!!! فتيــات الانترنـــت !!!

[eshesh_HP]

http://i59.servimg.com/u/f59/12/09/01/87/1710.gif

امـــا بعـــد ,,,

اولا دا اول موضوع ليا ف القسم دا
ويارب يعجبكو ان شاء الله ومش يكون مكرر
ولو كان .. فيارب يكون من زمان وتكون الناس نسيته :jap:

وانا بصراحة مش عرفت احطه ف اى مكان ف اى حته :sadwalk:
ويارب يكون دا المكان الصحيح له
ولو مكانش ياريت تنقلوه .. بس مش تنسو تقولولى على مكانه
عشان ابقى اعرف اروح له :wink: :jap:

يللا بقا نبدأ
بس بجد انا عاوزة اسمع ارائكو ف الموضوع دا
وبالذات من آدم :jap:
لانه من وجهة نظرى انه موضوع شوية مهم ويهم كل البنانيت الامامير اللى هونا :0:

بسم الله المعيــــن

جاءت اليها أمها ووجها يتهلل بالبشر تكاد اساريره ان تنطق فرحا وقالت : بنيتي لقد جاء فلان وابنه لخطبتك

الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعتة مني اربيه على ناظري يكون عونا لي في الدنيا وذخرا لي في الاخرة :ange:
لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها

وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون رقاع الدعوة لليلة الفرح الموعودة

ذهب العريس الى عمله اخبر بعض اصحابه بأنه سيتزوج ابنة فلان
بارك له الجميع وفي اليوم التالي جاءه احد زملائه وقال له :
الله الله انت اذن ستتزوج الكاتبة الفلانية التي تكتب في المنتدى الفلاني

نظر العريس الى زميله متعجباً عن من تتحدث وماهذا الكلام؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان ندلف الى المنتدى لنشاهد مواضيع خطيبتك ؟

قال العريس والعرق يتصبب ولما لا ؟

فتح الزميل المنتدى استخرج بالبحث جميع مواضيعها ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته وقال لامها
هل تسمحين لي ان اكلم خطيبتي
قالت امها لامانع
اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل :0:

لكنه فاجاءها بسؤال واحد

هل انتي الكاتبة الفلانية في المنتدى الفلاني ؟

قالت نعم انا هي

قاطع حديثها وقال اسف انا لا اتزوج فتاة انتر نت !!!!

وأطبق السماعة ....... !!!!

**********************

حالة قد تمر يوما ما على فتى او فتاة

فما موقفكم ؟ بكل صدق وتجرد انت يا ايها الرجل؟


1- اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟

2- هل يعني دخول الفتاة الى الانترنت والمنتديات خاصة ومخاطبة الجنس الاخر من خلال المواضيع والمشاركات انها فتاة سيئة ؟؟

3- بنظرك هل كل فتاة تستخدم النت لابد أن يكون لها صديق أو ...

4- ترى ماهي بنظرك الحدود التي يجب أن تقف عندها الفتاة حتى لايسيء استخدامها للنت اخلاقها ؟

5- ماهو الخط الاحمر الذي يجب ان تقف عنده الفتاة وتقول للانترنت ... وداعااااااااا ؟؟

6- انت كشاب تستخدم النت وتكتب بمنتديات .. هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم ؟

اخوااااااااااني واخواتي الافاضل تأكدو ان الاجابات الصادقة لهذه الاسئلة سوف تخدم اخوات لكم بشكل كبير
فلا تترددو بالرد عليها دون محاباة او مجاملة
ولتضعوا امام اعينكم مراقبة الله لكم في كتاباتكم ورأيكم

وايضا انتي كـ فتاه هل تقبلين ان تتزوجي بشاب يكتب في المنتديات ؟؟

****************

الموضوع منقول للامانة
بس انا نقلته عشان عجبنى
وعشان بجد عاوزة اعرف اراء كل الناس هنا
بليييز .. كله يقول راية بصراحة

I'm Wa8InG :2:

[0mda]

مــرحبــا

شكـرا جـزيلا لطـرحكـم المـوضوع

اولا كـل الاحتـرام للاخـوة والخـوات المستخـدمين لشبكـة الانتـر نت

فـــــــــــــــــى

حــدود الاحتـرام والنقـاش وتبـادل الخبـرات والثقـافات

***

..مـاهـو المفهـوم العـام للانتـر نـت (استخدام الشبكـة)

* اعتقد انو الاستخدام يختلف من شخص للاخر

..فى بيستخدم للترفية والقضاء على الوقت ودا نسبة كبيرة جدا

فى استخدام للتعـــارف والشات فقط ((ودا بعتبرو محور الموضوع المطروح))

..فى بيستـخدم لمعـرفة الجـديد والاخبار وتبادل الفكر ودا من خلال المنتديات المحتـــــــــــــرمــــــــــــــة

فى استخدام طرح موضوع ومناقشتة من خلال الاعضاء وعرض وجهات النظر

حتـى لو بغنوا او صورة او برنامج (( عرض الازواق ))
#بمعنـى لو حدا عمل موضوع بيخرج افضل ما لدية من اختيارة لمادة الموضوع وطريقة عرضها واسلوبة وذلكـ للانتظـار شكر و نقاش ونقد و...

****************

فهاهي ترد على فلان وتشكر فلان وتتناقش مع فلان وتضحك من طرفة فلان


اعتقـد لو البنت دى فـى الجامعة او فـى عمـل (شغل) طبيعى جدا يكون موجود شباب ..يعنـى واجب تبادل الشكر وتبادل النقاش حتى الضحكـ مـن طرفة كما ذكرتم .. (( أمـــــر طبيعى وعـادى ))

- اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟


البنـت المستخـدمة للانتـرنت فـى حـدود المذكـور اعلاة

لكسب معلومة ونقاش وعرض فكرها وتبادل النقاش (امر عادى)لها كل تقدير واحترام..


2- هل يعني دخول الفتاة الى الانترنت والمنتديات خاصة ومخاطبة الجنس الاخر من خلال المواضيع والمشاركات انها فتاة سيئة ؟؟


لا طبعـــا .. فصلا ذلكـ بالنقاط السابقة


- بنظرك هل كل فتاة تستخدم النت لابد أن يكون لها صديق أو

صــديق بمعنـــى الصـديق فالصـداقة مـن اسمـى الصفات

او ....... (( حبيــب ))بردكـ بشـوف انـو لو حـب بمعنـى الحـب

الحـب معنــاة صـدق مشــاعر واعتـقد انو بيتحـس مـن الطرفين يعنى بيبان اوى لو كان تقضية وقت او حب بالمعنى المقصود


[/QUOTE]ترى ماهي بنظرك الحدود التي يجب أن تقف عندها الفتاة حتى لايسيء استخدامها للنت اخلاقها ؟
[/QUOTE]

لـو استخــدمتـو للقضـاء عـلى الـوقت واجب عليها الابتعاد عنـة ..

[/QUOTE]- ماهو الخط الاحمر الذي يجب ان تقف عنده الفتاة وتقول للانترنت ... وداعااااااااا ؟؟
[/QUOTE]

عندما تكتشف انهـا خُــدعت بالـــصداقة او الــحب

**ودا مربوط بالنقطـة او السؤال رقم3 **
بالاضـافة لـ تبتعد عندما تجد انها لم ولن تضيف لمعلومتها جديد من افكار وثقافات ومعـرفة (تفيدهـا)..

- انت كشاب تستخدم النت وتكتب بمنتديات .. هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم ؟

أثـــق فيهــــــــــــــــم .. واعرف فكرهم ورؤيتهم ومنظورهـم للاستخدام...


*****

ملـحوظـة :

معـظم الاسئلة متشابهة لكن مختلفة فى طريقة العرض ( الاسلوب ) كان ممكن اختصارهم ودمجهم لسؤالين..

====

اخيـرا وليـس اخرا

واختصارا لسـابق كـلامـى

مـوش كـل النـاس زى بعـض

فـى الكـويس وفـى الـوحش

بمعــــــــنى باحتـرامـكـ تجبـر الاخـرين عـلى احتـرامـكـ

بتمنــــى التـــوفيـق للجمـيع

شكــرا eshesh_HP

لطـرحكـم المـوضوع


{وجهـة نظـرى ليـس أكثـر}

خــالــص احتــــرامـــى للجميـــع

تحيـــاتـــى..

[حوراء الجنان]

موضوع مهم جدا اشكرك اختى الحبيبة عليه رغم ان الطرف الاخر هو اللى لازم يرد بس حابة اقول رايى،ايه المانع ان البنت تشارك وتقول رايها فى حدود الادب والاحترام،مش معنى ان البنات بيدخلوا على النت يبقى بقى كل البنات يبقوا مش كويسين وليهم اصدقاء شباب،لا طبعا فى بنات محترمة وبتحط لنفسها حدود لاهى تتجاوزها ولا الاخر يتجاوزهاوبعدين الصحابيات كان بيكلموا الرسول عليه الصلاة والسلام ويسالوه ويتناقشوا معاه والرسول قدوة لينا فى كل شىء،بس فى فعلا بنات بتهزر كتير وبتكلم عادى كده بدون اى ضوابط،لكن طالما فى حدود الادب والاحترام ماعتقدش ان ده عيب او حرام او ينقص من شان البنات واللى رايه غير كده ياريت يراجع نفسه.بس بصراحة القصة دى مؤثرة ممكن تكون البنت دى مش عاملة حدود وبتكلم وتهزر مع اى حد،هو له حق نوعا ما بس انا لو منه اتناقش معاها مش اصدمها كل غلط ممكن يتصلح ولو اهلها كويسين خلاص يبقى نرجع للاصل ونحاول نصلحونتفاهم وابينلها الضوابط والحدود لو اقتنعت خلاص لو ماقتنعتش وفضلت كده يبقى هو له حق لو هى يعنى من النوع اللى كل حاجة عنده عادى

[Bruce Willes]

الموضوع مهم جدا اختى العزيزه بس انا هرد فى اجابات على الاسئله فقط ..


1- اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟

اعتقد انه وجهة نظرى للفتاه مش هتختلف سواء بتقعد نت ولا مش بتقعد
لان الاخلاق مش بتتجزأ .. البنت اللى بتكون اخلاقها كوسه ده بيبان عليها سواء على النت او فى اى حاجه تانيه .. يعنى مش هو النت اللى بيحدد اخلاق البنت او اللى يخلينى اخد انطباع عنها ..



2- هل يعني دخول الفتاة الى الانترنت والمنتديات خاصة ومخاطبة الجنس الاخر من خلال المواضيع والمشاركات انها فتاة سيئة ؟؟

بالطبع لالالا لانه اكيد دلوقتى البنت ممكن تتخاطب مع الجنس الاخر بعيد عن الانترنت يعنى ممكن ف الحياه العمليه او الجامعه والموضوع ده مبقاش صعب خلاص .. دلوقتى التفكير مختلف وزى مقلت البنت اللى اخلاقها عاليه بتقدر تحافظ على نفسهافى اى مجال او اى مكان .. على الاقل على الانترنت بيكون اسهل من المواجهه فى الواقع ..


3- بنظرك هل كل فتاة تستخدم النت لابد أن يكون لها صديق أو ...


نووووو مش شرط هو مش ممكن يكوون انا مثلا خاطب وخطيبتى بتقعد نت وبتتصفح المنتديات عادى جدا وبتتكلم مع الجميع اهم حاجه فى حدود الاحترام والاخلاق ... مش لازم يعنى موضوع صديق ده .. وبعدين انا اعرف ناس معانا هنا فى المنتدى متجوزين وعندهم اولاد وبسم الله ماشاء الله قمة الاحترام والاخلاق ..


4- ترى ماهي بنظرك الحدود التي يجب أن تقف عندها الفتاة حتى لايسيء استخدامها للنت اخلاقها ؟


هى نفسها الحدود الى البنت بتحطها لنفسها فى اى مكان وهى انها تحط قدامها الاخلاق والدين ودايما ربنا يكون قدام عنيها سواء كانت على النت او لا .. وبكده هتمنع نفسها من اى حاجه وحشه .. وبكرر سواء على الانترنت او فى اى مجـال ..


5- ماهو الخط الاحمر الذي يجب ان تقف عنده الفتاة وتقول للانترنت ... وداعااااااااا ؟؟



فى حالتين اتنين ..

1 / لو كان ده هيخليها تعصى ربناسبحانه وتعالى
2 / لو كان ده ممكن يؤدى الى انها هتخسر مثلا خطيبها او حبيبها او جوزها .. يبقى وداعا للانترنت واهلا بالطرف الاخر سواء زوج او خطيب او حبيب


6- انت كشاب تستخدم النت وتكتب بمنتديات .. هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم ؟


والله دا يرجع لثقتى فيهم
يعنى انا الحمد لله واثق جدا فى الناس اللى يهمونى
عشان كده موجودين على الانترنت باستمرار وبدون اى رقابه
الثقة تقتل الغيره والشكـ ... ياريت تفهمى النقطه دى ..
وبعدين انا عارف كويس فكرهم وثقافتهم ازاى وبيفكرو ازاى
عشان كده واثق كل الثقه فيهم ... بس


شكرا اختى العزيزه على الموضوع واتمنى اكون افدتكم ...

[Distortion]

و الله فكرة جميلة جدا و مهمة بس أنا متهيألى قريت الموضوع ده قبل كده بس مش مشكله أهو هيفيد الناس بردو

أنا مبحبش بصراحة أى حد عندى فى البيت يخش على النت
طبعا الناس هتقولى أيه التخلف ده و دى رجعية و شوية كلام أفرنجىى و بتاع
بس أنا هقولوكوا على حاجة جميلة جدا
مثلا منتدى زى الديفيدى منتدى محترم جداااا و كل اللى فى ناس زوق و المخالف بيتشطب علطول
و لكن كل شوية يجى بنى أدم سافل معدش رباه و يروح رازع كام صورة مليانين قلة أدب و حاط لنك لموقع صورة أباحية و فيديوهات و يفضل يعلن عن نفسه
طيب أنا أضمن منين أن اختى أو خطبتى أو بنتى مش هتشوف الكلام ده
و المفروض كلكم راع و كلكم مسئول عن رعيته فالواحد بيضطر يمنع البنات اللى تهمه من الدخول أو مش منع يعنى مبحبش أسيبهم يدخلوا على النت غير فى الحاجات الضرورية كمواقع لتعليم اللغة مثلا أبحاث ضرورية
بس مش بمنعهم بشكل غبى طبعا يعنى مش بقلهم مفيش نت و كده بس بتلكك و بحاول اكرهم فيه

و بالنسبة للجزء بتاع أتجوز فتاتة نت فده شئ عادى لأن تلات تربع البنات دلوقتى بيعدو على النت فلو كل واحد أتفلحس محدش هيجوز نهائى

و شكرا مرة تانية على الموضوع الجميل ده

[xmora]

مشكورة على الموضوع الجامد

[almaystro_totti]

بس اختصار شديد

فتاه الانترنت = فتاه جامعيه = فتاه تعمل

فكلاهما يتناقش مع الاخرون ويكتب للاخرون ويراسل الاخرون ويتحدث بحريه مع الاخرون وقدي يصل المطاف الي الضحك

فا اعتقد ان فتاه الانترنت ومن وجهه نظري الشخصيه هيه مش اكتر ولا ققل من مجرد فتاه عاديه مثلها مثل فتاه الجامعه او فتاه تعمل

الانترنت نفسو مش اكتر من مجرد وسيله

وطلاما موجود الثقه المتبادله بين الطرفين دي بتحل اي حاجه ممكن تكون حصلت او بتحصل او هتحصل

والموقف اللي انتي كتباه ده ملوش رد غير رد واحد ده شخص مكنش عندو ثقه من الاول اصلا في خطبتو والا مكنش لمجرد سبب زي ده كان عمل كده

[romanza]

انا مش عارفة ارد أقول ايه على الموضوع

بس انا مش شايفة فيها أي مشكلة

انا جوزي عارف اني بدخل على المنتدى وعارف كل حاجة بتكلم فيها فيه

وسواء اتكلمت في المنتدى أو في الشغل

طالما بفرض شخصيتي كفتاة محترمة دون خروج عن الآداب والأخلاق يبقى مافيش أي مشكلة

ايه الفرق ساعتها بين النت وبين الحياة العادية؟؟

[™ČoΜmÅnÐeŘ]

1- اخي ماهي نظرتك الى فتاة الانترنت ( كما يطلق عليها ) واقصد بها الفتاة التي تستخدم النت ؟

فتاة متطلعة الى ما يحدث حولها

2- هل يعني دخول الفتاة الى الانترنت والمنتديات خاصة ومخاطبة الجنس الاخر من خلال المواضيع والمشاركات انها فتاة سيئة ؟؟

بالعكس والا يكون الولد هو الخر سئ الخلق حينما يكلم احد الفتيات

3- بنظرك هل كل فتاة تستخدم النت لابد أن يكون لها صديق أو ... ؟

على حسب ما تريد لكن يجب ان تكون الصداقة فى مجال الاحترام

4- ترى ماهي بنظرك الحدود التي يجب أن تقف عندها الفتاة حتى لايسيء استخدامها للنت اخلاقها ؟

اذا بدات الفتاه بالقاء الفاظ متعارف عليها انها مسيئة بالاخلاق

5- ماهو الخط الاحمر الذي يجب ان تقف عنده الفتاة وتقول للانترنت ... وداعااااااااا ؟؟

الانترنت عالم مفتوح لا يجب لاحد ان يقول له وداعا سواء ولد ام بنت
الا فى حاله انقطاع التيار الكهربائى فقط

6- انت كشاب تستخدم النت وتكتب بمنتديات .. هل تسمح بمن تعولهم من زوجة او اخت او ابنة ان يستخدمو النت تحت اشرافك او بدون اشراف او تمنعهم ؟

انا على فكرة اخواتى مشتركين ع النت وبدون اشراف منى
لانى عارف انهم مش هيستخدمو النت فى ما يسئ لهم

وبجد وبكل امانة
الموضوع استحق المشاركة والرد
اتمنى لك التوفيق دائما

[eagle.eye27]

شوفوا يا جماعه انا عندى رأى ومشكلتى انى صريح وجرىء فى ردى قوى لكن ارجوكم ارجوكم افهمونى صح.....
انا ليا سؤال الاول للشباب... يا معشر الشباب انتوا عايزين تفهمونى ان من بداية استخدامكم للنت لحد دلوقتى ماحصلكمش فضول انكم عايزين تعرفوا ايه اللى موجود فى المواقع التانيه حتى مجرد التفكير بس ..اضمن بنسبه 99.999% ان كان فى فضول لكن طبعا التصرف بعد كده ده يفرق من واحد للتانى على حسب اخلاقه ...
لكن قصدى ما دام النت ملوش قيود يبقى عمرى ما اوافق ان زوجتى او اختى مثلا تكون قاعده عليه من غير اشرافى علشان احافظ عليها .....
كمان انا اؤيد ان البنت تبحث وتتطلع على النت كمعلومات لكن ارفض بصراحه المشاركه فى الموضوعات مهما كانت مهذبه ليه؟
لان بصراحه الردود والمشاركات لا تتم الا بالاطلاع على افكار وشخصيه الجنس الآخر وتضمنى منين ان ما يبقاش فى تفكير فى كلام حد مكتوب بعد الجواز....
لكن اكيد فى فايده طبعا ... احسن مثال للموضوع ده انا شايفه هوه الخمر فيه نفع وفيه ضرر لكن ضرره اكبر من نفعه....
اعذرونى انا دايما كلامى واضح وصريح جدا وبجيب من الآخر.... تقبلوا مرورى