ما العمل حين تظلم في قسم شرطة ؟ إقرأوا هذه القصة [الأرشيف] - موقع الدي في دي العربي

مشاهدة النسخة كاملة : ما العمل حين تظلم في قسم شرطة ؟ إقرأوا هذه القصة

m_elmogy

29-10-2005, 12:55 PM

كيف تتعلم كراهية الوطن في أقسام الشرطة؟

لو كان اسمك الرباعي أحمد محمد عبدالنعيم محمد.. فأرجوك لا تغادر منزلك.. أو تحاول الخروج للسياحة.. أو تجرب السفر للخارج والطامة الكبري لو كنت تسكن بالمنيل ايضا.. وإذا تمسكت بحقك في الحياة والخروج والسفر فعليك أولاً أن تستخرج صحيفة حالة جنائية لك لتثبت انه لاسوابق لديك.. وأن تجري فيش وتشبيه وأن تراجع اسمك في قوائم الممنوعين من السفر لكي تتأكد ان اسمك ليس مدرجا عليها.. وحبذا لو استخرجت صورة من شهادة وفاة المواطن احمد محمد عبد المنعم محمد والساكن في 34 شارع عبد العزيز آل سعود بالمنيل من السجل المدني لتثبت أنك لست هو.. فهو مسجل علي أجهزة كمبيوتر الشرطة باسم أحمد محمد عبد النعيم وليس عبدالمنعم محمد وهارب من حكم بالسجن ثلاث سنوات في قضية شيكات بدون رصيد رغم أنه استأنف وتصالح وسدد وتنازل البنك عن القضية منذ ثلاث سنوات ليموت بعدها صاحب القضية الا ان كمبيوتر الشرطة لا يعترف لا بالوفاة ولا بالتصالح والتنازل فلا يسقط اسمه من قوائمه لتظل القضية مرفوعة والمتهم مدان حتي بعد التنازل والوفاة بالاضافة إلي انه ليس اسم المتهم السابق الحقيقي.. أحمد محمد عبد النعيم محمد.. شاب لم يدرك كل هذا.. فخرج.. وسافر واستمتع بالسياحة في بلده وألقي القبض عليه.. أحمد كان بطابا في منطقة تدعي بن سوير عندما مر عليهم مندوب الشرطة لأخذ بيانات المصريين الموجودين بالمنطقة اعطاه أحمد اسمه ورقم بطاقته.. ليحضر اليه مخبر قسم طابا ليقتاده الي القسم. وهناك قضي أحمد نصف اليوم دون أن يعرف ما تهمته او سبب حضوره.. إلي أن سأله الضابط هل اسمك احمد محمد عبدالنعيم.. فرد بنعم.. فسأله هل تسكن بـ 34 شارع عبدالعزيز آل سعود.. فرد بأنه يسكن في 117 شارع المينل حسب ما تقول البطاقة.. ليصدمه الضابط بعد ذلك بقوله أنت محكوم عليك بثلاث سنوات سجن في جنحة.. أحمد يقول: الأول قالوا لي أنت اتخنقت مع حد وبعدين رفع عليك قضية رغم إن الخناقات مش جنحة وعلي أخر النهار قالوا لي إنها قضية شيكات.. ويضيف أحمد: الضابط الموجود بالقسم كان متأكد من أنني لست الشخص المطلوب الا ان بيانات الرجل الاخري لم تكن مستوفاة علي الكمبيوتر فلا اسم الام ولا رقم بطاقته ولا تاريخ ميلاد فقط اسم الرجل الخطأ ايضا وعنوانه.. وفي قسم طابا قالوا لأحمد إن عليهم ترحيله رغم أنه غير مدان الي قسم مصر القديمة ليعرض علي النيابة.. ففي اوطاننا الجميع متهم حتي يتم العثور علي الدليل ويتم القبض عليك ولا ضير في ان تقضي حتي فترة عقوبتك قبل العثور علي الدليل.ة
وفي فجر الاثنين 3 أكتوبر تم ترحيل أحمد علي قسم طور سيناء مع مندوب شرطة وقد وصل الي قسم طور سيناء بطريقة تسمي الكماين أي يركب هو والعسكري اي عربية بعد استئذانها لتوصلهم الي كمين الشرطة التالي ومنه في سيارة أخري حتي وصلوا الي القسم الساعة 11 وكان هذا أول يوم رمضان ليقضي أحمد ليلته بحجز طور سيناء وليكمل يومه الثاني دون أكل أو نوم أو حتي تهمة حقيقية ومعروفة وفي فجر الاربعاء تم ترحيل أحمد بعربة الترحيلات الذاهبة الي القاهرة.. وبمديرية الامن انتظر حتي الواحدة صباحاً إلا أن عربة ترحيلات مصر القديمة لم تأت ليعود بعدها إلي قسم الخليفة وبعد عدة اتصالات حضرت سيارة الترحيلات في الثالثة صباحاً لتسلمه من حجز الخليفة الي حجز مصر القديمة.. ليعرض علي النيابة يوم السبت ليكتشف أحمد أن الشخص المأخوذ بدلا منه يحمل اسما اخر غير اسمه الا أنه مسجل خطأ علي كمبيوتر الشرطة ولتظهر مفاجأة اخري وهي ان احمد محمد عبدالمنعم والمسجل خطأ أحمد محمد عبدالنعيم قد استأنف قضيته مع البنك وسدد المبلغ وهو 550 الف جنيه وتصالح وتنازل البنك عن القضية ومات.. إلا أنه لايزال حيا يرزق علي ورق الشرطة ولا تزال قضيته قيد المداولة.ة
كل اللي بيعمله ان أمين الشرطة يقول «شوف نفسك يا.. يا» وفور ركوبنا عربة الترحيلات الي القاهرة طلبوا منا نلم فلوس من بعض حتي يعاملنا العساكر معاملة جيدة وميغلسوش علينا وفي حجز قسم الطور أول مادخلته لم أكن أعرف أن به عرفا متفقاً عليه سلفا وهو فكر الكوماندة وهو أقدم واحد بالحجز ومسئول عن حركة البيع والشراء به اللي عاوز اكل.. شاي.. سجاير.. مخدرات.. كله موجود هو يأخذ الفلوس ويرسل العسكري ويقسم نسبة بينه وبين العسكري.. تاني حاجة لازم كل مجموعة قاعدة علي فرشة تجمع من بعضها 10 او 15 جنيهاً لدفعها للكوماندة.. ولحجز الخليفة قصة اخري مع أحمد فيقول: هو حجز كبير فيه حوالي 200 فرد فيه كل حاجة الناس بالداخل واحد قاعد جوه بيقول «حد عاوز برشام.. حد عايز بودرة» والمحجوزين معاهم اسلحة بيضاء وتليفونات محمولة.. الطريف في الموضوع ان حجز الخليفة مراقب بكاميرا فيديو تنقل صورة فقط معلقة في سقف الحجز تنقل كل ما يحدث بالحجز.. أي ان كل شئ تحت السيطرة»..! وفي قسم الخليفة وأحنا كلنا خارجين علي عربة الترحيلات متوجهين لمديرية الأمن نادي العساكر علي من له أمانات موبيل او فلوس فرفعت يدي لان كان لي الموبايل والفلوس واحنا طالعين كان العسكري بالورق يوقف كل واحد ويقول له أنت جاي هنا بتهمة كذا وكذا.. تحب القضية اسجلها علي الكمبيوتر وتبقي سابقة.. ويدفع وعندما حان دوري قلت له انا اصلا مش متهم ده تشابه اسماء فقال لي أنا ممكن اسجلها باسمك وبياناتك الحقيقية فاعطيته 20 جنيهاً فرفض فأعطيته 50 فشتمني.. وفي النهاية ولأني كنت خايف ومتوتر ومنمتش بقال 3 ايام اعطيته 70 جنيها مقابل تهديد.. وعندما وصلنا الي مديرية الأمن مكلبشين لقيت في واحد لابس مدني ينادي علي وقال لي انا عارفك.. انت جيت هنا قبل كده.. وعندما أنكرت ردت: حلو.. قسم مصر القديمة كلهم حبيابي.. فشوف نفسك.. لو تحب أوصي عليك بتوع مصر القديمة.. عاوزني اوصي عليك.. فقلت له: لا طبعا واعطيته علبة سجاير فألقاها بوجهي.. وعندما اعطيته 5 جنيهات.. شتمني ورفض يخدها.. ولاني كنت خلاص وصلت لأخري عليت صوتي وقلت له: أنا مترحل من طابا وطالع عيني ودافع قد كده ولسه حدفع لما اروح قسم مصر القديمة.. ففزع وقال وطي صوتك.. هات الخمسة جنيه ويلا غور اقعد هناك.. وبالفعل عندما وصلت قسم مصر القديمة دفعت فلوس كلها وأول ما نزلت الحجز وهو ابشع مكان ممكن حد يقعد فيه فتشوني في الحجز وخدوا مني كل حاجة عشان بس يسمحوا لي بالجلوس وكان هناك من يبيع البرشام والمخدرات والبانجو والبودرة الغريب ان مكان الحجز تحت مكتب مأمور القسم مباشرة.. يعني فوق ضباط وتحت بيطحنوا البرشام.يحسبة بسيطة اكتشف احمد أن مجموع ما دفعه أحمد وأهله خلال رحلته بين اقسام بوليس وحجوزات مصر يتجاوز الـ 700 جنيه وهو برئ.. وأحمد لا ينوي التواطؤ في جريمة اهانة كرامته بالسكوت بل سيلجأ إلي رفع قضية تعويض مادي عن كل ما لحق به في رحلته تلك.. رغم علمه ان كل ما حدث كان خيانة لأوطاننا بداخلنا فحيث تكون الحرية يكون الوطن.. وهو يعلم ان لا شيئ يساوي لحظة ان تري وطنا يخونك.

m_elmogy

29-10-2005, 12:59 PM

أرجو تثبيت هذا الموضوع
وعلى السادة الأعضاء تزويدنا بآراءهم وإقتراحاتهم ، ليس ذلك فحسب ، بل من عنده قصة أو تعرض لظلم كبير من الدولة برجاء عرض المسألة لنقترح الحلول ونقترح تجنب تكرر الظلم مرة أخرى

misho5210

29-10-2005, 06:05 PM

اللة ينور يا استاذ محمد مشكور جدا

m_elmogy

30-10-2005, 11:08 AM

اللة ينور يا استاذ محمد مشكور جدا
شكرا يا أستاذ / ميشو على إهتمامك وأرجو إن لو عنك قصة أو مظلمة وقعت لأحد أصدقائك أن ترسلها لنا حتى يستفيد باقي الأعضاء

misho5210

02-11-2005, 03:55 PM

تحت امرك يا استاذ محمد

m_elmogy

06-11-2005, 03:44 PM

إيه يا أخوانا .... محدش إتظلم قبل كدة ولا إيييييييييييييييه ؟؟؟

Mr.Thinky

09-11-2005, 03:29 AM

لأ طبعا فيه و ياريت في وطني كنت عرفت أتصرف، أنا مصري و قاعد في الكويت علشان أبويا بيشتغل هنا، أنا عندي 16 سنة، كنت مرة نزلت أصلي صلاة الفجر في المسجد اللي هوة جنب بيتي لزق و بعد ما قديت فرض ربنا و مروح انا و اخويا و لسه طالعين من المسجد و لقيتلك واحد لابس جلبية بيضة قاعد جنبه واحد زيه جوه عربية 4*4 بينادي عليه بيقولي تعالى هنا انا و اخويا طبعا الساعة كانت 3 الفجر و مفيش غيرنا في الشارع و حالات الاعتداء الجنسي كتيرة هنا فقلت لاخويا متردش، و مش فاكر مين طفا النور بعديها انا لقيتلك الاتنين نزلو من العربية و طلعو يجرو ورانا و نزلو فينا ضرب و شتايم للضحى يا اخويا اللي هوة نظام اموت و اعرف مين اللي زقني، انا فاكر بس انه بعد اما سوى جتتنا قالنا فين الهوية قلتلو في المحفظة راح متكرما مدينا علقة تانية و في الاخر و بعد كل ده قللي انا شرطي هات الهوية و انا طبعا معيش المحفظة بس قولتله البيت اهو و وانا بشاور لقيتلك المسدس طلع و نزل على قفايا و النور راح تاني فقلتله البيت اهوه و ابويا فوق تعالى شوف الهوية و الباسبورت و اشربلك فنجان قهوة كمان قام قايلي انت هتهزر و النور راح تاني و مفوقتش غير في التخشيبة و ناس غريبة بتبوصلي بصة كدة، انتوه افهموها بقى بس اظاهر انهم كان بقالهم كتير ما شافوش حريم، و بعد اما سابونا يوم وسط المحرومين دول قالولنا كلموا حد يجيب الهوية و يجي انا طبعا كلمت ابويا و جه اخدني بس بعد ما شوفت يومين سود اوي و طبعا ابويا و امي كانوا هيروحوا فيها، و كل ده ليه معرفش بس اهو الشرطه لازم ترفه عن نفسها شوية برده، حقهم! و احب انوه كمان ان الجماعة اللي خدونا دول ماكانش فيه اي حاجة تثبت انهم شرطة، كانوا لابسين هدوم عادية و جوه عربية عادية! مش هقول اكثر من كده انتو بقى احكمو!

m_elmogy

09-11-2005, 01:42 PM

أأسف أن أسمع قصتك التي تدل على إنحطاط وتدني في المعاملات بين البشر ...
وحسبي أن أنقل إليك أربعة مواد من الدستور الخاص بدولة الكويت ...

( مادة 29 )
الناس سواسية في الكرامة الإنسانية وهم متساوون لدى القانون في الحقوق والواجبات العامة لا تمييز بينهم في ذلك بسبب الجنس أو الأصل أو اللغة أو الدين .
( مادة 30 )
الحرية الشخصية مكفولة .
( مادة 31 )
لا يجوز القبض على إنسان أو حبسه أو تفتيشه أو تحديد إقامته أو تقييد حريته في الإقامة أو التنقل إلا وفق أحكام القانون .
ولا يعرض أي إنسان للتعذيب أو للمعاملة الحاطة بالكرامة .
( مادة 32 )
لا جريمة ولا عقوبة إلا بناء على قانون، ولا عقاب إلا على الأفعال اللاحقة للعمل بالقانون الذي ينص عليها .

ولما حد يعمل معاك كدة تاني متسكتش ..خد نمرة العربية وحاول تعرف أسماء الضباط اللى عملوا كدة وإبعت شكاوي لوزير الداخلية ورئيس الوزراء وحتى الأمير نفسه ، وأيضا صورة من الشكوى إلى الصحف والجرائد الوطنية والعالمية لعل أن من هذه الجهات يهتم بالموضوع ويحاسب الجاني المتعدي على حريات الآخرين.

Mr.Thinky

09-11-2005, 04:43 PM

ربنا يخليك عالنصيحة الجميلة دي بس احنا علا اشتكينا الضباط بس انكرو و ربنا عالمفتري!
شكرا جدا لاستماعك و نصيحتك!

m_elmogy

10-11-2005, 03:17 PM

ربنا يخليك عالنصيحة الجميلة دي بس احنا علا اشتكينا الضباط بس انكرو و ربنا عالمفتري!
شكرا جدا لاستماعك و نصيحتك!

يعني انت متوقع يقروا باللى حصل ....
لكن كتر الضغط والشكاوي أكيد حيؤثر بشكل كبير عليهم في شغلهم وممكن يتشدوا من رؤسائهم لو حد إهتم ..
عموما بلاش اليأس والظالم له يوم ........

Mr.Thinky

10-11-2005, 03:59 PM

اكيد انت معاك حق بس مع احترامي لكل الكويتين بس هنا في تمييز في المعملة كبير جدا!
مع ان احنا كلنا عرب و بنعمل كده امال المفروض نعمل ايه مع الغريب بقى؟؟؟

Mr.Thinky

10-11-2005, 04:13 PM

و كمان هنا للاسف التمييز اكتر على المصريين من ان اي ناس تانيين (عرب طبعا لاني مش هقول الباكستانيين بيتعاملو ازاي هنا، انتو بس اسألو!) بس طبعا احب اقول ان الكلم ده بينطبق طبعا على البعض بس و لونهم للاسف الاغلبية!

amor495

10-11-2005, 06:15 PM

شكرا على الموضوع انا لى حكاية ,, هى مش بفظاعة الحكايتين الى فاتو بس لى تساؤل بعديهم
انا كنت مسافر اشتغل فى قطر و تانى سنة لما جيت اسافر طبعا كان لازم اطلع تصريح عمل بالخارج ,, عادى ,,
انا اصلا من الصعيد قلت ممكن تتاخر هناك و انا كدة كدة كنت فى القاهرة فقلت لنفسى اطلعها هناك فى المركز الرئيسى ,, رحت و تصورت و دفعت الفلوس و خلصت كل حاجة ,, و بعدين قالولى تعالى بكرة قلت لنفسى مش مشكلة اقعدلى يوم فى القاهرة اديلى مدة متفسحتش فيها ,, رحت تانى يوم و غالبا انتو عارفين الاجابة فوت علينا بكرة يا سيد ,, فوت عليهم بكرة و بعده و بعده و لما اصريت انى اعرف السبب قالولى ان فيه على قضية شيك بدون رصيد ؟؟؟؟؟!!! طيب انا مكنتش فى مصر خالص .. لا يا فندى يمكن يكون تشابه اسماء طيب القضية امتى و فين و باسم مين و بكام - و قلت كل ادوات الاستفهام - محدش جاوبنى قالولى على حاجة واحدة ان صاحب القضية من مقيمين على ما اتذكر الخليفة قلت الحمدلله انا مقيم فى الصعيد و بطاقتى اهه .. قالولى لا لازم نستنى لما نسأل طبعا انا ميعاد سفرى بعد اقل من اسيبوع و نفسى اروح اقعد مع اهلى ,,المهم علشان ماطولش عليك بشوية اتصالات بعضو مجلس الشعب بمركزى ادانى تليفون مقدم فى ادارة تصاريح العمل و رحتله و الراجل كان زوق جدا و امر الموظفين ان يخلصو الموضوع فى نفس اليوم ,, المهم رحت مع مندوب منهم لنيابة شرق القاهرة و بشوية تفتيح مخ الحمدلله خلص الموضوع مع ان القضية و تاريخ الشيك و استئناف الشخص المتهم بنفسه كانو جميعا فى نفس الوقت و انا خارج البلاد و حسب التواريخ المذكورة فى جواز السفر

سؤالى بقى

ايه اهمية الرقم القومى ؟؟؟ و اتعمل بيه ايه لغاية دلوقتى ؟؟؟

m_elmogy

12-11-2005, 05:33 PM

والله موضوع تشابه الأسماء ده أصبح مشكلة كبيرة أوي في مصر ..
أولا : للأسف لما واحد بيبقى عليه حكم بسبب جنحة في مصر المفروض إن العقوبة بتسقط بعد 3 سنين لكن اللى بيحصل إن كل حاجة بتسقط ما عدا الحكم من على الكمبيوتر .. لذلك يظل الشخص معلق إلى الأبد بموضوع قد يكون إنتهى .
ثانيا : تشابه الأسماء ده مصيبة كبرى وإن كنت لست في معرض التحدث عن مساوئ هذا الموضوع إلا أن الحل الوحيد له هو أن تتوجه إلى السجل المدني الأم في القلعة - القاهرة وتطلب أن تميز نفسك عن طريق العنوان ، إسم الأم ، المهنة ، تاريخ الميلاد ... وعند إضافة هذه البيانات لن يحدث الالتباس مرة أخرى إلى أن يبدأ العمل بالرقم القومي مع تنفيذ الأحكام خلال الخمس سنوات القادمة .
والله الموفق

m_elmogy

12-11-2005, 05:36 PM

يا جماعة الزوار كثيرون جدا والمشاركون قليلون جدا ..... فضفضوا بمشاكلكم أو مظالم أصدقائكم

ninja911

12-11-2005, 06:50 PM

شكراً على الموضوع أخى الفاضل وللأسف هذا ما يحدث بالفعل للكثيرين ولا يشعر بهم أحد

hamada211

14-11-2005, 01:59 AM

SAMEHLR

14-11-2005, 08:31 AM

m_elmogy

14-11-2005, 10:57 AM

والله ياخ موجي الموضوع جميل انك بتناقش المشكلة دي وانا من المنيل بس اول مرة اسمع عن الحاكية دي بس هي بتحصل كتير وممكن يبقي المعاون معدي وياخد اي حد شكله مش عاجبه ويلبسه قضية ذي امناء الشرطة تلقيهم بيقفو العيال الغلبانا ويخدو منهم فلوس
بس انا كان حصل معايا موضوع انا واصدقائي في كورنيش الزمالك وحصل معانا موضوع كده بس احنا الي كنا غلضنين عشان كنا بنشرب
ودخل علينا امين شرطة وعسكري وافشنا وخد البطاقات الشخصية وخد الحاجة الي كانت في ادينا وباقي الحاجة رميناها تحت العربية
وقال امين الشرطة الجنيه غلب الكرنيه راح رد عليه واحد صاحبي بتكملة المقولة الي مشهورة في مصر بس انا مش هاقدر اكتبها
قولنا ماشي يلخد فلوس يمشينا طلعنا 30 جنيه قال دي تمن الراس فيكم قلنا ماشي وفي الاخر بعد مناقاشات خد 100 جنيه وماشانا
كل الي انا عايز اقوله ان مصر مابتمشيش غير بلفلوس او بحاجة تانية مقدرش ان انا اكتب اسمها اكيد كلكم عارفنها
وانا الحمد لله بدلت الموضوع ده من فترة
وياموجي باشا انت من المنيل
أهلا بك أولا يا أستاذ/ حمادة في قسمنا المتواضع ...
ثانيا يا سيدي المنيل أحسن ناس لكن أنا للأسف مش من هناك ...
ثالثا الفساد الاداري موجود ومستفحل وللأسف مصر عالميا مشهورة بالفساد الاداري وطرد الاستثمار لكن في حالتك دي أعتقد إنك إنت الغلطان إنت وأصدقاءك وغلطك ده هو اللى سمح لأمين الشرطة إنه يعمل معاكوا اللى عمله وإذا كنت معتقد إنه ظلمكوا بالأتاوى دي فإعرف إنك إنت اللى ظلمت نفسك بالشرب مع صحابك .. وكويس أوي إنها جت على قد كدة ....
وعموما أشكرك على الواجب بتاع قسم الأغاني الأجنبية ومرحب بك دائما في قسم الاستشارات القانونية ...

m_elmogy

14-11-2005, 11:08 AM

بصراحة دا بيدل على ان العالم العربى باكملة يعش فى حالة من الفساد الادارى الظاهر بس اية الحل عازين حل لكل المشاكل دى حل احنا فى بلادنا ملناش قيمه للدرجة دى انا بشوف اللى بيحصل فى الخارج من مراعاة لحقوق الحيونات احنا مابنشوفهاش هنا لحقوق الانسان وربنا معانا

الحل يكمن بداخل كل فرد من أفراد المجتمع حاول تغير نفسك ثم الناس القريبة منك وإن شاء الله الحال ينصلح ..
"إن الله لا يغير ما بقوم حتى يغيروا ما بأنفسهم"
وإلى أن يتم ذلك فعلا عندك حق حقوق الحيوان في العالم المتحضر أعظم وأهم كثيرا من حقوق الإنسان في العالم الثالث

hamada211

14-11-2005, 03:31 PM

أهلا بك أولا يا أستاذ/ حمادة في قسمنا المتواضع ...
ثانيا يا سيدي المنيل أحسن ناس لكن أنا للأسف مش من هناك ...
ثالثا الفساد الاداري موجود ومستفحل وللأسف مصر عالميا مشهورة بالفساد الاداري وطرد الاستثمار لكن في حالتك دي أعتقد إنك إنت الغلطان إنت وأصدقاءك وغلطك ده هو اللى سمح لأمين الشرطة إنه يعمل معاكوا اللى عمله وإذا كنت معتقد إنه ظلمكوا بالأتاوى دي فإعرف إنك إنت اللى ظلمت نفسك بالشرب مع صحابك .. وكويس أوي إنها جت على قد كدة ....
وعموما أشكرك على الواجب بتاع قسم الأغاني الأجنبية ومرحب بك دائما في قسم الاستشارات القانونية ...

انا عارف ان انا الي غلطان بس انا كنت بكلم علي الفساد الي في الشرطة وفي كل المصالح الحكومية في مصر يعن اي حاجة بتمشي بلغلوس في مصر وانا عارف ان انا غلطان

m_elmogy

14-11-2005, 04:24 PM

حصل خير يا باشا وإنشاء الله متتعرضش لموقف زي كدة تاني أبدا

weswes1000

15-11-2005, 12:06 PM

"إن الله لا يغير ما بقوم حتى يغيروا ما بأنفسهم"
اخى العزيز
فعلا عندك كل حق
فيجب ان نتغير نحن حتى يتغير الحال
ولكن يا اخى العزيز المشاكل والظلم الفدح
موجود دائما فى اكثر من مشكلة فانا عندى موضوع حصل معايا فى بداية حياتى المهنية مضحك جدا
كان عندنا قضية فى المكتب كبيرة جدا بس المستشار صاحب المكتب بلانى بيها
المهم كان موضوع بين شركتين كبار فى مصر بدون ذكر اسماء
واحده منهم نصبت على الاخرى فى مبلغ من المال وكان عبارة عن عقد تمويل من شركة اجنبية
المهم الشركة موكلتنا كانت قد قامت بعمل موقع على النت شرحت فيه الطريقة التى نصب عليها بها
وانتظرت اراء شركات اخرى وجاءت لها ردود على ان الشركة العالمية اتمت معهم العق وتم التمويل
وانها ليست شركة للنصب وان الموضوع حقيقى ولكن دى الشركة العالمية كانت شركة صينية امريكية
اما الشركة المصرية الوكيله فلم ياتى ما يبرئها عموما رفعت الشركة المصرية دعوى تشهير عن طريق النت
وقمنا برفع جنحة نصب جنحة مباشرة وكنت انا المسئول عن الجنحتين
وكنت كل يوم اذهب الى النيابة حتى يتم سؤال موكلى فى المحضرين
او حتى ضم المحضرين ودخولنا فيهما كمجنى علينا والشركة الاخرى كمتهمة
ولكن كل يوم وكيل النيابةو كان يقولى لم يتم تحديد موعد لموكلك
حتى جاء فى يوم قال لى تعالى نفتح محضر لضم المحضرين
بعد الضم قال لى تعالى بعد اسبوع لمعرفة ميعاد سؤال موكلك
ولما حضرت قال لى لقد تحركت الدعوى الى نيابة مدينة نصر
عندما ذهبت وجدت اننا قد اصبحنا متهمين فيها بالسب والقذف والتشهير
ولكن اطلعت على المحضر وعلى الاوراق الخاصة بالدعوى ووجدت انه كل يوم يحددون جلسه
لسؤال موكلى ويكتبون انه لم يحضر حددنا موعد ولم يحضر وانا كل يوم كما قلت كنت فى المحكمة
ولكن الظاهران النيابة كمان كان ليها دخل فى الموضوع
وتحولت الدعوى ولكنى تمسكت براى فالمستشار قال انى كنت اكذب عليه ولم اذهب
الى ان وجد ان اليوم الذى كنت فيه فى النيابة ومضيت على محضر الضم
كان تانى يوم ميعاد لحضور موكلى ووكيل النيابة لم يخبرنى كما قلت قال لى بعد اسبوع
لكى تذهب القضية ونحن بها متهمين
والمشكلة انه كان مدير نيابة ورئيس النيابة معا فى هذا الموضوع
يعنى لو كان وكيل نيابة كان الواحد اشتكاه لرئيس النيابة وخلصت
ولكن كان المسئول مدير النيابة ورئيس النيابة دخلتله اكثر من مرة كان يبعتنى للمدير
يعنى العملية كانت مطبوخة وجاهزة

m_elmogy

15-11-2005, 01:56 PM

weswes1000

15-11-2005, 03:21 PM

زميلي الفاضل / وسام بك
أنت أدرى مني بان مدير النيابة أو حتى رئيسها يجوز أن تشكيه لرئيسه وهو المحامي العام للنيابة التي يتبعها ، بل وفي حالة تعسف بين يمكن أن ترفع شكواك للنائب العام ..
أما في القصة التي سردتها فهو أمر طبيعي جميع النيابات بتعمله وأنا عن نفسي برجعه لكثرة الإيراد والتحقيقات وضغط الشغل الفظيع عليهم من ناحية ، ومن ناحية أخرى إهمال أغلب السادة أعضاء النيابة و اللا مبالاة في طريقة العمل والتعامل ... وهو الأمر الذي يصيبنا جميعا كمشتغلين بالقانون بالذعر والهلع والخوف على مستقبل قضاءنا
والله الموفق ...

ايوه فعلا كلامك صحيح
لكن فى هذا الموضوع لم يكن فى يد المحامى العام او النائب العام امرا
فقد انتهى الامر بدعوى ونحن فيها متهمون ولكن كل ما كان ممكن ان يحدث هو لفت نظر او شئ من هذا القبيل لمدير النيابة ورئيسه
ولكن الضرر قد وقع وعذرا
كثرة القضايا والتحقيقات ليس عذرا لهم فى ان يطلبون مثول موكلى امام سرايا النيابة وان يمتنعون عن اعلانى
بميعاد التحقيق معه وايضا مكان موكلى كان معلوم فهى شركة سيارات كبيرة تعتبر من اكبر الشركات فى مصر
وكنت كل ما اسأل يجيبون بعلمهم بالقضية علم تام يعنى اكيد كانوا عارفين كل حاجة يعنى كان فى تواطئ من جانبهم ملحوظ ولكن
ليس هذا الهدف من كتابتى للموضوع ولكن ان يعلم الجميع ان السلطة فى مصر يساء استخدامها كثيرا
وفى شتى المجالات

m_elmogy

15-11-2005, 04:51 PM

محدش ينكر إن في أحوال كثيرة فعلا يساء إستخدام السلطة ... وطبعا في حالات تواطؤ بس ده أنا أعتبره فساد وليس إهمال
لأن واضح إن الموضوع كبير

magedezzeldin

16-11-2005, 03:50 PM

و الله فرصة أحكيلكم عن قصة ظريفة لها علاقة بموضوع الظلم ده تعرضت لها, خرجت على أثرها من مصر من 3 سنوات و نصف و لم أزورها منذ حينها و مش عايز أعتبها تاني
صلوا بينا عالنبي ,,,,,
اول ما خلصت كلية من حوالي عشر سنين كنت عايش دور الواد الوطني و طلع في دماغي اعمل مشروع صغير أشغل فيه كام شخص و أسترزق و افيد نفسي و بلدي و كانت ورشة ألوميتال صغيرة
و مشي الحال زي الفل و كنت بأكسب و مهيص و بعدين في يوم أغبر مطلعتلوش شمس دخل علي الورشة واحد محضر علشان يحجز على الورشة – ليه يا عم - قاللي دي ورشة سامح ( سامح ده يبقى أخويا ) و علينا حكم بالحجز على ممتلكات سامح.
قلت له عليا الطلاق بتاعتي و وريته وصل الكهرباء و التليفون و عقد التمليك و قلت له أنا مش سامح روح دور عليه في حتة تانية, قالي برضه حنحجز يعني حنحجز بالخطأ و بعدين أنت تروح تستشكل.
المهم معجبتنيش الفكرة و كرشته بره المحل هو و اللي كانوا معاه – إعتقاداً مني بأني صاحب حق – و خلال نص ساعة رجع تاني مع عسكري و مخبر و خدوني عالقسم و هناك حاولت اوضح للظابط الموضوع و عينك ماتشوف إلا النور و أجبرني الظابط على أن المحضر يرجع معايا و يحجز بعد ما روقوني.
رجعت مع المحضر و حجز على أجهزة كمبيوتر و معدات و بلاوي متلتلة.
المهم كلمت سامح – إلحقني يا سامح – قالي متقلقش ودي الورق للمحامي بتاعي و هو حيتصرف
, عملت زي ما قاللي و بعد كام اسبوع لقيت المحضر داخل تاني و بيبيع .
خلاصة الموضوع - و انا ماليش في الليلة خالص - لقيت حاجتي و أجهزتي و ملفات العملاء و بلاوي بتتباع ادامي
اتاري الباشا المحامي بتاع سامح محضرش الجلسات الله يخرب بيته
و متتصوروش الإحساس الفظيع ده غير ان الحجز ده حيوصم العمل بتاعي للأبد و باظت سمعتي و العملاء شافوا الحجز و حاجة زفت و نفيستي باظت بسبب الظلم, بلدي و معرفتش أخد فيها حقي.
و عليها كنت خارج الجمهورية في خلال اسابيع و مش راجع تاني الا لو الحال اتصلح يعني قول كدة 500-600 سنة يعطينا و اياكم طولة العمر.

m_elmogy

17-11-2005, 11:05 AM

أهلا بيك يا أ/ماجد في قسم الاستشارات القانونية .. منور القسم والمنتدى كله ..
كان ممكن المحامي بتاع سامح يعمل إشكال في التنفيذ ويثبت للمحكمة أنك المالك الجديد ويرشد الشخص الصادر لصالحه الحكم عن عنوان وممتلكات الشخص المراد التنفيذ عليه ... لكن طبعا طالما إن المحامي اللى ماشي في الموضوع هو محامي أخوك يبقى من المستحيل أن يرشد عن ممتلكاته وعنوانه ..
كان المفروض لجأت لمحامي تاني وأرشدت المحضر القائم بالتنفيذ عن عنوان أخوك وممتلكاته ..

GOLF1979

17-11-2005, 01:32 PM

اخوانى فى الله

أعتقد وبعد دراسة هذا الموضوع والذى أصطدمت به شخصيا أنه موجود فى كل العالم العربى بل فى أكثر من 70 % من العالم كله

حيث أن تشابه الاسماء قد يؤدى الى الكثير من المشاكل

ويكمن الحل فى طريقة تخزين المعلومات لدى الجهات الادارية والحكومية فى هذه الدول

فمثلا فى العهد القريب كنا نخزن معلوماتنا الحكومية فى الاوراق والدوسيهات والتى سرعان ما تتلف لاسباب كثيرة منها الرطوبة أو الحريق أوسوء التخزين والحفظ وغيره

أما الان فيتم أدخال نظام الكمبيوتر ولكن ببطئ على المصالح الحكومية ومنها نظام التسجيل الجنائى للمحكوم عليهم ويتم الان فى مصر ربط أجهزة الكمبيوتر هذه ببعضها البعض عن طريق شبكة أدارة تنفيذ الاحكام

بيحث انه أذا تم القبض على شخص فى أى مكان للاشتباه به فيمكن التأكد من بيناته فى نفس مكان القبض عليه

ليس ذلك فقط بل تم ربط الشبكة المركزية بسيارات الدورية نفسها للتأكد من بينات أى شخص وقت القبض عليه أو الاشتباه فيه

وبذلك يمكن أن أقول أن هذه المشاكل سرعان ما سوف تزول بمرور القليل من الوقت والتى عانى منها الكثير على مر السنوات

وشكرا

m_elmogy

17-11-2005, 03:09 PM

m_elmogy

17-11-2005, 03:34 PM

واحد موكل عندي رجل أعمال زي الفل ، كان في يوم من الأيام بيشرف على أرض زراعية يمتلكها في طريق إسكندرية- مصر وراجع بعد يوم طويل راكب عربيته والسواق سايق لحد ما دخلوا على بوابات إسكندرية ، الظاهر العملية كانت رايقة والضابط قاعد مريح فقال أما أشتغل شوية بدل الترييحة دي، نهايته دخل على السواق وقالله البطاقة فبدأ السواق يطلع بطاقته قام الضابط قالله لأ بطاقة التاني ده ، المهم السواق قالله ياباشا ده فلان الفلاني رجل أعمال ومحترم وهواللى مشغلنا يعني مفيش داعي فالضابط صمم ، المهم أخد البطاقة وباللاسلكي إتصل بالقسم وكشف على إسم صاحبنا الغلبان ، وبعد ثواني رد عليه القسم (مفيش أسرع من كدة) وكان الرد .......................

عليه حكم غيابي إسبوع وكفالة 50 جنيه

إنزل يا أفندي ، قال الضابط فرد رجل الأعمال... يهديك... يرضيك ....الله يخليك..... تبسم والنبي ، وبالفعل حجزه الضابط لحين ترحيله إلى قسم باب شرقي لعمل معارضة وإتخاذ الاجراءات القانونية ..

إيه الحكاية ؟؟
فلاش باك
الموضوع ياإخواننا إن الراجل إترفع عليه مرة جنحة بلاغ كاذب وأخد حكم غيابي إسبوع وأول ما عرف عارض على الفور و أقر المدعي بالحق المدني بالتصالح وقضت المحكمة بإنقضاء الدعوى بالتصالح ... يعني براءة

والله يا حضرة الضابط هي الحكاية كدة فعلا وأنا محاميه وأقسم لك إني بكرة صباحا سأتقدم لك بما يفيد إنتهاء هذه الجنحة وسيب الراجل يروح معايا ، أنا عارف إن الثقة في المحامين مش بالدرجة اللى هي لكن أنا مستعد أسلمك كارنية المحاماة بتاعي حالا وأيضا أصل بطاقة الراجل وتتركنا على أن أعود باكر بشهادة الجدول اللعينة وتكتمل الحلقة .. هكذا توسلت لضابط المباحث وأغريته آملا أن أنهي هذا الموقف وبكرة يحلها حلال
يا متر يعني الجثة تبقى معايا وأسيبها ..... إنسى .... بكرة تجيب مايفيد وتقدمه في القسم يروح معاك الزبون ، بهدوء رد الضابط ..
لحد هنا إنتهى دوري كمحامي وإن لم يكن قد بدأ أصلا ...وبدأ دور الوسايط والتظبيط وطبعا روح الراجل يومها علطول وتاني يوم بعت المدير الاداري بشهادة من الجدول وخلص المسألة وهو قاعد في البيت ،،
لكن أقسم لكم بالله إن هذا الراجل حتى يومنا هذا مرعوب من تكرار مثل هذا الموقف ودايما في جيبه وتابلوه سيارته ومكتبة نسخ أصلية من الشهادة التي تفيد إنتهاء الموضوع ...وعلى الرغم من توجهي إلى مباحث تنفيذ الأحكام لرفع الحكم من الكمبيوتر إلا إنهم لم يرفعوه من جميع أجهزة مصر الغير متصلة أصلا بأي نت وورك ..
هذه قصة بسيطة ممكن تحصل كل يوم لكثير من الأبرياء
مستني تعليقاتكم وشكرا

GOLF1979

17-11-2005, 03:39 PM

كلامك سليم ياباشا ... بس المشكلة اللى أنا متأكد إنك عارفها تماما إنت وباقي الزملاء إن الحكم اللى بينزل على الكمبيوتر مبيطلعش تاني حتى لو عملت إستئناف أو معارضة وإنتهت بالايقاف أو حتى البراءة ، اللى بيحصل إنك تظل محتفظ في جيبك بشهادة من الجدول خوفا من أن يستوقفك أي كمين ويكشف على الكمبيوتر الملعون فيجد القضية اللى إنت مخلصها وآخد فيها براءة من زمان ..
لما يبدأوا يشيلوا الأحكام اللى خلصت ، ساعتها يبقى في أمل
وأشكرك على رأيك ..

أخى الغالى

كلامك صحيح 100 / 100

ولكن عندما قابلتنى هذه المشكلة وجدت أن حلها يتلخص فى أستخراج عدد 2 شهادة من الجدول وتسليم احدها فى قسم تنفيذ الاحكام بالمديرية وتم أدخال البيانات الجديدة على الكمبيوتر أمامى شخصيا

والاخر فى قسم الشرطة التابع له الحكم وعادة يتم أوتوماتيكيا ولكن زيادة فى التأكييد يتم تسليم الشهادة لمندوب التنفيذ ويتم التأشير فى الدفتر أمامى

وأنتهت المشكلة عند هذا الحد

m_elmogy

17-11-2005, 03:54 PM

من فضلك إقرأ القصه أعلى رد سيادتكم .. قصة حقيقية ؟!!

abdoman

17-11-2005, 04:32 PM

معلش يا جماعة امال انتم عايزين ايه البلد دى اللى ماشى فيها بيقول ياحيطة دارينى
بس والله اعلم يبدوا ان السلطة التنفيذية عايزة تغير المثل ده وتخيل يا ورقة دارينى طبعاً انتم فاهمين اقصد ايه
وعلى العموم شكراً يا أستاذ محمد مع انك وحعتلنا قلبنا اكتر ماهو موجوع
ده احنا عندنا حتت فى مساكن عين شمس زى الزفت
وربنا يستر
شكراً

m_elmogy

17-11-2005, 05:30 PM

كلنا عايشين على نظام "إمشي في حالك" يا دكتور المدربين .. عشان لو إتغضب عليك لحظة ضعت يا معلم ...
أنا طبعا بأهزر ... يا جماعة طول مانتوا صح متخافوش أبدا وكل ذي سلطة في الدنيا في اللى أعلى منه وربنا فوق الكل .. بس المهم تحارب ومتستسلمش من أول الطريق ..
والله الموفق...

abdoman

17-11-2005, 08:33 PM

والله فوق كل ذى سلطان

magedezzeldin

20-11-2005, 11:29 AM

بخصوص قصة الظلم المستفزة انا بصراحة بصراحة مش شايف الظابط بتاع الطريق الصحراوي ده عمل حاجة غلط
بالعكس ادى دوره كما يجب الغلط في السيستم مش في الظابط
ولا ايه ؟؟

m_elmogy

20-11-2005, 12:01 PM

طبعا ياباشا المقصود هو النظام ... لكن الضابظ جزء من النظام وطالما عارف إن النظام متنيل وبايظ المفروض إنه يبدي بعض المرونة .. على الرغم إني لو كنت مكانه مش عارف كنت سبته ولا لأ ..
أرجو أن تظل زائر ومشارك ناجح في قسمنا المتواضع ...

magedezzeldin

20-11-2005, 12:30 PM

يعني بذمتك كدة عايز الظابط يلاقي واحد عليه حكم و يسيبه ؟
الظابط مالوش دعوة و المرونة في حاته دي ليست مطروحة كبديل
روح اشتكي الكمبيوتر
بالعكس انا شايف الظابط راجل و قام بدوره كما ينبغي و لم يخضع لضغط المحامي
تحياتي

m_elmogy

28-11-2005, 02:23 PM

والله أنا معاك وكلامي كان واضح إن الراجل بيشوف شغله ... لكن كل اللي نعيب عليه هو النظام ومتنساش إن الضابط ده جزء من النظام وهو عارف إن النظام بايظ ، يعني كان ممكن يساعدني ويآخد ضماناته الكاملة ويسيبنا لبكرة ، خاصة وإنها حاله قد نعتبرها إنسانية وهي حالات مسموح فيها ببعض التجاوزات مع أخذ كامل الضمانات ...
ومتزعلش يا عم ، لكن تخيل نفسك مكان الراجل المظلوم ده ومحتاج فقط واحد يتفهم موقفك دون أي تجاوزات أو وسايط (مع ملاحظة إن الوسايط هي اللى طلعت الراجل كما هو موضح في القصة)
والله المستعان ...

underwood

08-12-2005, 11:35 PM

m_elmogy

11-12-2005, 03:08 PM

بسم الله الرحمن الرحيم

انا بقا ولا المنتدا دة كلو يكفى اللى انا عايز اتكلم فية انا الموصع عندى كبير جد اكبر من الكلام دة كلو انا المراحل دى كان اقل حاجة بنسبا لياوعلى العموم اللى حاسس ان يقضر يساعد بجد نتكلم مع بعض على الاميل

igi-@hotmail.com

منور المنتدى والقسم يا أخي العزيز
مالك يا أخي مهموم من إيه ... إعرض مشكلتك ومتخافش حتلاقي عشرات الأحرار المدافعين عنك والمقدمين ليد العون على طول الخط بإذن الله ..
طبعا لو الموضوع فيه حرج معين ومش عاوز تعرضه على الملأ من فضلك إرسل رسالة خاصة للعبد لله أو على الإيميل بتاعي
m_elmogy@hotmail.com
أكرر تحت أمرك في أي وقت وفي أي موضوع ... ولك حرية الإختيار

Sherifasd

27-12-2005, 04:08 PM

معلش كل بلد فيها وفيها واحنا مصر فيها اللى مكفيها

m_elmogy

01-01-2006, 12:38 PM

مصر محتاجة ناسها وشبابها ...
إن الله لا يغير ما بقوم حتى يغيروا ما بأنفسهم
والله المستعان

khaled_acmilan

19-02-2006, 07:07 PM

جزاك الله خيرا يا أستاذى محمد على هذا الموضوع الجميل وعلى مساعدتك على الناس وباين عليك باسم الله ما شاء الله مذاكر حقوق كويس هههههه.

والسلام عليكم ورحمة الله وبركاته.

m_elmogy

20-02-2006, 10:58 AM

العبد لله ليس إلا مجرد شخص عادي يهوى تقديم المسادة للآخرين
وأشكرك على مشاركتك

liondvd

26-02-2006, 07:49 PM

ما شاء الله على الفساد

حاجه تشل

الدوله ديه عمرها ما هاتنضف

الف شكر يا باشا على الموضوع

m_elmogy

05-03-2006, 02:28 AM

لأ حتنضف ، بس بينا إحنا وبإدينا مش بإيد حد تاني

body87

12-03-2006, 05:48 AM

مشكورررررررررررررررررررررررررررررررررررررررررررررر ررررررررررررررررررررررررررررررر

m_elmogy

22-03-2006, 01:06 AM

عفوا ياحبيبي

sniper80s

03-04-2006, 02:56 PM

بصراحة مقدرش اقول غير ربنا ما يورينا بلاوي من النوعية ديه .. الحمد لله علي كل شيء

m_elmogy

04-04-2006, 01:05 AM

أهلا sniper80s
الحمد لله على كل حال

ashrafbeso

09-07-2006, 12:21 AM

m_elmogy

25-07-2006, 12:14 AM

يلاحظ ان سيادتكم تستمتعوا بالقصص فقط ولا يوجد رد قانونى او اجراء يتاخذ او يشار اليه من قبلكم - ياريت توضح الاجراءات التى يمكن ان تتأخذ اتجاه القصص المعروضه بدلا من الاسف ويمكن ايضا القول انى لا اعرف فمن قال لا اعرف فقد افتى

طبعا إحنا بنستمتع بالقصص جدا - وأرجو أن تستمتع معنا - لكن ما هو متاح من ردود بنرد وأرجوك تصفح المنتدى جيدا وسوف تجد من ردود الزملاء والأعضاء ما يشعرك بالرضا تمام بإذن الله

أنا عربي

21-09-2006, 02:10 PM

يعني بصراحة أنا أخجل من أن أضيف أي تعليق سواء بالسخرية أوبالهزار أو بأي شيئ كان لكن المهم أن الجميع يعرف وعلى رأسهم السادة الأفاضل / أمناء الشرطة ,,,,,, إن المواطن مش لازم يكون لابس نظارة شمسية شيك وعربية أياً كان نوعها ويكون معاه موبايل ممكن يتصل بابي وماميوأوأنكل علشان يتعامل كبني أدم

m_elmogy

23-10-2006, 02:47 PM

على فكرة يا أخواننا
الموضوع ده ليس المقصود منه رد قانوني لكن عرض المواقف الظالمة فقط لا غير ، وإذا كان هناك طريق قانوني لرد هذه الظلم فلن نتوانى عن تقديمه للأعضاء

mohamedmohsenah

12-01-2007, 05:55 PM

والله ياجماعة انا كان نفسى ياأستاذ موجى نعرف القانون بتاعنا علشان نعرف حقوقنا يعنى لو تقدر تدلنا على كتاب
نشترية او ننزلة من النت عشان يبقى عندنا خلفية عن حكاية البلطجة اللى ماشية فى البلد
من ناحية حبايبنا الحلوين
يبقى كدة دى اكبر خدمة ممكن تقدمها للشباب بتاعت المنتدى

m_elmogy

23-01-2007, 12:17 PM

الموضوع مش موضوع كتب
إذا كان اللي بيظلم هو أصلا محترف العمل بالقانون ، حتفرق إيه علمك أو جهلك بالقانون

ashrafosha2005

30-01-2008, 01:07 PM

معالي الباشا
انا اشرف الطوخي
المحامي
بالاستئناف العالي و مجلس الدولة
من حلوان - القاهرة

بخصوص الموقف اللي حصل للموكل بتاع سيادتك هو امر عادي من رجال الامن لانه بيطبق القانون و لو بعقلية متزمتة شوية و مداخل و مخارج المحافظات عليها منفذ امني الغرض منه طبعا ضبط الهاربين من الاحكام و السيارات المسروقة .........الخ
اما اللي حصل من الاضابط فهو عمله خاصة و ان الحكم كما قررت ما زال مطلوب القبض عليه كما هو ظاهر لديه بشبكة الحاسب الالي
كان يمكن لسيادتك حل الامر ببساطة لو انك قمت بتسديد الحكم و الطريقة بسيطة و سهلة جدا
عمل انذار باسم السيد اللواء مدير ادارة تنفيذ الاجكام و ادارة الحاسب الالي و المعلومات الجنائية عملا بالمادة 123 عقوبات و ارفاق شهادة من الحكم بما تم فيه و انتهي الامر
يا قارئ خطي لا تبكي على موتي فاليوم أنا معك وغداً في التراب
فإن عشت فإني معك وإن مت فاللذكرى
أمـــوت و يـبـقـى كـل مـا كـتـبـتـــه سراب
فيا ليت كل من قرأ خطى دعا لي
(((ما اصعب ان تبتسم وانت تريد البكاء)))