مشكله طارئه ارجو الرد بسرعه جدا

[hero2004_5]

المشكله ان فجاه جنب من جوانب الحوض لقيته اتشرخ مره واحده و الحمد لله انى كنت جنب الحوض لانى لو ماكنتش شايف بعينى ما كنتش هاصدق اى حد يقولى ان الحوض اتكسر لوحده

ما علينا رحت بسرعه جبت شنطه بلاستيك و مليتها ميه من الحوض و نقلت فيها السمك بسرعه جدا و الحمد لله مفيش خسائر فى الارواح

ورحت جايب الحوض القديم الى عندى 30*30*30 وجريت بيه على الحنفيه و غسلته بمياه فقط

و بعدين حطيت الجرش فيه مليته مياه وحطيت الفلتر و السخان و كل حاجه و جبت الشنطه البلاستيك الى فيها السمك و عومتها على وش الحوض

و سبتها ربع ساعه و بعدين حطيت فيها شويه ميه من الحوض و استنيت ربع ساعه و بعدين فرغت السمك فى الحوض

لحد هنا كويس جدا جدا

بعد دقيقتين كده لقيت السمك كله فى قعر الحوض بس كان صاحى مش ميت و نايم على الجرش
انا استعربت جدا و فجاه افتكرت انى محطتش مزيل الكلور قبل لما احط السمك

فجبته بسرعه و حطيته فى الميه بس بعد دقيقه لقيت احلى سمكه تايجر عندى ميته فى قعر الحوض و بعدها لقيت سمكه سولتير
و بعد شويه سمكه كوى
ودلوقتى مش عارف مصير بقيت السمك لانه عمال يفتح فمه و يقفله بسرعه جدا و كتير
يفتح و يقفل يفتح و يقفل


فانا مش عارف اعملهم ايه لانى حاسس بالذنب لانى انا السبب و محطتش مزيل الكلور

[ninja911]

أخى العزيز

فى حالة عدم وجود مزيل كلور يتم عمل الأتى

إضافة نصف كيس ملح على الحوض ال 60 سم

تقليب المياه لفترة تتجاوز الخمس دقائق مع تشغيل الفلتر والموتور

تركها لعشر دقائق أخرى بعد التقليب ثم تضع السمك بالطريقة السليمة لنقله

ولكن لا ينفع الأن إضافة الملح لأن تغيير الملوحة المفاجىء سيؤثر على السمك خصوصاً أنه فى مرحلة ضعف نتمنى أن يمر منها على خير

المهم الأن ألا تقدم لهم أى أكل إطلاقاً

ولمدة يوم قادم فذلك سيضعفهم أكثر وأكثر

[hero2004_5]

شكرا يا نبنجا على الرد و الحمد لله المشكله مرت بخير بعد موت الذكر الفايتر الوحيد الى كان عندى

و كنت عايز اعرف ليه التيجر كلهم ماتو و بقيت السمك مات من كل نوع واحده بس

و مليون شكر


و كل عام و انت بخير

[مسترموسى]

لي إضافة أرجو إنها تفيد جميع الاخوه في حاله تكرار المشكلة أو عموما" واضافتى هي انة نتيجة التغيير المفاجىء في درجه الحرارة بيحصل للسمك صدمه عصبية وموت فوري واكتر السمك حساسية للصدمة هو البارب بانواعة وعلى الأخص التيجر و التنفويل بارب.
ولذلك عند شراء اسماك جديدة أو تغيير ماء الحوض أو نقل السمك وبالأخص في الشتاء يجب وضع السمك بمياهة (في الكيس لفترة) حوالي 15 دقيقه حتى تتأقلم على الدرجه الجديده.

بالنسبة لأصل ألمشكله وهو كسر الحوض (مع نفسه) مافيش حاجه اسمها الحوض يتشرخ مع نفسه لازم البحث عن اصل ألمشكله علشان الموضوع دة ميحصلش تانى وفى الغالب السبب بيكون في حاله الشرخ حاجه من تلاته:
1. الحوض حد خبطه صغيرة في موضع معين عملت نقطة ضعف وبالتالي الشرخ.
2. الحوض موش محطوط على سطح مستوى (أحسن حاجه شرائح الفل الأبيض) وممكن اوصف ليكم مكان بيعها اللي اعرفه هنا في اسكندريه.
3. نوع الازاز نفسه رديء أو ضعيف 3 مللى 1والحوض 100سم الازاز و 5 مللي مثلا.

[ninja911]

لي إضافة أرجو إنها تفيد جميع الاخوه في حاله تكرار المشكلة أو عموما" واضافتى هي انة نتيجة التغيير المفاجىء في درجه الحرارة بيحصل للسمك صدمه عصبية وموت فوري واكتر السمك حساسية للصدمة هو البارب بانواعة وعلى الأخص التيجر و التنفويل بارب.
ولذلك عند شراء اسماك جديدة أو تغيير ماء الحوض أو نقل السمك وبالأخص في الشتاء يجب وضع السمك بمياهة (في الكيس لفترة) حوالي 15 دقيقه حتى تتأقلم على الدرجه الجديده.

بالنسبة لأصل ألمشكله وهو كسر الحوض (مع نفسه) مافيش حاجه اسمها الحوض يتشرخ مع نفسه لازم البحث عن اصل ألمشكله علشان الموضوع دة ميحصلش تانى وفى الغالب السبب بيكون في حاله الشرخ حاجه من تلاته:
1. الحوض حد خبطه صغيرة في موضع معين عملت نقطة ضعف وبالتالي الشرخ.
2. الحوض موش محطوط على سطح مستوى (أحسن حاجه شرائح الفل الأبيض) وممكن اوصف ليكم مكان بيعها اللي اعرفه هنا في اسكندريه.
3. نوع الازاز نفسه رديء أو ضعيف 3 مللى 1والحوض 100سم الازاز و 5 مللي مثلا.

:icon30: :icon30: :icon30: :icon30: :icon30: :icon30: :icon30: :icon30: :icon30: :icon30: :icon30:

[خالد الجندى]

شكرا على المعلومات الجامده