لتصفح الانترنت مجانا وعمل شات (ارجو التثبيت)

[dr_elsab3]

هذا الموضوع فعلا حقيقي وانا شغال بيه بقالي 5 شهور وأتمنى انه ينفع معاكم بس متهيألي انه بس لنوكيا 7610 على العموم على اصحاب الماركات التانية جربوه وقولولي نفع معاكم ولا لأ
الخطوات :
نزل الأول برنامجي ebuddy ‎‏ و opera mini‏ طبعا الكلام ده بفلوس الأول وبعدين افتح الأوبرا ميني واتصفح الانترنت نت لو اشتغل معاك يبقى كدة تمام وبعدين جرب الاي بودي (ملحوظة شغل البرنامجين بالترتيب اللي قولت عليه) وبعدين استنى لما رصيدك يخلص وادخل على النت هتلاقيه دخل وادعولي
ملحوظة انا خطي فودافون فا مش عارف اذا كان ينفع على باقي الشبكات ولا لأ على العموم جرب مش هاتخسر حاجة
كمان ملحوظة انا في الأول افتكرت ان الخط بتاعي بيهيس وقولت يمكن يكون الخط مهنج بس انا عندي خط تاني فودافون مافهوش رصيد بردو دخل واتمنالكم يحصلكم اللي حصلي وانا دلوقتي بكتبلكم الموضوع ده من موبايلي وبالتوفيق للجميع

[Akram Elsaiegh]

أنا سمعت ان الحكايه فى دى فودافون بس لكن فى أتصالات لا
وفى فودافون لو جربت تنزل حاجه مش هيرضى
هو بيعمل شات وتصفح بس
والله أعلم لو حد يعرف معلومات زياده ياريت يقولنا

[dr_elsab3]

فعلا مافيش داونلود لأن برنامج اوبرا لو عملت داونلود لأي حاجة بيفتح البروسار بتاع الجهاز نفسه وده فودافون بتلقطه وتقولك ان مافيش رصيد عشان تفتح نت بس للتصفح شغال ميه ميه والشات من على اي بودي كمان شغال

[dr_elsab3]

للعلم اي برنامج شغال على النت الاكستنشن بتاعه جافا هايشتغل معاك في الحوار ده لكن برامج ال اس اي اس لازم تسحب من الرصيد

[!!misho!!]

طيب انا عندي النت شغال بس في الاي بودي بس مش في الاوبرا يعني مفيش تصفح انما الشات شغال تمام

[dr_elsab3]

طب جربت تنزل الأوبرا ميني مش اوبرا العادي ؟ جرب ورد علي

[!!misho!!]

الاوبرا الي عندي بيتهيالي انها اوبرا ميني انا بحاول ادخل باي برنامج شات زي الميج 33 مش بيدخل انا هجرب الاوبرا 4
وعاوز اعرف حاجه هو لازم اخلص رصيدي الاول وبعدين علشان استفاد بلموضوع ده ببلاش ولا ايه
نوع موبايلي 6120 وسمعت ان فودافون لما بتختار vodafone wap
بتبقى ببلاش انما اي اكسيس بوينت تانيه بفلوس
ياريت تشوف ايه الحكايه دي وترد عليا

[XFady]

انا بادخل من 5-6 شهور برضة
و الميج33 بيدخل معايا عادي

[!!misho!!]

انتا نوع موبايلك
وبتدخل وانتا معاك رصيد ببلاش ولا لازم يخلص رصيد الاول

[AJDYC]

حبيب قلبي انا عملتها قبل كده و دخلت نت و انا معييش رصيد

اول ما شحنت سحبو مني 3 جنيه مع اني مش بستلف خــــــالص

[khalood599]

انا فودافون الموضوع ده صحيح معايا بس اما مش بيبقى معايا رصيد او يكون اقل من جنيه


انا بقالى اكتر من 2 شهر شغال على الموضوع ده
وكمان بتصفح اتر من 5 ميجا فى اليوم ممكن يوصل ل 10 ميجا

ولم يخصم منى اى رصيد بعد الشحن

وشكرا

[galal_430]

الكلام ده فعلا صحيح لما بيكون عندك رصيد يخصم منك ولما تخلص الرصيد مابيخصمش حاجه وده لينك eBuddy + opera mini http://rapidshare.com/files/139721496/opera_mini___eBUDDY.rar.html

[micky0105421286]

يا ريت يا جماعة الشرح بالتفصيل عشان انا فودافون ومش عارف ادخل

[dr_elsab3]

شوف يا سيدي انت لو موبايلك بيدعم النت ابعت من خطك الفودافون الكود ده لتشغيل النت على خطك
*868*4#
وبعدين هتبعتلك الشركة رسالة تأكيد تشغيل الخدمة وبعديها هاتوصلك 3 رسايل ضبط الخدمة احفظها عندك (لو موبايك 7610 هتوصلك رسالتين فقط) بعد كدة لازم يكون معاك رصيد عشان تدخل على النت بعديها نزل البرامج اللي قولنا عليها اللي السادة الأعضاء تكرمو وحطو اللينكات بتاعتها وبعدين ادخل على متصفح الأوبرا ميني اللي انت نزلته ولما يسألك وأنت داخل على الأكسس بونت اختار فودافون واب مش فودافون انترنت _ جرب الأول تدخل بفلوس _لو دخل معاك يبقى كده تمام بعديها استنى لما رصيدك يخلص وادخل باستخدام الخطوات اللي قولناها هتلاقيه دخل بردو على النت وعيش بقى
ملحوظة للناس اللي كانت بتسأل لو دخلت وانا معايا رصيد هيخصم ولا لأ؟ انا اتأخرت عليكو عشان اجرب الحوار ده وطلع للأسف انه بيخصم يعنى لازم تدخل وانت معكش رصيد عشان تتمتع بالنت مجانا_وانا عن نفسي معايا خطين عامل واحد للنت والتاني لمكالماتي وشكرا

[abddo]

لما بحط الكود *868*4# بيقولي لا توجد تغطية للشبكة مع انها قوية