يا جماعة محتاج إفادة ممن يقيم أو يعمل فى دولة الكويت( ضرورى جداً)

[cobraspower]

أنا شاب مصرى خريج كلية الحقوق جايلى عقد عمل فى الكويت فى مجموعة شركات فاضل أشكنانى أو فاست كنترول وحسب ما يقولون فهى مجموعة شركات منتشرة بدولة الكويت وصاحبة توكيلات كما أن لها عدة نشاطات أخرى.
محتاج إفادة هو فاضل أشكنانى ده راجل كويس ولا إيه يا جماعة وموجود فعلا ولا الحكاية نصب ولا إيه.
وقيمة العقد 140 دينار فى الشهر والسكن والأنتقالات عليهم ومدته 3 سنوات يبقى كده مجزى ولا إيه.
علماً بأنى سأدفع مبلغ كبير مقابل هذه الفرصة ولذلك أرجو تحرى الحقيقة.
بس ياريت الرد بسرعة يا جماعة علشان المفروض أرد بسرعة عليهم.
وشدوا حيلكم معايا لعل وعسى تكون فيها خير ليا.

[مصري كريم]

انا شايف المرتب اى كلام

بس لو شايف انك فرصك قليله في مصر سافر واهو احسن من مفيش

[sherif gamal]

ان رأى بصراحة المرتب مش وحش طالما السكن والانتقالات عليهم لانك بالكتير هتاكل ب 30 دينار بالكتير و هتحوش الباقى فلما حتى تحوش 100 دينار يعنى 2000 جنيه مصرى كل شهر عمرك ما هتعرف تحوشهم هنا لو عملت قرد فا توكل على الله وشوف مستقبلك خارج هذه البلد الفقيرة

و شكرا لقبول النصيحة

[red_shark]

بص يا باشا ..140 مع النتقالات والسكن كويس..بس لمده 3 سنين يبقى حرام..الا لو اتفقوا على زيادات كل سنه.اللي اهم من الفلوس ان هنا الغربه وحشه..يعني لو لقيت في مصر شغل تبني في مستقبلك احسن..وفي اي دوله عربيه بيتمنوا الخبرات..فربنا يوفقك هنا او في مصر...

[cobraspower]

والله يا جماعة أنا متشكر جداً على ردودكم وإهتمامكم بالموضوع
أولاً : أحب بس أضيف إن معروض مع العقد زيادة سنوية بمقدار 20 دينار على الراتب الأساسى.
كما إنهم يعرضون بالإضافة إلى الراتب حوالى من 20 إلى 30 دينار كحافز شهرى على المرتب الأساسى وهو 140 دينار.
إيه رأيكم أنا محتاج مشورتكم بشدة.
ثانياً :أنا محتاج أى معلومات عن صاحب العمل وهو فاضل أشكنانى وكذلك عن الشركات التى يملكها علشان أتأكد من صحة العقد لأنى زى ما قلتلكم أنا حدفع فلوس كتير مقابل العقد ده فمش عايز أكون ضحية عملية نصب.
ومتشكر جداً على إهتمامكم ومستنى ردودكم .

[mohamed-83]

والله يا جماعة أنا متشكر جداً على ردودكم وإهتمامكم بالموضوع
أولاً : أحب بس أضيف إن معروض مع العقد زيادة سنوية بمقدار 20 دينار على الراتب الأساسى.
كما إنهم يعرضون بالإضافة إلى الراتب حوالى من 20 إلى 30 دينار كحافز شهرى على المرتب الأساسى وهو 140 دينار.
إيه رأيكم أنا محتاج مشورتكم بشدة.
ثانياً :أنا محتاج أى معلومات عن صاحب العمل وهو فاضل أشكنانى وكذلك عن الشركات التى يملكها علشان أتأكد من صحة العقد لأنى زى ما قلتلكم أنا حدفع فلوس كتير مقابل العقد ده فمش عايز أكون ضحية عملية نصب.
ومتشكر جداً على إهتمامكم ومستنى ردودكم .


للعلم دية شركة عمالة يعنى بمعنى الخليج خدم وهى مش نصب ولا حاجة الشركة موجودة بالفعل بس طريقتهم فى التعامل مش حلوة وبالنسبة لموضوع 20 : 30 دينار كحافز شهرى مش حيحصل كل شهر وموضوع ان العقد 3 سنوات ودة علشان يقيدك لان ممنوع تنقل فى اى وظيفة تانية فى الخليج الا بعد موافقته هو
واتمنى اكون افادتك وعلى العموم صلى صلاة استخارة وحكم نفسك واللى فى الخير يقدمة ربنا
وياريت لو تقولى انت من اى محافظة ووصلت للشركة دية ازاى

[cobraspower]

إلى الأخوة الأفاضل أنا شاكر جداً على إهتمامكم ومتابعتكم للموضوع.
وبالنسبة للأخ mohamed-83 أحب بس أستفسر منك عن المقصود بأن طريقتهم فى التعامل مش حلوة.
وكمان أنا عرفت إنهم واخدين توكيل سامسونج وأجفا وعندهم شركات تانية ومنها مكتب العمالة هل الكلام ده صحيح.
وبعدين إيه طبيعة معاملتهم للموظفين حلوة ولا لا.
وخصوصاً إن الوظيفة موظف إستقبال وخدمة عملاء.
أرجو الأهتمام والرد.

[mohamed-83]

إلى الأخوة الأفاضل أنا شاكر جداً على إهتمامكم ومتابعتكم للموضوع.
وبالنسبة للأخ mohamed-83 أحب بس أستفسر منك عن المقصود بأن طريقتهم فى التعامل مش حلوة.
وكمان أنا عرفت إنهم واخدين توكيل سامسونج وأجفا وعندهم شركات تانية ومنها مكتب العمالة هل الكلام ده صحيح.
وبعدين إيه طبيعة معاملتهم للموظفين حلوة ولا لا.
وخصوصاً إن الوظيفة موظف إستقبال وخدمة عملاء.
أرجو الأهتمام والرد.

طبيعه معاملتهم للموظفين وحشة وللعلم كل الموظفين مصريين وبالنسبة لحكاية انهم واخدين توكيلات فمش مضبوط الكلام دة كل شغلهم فى العمالة ( الخدم )وكلها شركات عمالة ومجال شغل واحد وانا سايبلك رقمى فى رسالة خاصة لو حبيت اى استفسار
واتمنى ان اكون افادتكم ولا تنسانى بصالح الدعوات منك

[amrjordan]

مع احترامى لكل اللى ردو المرتب ضعيف جدا الناس اللى بتقول 140 دينار كويس علشان الانتقالات والسكن عليهم كل الكلام دة مش مظبوط انا ناس صحابى كتير اوووووووووى فى الكويت وبياخدو مش اقل من 400 دينار ومش مكفينو انا راى انك تطلع على 250 الاقل ادام انت معندكشى خبرة يبقى معقول وخالى بالك موضوع انك تدفع فلوس دى مش مطمنانى فاخلى بالك كويس اوى

[elpop211]

بص بما انك راضي بالعقد وبالـ 140 دينار
وعايز تتاكد من صحة العقد ما عليك الا انك تنزل السفارة الكويتيه وتسأل عن صحة هذا العقد وان اذا كان في فعلا شركة او مجموعة شركات بالاسم دا يعني تروح السفاره وتتاكد من صحة العقد هما هيتصرفو معاك
بس بجد حاول تتكلم في المرتب دا شوية يعني حاول ترفعو لـ 200 دينار دا لو مكتب اللي جايبلك العقد حاول تتكلم اكتر لو تقدر انا بقولك عشان بجد الحياه هناك اصبح الغلاء في كل حاجه حتى في الاكل والشرب واللبس وكل حاجه حتى البنزين غالي هناك
مع الفرق ان هناك احترام لآدمية البني آدم الى حد ما .... وبالتوفيق يا باشا وربنا يكملك على خير باذن الله