دماغ بنات

[mgwaad]

أول حاجه مكن بدأ بيها الموضوع ده هوه تعبير الأنيميشن إللى ع الوش ده
:31::31::31::31::31:
:31::31::31::31::31::31:
وده أقل وصف لشعور الولد لما يتعامل مع البنات خصوصاً لو بيتعامل مع واحده بيحبها ..... مش ممكن

خلينى أقول شوية إستفسارات فعلاً محتاج أعرف إجابتها من أطراف محايده خصوصاًالبنات علشان كده عملت الموضوع ده هنا ..

ليه البنت متقدرش ترضيها ؟؟ مهما عملت
ليه البنت بتحب كل فتره كده تمسك على أقل الحاجات علشان تعمل زعله كل شويه كده تحب تعمل جو الخصام بقى وإن اواحد لازم يصالحها ... ليه ؟
طيب ليه البنات بتحب تسمع أو تحكى المواضيع بالتفصيل لما تزهق الواحد منها ؟
ليه البنت أما تدايق من بنت زيها بتبقى شريره أوى ؟

دى دفعه أولى لاحظتها ف معظم البنات ... ممكن ناس متوفقنيش الرأى لكن ع الأقل ده موجود ف بعض البنات مش لازم معظم لكن الملاحظ إن دى صفات صعب تلاقيها ف الولاد ..
راجعلكم تانى

[SAHAR@LSHAM]

ميرسي على الموضوع يلي كلو تعصيب ع البنات مابعرف شو السبب !!!!

بس باختصار بعتقد النســاء مخلوقات عجيبه لانو
بسيطات ومعقدات بنفس الوقت.,,.
ضعيـفات ولكنهن قويات...
متناقضات ومنطقيات...
غيــورات بشده وعاطفيات اكثر ويحببن التملكـ....
لاتستطيع العيش معهن ولاتستطيع العيش بدونهن.,,.....
منشان هيك ما رح يتغيروا لو شوماصار:0:

[romanza]

على فكرة الصفات دي موجود في صبيان برضه وانا شفتها

لكن مش شرط كل الصبيان

زي ماهو مش شرط كل البنات

ده بيكون اختلاف في الشخصية

لما واحدة تدقق على تفاصيل معينة ممكن تكون عشان عصبية

لما ما تعرفش ترضي واحدة يبقى أعتقد انك مش عارف شوية تعامل البنات او تفهم هي عايزة ايه

ممكن احاول أفيدك بالموضوع ده أتمنى انه يفرق معاك

من هنا (http://www.dvd4arab.com/showthread.php?t=660783)

[xmora]

لا بالعكس بقى يمعلم دة الولد هوة الى بييجى علية فترة كدة ويبقى نكدى اخر حاجة ويمسك للبنت الى قدامو على اقل الغلطات علشان يتخانق ويزهقها فعشتها والمشكلة ان فية شباب بتعتبر ان عادى جدا هما يخنقو لكن ليمكن ابدا يتخنقو وهما الى يشخطو ويتنرفزو ويلهوى بقى لو ردت البنت هسيبك تقولى انتو بتعملو اية لو واحدة زعلت منكم مثلا وجابت اخرها وحبت تفش خلئها .......

وعلى فكرة لو البنت لما بتزعل من بنت بتبقى شريرة لان مينفعش تطلع مضيقتها مع واحددة بنت باى حاجة غير انها تادبها وكمان مش كل البنات لكن قولى بقى انت لو ولد هوة الى زعل من ولد هتقوم خناقة على طول ويطوقو فبعض الضرب

يعنى من الاخر نار البنات ولا جنت الشباب

[mgwaad]

عاوز أقول أنا مقلتش إن مفيش ولاد كده أكيد فيه بس لو قارننا هنلاقى البنات أكتر بكتييييييييييييييييير ....
وأعتقد إنى لما معرفش أرضى واحده ده مش معناه إنى معرفش أتعامل مع بنات بالعكس .. مقلكيش يعنى المهم البنات همه إللى متقلبين أو معرفش تفكرهم إزاى مثلاً أما مكلمهاش كل يوم الصبح و فوسط اليوم وقبل ما ننام أبقى كده مبفكرش فيها وهيه مش على بالى ... أما يوم يعدى معييش رصيد وكسلت أشحن .. يلهوى خناقه .. طيب أما مقلهاش عملت إيه ف يومى بالظبط تدايق ... أما أزعلها لأى سبب وده وارد بين أى إتنين أبقى من الأصل بضحك عليها ومبحبهاش وكان كل كلامى ليها وهم ومن خيالى ... المهم إن بعد كل إللى فات ده أما تهدى بتعرف إنها غلط وتعتزر وتقول معلش أنا عارفه إنى خنيقه شويه وإن الولاد مبيحبوش التحكم .. ( مع إن الموضوع مبيبقاش ف بالى تحكم أو غيره ) .. وبعدين نتصالح وف مره ترجع الخناقات والزعل على نفس المواضيع ..
أقول يابنت الحلال مش معنى إنى متصلتش إنهارده إنك مش على بالى .. ودى إللى ف دمغها ف دمغها وزعلانه
مش معنى إنى خبيت عليكى حاجه ( لأنها حاجه مش مهمه ) إنى مبحبكيش وبرده مفيش ..
بتزعل بسهوله وبصلحها بصعوبه ..
المشكله إن طرقتها دى مبتزعلنيش لأنى واثق من نفسى لكن بدايق إنها زعلانه ومديقه .. حتى لو على ولا حاجه ..

[mgwaad]

على فكرة الصفات دي موجود في صبيان برضه وانا شفتها

لكن مش شرط كل الصبيان

زي ماهو مش شرط كل البنات

ده بيكون اختلاف في الشخصية

لما واحدة تدقق على تفاصيل معينة ممكن تكون عشان عصبية

لما ما تعرفش ترضي واحدة يبقى أعتقد انك مش عارف شوية تعامل البنات او تفهم هي عايزة ايه

ممكن احاول أفيدك بالموضوع ده أتمنى انه يفرق معاك

من هنا (http://www.dvd4arab.com/showthread.php?t=660783)

شكراً ع المداخله دى ويمكن هيه أكتر مداخله إستفدت منها ..

[mgwaad]

لا بالعكس بقى يمعلم دة الولد هوة الى بييجى علية فترة كدة ويبقى نكدى اخر حاجة ويمسك للبنت الى قدامو على اقل الغلطات علشان يتخانق ويزهقها فعشتها والمشكلة ان فية شباب بتعتبر ان عادى جدا هما يخنقو لكن ليمكن ابدا يتخنقو وهما الى يشخطو ويتنرفزو ويلهوى بقى لو ردت البنت هسيبك تقولى انتو بتعملو اية لو واحدة زعلت منكم مثلا وجابت اخرها وحبت تفش خلئها .......

وعلى فكرة لو البنت لما بتزعل من بنت بتبقى شريرة لان مينفعش تطلع مضيقتها مع واحددة بنت باى حاجة غير انها تادبها وكمان مش كل البنات لكن قولى بقى انت لو ولد هوة الى زعل من ولد هتقوم خناقة على طول ويطوقو فبعض الضرب

يعنى من الاخر نار البنات ولا جنت الشباب
لأ لأ إستنى الولاد عمرهم ما كانوا نكديين ولو فيه تبقى حالات نادره وشرذمه ملهاش وزن ف عالم الرجال ...
وأعتقد أكتر إن الولد إللى يعمل كده ويحب يخنق واحده ويزهقها ف عيشتها يبقى مبيحبهاش ماشى معاها صحوبيه .. أو زماله أو حتى ( مامتك إيه .... عادى ) .. ودى كلها نوعيات متخصنيش ف الحوار ومبتكلمش عنها ....

وقصدى البنت لما بتزعل بتبقى شريره مش يعنى هتعور بتبقى خبيثه وممكن تخطط وتكتك علشان تنتقم أشد إنتقام .. وإنتى قلتى بنفسك صحيح الولاد ممكن يتخانقوا ويضربوا ويعوروا بعض كمان بس ف كل حال حتى بالخناق بيتحط أخر لزعلهم سواء خصام بقى خناق ضرب شتيمه حتى لكن مبيروحوش يتكتكوا حتى أما بتحصل ودى حلات قليله الولد يروح يكلم صحابه التانيين علشان يقابلو الواد ده بكره يضربوه وبرده بتخلص ... لكن البنت ممكن تعد بالأشهر عقبال ما ترد ضربتها ..ياااااااه بغلوا ف نفسهم معرفش ليه

[angelic_smile]

اولا شكرا على الموضوع لانه بيعبر عن طبائع بعض البنات.
لو خطيبتك مثلا بتحاول ترضيها وهى مش محسساك بانك بتعمل حاجة عشانها يمكن تكون واحدة بتدلع اوعايزة تحس بغلاوتها عند الطرف الاخر او يمكن انت مش عارف هى عايزة ايه وبتحب ايه وايه الحاجات اللىبتريحها،ولو هى بتتخانق على كل حاجة ممكن تبقى واحدة عصبية جدا او حساسة بس اللى بيقدر حد ماعتقدش بيقفله على اى غلطة وممكن تكون بتعملها حاجات تضايق فعلا وانت مش مقتنع انها بضايق ممكن تقولها ايه اللىبيضايقك وايه اللى يريحك وتقولها انت كمان على اللى انت عايزه وتحطوا زى قواعد لبعض علشان كل واحد يحاول يتجنب انه يضايق التانى والخلافات تقل لما تحطوا خطوط وقواعد لبعض والمفروض كل واحد يجى على نفسه شوية علشان الحياة والعلاقة تستمر.

[زميل زمالك]

الولاد او البنات زى الفاكهه انواع ممتازه وانواع متوسطه واناواع بايظه
والكلام بتاعك ده بينطبق على الجنسين سواءشباب أو بنات
فيه بنات ياما تتمنى أن الولد يرضى عنها وتحافظ عليه فى غيابه قبل وجوده وفيه بنات تحب تحرق دم اللى بتحبه
وكذلك الشباب مش كلهم ملايكه يعنى

[mgwaad]

شكراً على كل الردود ... وكل الناس إللى علقت ع الموضوع لأن ولو ظهر كلامهم بسيط وف غاية البساطه لكنه مفيد بشكل أو بأخر لقطت منه حاجات ..

لكن عاوز أقول خطبتى مش عصبيه ولا أنا مش فاهمها ومبنتخانقش كتير ولا على كل حاجه لكن لو زعلنا بقول أصالحها .. لأنها مهما كان البنت متحسش إنها هيه إللى محتاجالى أو راميه نفسها أو كده بحاول أجنبها أى مشاعر من دى ف حتى لو غلطانه بحاول أصالحها ...
لكن المشكله إن لما أكون أنا الغلطان بلاقى صعوبه فإنى أصالحها ..بعد كتير أتكلم علشان أحس إنها رجعت للمود الكويس تانى مع إن ممكن من أول خمس دقايق كلام ألاقيها تقولى خلاص وياحبيبى مفيش حاجه ومش زعلانه ... بس مببقاش مقتنع .. بقتنع لما ألاقيها ف المود الكويس وقتها بحسها مش زعلانه فعلا ... معرفش أوقات بحس إنى أنا إللى غلط ممكن تكون فعلاً من الأول خلاص .. معدتش زعلانه بس مش قادره تتحول فلحظه للمرح تانى والهزار والكلام ده .... ومحتاجه تاخد وقت علشان تطلع من مود الزعل ... وأوقات تانيه بحسها فعلاً لسه زعلانه

طبعاً أنا هنا بكلم عن مجرد خواطر وتجربه شخصيه يعنى ممكن حد يقول ياعم فين الإفاده وإحنا مالنا بده كله .. لأ أنا فعلاً عملت الموضوع ده علشان عاوز أتكلم وأطلع بس ... وممنون جداً من كل الناس إللى زارتنى هنا وشاركت ولو بكلمه ..

[mgwaad]

الولاد او البنات زى الفاكهه انواع ممتازه وانواع متوسطه واناواع بايظه


هههههههه يارب مانكون من الفاكهه البايظه

[mgwaad]

علفكره لو حد عنده إللى يقوله ف تجربته هوه الشخصيه إعتبروا نفسكوا ف بتكم الصفحه للجميع وزى ماقلت أنا عملها بس علشان أتكلم أو علشان نتكلم

[mgwaad]

ميرسي على الموضوع يلي كلو تعصيب ع البنات مابعرف شو السبب !!!!

لاتستطيع العيش معهن ولاتستطيع العيش بدونهن.,,.....
منشان هيك ما رح يتغيروا لو شوماصار:0:

معرفش ياسحر بحس إن إللى يقول الكلام ده عمره ماحب أو مش معترف بالحب أصلاً

[mgwaad]

طيب ياريت البنات تفدنى هتصرفوا إزاى أو إيه رد فعلهم لو الموقف ده حصل وكمان الشباب يعلقوا على رد الفعل إللى عاوزينه من الردود إللى البنات هتكتبها وهوضح أكتر ف أخر المشاركه ..

يعنى مثلا لو قاعده مع خطيبك ف مكان عام .. مطعم مثلاً ودخل المطعم واحده زميلته ( سواء ف الشغل أو ف الكليه لو كان لسه طالب ) ... شفته جت سلمت عليه عرفها بيكى وعزم عليها تتغدى معاهم على أساس إن ده مطعم مش كافتريا يعنى أكيد جايه تاكل زيهم ... هتديقى وتطلعيهم عليه بعد مازميلته تمشى ولا كمان هتديها الوش الخشب طول القعده بحيث تحسسيها إنها تقيله ولا هتخدى الموضوع بروح رياضيه وعادى مش فارقه وده مش موقف أصلاً ولا هتشوفى إنه موقف بس هوه إضطر إنه يعمل كده على أساس زميلته جايه لوحدها وده أقل أشكال اللياقه إنه يعزم عليها ....

فاعوزين رأى البنات ف الموضوع ده لأن برده عاوز أعرف هيه كان تصرفها معايه هوه الصح وكل البنات كده وبتفكر كده أو معظمهم يعنى وأنا إللى مش فاهم البنات زى ما مشاركه قالتلى كده ... ولا فعلا هيه إللى كان تصرفها غريب

وعاوز رأى الشباب ف الأراء إللى البنات تقول عليها برده علشان أعرف هل أنا كان رد فعلى على تصرفها هوه المتوقع زى ما قلتم ولا لأ ؟
شكراً مقدماً