبة مش سموث ) و الترئيس فيها سها جدا أسمع عشان تعرف ترقس أي لعيب أول متقرب منه دوس يمين و بعد كده قدام سبحان الله متلاقي اللعيب ألي ضدك وراك أزاي معرفش
المهم بعد كل العيوب الهبلة دي أنا عملت إه

اللى عايز يقارن بنهم ميعرفشى لان PES5 هى الافضل طبعا و بدون مقارنة و اللى بقول نشوف التصنيف بتاع الالعاب حيلاقى ان PES5 خدت من اول منزلت الترتيب الاول فى الالعاب و اللى مش مصدق يروح لتصنيف الالعاب فى اى موقع من المواقع بتاعت التصنيف و يلاقى البرو فى المقدمة و الفيفا مش من العشرة الاوائل اصلا و دة من اول منزلت مش من النهاردة و بعد كدة مفيش كلام تانى عن الفيفا لازم تودوها على طنط Recycle Bin علشان متزعلشى و هو دة مكانها الصحيح و بعدين من هناك تدوها Empty Recycle Bin علشان طنط Recycle Bin تبقى نضيفة كدة و حلوة
هيا دي كانت نصيحة مهم أوي أشكر عليها الأخbeko0o0o0o
لأني عملت كده بالظبط عملت أنستال لل pes وshift+ del مش del لل cds عشان طنط recycle bin متتوسخش أصلا وشكرا لأنك خلتني أجرب pes5 (أنا جربت pes4 ومعجبتنيش قلت يمكن ندفوها في 5 )و أتكد 100% أنها تعبانه جدا

[فارس الامل]

يا اخ الموضوع هو للنقاش والانتقادات وابداء الراى حول اللعبتين وبيان السبب للاختيار
( ولو انو سببك زهقنا شوية )

والله يخليلك الفيفا يا رب وعقبال ما نشوف فيفا 2066 .. وراح يكونوا عاملين نسخة طبق الاصل من ويننج اليفين
مش زى ما عملوا فى 2006 اكتفوا بانهم عملوا نظام قريب من الويننج وهذا لا خلاف عليه فالكل لاحظ ذلك
وتعييييييييييشش الفيفا

وعلى فكرة فيفا 06 ما قعدتش يوم كامل عندى .. ( بعد اكتر من اسبوع تنزيل 24/24 وخاصة انو كان رابطها بطىء عندى )
وانا كمان ما اعملتلهاش SHIFT + DEL الى هوا هوا زى افراغ سلة المحذوفات يعنى الو صلة بيها Recycle Bin ...
انا حتى القرابة ما حبيتهاش ولا استنضفت اصلا

انا رحت اعملت UnInstall للعبة .. وبهيك ملهاش بسلة المحذوفات من قريب ولا من بعيد

[wolvereine]

لو سمحتو محدش يغلط فى الفيفا

[waddaa_mohamed]

يا اخ الموضوع هو للنقاش والانتقادات وابداء الراى حول اللعبتين وبيان السبب للاختيار
( ولو انو سببك زهقنا شوية )

والله يخليلك الفيفا يا رب وعقبال ما نشوف فيفا 2066 .. وراح يكونوا عاملين نسخة طبق الاصل من ويننج اليفين
مش زى ما عملوا فى 2006 اكتفوا بانهم عملوا نظام قريب من الويننج وهذا لا خلاف عليه فالكل لاحظ ذلك
وتعييييييييييشش الفيفا

وعلى فكرة فيفا 06 ما قعدتش يوم كامل عندى .. ( بعد اكتر من اسبوع تنزيل 24/24 وخاصة انو كان رابطها بطىء عندى )
وانا كمان ما اعملتلهاش SHIFT + DEL الى هوا هوا زى افراغ سلة المحذوفات يعنى الو صلة بيها Recycle Bin ...
انا حتى القرابة ما حبيتهاش ولا استنضفت اصلا

انا رحت اعملت UnInstall للعبة .. وبهيك ملهاش بسلة المحذوفات من قريب ولا من بعيد

هاهاهاهاهاهاهاهاهاهاهاهاهاهاهاهاههاهاهاهاهاهاهاهاه اهها :shiny000: :shiny000:
أولا تفوق الفيفا أنهم أخدوا المميزات القليلة ألي في pes بالأضافة للميزات الكتيرة الموجودة في الفيفا

[boosh]

ياريت يااخ waddaa_mohamed يكون نقدك موضوعى

لانك بنقدك ده بتشوه صورة محبى الفيفا

ولا ملقوش فى الورد عيب قالولك يااحمر الخدين

[waddaa_mohamed]

ياريت يااخ waddaa_mohamed يكون نقدك موضوعى

لانك بنقدك ده بتشوه صورة محبى الفيفا

ولا ملقوش فى الورد عيب قالولك يااحمر الخدين

هاهااهاهاههااههاهاهاههاهاهاهاه
ورد هو مين الورد ده يا جميل

[waddaa_mohamed]

طب أنا هقولكم حاجة أنا أبن عمي كان زمان بيلعب( fifa) و( wenning elven بتاعة ال ps2 )و كان بيفضل ال ps2 ولكن بعد مشاف fifa 2006 قال أنا مستحيل ألعب ps2 تاني ال fifa 2006 أحسن منها بمراحل و متفوقه عليها بكتير

[GENNI]

أنصح الجميع بمراجعة هذا الموضوع (http://www.dvd4arab.com/forums/showthread.php?t=100366)... ففيه طرحت العديد و العديد من الآراء ... و تم شرح نقاط القوة في WE و نقاط الضعف في FIFA بعناية شديدة ...

كما أدعوكم إلى مراجعة نتائج التصويت ... فمن الصعب جدا جدا أن يكون ما حدث صدفة !!
فالفرق بين نسبة اللعبتين كبيرة جدا ... ألا يقول هذا شيئا ؟!

[dr_elbramawi]

بلا تحيز ولا نقاش

pes

بلا فيفا بلا.................................

[Ali_Judge]

pes 5 أحسن من فيفا 2006


بس لأ pes6 ان كان فيه pes 6 أحسن من فيفا 2007 ان شاء الله


بس لأ كمان pes 5 أحسن من من فيفا 2007 ان شاء الله


مش تعصب لpes 5 أو للشركه المنتجه (konami) بمعنى ان مش شغال فيها ولا أبى صاحب الشركه ولا مساهم فيها


السبب ببساطه ان pes 4 أحسن من فيفا 2006 بكتيــــــــــــــــــــــــــــــــــــــــــــــ ــــــــــــــــــــــــــــــــــــــــــر

[hanymoslem]

الصراحة اللعبتين حلوين ولكن pes5 الأفضل وبلا منازع

[SekoKato]

pes5 أكثر متعة وواقعية ولكن فيفا أفضل من حيث القوائم ونظام الكارير والمعلومات عن أسماء الفرق واللاعبين

[toha2010]

يا جماعة طبعا مش محتاجة كلام
Fifa 2006
افضل لعبة فى العالم

[malec]

بسم الله الرحمن الرحيم والصلاة والسلام على اشرف المرسلين
اود ان اقترح حلا لمناقشة قضية الفيفا وpes
اقترح ان تتم معالجة اللعبتين من حيث النقاط التالية وبطريقة عقلانية :
1- الدفاع .
2- اللعب الجماعي
3- نظام اللعب
4- الهجوم
وفي الاخخير التطرق الى تقييم اللعبتين
وانصح باستشارة لاعب كرة قدم متمرس لابداء رايه
fifa 2006 for ever

[ezzmoka]

انا بلعب we و fifa من أول ما طلعوا و طول عمرى بحب we أكتر من fifa بس بحب fifa برضو
و بصراحة انا شايف ان السنة دى الاتنين وحشين ...
fifa بتقلد we
pes 5 اللعب بتاعها يخنق ....
و ده رأيى الشخصى ....

[mindvision]

فيفا 2006 بدون منازع ولا منافس...
انا شايف ان بر 5 محاولة تقليد للفيفا لا اكتر.... وكفاية نظام الكاريير زي ما قال احد الاخوة اللي موجود في اللعبة... تحفة تحفة تحفة !!

[™MαFiα]

طبعا مع الاحترام الشديد جــــداً لجميع الاراء وجميع وجهات النظر لانها تعبر عن وجهات اصحابها
ويجب ان نحترمها مهما كانت .. ويجب ان يظل الحوار فى هدوء .. فهذا هو سمة الحوار العقلانى ...
اما عن رأيى المتواضع ان Pes5 من افضل العاب كرة القدم واكثرهم واقعيه فى تاريخ العاب
الكمبيوتر على الاطلاق .. واقعية واسلوب لعب خيالى .. وخصوصاً جانب الواقعيه وقوة الجرافيك
الرائع .. وده طبعاً اللى يعطى للعبه طابع خاص يميزها .. لكن طبعاً يظل الكارير مود فى الفيفا
اكثر من رائع .. وطبعاً هذا للمره الثانيه مع احترامى وتقديرى الكامل لكل الاراء .. تحيتى للجميع ..

[the_HM]

يا جماعه انا لعبت الاتنين وطول عمرى وانا مع الفيفا من اول فيفا 98 واللى لعب من الاصدارات القديمه زى هيعرف قيمه 06 عن الباقى ولكن اول ما جربت pes5 وشوفت تحكمات الكورة وازاى كل لعب وامكانياته لقيتها جامده جدا كلها اثارة عن 06 اللى فيها مكان تحفظه عشان تشوط وتجيب منه جون
برو احسن بكل المقاييس الا فى اشكال اللاعيبه والبطولاات[/I][B]

[mada17]

انا شايف لعبة pes5
افضل لعبة كرة قدم فى تاريخ الالعاب

[kemo 2006]

علي فكرة اللعبتين اجمد من فيفا 2006 بمراحل لكن بصراحة البرو 5 بصراحة اشد واحدة ليه
عشان الواقعية الواقعية الواقعية

[hima_18]

شكرااا يامان

[nonstoping]

fifa 2006 اقوى و احسن و بتخليك تحط اى فكر كروى ليك تنفزه من خلال 2006

[mohandez]

ولا يرضي بها غير الهواه المستجدين.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عيييب ماتقولش مستجدين انا عن نفسي الفيفا عندي زي الميا و الهوا

وعلي فكرة من بحثي في أيزوهات اللعبة و ملفاتها علي الهارد درايف ... لاقيت أن فيه حوالي 2 جيجا من حجم الجيم عبارة عن ملفات صوت لللغات الأخري ... يعني بالعربي لعبة FiFA 06 لعبة منفوخة علي الفاضي ....

ملف الاوديو 1.15 جيجا يا أخ
وده مش عيب في اللعبة .... لما تغير اللغة يتغير المذيع ,,,, يعني احنا لو بلد محترمة كانو عملو لغة عربي
و مذيع عربي
........... لكن ليه يعملو لينا لغة إحنا مش فالحين الا في الهجس

.......... جتنا نيلة في حظنا الهباب.....,,,


:icon30: :icon30:


أنا أؤيد وألعب PES5

الفيفا المفروض انقرضت مع الاحترام للاعبيها

على من يلعب الفيفا أن يجرب PES5 مجرد تجربة

وعندها سيرمي الفيفا الى الأبد