اه من حواء واللي بتعمله في ادم

[dentist22]

معلش استحملوني شويه لو طولت وحاولوا يا بنات حواء الاجابه بصراحه
في ممكن بنت تقول بحبك وهي متحبكش؟ ممكن بنت بعد فتره معرفه ارتباط طويله وبتقوله انا مقدرش استغني عنك تسيبه مع اول ظهور انسان جاهز في حياتها؟ ممكن حد يجوبني ممكن بنت تكون مرتبطه بواحد وتاني يوم ترتبط بحد تاني؟ في حد يقدر يعمل كده ويعيش حياه طبيعيه؟؟؟
الاسئله باختصار ده بدايه لقصه حصلت بين ادم خريج كليه مرموقه زي مبيقولوا مع وحواء زميلته اصغر منه بسنتين
ارتبطوا مع بعض بالحب والكلام وانا مقدرش استغني عنك واموت لو بعدت عني والواد من حبه فيها وهو لسه في بدايه مستقبله قرر يروح يخطبها من اهلها اول مخلصت كليتها وكالعاده الاهل قالولوا انت لسه في بدايه حياتك قالهم انا حتعب لاني بحبها وخصوصا ان مستقبيلي كويس وخلال 3 سنين حكون انسان ممتاز قالولوا انت كويس وابن ناس ونديك فرصه لحد متقف علي رجليك الواد طار من السعاده وقال الحمد لله ربنا كرمني وسهلها عليا وبعد الكلام مع اهلها وفي اقل من شهر كان متقدملها عريس كويس غني ومعاه فلوس كتير..................... ياتري ايه اللي حيحصل من البنت اللي بدوب في صاحبنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ بعد تفكير لمده 3 ايام كلمت صاحبنا وقالتله معلش اهلي موافقين علي العريس ومش قادره ارفض مينفعش اهلي يكونوا بيعملوا حاجه ويتفقوا مع العريس وانا مرتبطه بيك معلش لازم نبعد عن بعض علشان مش عارفه اقول لاهلي لاااااا اصل الجواز قسمه ونصيب ولو كنت نصيب حتتجوزني غصب عن الجميع...................... وسكت ادم عن الكلام وينتظر راي بنات حواء بصراحه وحياد ياتري ادم غلط في القصه ده ؟ ياتري ده تفكير حواء الزمان ده؟قولوا لادم يعمل ايه وايه الغلط اللي وقع فيه؟ وشكرا ونعتذر للتطويل افيدوا ادم الغلبان

[don mido]

هو ده حال معظم بنات حواء فى الزمن ده
بيركنوا واحد على الشماعه احتياطى
لحد مابتلاقى حاجه احسن واذا ملاقتش






تاخد اللى على الشماعه وامرها لله

[gurl_love]

اولا الفلوس بتروح وتيجي ووالى البنات متعرفهوش انها ممكن تاخد واحد مستوى وغنى بس يطلع عنيها ويبهدلها وفى الاخر يرميها دي حاجه
تانى حاجه انها ممكن تتجوز واحد غنى وعشان فلوسه بقي وهيعيشها في عز ومش هيحرمها من حاجه ودا الى بيحصل وفجاه يحصله ظروف والفلوس تطير يبقي حوا هتعمل ايه هتطلب الطلاق بقى بدام هيا متجوزاه عشان الفلوس الى بيبقو بالمنظر دا مش بيفكرو فى الجواز عشان بيت واولاد وزوج بيحبها وهيا بتحبه لا تفكيرهم الفلوس والفلوس بتروح وتيجي ياريت حوا تفهم كدة وانا عن نفسي وجود الشخص الى انا حبيته وهو حبنى فى حياتى بكنوز الدنيا كلها ولافلوس الدنيا تغنينى عنه والجواز فى الاخر حب مابين الزوجين وعشرة وزوجه تتحمل زوجها فى كل حاجه وتقف جمبه وقت ازمته والغلط دا مش من ادم بدام مقصرش فى اى حاجه انما ان هو الى سابها تضيع من ايدة يبقي هو الى اختار

[dentist22]

شكرا علي ردودكم وعلي مساهمتكم الفعاله بس السؤال المهم ازاي ممكن البنت تتكون بتحب حد اوي وتقوله كل كلام الحب والشوق وتاني يوم تقوله لغيره؟ ده ممكن يحصل؟؟اصل ده حاجه غريبه ازاي ممكن تتخيل انسان غير اللي حبته في وقت قصير بجد هو ده وارد في تركيبه البنت؟؟
وازاي ادم يقدر ينسي حب حواء من غير مينجرح في وقت قصير؟؟؟؟ عايزين بنات حوا يدافعوا عن حواء اللي في القصه ده

[ARMANI_511]

سبحان اللة دة نفس ايلي حصل معايا بالظبط و ربنا يسامحها

[نغم الحياه]

من وجهه نظرى إن الحب .. تفاعل بين طرفين .. إحساس مشترك ..
وعلشان نقدر نحافظ على الحب لازم ياخد وضعه الصح .. لازم نحترمه ونقدره علشان يكبر بينا ولينا ومعانا
لازم نوجه تجاهه كل الأضواء علشان ينمو فى النور وميموتش أبدا
الحب إحساس رقيق
وعلشان كده أنا مقتنعه إن الحب فى النور بعلم الأهل هو أرقى أنواع الحب .. فالظلام يميت الحب
المشكله إن فى ناس كتير من حواء أو أدم مبيقدروش معنى الحب الصحيح مبيتعاملوش معاه بطريقه صح وده من ضمن أسباب ضياع الحب
قبل بدايه أى شىء يجب الإستعانه بالله وإستخارته والتوكل عليه .. وأكيد ساعتها هنكون واثقين إن ربنا هيرزقنا بالخير طالما إستعنا بيه من البدايه
أرقى تحياتى...
نغم الحياه
...

[starsong]

شوف يا صديقى ركز أوى فى الكلمتين الجايين دووووووول يمكن تلاقى فيهم أجابة

لسؤالك ..

لما الرجل بيحب حوا بجد بتكون هى كل أمله فى الحياة و حبها هو غايته اللى

ممكن يعمل أى حاجة و يعدى أى حواجز علشان يوصلها

أما البنت فلما بتحب الولد فهى بتحب نجاحه أو تميزه عن الاخرين بتحبه

علشان حوا بطبيعتها أتخلقت علشان تبقى أساس لبيت مستقر و تربى نشأ جديد

ولادها يعنى بشكل كويس فى حياة مستقرة و كويسة ماديا .. علشان كده بشكل

طبيعى خالص بتلاقى ان الرجل بالنسبة لحوا هو مجرد وسيلة لحياة سعيدة

مستقرة تحقق لها أهدافها !

يعنى أنت حبك ليها غاية بينما هى حبها لك وسيلة لحاجات تانية !!

الكلام ده ممكن يفسرك ليه حب الرجل أوفى من حب المراة ليه كتير سمعنا عن عشاق

انتحروا و سابوا دنيتهم علشان المحبوبة لكن العكس محصلش و مش هيحصل !!

أكيد ياما سمعنا فى الحواديت حتى الحواديت عن ابن السلطان اللى حب الجارية و اتحدا الدنيا كلها

علشان يتجوزها لكن أبدا مش هتسمع عن بنت السلطان اللى هتتجوز خادمها


ربنا يصبرك و يعوضك بأحسن منها ان شاء الله

[pink rose]

اعتقد ان موضوعك كله اتهمات صريحة بنيتها على بعض الحالات اللى صادفتها مينفعش تطبق مقولتك على الجميع لأن النفس البشرية بتختلف من شخص لأخر ومش كل الناس بتفكر بنفس طريقة التفكير
المادة مش كل شىء واهم حاجة هو الرابط اللى بيجمع الطرفين والتفاهم اللى المفروض سائد بينهم الجانب المادى ممكن يضيع فى اى لحظة

شكرا على الموضوع

[dentist22]

انا سعيد بجد من ردودكم ده مش تجربتي ده تجربه حصلت قدامي الغريب ان ادم اللي بقولكم عليه عمل استخاره واتوكل علي الله بس اللي ممكن يكون متخيلهوش ادم ان حوا اللي ياما قالتله بحبك وبموت فيك وعملتله حاجات حلوه ممكن في اسبوع تسيبه علشان ترتبط بواحد تاني
مش هو صاحبي بجد صعبان عليا نفسي ينسي اللي بيحصله حاسس انه انجرح جامد وهو موفرش اي مجهود علشان يسعدها يقولي ازاي ممكن بنت تكون بتحب واحد اوي وتسيبه علشان ترتبط بواحد تاني؟؟؟؟؟
والسؤال العجيب اللي كان بيفكر فيه لو رجعتله وقالتله انا اسفه ممكن يكون رده ايه عليها ؟؟؟؟
ممكن تحاولوا معايا الرد علي السؤال الصعب جدااااااااااااااااااا ده ياتري كرامه الرجل ممكن تكون اقوي من حبه؟؟؟؟؟؟؟؟؟

افيدوااااااااااااااااااااااااااااااااااااااااااااا ااااااااا اددددددددددددددددددددددددددددددددددددددددددددددددد ددددم

[dalila7777]

وفى بنات كتير يا دكتور حبوا واتجرحوا واتنازلوا عن احلام كتير وعن العريس الجاهز والكل اتهمهم بلجنون واولهم
الرجل اللى بيحبها اتهمها بلجنون الحب جنون اوعى تحسب ان البنت دى مقياس لا ما كنش حب الحب حبيبك العالم بتعاك بتبقى عاجبين بعض بكل عيوبكم بتبقوا طاقة نور لبعض مهما كنتم هى غلطانه وحتندم عليك ومعلش اقصد لصاحبك
لكن الحب زى الشمس بتفرض نفسها على الدنيا اما البنوته دى فكانت مش اكتر من شهاب مر فى حيات صديقك وبكره ربنا حيعوضه بلى احسن منها وحيتقابلوا فى يوم ومش هو الندمان هى الندمانه لسبب باعت الحب والحلم والحب حلو اوى حته لو كان مش فى فلوس اصل احنا اللى بنعمل الفلوس لكن مش نقدر نعمل الحب

[dentist22]

بجد مشكوره اوي داليا علي كلامك الجميل ده وردك الرائع
بجد الفلوس حتيجي حتيجي لان ده رزق مكتوب وحيجي لكل واحد غصب عنه سواء وافق او رفض بس الغريب اللي الناس مستعجله وبيقولوا عصفور في اليد خير من الف علي الشجره
بس فيه سؤال مهم ياتري المقوله بتاعت خلاص لو ليا نصيب فيه حيجيلي غصب عن الكل مقوله غريبه اوي للبنات في اليومين دول حد موافقني في الاستغراب ده؟؟؟؟؟؟؟

[starsong]

بس فيه سؤال مهم ياتري المقوله بتاعت خلاص لو ليا نصيب فيه حيجيلي غصب عن الكل مقوله غريبه اوي للبنات في اليومين دول حد موافقني في الاستغراب ده؟؟؟؟؟؟؟

لا أنا مش موافقك فى الاستغراب المرة دى لأنها طبعا مقولة صحيحة و دقيقة

بشكل كامل ، و ان شئت أسمع قول الله عز و جل :

بسم الله الرحم الرحيم ( قل لن يصيبنا الا ما كتب الله لنا ) صدق الله العظيم


يعنى نصيبك مكتوب عليك هيجيلك هيجيلك و لو اجتمع كل الناس على منعه

عنك ! يعنى مقولة الجواز قسمة و نصيب مقولة فى الجون طبعا

[dentist22]

شكرا يا جميل علي ردك واجابتك بس انا قصدي ان الكلمه ده بقت تلكيكه للناس سواء للولد او البنت
لان بجد لو كل واحد اتكل علي الله وعمل اللي عليه وساب الباقي علي ربنا ويسيب الباقي علي ربنا
مش صحيح اني شايف مثلا بنت كويسه وعجباني بس اقول انا مش حكلمها ولو نصيبي فيها حتجيلي او زي اللي يرمي نفسه في البحر وهو ميعرفش يعوم ويقولي لو نصيبي اعيش حعيش ((((ولا ترموا ايديكم في التهلكه)))).... هوده قصدي لو كل واحد بيعمل اللي عليه والنيه خالصه لله ومفيهاش غدر ربنا يقدر النصيب زي مافي جوازات بتبوظ ليله الفرح ده نصيب لانه عمل اللي عليه ارجو اكون وضحت وجهه نظري واتمني افادتي برايك وشكرا علي اهتمامك وافاده كل اعضاء المنتدي

[نغم الحياه]

على فكره فى ناس كتير بتقول مفيش كرامه فى الحب ..
لكن أنا مش موافقه المقوله دى نهائيا .. لان الإنسان لو إتنازل عن حاجه مهما كانت صغيره ممكن بعد كده تخليه يتنازل عن حاجات تانيه كتير
المبدأ واحد ولازم يحكمه إطار الإحترام والتفاهم
وأكيد مواجهه أى مشكله أفضل كتير من التغاضى عنها وكرامتنا وإحترامنا لذاتنا بيبلور شخصياتنا بطريقه أفضل
ده رأيى

[starsong]

على فكره فى ناس كتير بتقول مفيش كرامه فى الحب ..
لكن أنا مش موافقه المقوله دى نهائيا .. لان الإنسان لو إتنازل عن حاجه مهما كانت صغيره ممكن بعد كده تخليه يتنازل عن حاجات تانيه كتير
المبدأ واحد



صعب أوى حياة زوجية تستمر بالفكر ده ، مش كده ؟ لازم أنا أتنازل شوية

و هى تتنازل شوية علشان الحياة تمشى

[starsong]

شكرا يا جميل علي ردك واجابتك بس انا قصدي ان الكلمه ده بقت تلكيكه للناس سواء للولد او البنت
لان بجد لو كل واحد اتكل علي الله وعمل اللي عليه وساب الباقي علي ربنا ويسيب الباقي علي ربنا
مش صحيح اني شايف مثلا بنت كويسه وعجباني بس اقول انا مش حكلمها ولو نصيبي فيها حتجيلي او زي اللي يرمي نفسه في البحر وهو ميعرفش يعوم ويقولي لو نصيبي اعيش حعيش ((((ولا ترموا ايديكم في التهلكه)))).... هوده قصدي لو كل واحد بيعمل اللي عليه والنيه خالصه لله ومفيهاش غدر ربنا يقدر النصيب زي مافي جوازات بتبوظ ليله الفرح ده نصيب لانه عمل اللي عليه ارجو اكون وضحت وجهه نظري واتمني افادتي برايك وشكرا علي اهتمامك وافاده كل اعضاء المنتدي

أها كده فهمت قصدك ...

بص يا سيدى أنت جاوبت بنفسك فى ردك على سؤالك ! فكرة أن الواحد يبقى

له هدف معين لكن مش بيسعى اليه و يقول لو فيه نصيب يبقى هيجيلى لحد

عندى ده هو التواكل بعينه ، و سيدنا النبى محمد ( ص ) وضح لنا فى الحديث

الشريف الفرق بين التوكل و التواكل .. التوكل على الله هو المطلوب و هو

تحديد الهدف و السعى اليه بكل قوة و الأخذ بأسباب الوصول اليه ثم ترك

النتيجة على الله عز و جل و الثقه فى عدله سبحانه و تعالى أنه هيختار

ليك الأحسن .. و سيدنا عمر بيقول ان السماء لا تمطر ذهبا لأعرابى كان

محتاج للرزق و لا يخرج للعمل بل كان يقضى كل وقته فى العبادة فقط !!


ده كان توضيح للناحية الشرعية .. لكن بقى بينى و بينك فى مشاريع

الأرتباط بين الولد و البنت أنا هقولك حاجة : لو بنت قالت لك بشكل

متكرر لو لينا نصيب فى بعض هنكون لبعض مع عدم الأخذ بالاسباب لأتمام

الأرتباط ده فالغالب دى بنت مش عاوزاك أوى أو مش واثقة من قرارها

و بتشاور عقلها أو مكسوفة تقولك أنها مش عاوزاك زى الأول لأى سبب كان

أما لما البنت بتكون مؤمنة بالشخص اللى ادامها تلاقى كلامها مختلف شوية

و بيكون فيه اصرار على أنكم هتكونوا لبعض مهما كانت الظروف ! يعنى

موضوع التلكيكة ده غالبا بيحصل لما الشخص يبقى نفسه يتخلص من الشخص

التانى بس مستنى اى حجة !

[dentist22]

بشكر الكل علي الردود الجميله ومتزعلوش مني اذا كنت بتاخر في الرد اصلي مش فاضي شويه علشان شغلي وبرجع متاخر من الشغل بس ربنا ميحرمنيش من ارائكم.
بس برافو عليك هو ده اللي قصدي عليه التلكيكه ان البنت بتتلكك بحجه النصيب لو انا عايز حد حعمل المستحيل علشان اكون معاه مهما حصل لانه بقي حته من روحي واظن اللي بيحب مبيشوفش حد تاني غير اللي بيحبه صح ولا ايه؟؟؟
علي فكره انا من خلال قصص اصحاب ليا ماكنش معاه ولا مليم و البنت كانت بتحبه وهو بيحبها واقنعت اهلها بيه ووافقوا وربنا كرمهم اخر كرم
علي راي المثل خدوهم فقراء يغنهم الله من فضله ده سنه الله في ارضه انك تتعب وتتكل علي الله لان ربنا بيفتح اوي علي الناس اللي واثقين في كرمه واللي عايزين العفاف والطهاره والزواج وده فعلا امثله كتيره مش زي حكايه ادم اللي حكتلكم عليه ده حاجه وده حاجه واوعي حكايه ادم مع حوا تكون دافع لانكم تغيروا رايكم في حواء لان الدنيا فيها الحلو والوحش ولا ايه رايكم؟؟؟وانا شايف ان حواااااااااااااااااااااااااااااااااااااااااااااااا ااااء احلي حاجه في الدنيا ومهما عملت في ادم مبيقدرش يكرهها صح؟؟؟؟؟؟؟؟؟؟؟؟؟؟؟؟؟؟ منتظر ردكم .

[dentist22]

فين ردودكم يا اخوانا انا مستني تفيدوني وتفيدوا المنتدي
سؤال ازاي الولد يتاكد من احساس البنت اللي بيحبها بجد؟؟؟؟

[starsong]

على فكرة موضوعك حلو جدا و فيه كلام كتير يتقال و أسئلتك كمان أحلى بتفتح المجال لحوار شيق

لكن أنا مش هقدر أجاوب على كل الأسئلة كل مرة لوحدى علشان الملل بس :0: لازم أدى فرصة لباقى

الناس :jap:

[dentist22]

على فكرة موضوعك حلو جدا و فيه كلام كتير يتقال و أسئلتك كمان أحلى بتفتح المجال لحوار شيق

لكن أنا مش هقدر أجاوب على كل الأسئلة كل مرة لوحدى علشان الملل بس :0: لازم أدى فرصة لباقى

الناس :jap:
بجد صديقي (starsong)واسمحلي اقولك صديقي بجد ردودك جميله اوي ومفيده بجدوده شرف لموضوعي انه يكون اغلبه من ردودك لانه بجد بتفيدني وتفيد اي انسان بيدخل المنتدي واوعي تقول ان ردودك ممله لانها بجد جميله جداااااااا وبشكرك علي اهتمامك بالموضوع ويارب نكون قدرنا نفيد حد من الموضوع
وحاول بردوا ترد علي سؤالي اللي كتير من الرجال بيسالوا عليه ازاي يتاكد من البنت اللي بيحبها انها بتحبه بجد وححتستحمله مهما حصل؟؟؟؟؟؟؟؟؟؟
مستني ردودكم

[xeina]

امال تقول ايه في البنات المخلصة واللي بتختار البني ادم على اساس اخلاقه ودينه وهو مادياته منعدمة ومستعدة تقف جنبه ويعتبر سنها كمان مش صغير وبترفض ناس متترفضش عشانه وفي الاخر يقولها اسف عالازعاج وشكراااا

[xmora]

يبقى يمان هية محبتكش من الاصل لو كانت حبتك مكنتش اى حاجة فالدنيا بعدتها عنك غير الموت بس لواحد بيحبها بالطريقة الى انت حبتها يها دى اكيد مش هتلاقى حب بالشكل دة وهية اكيد الى خسرانة فكك منها بقى خالص وعيش حياتك واكيد هتلاقى واحدة تحبك وتحبها وتستهلو بعض اوك يمعلم

[dentist22]

امال تقول ايه في البنات المخلصة واللي بتختار البني ادم على اساس اخلاقه ودينه وهو مادياته منعدمة ومستعدة تقف جنبه ويعتبر سنها كمان مش صغير وبترفض ناس متترفضش عشانه وفي الاخر يقولها اسف عالازعاج وشكراااا

شكرا يا صديقتي علي ردك الجميل واهتمامك بس الوحش موجود والحلو موجود اكيد اللي بيخسر قلب مليان بحب وحنان ليه اكيد هو الخسران وبيلوم نفسه طول عمره اكيد انتي كسبتي نفسك وربنا حيرزقك بالاحسن منه لان ربنا مبيضيعش حاجه
(((((((((((كما تدين تدان فافعل ما شئت))))))))
ومستني ردودك

[dentist22]

يبقى يمان هية محبتكش من الاصل لو كانت حبتك مكنتش اى حاجة فالدنيا بعدتها عنك غير الموت بس لواحد بيحبها بالطريقة الى انت حبتها يها دى اكيد مش هتلاقى حب بالشكل دة وهية اكيد الى خسرانة فكك منها بقى خالص وعيش حياتك واكيد هتلاقى واحدة تحبك وتحبها وتستهلو بعض اوك يمعلم

شكرا (x-roma) علي ردك وتعليقك بس الحمد لله مش قصتي ده قصه واحد صاحبي الحمد لله محصلتليش علشان كنت اكيد اتعقدت من البنات بس الحمد لله ربنا مكملني بعقلي لحد دلوقتي هههههههه
بس زي ماقلت فعلا البنت لما بتحب بجد مستعده تقف في وش العالم وتقول مش مختاره غير اللي حبيته وطول ما البنت محبتش اوي او مش متاكده من اختيارها 100% بتكون متردده ومن هنا تحدث الفاجعه اللي حصلت لادم الغلبان وربنا يعوض عليه باحسن منها لانه اخلصلها اكيد
اتمني تزيدوني من ردودكم لانها بتفتح عينينا علي حاجات ممكن مبنخدش بالنا منها او بنطنشها علشان مش عايزين نتصدم بالحقيقه
بس ممكن ترد علينا بنات المنتدي ايه علامات حب المراة للرجل ومن خلالها يتاكد الرجل من حب المراه اظن ده سؤال في الجون............؟؟؟؟؟؟؟؟؟؟؟؟؟
مستني رد بجد صريح جدااااااااااااااا علشان يحسم الخلاف الداير
وشكرااااااااااااااااااااااااااا علي مجهوداتكم

[xmora]

شكرا (x-roma) علي ردك وتعليقك بس الحمد لله مش قصتي ده قصه واحد صاحبي الحمد لله محصلتليش علشان كنت اكيد اتعقدت من البنات بس الحمد لله ربنا مكملني بعقلي لحد دلوقتي هههههههه
بس زي ماقلت فعلا البنت لما بتحب بجد مستعده تقف في وش العالم وتقول مش مختاره غير اللي حبيته وطول ما البنت محبتش اوي او مش متاكده من اختيارها 100% بتكون متردده ومن هنا تحدث الفاجعه اللي حصلت لادم الغلبان وربنا يعوض عليه باحسن منها لانه اخلصلها اكيد
اتمني تزيدوني من ردودكم لانها بتفتح عينينا علي حاجات ممكن مبنخدش بالنا منها او بنطنشها علشان مش عايزين نتصدم بالحقيقه
بس ممكن ترد علينا بنات المنتدي ايه علامات حب المراة للرجل ومن خلالها يتاكد الرجل من حب المراه اظن ده سؤال في الجون............؟؟؟؟؟؟؟؟؟؟؟؟؟
مستني رد بجد صريح جدااااااااااااااا علشان يحسم الخلاف الداير
وشكرااااااااااااااااااااااااااا علي مجهوداتكم


السؤال دة ميقدرش حد يرد علية يا dentist22 لان دى كلها بتعتمد على الاحاسيس وفى ناس وليعوذ بالله يعنى بارعة تمثيل شكرا ليك يا مان وعلى فكرة انا كنت برد على صحبك مش عليك هههههههههههههههههههههه بس اندمجت معاة اوى لدرجة انى رديت علية على طول

مشكوررررة يا جميل

[dentist22]

السؤال دة ميقدرش حد يرد علية يا dentist22 لان دى كلها بتعتمد على الاحاسيس وفى ناس وليعوذ بالله يعنى بارعة تمثيل شكرا ليك يا مان وعلى فكرة انا كنت برد على صحبك مش عليك هههههههههههههههههههههه بس اندمجت معاة اوى لدرجة انى رديت علية على طول

مشكوررررة يا جميل
شكرا يا مان عل ردك الجميل صح اصل الرد علي السؤال ده بالذات بيختلف من شخص للتاني وعلي العموم كله واحد بياخد نصيبه صح ولاااااااااااااااا؟؟؟؟

[gurl_love]

انا عن نفسي عمرى مقدر اقول كلمه بحبك دي الا ازا حبيت بجد والحب زى مفيه الحلو فيه الوحش ممكن البنت تحب بجد ووحدة تانيه لاء زى مفيه ولاد كدة بس الواحد لما بيحب بجد بيبقي ايه نتجتو عذاب وجرح

[dentist22]

انا عن نفسي عمرى مقدر اقول كلمه بحبك دي الا ازا حبيت بجد والحب زى مفيه الحلو فيه الوحش ممكن البنت تحب بجد ووحدة تانيه لاء زى مفيه ولاد كدة بس الواحد لما بيحب بجد بيبقي ايه نتجتو عذاب وجرح


شكرا يا جميل علي ردك صح زي ما بتقول مفيش حاجه دايما حلوه او دايما وحشه بس فيه النصيب والثقه في الانسان اللي قدامك انه بيحبك بجد مهما كانت الظروف
ربنا يرزقنا جميعااااا بالزوجات الصالحات امين يارب العالمين

[silex7]

شوف يا صديقى ركز أوى فى الكلمتين الجايين دووووووول يمكن تلاقى فيهم أجابة

لسؤالك ..

لما الرجل بيحب حوا بجد بتكون هى كل أمله فى الحياة و حبها هو غايته اللى

ممكن يعمل أى حاجة و يعدى أى حواجز علشان يوصلها

أما البنت فلما بتحب الولد فهى بتحب نجاحه أو تميزه عن الاخرين بتحبه

علشان حوا بطبيعتها أتخلقت علشان تبقى أساس لبيت مستقر و تربى نشأ جديد

ولادها يعنى بشكل كويس فى حياة مستقرة و كويسة ماديا .. علشان كده بشكل

طبيعى خالص بتلاقى ان الرجل بالنسبة لحوا هو مجرد وسيلة لحياة سعيدة

مستقرة تحقق لها أهدافها !

يعنى أنت حبك ليها غاية بينما هى حبها لك وسيلة لحاجات تانية !!

الكلام ده ممكن يفسرك ليه حب الرجل أوفى من حب المراة ليه كتير سمعنا عن عشاق

انتحروا و سابوا دنيتهم علشان المحبوبة لكن العكس محصلش و مش هيحصل !!

أكيد ياما سمعنا فى الحواديت حتى الحواديت عن ابن السلطان اللى حب الجارية و اتحدا الدنيا كلها

علشان يتجوزها لكن أبدا مش هتسمع عن بنت السلطان اللى هتتجوز خادمها


ربنا يصبرك و يعوضك بأحسن منها ان شاء الله

كلامك صح و ظبوط جدا للاسف هوة ده اللي بيحصل..و لو عالقصص انا اعرف كتييييييييير وحسبي الله و نعم الوكيل

[dentist22]

كلامك صح و ظبوط جدا للاسف هوة ده اللي بيحصل..و لو عالقصص انا اعرف كتييييييييير وحسبي الله و نعم الوكيل

شكرا ياصيقي الجميل علي ردك بس شكلك مضايق اوي ممكن لو مكانش يضايق تحكي لاصدقاء المنتدي بعض القصص ده علشان تكون موعظه وافاده لاصحابنا في المنتدي ومقدر جداااااااااااااااااااااااااااا علي ردك وافادتك ومنتظر ردك

[dentist22]

شكرا لكل من شاركنا في الموضوع ويارب الموضوع يكون عجبكم عايز بجد رودكم واسالتكم المتعلقه بالموضوع
لان ده حيقرب من وجهات النظر بين ادم وحواء
مستني ردودكم واهتمامكم بالموضوع ويالاب يكون عجبكم

[silex7]

شكرا ياصيقي الجميل علي ردك بس شكلك مضايق اوي ممكن لو مكانش يضايق تحكي لاصدقاء المنتدي بعض القصص ده علشان تكون موعظه وافاده لاصحابنا في المنتدي ومقدر جداااااااااااااااااااااااااااا علي ردك وافادتك ومنتظر ردك


ربنا يخليك يا نجم.. هوة بص بالنسبة للقصص فهي اولاطويلة و ثانيا والله وانا في رمضان موجعة اوي.. بس هقول للشباب نصيحة من كل قلبي

أستحلفك بالله..ابحث عن الفتاة المتدينة..المتدينة..المتدينة..والله العظيم هتكسب و هترتاح في حياتك و هتعيش عيشة ملوكي مش بالفلوس لا براحة البال اللي هتملى قلبك بانك تكون نايم في بيتك وانت مرتاح انك تسيب بيتك و انت مرتاح و مطمن..والله يا شباب اسمعواكلامي ده متجروش ورا الجمال ..متنخدعوش بالجمال الظاهري..متجروش ورا الجميلات باعتبار ان هوة ده العامل الوحيد.. صدقوني والله شباب كتير للاسف انبهرو بجمال بنات كتير و طلعوا عينهم في الاخر و سبحان الله مش هتلاقي ابدا بنت فيها مواصفات مطلقة ..يعني اكيد فيه حاجه هتلاقيها ناقصة عندها.. ممكن تلاقيها جميلة اوي ..بس اخلاقها زفت ..او بتعامل امها بطريقة سيئه للاسف..ممكن تلاقيها مش حلوة وجها اوي بس سبحان الله مريحة و مطيعة و هي دي اللي هتشيلك في عنيها.. ..حاجة كمان متتسرعش.. لو قابلت البنت اللي في حياتك و حسيت نحيتها بشعور حب لا تتسرع ..ادرسها كويس.. شوف بتعامل الناس ازاي.. بتعامل امها ازاي.. لان زي مهتعامل امها هتعامل حضرتك..جمع كل صغيرة و كبيرة عنها.. و يا اخي متخفش لو من نصيبك هتجيلك..يعني لو مكتوبالك يبقى كده كده هتبقى ليك مش لحد تاني..

وربنا يوفقنا جميعا للزوجات الصالحات

[dentist22]

ربنا يخليك يا نجم.. هوة بص بالنسبة للقصص فهي اولاطويلة و ثانيا والله وانا في رمضان موجعة اوي.. بس هقول للشباب نصيحة من كل قلبي

أستحلفك بالله..ابحث عن الفتاة المتدينة..المتدينة..المتدينة..والله العظيم هتكسب و هترتاح في حياتك و هتعيش عيشة ملوكي مش بالفلوس لا براحة البال اللي هتملى قلبك بانك تكون نايم في بيتك وانت مرتاح انك تسيب بيتك و انت مرتاح و مطمن..والله يا شباب اسمعواكلامي ده متجروش ورا الجمال ..متنخدعوش بالجمال الظاهري..متجروش ورا الجميلات باعتبار ان هوة ده العامل الوحيد.. صدقوني والله شباب كتير للاسف انبهرو بجمال بنات كتير و طلعوا عينهم في الاخر و سبحان الله مش هتلاقي ابدا بنت فيها مواصفات مطلقة ..يعني اكيد فيه حاجه هتلاقيها ناقصة عندها.. ممكن تلاقيها جميلة اوي ..بس اخلاقها زفت ..او بتعامل امها بطريقة سيئه للاسف..ممكن تلاقيها مش حلوة وجها اوي بس سبحان الله مريحة و مطيعة و هي دي اللي هتشيلك في عنيها.. ..حاجة كمان متتسرعش.. لو قابلت البنت اللي في حياتك و حسيت نحيتها بشعور حب لا تتسرع ..ادرسها كويس.. شوف بتعامل الناس ازاي.. بتعامل امها ازاي.. لان زي مهتعامل امها هتعامل حضرتك..جمع كل صغيرة و كبيرة عنها.. و يا اخي متخفش لو من نصيبك هتجيلك..يعني لو مكتوبالك يبقى كده كده هتبقى ليك مش لحد تاني..

وربنا يوفقنا جميعا للزوجات الصالحات

بجد كلامك جميل اوي اوي ومشاركتك بجد فعاله اوي
وانا معاك ان المراه المتدينه احلي بكتير اوي
بس في الاول وفي الاخر انت قلت كلمه واحده تلخص الحكايه
هو النصيب بس الانسان يعمل اللي عليه ويجتهد

وفي الاخر يتكل علي الله ويحاول يدور ويصلي صلاه الاستخاره ويدعي ربنا انه يرزقه بالزوجه الصالحه لانها متاع الدنيا والاخره وهي اللي حتحافظ عليه في الدين والدنيا
ومستني ردودكم ومشاركاتكم الجميله ويارب يكون ده في ميزان حسناتنا

[dentist22]

فين ردودكم؟؟ شرفوني برددودكم عايز اسمع ايه رايكم

[dentist22]

حبيت اقولكم كل سنه وانتم طيبين بمناسبه عيد الفطر اعاده الله عليكم بالخير واليمن والبركات وعلي كافه المسلمين في انحاء الارض