توبيك مهم جدا جدا جدا فى القسم ده و الاقسام العلمية التانية و ارجو التثبيت

[ahmed dawod]

بصوا يا جماعة بجد الموضوع ده مهم جدا لانى عانيت منه كتير فى المنتديات العربى كلها
و هو مش للقسم ده بس هو المفروض يتحط فى كل الاقسام العلمية فى المنتدى و المنتديات كلها
و قبل ما تقرو التوبيك انا بقولكم اوعوا تفتكروا انى متحيز للغرب و لا اى حاجة من الحاجات دى لا انا كل الموضوع انى عاوز المعرفة و المعلومات تبقى دقيقة

دلوقتى الموضوع عبارة عن ان اى عضو بييجى يكتب موضوع علمى - انا قلت علمى يعنى مش فى الغرائب و بس - بيكتب الموضوع كله بالعربى و نادرا ما بيجيب مصادر الناس تخش عليها و لو جاب بيجيب مصادر عربى برضه

يعنى انا قصدى ان انتو كلكوا عارفين ان العرب فى العلوم تقريبا ضايعين و دى حقيقة ما حدش ينكرها يعنى لو حبيت تقرا عن موضوع علمى من موقع عربى يبقى انسى حتى كدليل انا دخلت على موسوعة الويكيبيديا - اضخم موسوعة على الانترنت - و عملت بحث على حاجة منتشرة كمان مش غامضة و لا حاجة يعنى مثلا العربيات

شوفوا نتيجة البحث بالانجليزى http://en.wikipedia.org/wiki/Car
و دى نتيجة البحث بالعربى http://ar.wikipedia.org/wiki/%D8%B3%D9%8A%D8%A7%D8%B1%D8%A9

ماشى ؟
ده اذا كلعلك حاجة بالعربى اساسا يعنى شوف البحث كان عن العربيات اللى هى الجاهل ممكن يتكلم عنها ما بالك فى قسم زى بتاعنا ده هندور بالعربى ازاى
طب بالله عليكو خشوا على التوبيك بتاعى بتاع موسوعة الظلام مثلا
و دوروا على الحاجة مرة بالعربى و مرة بالانجليزى و شوفوا الفرق

ده قصدى فهمتوه ؟

يعنى انا لما قريت مثلا توبيك زى بتاع الاسقاط النجمى التوبيك جامد جدا جدا جدا و شدنى
بس لما جيت ادور على معلومات عنه من مواقع متخصصة دخت على ما عرفت ان اسمه Astral Projection
لان ساعات كتير لما بتيجى تترجم الاسم العربى ما بيطلعلكش الاسم العلمى بتاع الحاجة مظبوط

فياريت يا جماعة بعد كده لما حد ييجى يعمل توبيك يكتب المصطلحات و الاسامى و الحاجات دى كلها حتى اسامى البلاد اللى مش مشهورة اوى بالانجليزى او يكتب مواقع اجنبية بتتكلم عن الحاجة دى زى ما انا ما بعمل

انا مش بشكر فى نفسى بس و الله انا بتضايق من الوقت اللى بيضيع بس فى البحث عن اسم الحاجة بالانجليزى

يا ريت تفهمونى صح

أرجو التثبيت بجد لان ده توبيك مهم جدا

و شكرا

[سندريللا دياب]

السلام عليكم ورحمة الله وبركاته

على حسب اللى فهمته من كلامك
انك بتطالب نبحث فى مواقع اجنبية ونكتب مصدر البحث
يعنى مثلا لو موضوع فى الغرائب اكيد هنكتب موقع زى ناسا مثلا

انا مؤيدة رآيك جداا لو على حسب اللى فهمته دة

[MAHMOUDSAID.NET]

فكرة كويسة بس انا متهيألى انى موسوعة ويكيبيديا محتوياتها ثابتة ومترجمة بكل اللغات واعتقد انها مصدر كافى .

[ahmed dawod]

هو تقريبا كده شكل ما حدش لسه فهم انا اقصد ايه

السلام عليكم ورحمة الله وبركاته

على حسب اللى فهمته من كلامك
انك بتطالب نبحث فى مواقع اجنبية ونكتب مصدر البحث
يعنى مثلا لو موضوع فى الغرائب اكيد هنكتب موقع زى ناسا مثلا

انا مؤيدة رآيك جداا لو على حسب اللى فهمته دة

لا انا مش قصدى كده

انا اقصد ان التوبيك يبقى فيه مصطلحات بالانجليزى مش لازم المصادر اوى يعنى

لان الواحد ممكن يكون مجمعه من اكتر من مكان او حاطط وجهة نظره الشخصية

انما انا بتكلم عن المصطلحات الانجليزى

لانى بجد بيصعب عليا اوى الوقت اللى بيضيع بس فى مجرد البحث عن معنى الحاجة باسمها العلمى بالانجليزى

فكرة كويسة بس انا متهيألى انى موسوعة ويكيبيديا محتوياتها ثابتة ومترجمة بكل اللغات واعتقد انها مصدر كافى .

برضه نفس الكلام اللى فوق

انتو فاكرين انى بتكلم عن المصادر

لا انا قصدى على المصطلحات

و ارجو ان عدد الردود يبقى اكتر من كده عشان بجد الموضوع ده مهم جدا

[the king of hac]

انامعاك و مؤيدك انت قصدك المصطلحات العلميه اللى فى الموضوع تكون بالانجليزى عشان لو حبيت انت تجيب معلومات بنفسك عن الموضوع ودى طبعا حاجه مهمه و شكرا على تنبيهك

[ahmed dawod]

انامعاك و مؤيدك انت قصدك المصطلحات العلميه اللى فى الموضوع تكون بالانجليزى عشان لو حبيت انت تجيب معلومات بنفسك عن الموضوع ودى طبعا حاجه مهمه و شكرا على تنبيهك

ايوة انت كده فهمت قصدى صح يا كينج

[حسام 1992]

عندك حق يا نجم

و فعلا لازم يكون فيه اسماء بالانجليزي

عشان نعرف نلاقي كل حاجة عن الموضوع اللي احنا عاوزينه

بس المهم ان يكون فيه حد مجرب الحاجات دي كمان

يعني مش حد بينقل و بس

يكون مجربها و يقولنا ايه اللي حصل معاه

عشان نعرف ده صح و لا لا

مع اني شبه متأكد انها تخيلات

[ahmed dawod]

عندك حق يا نجم

و فعلا لازم يكون فيه اسماء بالانجليزي

عشان نعرف نلاقي كل حاجة عن الموضوع اللي احنا عاوزينه

بس المهم ان يكون فيه حد مجرب الحاجات دي كمان

يعني مش حد بينقل و بس

يكون مجربها و يقولنا ايه اللي حصل معاه

عشان نعرف ده صح و لا لا

مع اني شبه متأكد انها تخيلات

التجربة مش مشكلة لان فيه حاجات صعب تتجرب

بس اهم حاجة المصطلحات

و شكرا على المرور

[thepatriotzoro]

والله انا معاك فى اللى انت بتقوله بس انا كان ليا تعقيب بس او تقدر تقول انه طلب للمشرفين
انهم يتاكدوا من المواضيع اللى موجوده عشان كده لازم زى ما انت قلت اى حد يكتب موضوع يكتب المصطلحات العلمية والمصادر كمان عشان مش كل حاجه مكتوبة حقيقية ولا انت ايه رايك؟

[ahmed dawod]

والله انا معاك فى اللى انت بتقوله بس انا كان ليا تعقيب بس او تقدر تقول انه طلب للمشرفين
انهم يتاكدوا من المواضيع اللى موجوده عشان كده لازم زى ما انت قلت اى حد يكتب موضوع يكتب المصطلحات العلمية والمصادر كمان عشان مش كل حاجه مكتوبة حقيقية ولا انت ايه رايك؟


فعلا انا معاك فى الموضوع ده

[romance demone]

والله موضوعك جميل
بس يا رب يتطبق صح

[ahmed dawod]

والله موضوعك جميل
بس يا رب يتطبق صح


يا رب يا ديمون

[rock2500]

وأنا أؤيدك الرأى

[ahmed dawod]

وأنا أؤيدك الرأى

شكرا على المرور

[gam_gam]

شكرااااااااا على التوبيك الرائع والجميل ده

تحاتى

[ahmed dawod]

شكرااااااااا على التوبيك الرائع والجميل ده

تحاتى

العفو و شكرا على الرد الجميل

[midododo11]

انا معاك لان فيه مصطلحات لازم تتكتب بالانجليزى

[ahmed dawod]

انا معاك لان فيه مصطلحات لازم تتكتب بالانجليزى

الحمد لله

بس المهم ان الموضوع ده يتطبق

[mohamad_275]

مشكووووووووووووووووووووووووووووووووووووووور

[ahmed dawod]

مشكووووووووووووووووووووووووووووووووووووووور

العفو و شكرا على المرور

[elbeak_2006]

انا لي رأي في هذا الموضوع , و ارجو ان يتسع صدرك له
في كل دول العالم التي تهتم بالعقل و العلم , هناك شئ يسمي ادارة الترجمة القومية و التي تتبع وزارة البحث العلمي او التنمية العلمية ( حسب مسماها في كل بلد ) و التي تقوم سنويا بترجمة آلاف بل ملايين الكتب و الابحاث العلمية الي اللغة المحليّة .
و هناك جزء كبير من العاملين في هذه الهيئات , من الشباب المتطوعين المحبين لبلادهم و الغيورين علي لغتها و تراثها و علومها و الرافضين لفكرة تحولهم الي تابعين فكريا و علميا الي لغة اخري او قومية اخري غير لغة بلدهم.
تخيلوا معي ان دولة مثل اليونان و هي تعد اقل دولة اوربية من حيث عدد المصنفات المترجمة سنويا الي لغتها , تصوروا انها تقوم سنويا بترجمة عدد من الكتب و الابحاث بما يزيد عمّا تقوم بترجمته كل الدول العربية مجتمعة في عشرة اعوام كاملة !!!!!!
هل عرفتم سبب الانهيار و التردي العلمي و المعلوماتي الذي اصبحنا نعاني منه ( كعرب و مسلمين ) ؟
السبب هو عدم محاولتنا لنقل و ترجمة كل ما هو جديد من الكتب و الابحاث العلمية و التي اصبحت في ازدياد مطرد سنويا , لتصبح هذه العلوم و المعارف متاحة للجميع و بلغتنا العربية الميسرة , حتي ترتقي العقول و نصل الي ما انتهي اليه غيرنافي نفس الوقت , حتي نستطيع ان نضيف و نجدد و نبدع الي ما توصّلوا هم اليه .
و اصبحت المعرفة قاصرة علي نخبة و شريحة صغيرة من الباحثين العلميين في الدول العربية و الذين يقومون باستخدام اللغات الاخري في ابحاثهم و رسائلهم العلمية و يعتمدون عليها , ليزيدوا من انعزالهم و انعزالنا عن العلم و الثقافة و الابحاث العالمية .
و انا اطلقها دعوة من منتدانا هذا , لماذا لا نقوم نحن كشباب اولا , و بدعم من الوزارات و الجهات المختصة , بعمل ادارات اهليّة للترجمة و نقوم بوضع بروتوكولات لعمل هذه الادارات تحت اشراف اساتذة لغات متطوعين ايضا, و نبدأ في ترجمة الكتب و الابحاث العلمية الحديثة بحسب مجالات التخصص و بحسب الحاجة اليها , الي لغتنا العربية مع نشر هذه الترجمات علي مواقع انترنت مفتوحة و متاحة للجميع .
هذه دعوة لكل محب و غيور علي لغته و قوميته العربية , عسي ان تجد من يستجيب .
و تقبلوا جميعا تحياتي الطيبة

[ahmed dawod]

انا لي رأي في هذا الموضوع , و ارجو ان يتسع صدرك له

في كل دول العالم التي تهتم بالعقل و العلم , هناك شئ يسمي ادارة الترجمة القومية و التي تتبع وزارة البحث العلمي او التنمية العلمية ( حسب مسماها في كل بلد ) و التي تقوم سنويا بترجمة آلاف بل ملايين الكتب و الابحاث العلمية الي اللغة المحليّة .

و هناك جزء كبير من العاملين في هذه الهيئات , من الشباب المتطوعين المحبين لبلادهم و الغيورين علي لغتها و تراثها و علومها و الرافضين لفكرة تحولهم الي تابعين فكريا و علميا الي لغة اخري او قومية اخري غير لغة بلدهم.

تخيلوا معي ان دولة مثل اليونان و هي تعد اقل دولة اوربية من حيث عدد المصنفات المترجمة سنويا الي لغتها , تصوروا انها تقوم سنويا بترجمة عدد من الكتب و الابحاث بما يزيد عمّا تقوم بترجمته كل الدول العربية مجتمعة في عشرة اعوام كاملة !!!!!!

هل عرفتم سبب الانهيار و التردي العلمي و المعلوماتي الذي اصبحنا نعاني منه ( كعرب و مسلمين ) ؟

السبب هو عدم محاولتنا لنقل و ترجمة كل ما هو جديد من الكتب و الابحاث العلمية و التي اصبحت في ازدياد مطرد سنويا , لتصبح هذه العلوم و المعارف متاحة للجميع و بلغتنا العربية الميسرة , حتي ترتقي العقول و نصل الي ما انتهي اليه غيرنافي نفس الوقت , حتي نستطيع ان نضيف و نجدد و نبدع الي ما توصّلوا هم اليه .

و اصبحت المعرفة قاصرة علي نخبة و شريحة صغيرة من الباحثين العلميين في الدول العربية و الذين يقومون باستخدام اللغات الاخري في ابحاثهم و رسائلهم العلمية و يعتمدون عليها , ليزيدوا من انعزالهم و انعزالنا عن العلم و الثقافة و الابحاث العالمية .

و انا اطلقها دعوة من منتدانا هذا , لماذا لا نقوم نحن كشباب اولا , و بدعم من الوزارات و الجهات المختصة , بعمل ادارات اهليّة للترجمة و نقوم بوضع بروتوكولات لعمل هذه الادارات تحت اشراف اساتذة لغات متطوعين ايضا, و نبدأ في ترجمة الكتب و الابحاث العلمية الحديثة بحسب مجالات التخصص و بحسب الحاجة اليها , الي لغتنا العربية مع نشر هذه الترجمات علي مواقع انترنت مفتوحة و متاحة للجميع .

هذه دعوة لكل محب و غيور علي لغته و قوميته العربية , عسي ان تجد من يستجيب .

و تقبلوا جميعا تحياتي الطيبة


اولا احب احييك على فكرك و غيرتك على اللغة

بس انا مش قصدى فى التوبيك ان احنا نهمل العربى خالص

انا قصدى انه جنب المصطلح او الاسم العربى يبقى فيه المقابل بتاعه بالانجليزى

يعنى مثلا الويكيبيديا هتلاقى فيه حاجات كتير بالانجليزى محطوط قدامها الاسم باللاتينى

انا مش بقول نهمل اللغة
لا
انا قصدى ان اللى هيحب ييجى يبحث فى الموضوع ده مش هيعرف لانه ما يعرفش المصطلح الانجليزى بتاعه و لو جرب يبحث بالعربى مش هيلاقى حاجة

بس انا معاك فى الفكرة بتاعتك

بس يا ترى مين اللى هينفذها
انا عن نفسى كل ما اكلم حد فى الموضوع ده يقولى " مش لما الناس تلاقى تاكل الاول تبقى تفكر فى العلوم "

و انا ارد عليه و اقول " ما هو الحاجات دى هى اللى هتخلى البلد تتقدم و الناس هتلاقى تاكل اللى هى عاوزاه "

بس ما حدش بيسمع

احنا عندنا شباب كتير افكارهم حلوة زى فكرتك و انا بصراحة عندى افكار جامدة كتير بس مين اللى ينفذ

انا قصدى من التوبيك راحة لواحد زيى ما بيحبش ياخد المعلومة من توبيك واحد بس
انا بحب ادور عليها على النت

بس

و شكرا على المشاركة و احييك تانى على فكرك المبدع

[ahmedmagdi007]

فكرة جميله جدا
معااااااااك فيهاااا