موضوع خاص بالسيارات الصينى فقط تفضل شارك معنا

[طوفة]

احبائى الكرام وجدت ان لازم من موضوع مثل ده انا قمت بتأسيس الموضوع ياريت الكل يشارك باى معلومات او صور خاصة بالسيارات الصينى الجديدة من حيث المميزات والعيوب ولية انتشرت فى مصر بسرعة رهيبة واخر الاسعار كل من لدية معلومة يضعها هنا حتى نسهل عن الناس كل شى بالقسم

[msa1512]

السلام عليكم يا باشا أنا بهنيك على الموضوع الجميل ده وثانيآ بالنسبه للزباله الصيني قصدي السياره كلها عربيات زباله أنا كان معايا واحده وبصراحه عربيات معفنه جدآ ومنسحش حد يشتريها والله وبالنسبه لأنتشارها علشان العربيه فيها أوبشن بالهبل يعني تكييف وباور وسنتر ومفتاح ريموت وكده يعني والمصريين بيحبوا الحاجات دي لكننا نسينا حاجات تانيه كتير زي معامل الأمان والثبات وقطع الغيار

[طوفة]

شكرا لك اخى الكريم على توضيح بعض الامور واكيد عن تجربة بس ياريت بكل صدق توضح شوية عن العيوب بالتفصيل ولية نسبة المبيعات فى المستعمل عالية جدا فى الصينى بمعنى كل ما اذهب الى سوق المستعمل اجد الصينى بكثرة وهل السيارة لها ضمان او صيانة ياريت نوضح الامور دية كلها ومن حيث الماتور كم سعتة

[msenosy]

اللى بيقول العربيات الصينى كويسه يشوف الفيديو ده الاول وبعدين يعيد نظر
اسيبكو مع الفيديو
دى عربيه صينى 4*4 (يعنى المفروض انها جامده)
http://www.youtube.com/watch?v=DZWy_fASSiQ
ودى شيرى
http://www.youtube.com/watch?v=5kQGAK550LE
ودى حته جيلى من اللى بتسيح فى الحر
http://www.youtube.com/watch?v=8vAN2cx2UIE
طيب قارن بالعربيات المحترمه كده
http://www.youtube.com/watch?v=FXm_-5RgFm4
طيب شوف السمارت كده
http://www.youtube.com/watch?v=nnVNUvixWUQ
حته لكزس ياجماعه
http://www.youtube.com/watch?v=KxGr38YSIn4

كفايه كده واللى عايز يدور يخش على you tube ويكتب crash test
وعموما اللى يشترى صينى بعد كده ذنبه على جنبه عالاقل يخاف على ولاده لو مش خايف على نفسه
وربنا يسلمكم من كل شر ويحفظكم من الحوادث

[طوفة]

شكرا لك على توضيح بالفديو والاختبارات على الصينى معنى كدة انها مصنوعة من ورق اقصد خامات خفيفة جدا شكرا لكم الموضوع انا عملتة مخصوص للتوضيح للناس لان وجدت السيارة بتنتشر بسرعة رهيبة بمصر مثل الموتسيكلات الصينى

[mohand88]

فعلا ياجماعة عن تجربة العربيات دى مش بتسحمل ابدا وفعلا مش كل حاجة الاوبشن والكمليات المهم قوة العربية نفسها وفعلا فى العربيات بالذات الماركة ليها معنى وشكرا

[طوفة]

شكرا لكم جميعا وياريت الكل يشارك

[amgad nader]

والله هو الموضوع جامد بس انا للاسف معنديش اى خبرة فيه
بس للاسف الموضوع مش فى مكانة الصح لان دة منتدى للبيـــــــــــــع والشـــــــــــــراء
وفى منتدى اخر خاص بالسيارات وهو مناسب جدا للمواضيع دى وانا عن نفسى بحط كل استفساراتى فيههنا (http://dvd4arab.com/forumdisplay.php?f=788)

[doctora pusy]

ياجماعة اتقوا الله و ياريت اللى يتكلم عن عربية يكون جربها و انا مثلا عندى عربية اسبيرانزا 516 و حصل تصادم جامد بينها و بين عربية فيرنا فى طريق مصر اسكندرية الصحراوى و صعقت لما نزلت شوفت المنظر الفيرنا اتعجنت بمعنى كلمة اتعجنت والاسبيرانزا الاسد محصلهاش حاجة تقريبا و ياستاذنا المشرف كلامك على عيننا و راسنا و لكن ياريت اى يحد يكون مسئول يراعى جدا الكلام بتاعه لانه ممكن يؤثر على افكار ناس كتيرة

[alaa alamein]

ياجماعة الحقيقة الموضوع جامد جدا فعلا
وانا عن تجربة ولكن الحمد لله بدون حوادث
اكد ان الاسبرانزا بها عيوب كثيرة واهمها العفشة وعلبة الدركسيون فاشلة جدا
لكن حتى لايكون هناك ظلم فليست السيارات الصينى فقط اللى دعيفة او بها عيوب سواء عوامل الامان او العيوب الاخرى
فالاخ اللى قال انى الافيرنا حصل فيها كذا وكذا
اظن برضة وعن تجربة بعض اصدقائى ان الفرنا ضعيفة
وبالامانة ياجماعة انا باخد عربية الشركة فى السفر وهيا اسبرانزا 1600 العربية بها عيوب تظهر كثيرا عند عودتى للقاهرة واركب عربيتى اوبل كورسا

[elkhouli]

ياجماعة الموضوع مش محتاج كلام كثير اللعبة مش في الصين لكن في الوكلاء الجشعين

الصين معروفة بأنها تنتج بمستويات مختلفة وحسب طلب الزبون في عربيات كلاس 1 وفي 2 وفي 3 وفي كسر

وطبعا الوكيل المصري عارف ان الكماليات والرفاهيات مع السعر أكثر حاجة تجر رجل الزبون بغض النظر عن عناصر ألأمان في السيارة اللي طبعا الزبون مش هيأخد بالة منها الا بعد مايدبس
وللأسف في اي دولة في العالم المتحضر في مواصفات قياسية لأي منتج يجب الا تقل مواصفات اي سيارة عنها بالأضافة الى عدم الموافقة على أستيراد اي سيارة دون ان تكون حاصلة على شهادات دولية بمعدلات أمان عالية

لكن من جهه أخرى في عربيات صيني محترمة وتنافس بشكل كبير اي عربية تانية من نفس فئتها زي البريليانس أو حتى الجالينا
او تعالى قارن السبرانز 1600 ب 2000 سي سي من حيث التفنيش والعيوب هتلاقي فرق كبير جدا

أخر حاجة في شركات عالمية زي فيات مثلا بتجمع عربياتها دلوقتي في الصين وأكيد في شركات تانية كثير لرخص الأيدي العاملة هناك وبس طبعا مش هيأثر بأي حال على جودة السيارة - لأن الماركة اللي عليها ليها مواصفات لا يمكن تنزل عنها

وزي مافي صور وأفلام معروضة لسيارات صيني معاملات الأمان فيها منعدمة في سيارات أخرى ذات معاملات أمان عالية (كل حسب طلب الزبون)


اتمنى أن تكون وجهة نظري وضحت للجميع

وشكرا على الموضوع المميز

[طوفة]

شكرا لكم جميعا وعلى توضيح الامور وده انسب مكان للموضوع وانا مش متحيز مع احد الموضوع مفتوح للجميع وانا مش صاحب مصلحة فى شى المهم الناس تعرف كل شى يحدث فقط

[yasseromrandodo]

بسم الله الرحمن الرحيم

تسلم اخى على هذا الموضوع الهام جدا و انا عن نفسى فكرت احصل على عربية جديدة لرخص سعرها مقارنة باسعار السيارات الاخرى و لم انتبه لامور اكثر اهمية مثل الامان و المتانه و الكفاءه فى الاداء


لكم منى الف تحيه
:14:


http://www.montdyatna.org/getimg.php?image=6635

[hero2010_net]

شكرا على الموضوع
بس بيتهيقلى ان الموضوع كان عاوز تنسيق شويتين (( من كاتب الموضوع ))

والسبب الى انتشرت بيه السيارات الصينى من نظرى -- سعرها المنخفض مقارنة باى سيارة موجوده على الساحه

[gharib_kh]

Thaaaaaaaaaaaaaaaaaaaaaaaaaaaaaaaaaanks