اخر قوانين الحكومه الاستنماء والكشف الطبي قبل الوزاج

[businessteam86]

قانون جديد يلزم المقبلين علي الزواج اجراء فحوصات طبية يدخل حيز النفاذ الجمعة 8/1/2008 12:01:35 Am

قانون جديد يلزم المقبلين علي الزواج اجراء فحوصات طبية يدخل حيز النفاذ الجمعة
صورة لشاب وفتاة مصريين

القاهرة- يدخل في مصر حيز التنفيذ الجمعة قانون جديد يلزم المقبلين على الزواج بالخضوع لفحوصات طبية شاملة كشرط لإتمام عقد القران.

وشهد المجتمع المصري على مدار الأيام القليلة الماضية حالة من الجدل حول تطبيق هذه الفحوصات صاحبتها هرولة من الشباب لإتمام إجراءات عقود قرانهم قبل الأول من أغسطس هربا من إجراء الفحوصات الطبية الإجبارية التي حددتها وزارة الصحة المصرية.

وتشمل هذه الفحوصات تحاليل للدم لكلا الزوجين وأشعة بالموجات فوق الصوتية على الرحم للزوجة وفحصا للسائل المنوي بالنسبة للزوج.

وقال مصدر بوزارة الصحة لصحيفة الشرق الاوسط أن حددت الوزارة إجراء هذه الفحوصات داخل المستشفيات الحكومية فقط لضمان نزاهتها، وحددت لها مقابلا ماديا يقدر بنحو 70 جنيها مصريا.

وأوضح المصدر، الذي طلب عدم تعريفه، أن الفحوصات تشمل تحاليل الإيدز والفيروسات الكبدية بأنواعها الثلاثة، والأمراض الوراثية مثل السكري، إضافة لفحص رحم الزوجة بأشعة الموجات فوق الصوتية وفحص السائل المنوي للزوج للوقوف على قدرة كل منهما على الإنجاب، مؤكدا أن الهدف من هذه المادة هو مصلحة الأسرة المصرية، عن طريق الحفاظ على الصحة العامة للمواطنين وإنجاب أطفال أسوياء.

ويواجه الشباب موقفا محرجا عند إجرائهم هذه الفحوصات، إذ يطلب منهم الحصول على عينة من السائل المنوي عن طريق الاستمناء، وهو ما رفضه معظم الشباب المقبل على الزواج.

ممدوح يوسف (25 عاما) يقول "قدمت موعد عقد قراني أسبوعا لعدم موافقتي على أسلوب الكشف الطبي، الذي أقره قانون الطفل الجديد، وترتب على هذا الأمر ارتباك شديد في كل استعدادات حفل الزفاف".

ويضيف "ذهبت إلى المستشفى بالفعل لإجراء الفحوصات الطبية اللازمة، فأعطتني الطبيبة كوبا وطلبت مني عينة من السائل المنوي إلا أني رفضت الخضوع لذلك الفحص، وقررت تبكير موعد عقد قراني حتى أهرب من هذا الفحص غير الإنساني".

ويتفق معه أحمد صادق (27 عاما) قائلا: "موعد زفافي كان مقررا في العاشر من أغسطس (آب) المقبل، ولكنني قررت تقديمه إلى اليوم الأخير من شهر يوليو (تموز) الحالي، لأني أرفض أسلوب الفحص الطبي".

الشيخ محمد عطية مأذون حي مدينة نصر قال "حالات الزواج تزايدت خلال الأسبوع الأخير من شهر يوليو، خاصة مع قرب موعد تطبيق الفحص الطبي الإجباري بموجب قانون الطفل»، مشيرا إلى أنه نظرا لضيق الوقت اتجه المقبلون على الزواج لعقد القران في المنازل بدلا من تأجير قاعات المساجد والمناسبات لهذا الأمر.

الشيخ مصطفى أبو السعود مسؤول حجز قاعات عقد القران بمشيخة الأزهر، احد الأماكن المفضلة للمصريين لعقد قرانهم، قال : وزارة العدل وزعت علينا منشورا بتاريخ 15 يونيو الماضي، حددت فيه الأول من أغسطس المقبل، موعدا لتطبيق البند القاضي بضرورة حصول الزوجين على شهادة صحية بخلوهما من الأمراض وقدرتهما على الإنجاب كشرط لإتمام عقد القران.

وأوضح أبو السعود أنه نتيجة الضغط الشديد من المقبلين على الزواج على المشيخة لإتمام عقد قرانهم، اضطرت إدارة المشيخة إلى تخفيض زمن حجز قاعات عقد القران من ساعة إلى نصف ساعة

من جانبها، أجازت الدكتورة سعاد صالح أستاذة الدراسات الإسلامية بجامعة الأزهر الاستمناء للحصول على عينة السائل المنوي من الشاب المقبل على الزواج، قائلة "ما دام الهدف منه هو المنفعة ودفع الضرر فلا مانع".

وقالت لـ«الشرق الأوسط»، هذا الأمر جائز لأنه لو اكتشف الزوج بعد الزواج أنه غير قادر على الإنجاب سيلجأ إلى هذا الفحص لتحديد العلاج فما المانع أن يجريه قبل الزواج.

وأضافت، الأصل في الإسلام هو الإباحة ما لم يرد نص على التحريم، وكل ما يحقق مقاصد الزواج من السكنة والاستقرار والمودة جائز شرعا.

واعتبرت صالح أنه "لا مانع من إضافة شرط جديد لشروط الزواج التي أقرها الإسلام مثل القبول والإيجاب والإشهار والولي بالنسبة للبكر".

وقالت "من حق ولي الأمر وهو الحاكم أن يسن قوانين تحقق منفعة أو تدفع مفسدة طالما لا يوجد نص قرآني يتعارض مع هذا النص".

وأضافت "الكشف الطبي قد يكون ضرورة في بعض الحالات، مثل زواج الأقارب، لما قد ينجم عنه من أطفال مشوهين أو يحملون إعاقات مختلفة"، مشيرة إلى أن أمير المؤمنين عمر بن الخطاب قال «اغتربوا كي لا تضووا (تضعفوا)".

وقالت "من باب أولى الاستجابة للاكتشافات الحديثة التي يمكن عن طريقها معرفة الجينات التي تنتقل من الأب والأم إلى الأطفال حتى يمكن علاجها مبكرا".

الدكتور حمدي السيد نقيب الأطباء المصريين ورئيس لجنة الصحة بمجلس الشعب المصري أعرب رفضه لجعل الكشف الطبي إجباريا على المقبلين على الزواج، وقال "عارضت هذه المادة من القانون بشدة عند مناقشتها في مجلس الشعب، لأني أؤمن بأنه لا يمكن إجبار أي شخص على إجراء تحاليل طبية بهذه الطريقة".

وأضاف "كنت أود أن يتم تعديل هذه المادة ليصبح الكشف الطبي اختياريا وبموافقة الزوجين، ولكن بهذه الطريقة سينفر الناس من هذه الخطوة".

[gaber5h]

الله ينور موضوع مفيد جداً

[romanza]

في الحقيقة سمعت الموضوع لكن مش عارفة حقيقي وللا لا

ولو حقيقي فدي حاجة كويسة مش وحشة مش المفروض الناس تهرب منها

هو احنا عايزين اللي يفيدنا وللا اللي يضرنا؟؟

وميرسي جدا لصاحب الموضوع على الإفادة

[ahmedashi]

انا موش فاهم ازاي الناس رافضه القانون ده انا شايف انه كويس جدا لحد انتي هانفضل متخلفين

موش احسن اعرف قبل ما اتجوز اني فيا حاجة ولا لا بدل ما اعمل فيها عنتر واطلع في الاخر عبلة
ولا يكون عندي مرض واعدي مراتي و بعد كده اولادي
الناس خايفة قال ايه شرفهم خليكوا بقه واقعيين وحضاريين مرة

وشكرا علي الموضوع المهم ده

[mahmod98]

اولا يا اخى مالهاش لزمة انك توصف الناس اللى رافضة القانون بالتخلف ده عيب جدا
ثانيا اغلبية المصريين رافضة الإجبار فى القانون وانا منهم مش معقولة كل دول متخلفين
ثالثا واضح جدا ان حضرتك مادخلتش مستشفيات الحكومة خااااااااااااالص

[ahmedashi]

اولا يا اخى مالهاش لزمة انك توصف الناس اللى رافضة القانون بالتخلف ده عيب جدا
ثانيا اغلبية المصريين رافضة الإجبار فى القانون وانا منهم مش معقولة كل دول متخلفين
ثالثا واضح جدا ان حضرتك مادخلتش مستشفيات الحكومة خااااااااااااالص

اعتذر اخي الكريم ولكن اللي انا باتكلم عاليهم دول انا منهم برده بس

شايف انه لازم يكون اجباري بس يقللوا الرسوم شوية

ولكن بالنسبة للتخلف فانا اقصد العادات و التقاليد اللي اهلي متمسكين بها قوي

[HETLAR 2]

الموضوع باين قوي هما عايزين 70 جنية

ياعني 1-8 قانون المرور و قانون الكشف الاجباري

تحس ان مصر تقدمت مرة واحدة في 1-8 مع ان الغرض جمع الاموال مش اكتر

[the.arch]

واضح يا جماعة إنكم لم تقرأوا الموضوع بعناية
دي كارثة
ليه باة
مش طبعا كأعتراض على فكرة الكشف الطبي
بالعكس دي فكرة هايلة
بس القانون بينص على التالي
أن الزواج لن يتم إلا إذا ثبت خلو الزوجين من الأمراض
يعني لو واحد عنده مشكله عمره ما هيتجوز
أنتم فاهمين الكارثة فين
((((الشيخ مصطفى أبو السعود مسؤول حجز قاعات عقد القران بمشيخة الأزهر، احد الأماكن المفضلة للمصريين لعقد قرانهم، قال : وزارة العدل وزعت علينا منشورا بتاريخ 15 يونيو الماضي، حددت فيه الأول من أغسطس المقبل، موعدا لتطبيق البند القاضي بضرورة حصول الزوجين على شهادة صحية بخلوهما من الأمراض وقدرتهما على الإنجاب كشرط لإتمام عقد القران.))))
عرفتوا باة فين المشكلة الحقيقة
يعني لو واحد أو واحدة عمل الكشف وإتضح إنه غير قادر على الإنجاب أو عنده السكر مثلا أو أي حاجة تانية لن يسمح له بالزواج حتى لو الطرف الثاني موافق إنه يرتبط بيه مع علمه بهذه المشكلة
الحكومة لن تسمح لهم بالزواج
تخيل كدة إتنين بيحبوا بعض جدا و بعد فترة خطوبة جميلة و رائعة و قبل الزواج بأيام إكتشفوا إنهم مش هيقدروا يتجوزا لأن في واحد منهم عنده سكر مثلا و لو حتى التاني موافق برده مش هيتجوزوا
تفتكروا باة إيه الحل
يتجوزوا عرفي مثلا ............
هل هو ده المطلوب .............
او في حل تاني الواحد يعمل كشف طبي قبل ما يصاحب
لكي الله يا مصر

[ahmedslim]

اه والله ربنا يلطف بينا من المسئولين الظلمة اللى ماسكين البلد دى بس باءذن الله ربنا هيوقعهم فى شر اعمالهم ممع ان سبحان الله الافترى بتاعهم بيزيد واحدة واحدة والفساد علنى من غير حرج

[attyah]

والله قانون جميل جدا وأنا معاه وأؤيده بشده
وأكيد كمان فى توضيحات بشأن مرض أحد الطرفين ماهو أكيد برضه اللى حط القانون ده عارف ان نص الشعب عنده الضغط والنص التانى عنده السكر ودى حاجة طبيعية
هو يقصد الأمراض اللى تمنع الزواج زى الأورام الخبيثة أوعدم قدرة أحد الزوجين على الأنجاب أو تشوه فى الحيوانات المنوية أو البويضات وده هايسبب فى صعوبة الأنجاب أو انجاب أطفال مشوهين وغيره كتير من الأمراض اللى الواحد بيكتشفها وهو قدام الأمر الواقع
واصح اصلا حتى من قبل مايكون القانون موجود ان الأتنين المتجوزين يعملوا كشف ويشوفوا اذا كانوا ينفعوا لبعض ولا لأ
عشان حياتهم ماتكنش جحيم بعد كده وممكن تؤدى فى الأخر الى الطلاق ومشاكل غيره كتير
بعدين مالحوار ده من زمان اصلا وكانوا بيعلنوا عنه فى الأعلانات بتاعة (اسئل إستشير) من 10 سنين تقريبا اشمعنى دلوقتى اللى رافضين يعنى؟؟؟؟؟؟؟
هو الواحد كده مابيحبش حد يفرض عليه أى حاجة حتى لو كانت لمصلحته وبيرفضها من غير أى تفكير فيها
وأى حاجة جديدة بتخوف الواحد ويفكر فيها بطريقة سلبية قبل مايعرف فوايدها
صدقونى ياجماعة دى حاجة هاتغير فينا كتير وهاتخلينا نتقدم كتير
احنا ممكن نقضى على أمراض كتير بالطريقة دى وكله بأمر الله طبعا
أتخيلوا كده كمان 50 سنة هانبقى عاملين أزاى؟؟؟؟؟؟؟؟؟؟؟؟؟
أكيد فى أمراض هاتكون قلت أو انعدمت وظهر جيل أقوى وأذكى وفيه صفات تانية كتير كويسة أحنا بنفتقدها

[starsong]

والله قانون جميل جدا وأنا معاه وأؤيده بشده
[FONT=Comic Sans MS]]هو يقصد الأمراض اللى تمنع الزواج زى الأورام الخبيثة أوعدم قدرة أحد الزوجين على الأنجاب COLOR]



لا حول و لا قوة الا بالله العلى العظيم

أيوه القانون فى ظاهره مصلحة المواطن زى ما حضرتك أتفضلت و وضحت

لكن القانون مضمونه مسمووووووووووم و مش هيوصلنا الا لمزيد من العلاقات

المحرمة !


حد يجاوبنى بالله عليكم من أمتى يعنى عدم القدرة على الانجاب بيعتبر مرض

أو شىء يستحيل معه أتمام الزواج ؟؟؟؟؟؟؟؟؟

يا ما فيه ناس متجوزة و مش بيخلفوا و حياتهم فى منتهى السعادة مش

جايز الأولاد لو جاءوا يكونوا سبب فى تعاستهم ؟ يا جماعة أحنا كدا

بنعترض على حكمة ربنا .. يقول تعالى

{ لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا إِنَّهُ عَلِيمٌ قَدِيرٌ} الشورى : 49 -50


و يا ما ناس مش بتخلف ، ربنا بس بيمتحنهم و بعد

كده و بدون تدخل الطب ربنا بيرزقهم بالأولاد !! ده حصل مع ناس كتير


لكن أننا نفرق بين اتنين بيحبوا بعض و كانوا مستعدين نفسيا للجواز

لمجرد أنهم مش هيخلفوا ده معناه حاجة واحدة بس : انتشار الجواز العرفى !

حد عنده أعتراض ؟ سبحان الله فى الحكومة اللى عاوزة تنشر الفاحشة فى

المجتمع .. طيب ما أنتوا أصلا بتشتكوا من زيادة النسل !!

يقول النبى ( ص ) لم أرى للمتحابين مثل النكاح


حسبى الله و نعم الوكيل

[hanyloveme]

لا اله الا الله
واحد مبيخلفش ربنا قدر لية انة ميخلفش او واحد ربنا قدر ليها انها متخلفش او واحد عندة سكر يتحرم من الجواز طول عمرة
حتى ان كان الطرف التانى موافق
طيب دة فى شرع مين
اة نسيت دة فى شرع مصر
لا حول ولا قوة الا بالله

[ezzmoka]

هو طول ما المرتزقة بيتكلموا فى الدين يبقى عليه العوض و منه العوض
حديث عن الرسول صلى الله عليه و سلم :
حدثنا عبد الله حدثني أبي ثنا يونس وسريج قالا ثنا فليح عن سعيد بن عبيد بن السباق عن أبي هريرة قال رسول الله صلى الله عليه و سلم : قبل الساعة سنون خداعة يكذب فيها الصادق ويصدق فيها الكاذب ويخون فيها الأمين ويؤتمن فيها الخائن وينطق فيها الرويبضة قيل : و ما الرويبضة ؟
قال : الرجل التافه يتكلم في أمر العامة " .

و الكلام على صحة المواطن و اطفال مشوهين ده على اساس اننا بقالنا 10 آلاف سنة صحتنا فى الأرض و بنجيب عيال مشوهين و متخلفين ؟
لو هم شايفين نفسهم متخلفين ده موضوع تانى
و من امتى بيكون الإجبار على حاجة علامة من علامات التقدم و الحضارة ؟
يعنى لو بناخد الغرب مثال على التقدم و الحضارة (و ده غلط) فمفيش و لا دولة اوروبية و لا امريكا بيجبروا الأزواج على اجراء كشف ما قبل الزواج
اللى عاوز يعمل و اللى مش عاوز ميعملش .. حرية شخصية

مش عارف لحد امتى الناس هتنفضل تنخدع بالعبارات البراقة و الإعلام السخيف بتاعنا و اللى و الحمد لله خربوها من كل حاجة و قعدوا على تلها و ربعوا و شربوا كابوتشينو كمان !
ده اسمه دس السم فى العسل .. و الحمد لله الشعب المصرى احسن شعب تلبسه فى الحيطة و يبقى مبسوط منك

بعد المقدمة الطويلة .. هطول اكتر :he: .. غلاسة بقى
وقال مصدر بوزارة الصحة لصحيفة الشرق الاوسط أن حددت الوزارة إجراء هذه الفحوصات داخل المستشفيات الحكومية فقط لضمان نزاهتها، وحددت لها مقابلا ماديا يقدر بنحو 70 جنيها مصريا.
ده على اساس الإمكانيات الضخمة و الأجهزة الحديثة اللى مالية المستشفيات الحكومية ؟
و للا ده تبع قانون الضرايب مصلحتك اولا ؟

وأوضح المصدر، الذي طلب عدم تعريفه، أن الفحوصات تشمل تحاليل الإيدز والفيروسات الكبدية بأنواعها الثلاثة، والأمراض الوراثية مثل السكري، إضافة لفحص رحم الزوجة بأشعة الموجات فوق الصوتية وفحص السائل المنوي للزوج للوقوف على قدرة كل منهما على الإنجاب، مؤكدا أن الهدف من هذه المادة هو مصلحة الأسرة المصرية، عن طريق الحفاظ على الصحة العامة للمواطنين وإنجاب أطفال أسوياء.

العنت (القدرة على الإنجاب) ليس مش شروط عقد الزواج فى الشريعة الأسلامية
اما فى الشريعة بتاعتهم بقى شرط و اساس فى عقد الزواج
و تحليل الأمراض ده على اساس ان الإيدز و الفيروسات الكبدية و السكر (عافانا الله جميعا) امراض خفية و مش هتبان غير فى التحليل العبقرى بتاع المستشفيات الحكومية ؟
ده اللى بيجيله ايدز كام شهر بيكوع و يروحوا يدفنوه و الفيروسات الكبدية بيرقد فى السرير و مش بيقوم و السكر هيترمى على الأرض مع اى ارتفاع او انخفاض فى مستوى السكر فى الدم .. بس لازم التحليل يا سيد مش يمكن بتستهبل !
و اساسا يعنى ايه واحد رافض انه يستمنى تجبره على الإستمناء عشان عاوز يتجوز و يحصن نفسه ؟
مهو لو كان عاوز يستمنى مكانش فكر يتجوز اصلا !
و العلامة الفاضلة العبقرية سعاد صالح تقولك مهو الزوج اللى مش بيخلف بيعملها بعد الزواج طب ميعملها قبل الزواج !
مش عارف الحاجة دى درست شريعة فين !
ده فرضا ان الزوجين مبيخلفوش مش ضرورى ان حد فيهم يعمل تحليل .. لأن زى ما قلنا قبل كده العنت مش من شروط صحة الزواج .. القدرة على النكاح هى اللى من شروط عقد الزواج و متهيألى (متهيألى يعنى :thumbdown:) ان كل واحد عارف قدرته ايه بالظبط و مش محتاج تحليل عشان يعرف هو ايه نظامه
و اذا كان واحد مريض و لا يقدر على النكاح و خدع الزوجة و مقالهاش قبل الزواج من حقها تطلب الطلاق فى المحكمة و هتاخد حكم الطلاق و هو واقفة !
الشيخ محمد عطية مأذون حي مدينة نصر قال "حالات الزواج تزايدت خلال الأسبوع الأخير من شهر يوليو، خاصة مع قرب موعد تطبيق الفحص الطبي الإجباري بموجب قانون الطفل»، مشيرا إلى أنه نظرا لضيق الوقت اتجه المقبلون على الزواج لعقد القران في المنازل بدلا من تأجير قاعات المساجد والمناسبات لهذا الأمر.
خد بالك اوى من الجملة دى
وزارة العدل وزعت علينا منشورا بتاريخ 15 يونيو الماضي، حددت فيه الأول من أغسطس المقبل، موعدا لتطبيق البند القاضي بضرورة حصول الزوجين على شهادة صحية بخلوهما من الأمراض وقدرتهما على الإنجاب كشرط لإتمام عقد القران.
واحد من كبار شيوخ الأزهر اتوزع عليه منشور بيجبره على عدم عقد قران زوجين غير بالكشف الطبى العبقرى !
ده على اساس ان مؤسسة الأزهر دى بتبيع بطيخ و ملهاش دخل فى التشريعات اللى بتحطها الدولة !
علاقتهم بالموضوع منشور اتوزع عليهم !
ماشى يا بنى ادمين
من جانبها، أجازت الدكتورة سعاد صالح أستاذة الدراسات الإسلامية بجامعة الأزهر الاستمناء للحصول على عينة السائل المنوي من الشاب المقبل على الزواج، قائلة "ما دام الهدف منه هو المنفعة ودفع الضرر فلا مانع".

وقالت لـ«الشرق الأوسط»، هذا الأمر جائز لأنه لو اكتشف الزوج بعد الزواج أنه غير قادر على الإنجاب سيلجأ إلى هذا الفحص لتحديد العلاج فما المانع أن يجريه قبل الزواج.

وأضافت، الأصل في الإسلام هو الإباحة ما لم يرد نص على التحريم، وكل ما يحقق مقاصد الزواج من السكنة والاستقرار والمودة جائز شرعا.

واعتبرت صالح أنه "لا مانع من إضافة شرط جديد لشروط الزواج التي أقرها الإسلام مثل القبول والإيجاب والإشهار والولي بالنسبة للبكر".

وقالت "من حق ولي الأمر وهو الحاكم أن يسن قوانين تحقق منفعة أو تدفع مفسدة طالما لا يوجد نص قرآني يتعارض مع هذا النص".

وأضافت "الكشف الطبي قد يكون ضرورة في بعض الحالات، مثل زواج الأقارب، لما قد ينجم عنه من أطفال مشوهين أو يحملون إعاقات مختلفة"، مشيرة إلى أن أمير المؤمنين عمر بن الخطاب قال «اغتربوا كي لا تضووا (تضعفوا)".

وقالت "من باب أولى الاستجابة للاكتشافات الحديثة التي يمكن عن طريقها معرفة الجينات التي تنتقل من الأب والأم إلى الأطفال حتى يمكن علاجها مبكرا".
لا حول و لا قوة إلا بالله !
انا فى كلام كتير عاوز اقوله بس مش هينفع !
و ده برضو على اساس اننا بقالنا 10 آلاف سنة الأقارب بيجيبوا عيال متخلفين !
ده تلات تربع جوازات مصر اقارب اصلا و خصوصا فى الأرياف و الصعيد
و العيال كلهم زى الفل و لو دخلوا فى الحيطة هيعدوا من الناحية التانية و صحتهم احسن الف مرة من اطفال المدن اللى مش من اب و ام اقارب و اللى المفروض انهم هم اللى جامدين
يا حاجة سعاد .. بالله عليكى ارحمينا من كلامك العجيب ده
اكتشافات حديثة ايه و بتنجان ايه !
على فكرة بس عشان محدش فكره يروح لبعيد انا مهندس اتصالات و مهندسى الإتصالات هم اكتر ناس ليهم فى الإكتشافات الحديثة لأننا اللى بنعمل الأجهزة بتاعت الإكتشافات الحديثة
و بكل بساطة اقدر اقولكوا الموضوع كله هلس
الجهاز ده صممه بنى ادم و البرنامج اللى شغال على الجهاز ده برضو صممه بن ادم !
هنقارن البتوعين دول بقدرة الله ؟!
كفاية عليكى كده يا حاجة
الدكتور حمدي السيد نقيب الأطباء المصريين ورئيس لجنة الصحة بمجلس الشعب المصري أعرب رفضه لجعل الكشف الطبي إجباريا على المقبلين على الزواج، وقال "عارضت هذه المادة من القانون بشدة عند مناقشتها في مجلس الشعب، لأني أؤمن بأنه لا يمكن إجبار أي شخص على إجراء تحاليل طبية بهذه الطريقة".

وأضاف "كنت أود أن يتم تعديل هذه المادة ليصبح الكشف الطبي اختياريا وبموافقة الزوجين، ولكن بهذه الطريقة سينفر الناس من هذه الخطوة".
الحمد لله لسه فى ناس عندها عقل
و لما نقيب الأطباء معارض أومال مين اللى وافق ؟؟؟؟؟؟؟؟؟!!!!!!!!!!!!!!!!!!

كل عام و انتوا بالصحة و السلامة .. او بعد القانون ده نقول الصحة بس !

[EmPeRoR20]

نرحب بكل ما يفيدنا

[kingt23]

اتفق كل الاتفاق مع الاخ الكريم ezzmoka وبكره تشفو بلاوى الموضوع ده
الرشاوى اللى هتطلع عشان الحصول على نتائج ايجابيه فى الكشف
ده غير انتشار الزواج العرفى
ده غير اضرار الاستمناء حتى ولو كان مره واحده فبعد كده هتتوالى المرات على الزوج عندما يوجد ما يمنعه من زوجته
ده زائد الكوسه ومااكثرها فى مصر يعنى حد يتخيل مثلا ابن الوزير الفلانى او الباشا كذا هيعمل الفحوصات ديه
الموضوع من الاخر لم فلوس لو كانت الحكومه خايفه على الشعب وصحته كانت وجهت اللى تسبب فى كارثة المبيدات اللى
جابت للناس سرطان
وبكره الضرايب تطلع على الطلاق كمان
عمار يمصر.........

[دريم احمد]

على فكره انا شايف ان الفكره كويسه جدا
وهتوفر علينا مشاكل كتيير ممكن تحصل
بعد الزواج ........رغم ان ممكن يكون هدفهم مش ده
باين ان الهدف ال70 جننيه يالا زكاه منا
وشكرا ياباشا على الموضوع

[dida141]

اعتقد ان مصاريف الكشف اكتر من كده بكتيييييييييييييييير

[lolobest_lolo]

لا طبعا قانون بتنجان انا من اول الناس اللى هترفضه

[محيي الباز]

وقررت تبكير موعد عقد قراني حتى أهرب من هذا الفحص غير الإنساني

غير أنساني !!!
إزاي غير أنساني يعني ..
أولا هوه الأسلوب ده المفروض أنه يتعمل أصلا حفاظا على سلامه الطفل المولود مستقبلا
لأ الأيام دي في أمراض بلاوي
الأمراض دي بتسبب تشوه للجنين و العيذ بالله من ذلك
و أكيد هيه السراطنات و الأيدز و الكلام ده كله
فلازم يكون في فحص علشان نحد من أنتشر المرض و نرحم طفل من أن هوه يولد مشوه
أو به عاهات
و دي رحمه و أنسانيه

لكن لأسلوب الفحص غير الأنساني
و خصوصا الحكومي
فده انا عن نفسي مش أرضى أعمله
و لو هدني كده من غير جواز...

لإن غير أنسانس دي معناها أن همه بيستخدمو أدوات غير معقمه في الفص
و الكلام اللي من هذا القبل . لكن انا أعتقد في نفس ذات الوقت أن العمليه دي مشيه تمام
لكن انا عن نفسي لا أقبلها . آل فحص آل

[Mona_a_d]

هو القانون في حد ذاته مش سيء
فيه نقاط كويسة جدا خصوصا نقطة تحاليل الدم الخاصة بالايدز و الالتهاب الكبدي ( الناس الصغيرة منكم مظنش عارفين الحكاية الشهيرة اللي حصلت سنة 93 لواحد رجع من الخارج بعد ما صاع و طلع مريض بالايدز راح اتجوز و مراته حملت كمان ) و كان ممكن موقف زي ده يتم تفاديه لو في تحاليل ما قبل الزواج.
لكن
المستشفيات الحكومية .. آية في القذارة يعني حرام يبقى يتعمل فيها اي تحاليل..دي تجيب المرض اصلا بكل ادواتها اللي متعرفش معنى كلمة تعقيم.
. غير ان كده هيتفتح باب جديد للرشوة في البلد دي.
ثانيا الرسوم المطلوبة مش كل طبقات الشعب تقدر عليها .
ثالثا نقطة الكشف على الرحم و الـ.... دي محرجة قوي و يا ريت بلاش منها احسن .

بأختصار القانون فيه كام نقطة كده مينفعوش معانا هنا في مصر اطلاقا