المساعد الشخصي الرقمي

مشاهدة النسخة كاملة : سؤال عن التلقيح فى الجوبى

hero2004_5
25-10-2005, 11:06 PM
كنت عايز اعرف طريقه التلقيح فى الجوبى و السمك الولاد عموما
ninja911
26-10-2005, 12:34 AM
بداية ياباشا دى صور للإناث الجوبى

http://www.aqualandpetsplus.com/Livebe2.jpg

ودى صور لذكور الجوبى

http://www.aqualandpetsplus.com/Livebe1.jpg


والفرق الواضح جداً بين الذكر والأنثى غير اللون والذيل و الزعانف الكبيرة هو الأنبوب أسفل الجسم

يعنى ده ذكر

http://www.aqualandpetsplus.com/Livebe6.jpg

ودى نتاية (مفيش أنبوب)

http://www.aqualandpetsplus.com/Livebe31.jpg

اللى بيحصل إن التلقيح فى السمك الولاد داخلى (بعكس السمك البياض)

بمعنى إن الذكر بيبدأ يجرى ورا الأنثى فى الحوض ويتم التلقيح بالأنبوب دخل الأنثى

الذكر الأسود

http://www.aqualandpetsplus.com/Livebe10.jpg

ثم تحمل الأنثى لمدة 3- 4 أسابيع ثم تنزوى فى مكان هادىء فى الحوض لتلد

http://www.aqualandpetsplus.com/Livebe70.jpg

ثم تلد فى البطن الواحدة من 20 - 40 ولدة فى البطن الواحدة وممكن تولد بعد كده عدة مرات بدون تلقيح

وده شكل الأجنة من بطن الأنثى

http://www.aqualandpetsplus.com/Livebe12.jpg

وده ينطبق على كل السمك الولاد :bye10000:
hero2004_5
30-10-2005, 05:21 AM
نا اسف جدا جدا على التاخير فى الرد لان حدث عندى ظروف طارئه و ما كنتش بشوف الكمبيوتر اصلا ودى اول مره ادخل ع النت من يوم ما كتبتلك السؤال

وبجد بجد انا مش عارف اشكرك ازاى لان كلمات الشكر مش كفايه على المجهود العظيم ده
وزى كل مره انت دايما تتفوق على نفسك
مليون شكر و اتمنى من الله ان يجازيك خيرا عن مجهودك الكبير ده


بس انا عندى الجوبى لما بيولد بتكون الولدات من 7 ل12 كاقصى حد مش عارف ليه ؟؟؟؟؟؟؟؟؟؟
ninja911
30-10-2005, 07:16 AM
إلعفوا ياباشا وإحنا فى الخدمة دايماً

بالنسبة لقلة عدد الولدة فده بسبب قلة التغذية أو صغر الحجم وغير كده ممكن تكون بتولد كتير وبتاكل من الولدة وهى بتولد (وده بيحصل كتير)
wardaya128
30-10-2005, 08:42 AM
اسمحولي اتدخل بس واستفسر عدة استفسارات...

انا لاحظت في الصوره اللي فوق...وجود زي ماسوره في الحوض...هل ده عشان الجوبي تولد جواه ولا ايه؟؟..مش عارفه ايه الي خلاني اتوقع كده بس سؤال مش اكتر
وماحدش يتريق يعني :blush-an:

المهم انا كانت عندي سمكايه جوبي وحطيتها في حضانه لما لاحظت انها انتفخت اوي...
الحضانه دي بلاستيك وبتتحط في الحوض نفسه...
المهم خلفت بتاع 11 سمكايه صغنتتين..
كل يوم الاقيهم يقلوا... :crazy000:
يقللوا :crazy000:

يقللوا :crazy000:

وانا مش عارفه ايه سبب
ومش بلاقي اي اثار لأي جريمه
ولا بلاقي حتى الجثه

فاستغربت اوي... :dunno000:
وفمره كنت قاعده براقب الحوض كالعاده...وبتامل في كل سمكايه... :fish0000:
فجأه......لاقيت حاجه صغيوره ماشيه في المايه :crazy000:
ايه ده؟؟؟طلعت برا الحضانه ازاي دي..................................!!!
وباأت كل محاولات لأخراج المتهوره من الحوض....وعلى ما طلعت السمك الكبير كله...كانت في خبر كان..
:sadwalk0:

وكانوا ساعتها بقوا 5
:sadwalk0: :sadwalk0:
قمت مطلعاهم من الحضانه اللي في الحوض...وحطتهم في حوض صغير اوي على قدهم
وتوالت الحوادث...وماتت واحده..
ومن كام يوم ماتت واحده..بطريقه غريبه..لاقيتها في قعر الحوض...وبطنها فيها نقطه كبيره لونها احمر..
ما علينا...
بس انا كان عندي سمكه جوبي منفوخه اوي بطنها....وكنت حطاها في حضانه وكانت خلاص...على وشك الولاده...مافيش ساعتين ماتت...

دلوقتي اسئلتي بالتحديد...
هل ممكن ان السمكه الجوبي تولد في الحوض عادي من غير حضانه بس يبقى في حاجه يستخبى فيها الاطفال؟؟ولا مابينفعش والسمك بيوصلهم؟؟
هل ممكن الاطفال يخرجوا برا الحضانه بطريقة ما؟؟يعني عندهم القدره على القفز؟؟
ولا بيخروجوا من الفتحات اللي بتسمح بدخول الماء...؟؟مع صغر الفتحات دي....؟؟
وهل ممكن السمكه ماتعرفش تولد يعني ولادتها تبقى متعسره وتموت؟؟وازاي ممكن اساعدها لو حسيت انها مش عارفه تولد؟؟

والاطفال اللي عندي دلوقتي بقوا 3 :sadwalk0: بس عندهم 6 شهور...وصغيرين اوي...يعني بالعافيه بيتشافوا..عشان في واحده فيهم لونت وطلعلها زعانف...هل ممكن يكلو دود؟؟وحطهولهم ازاي ده؟؟
ولو مالقيتش دود متوفر ياكلوا القشر العادي وخلاص؟؟طيب ماهم بياكلوه ومش مأثر عليهم في حاجه...:(
ممممممممممم
هي اسئلتي ملهاش علاقه بالموضوع؟؟؟
انقلهم موضوع تاني ولا ايه؟؟ :blushing::blushing: :blushing:
ninja911
30-10-2005, 11:12 AM
ياريت تبقى فى موضوع جديد عن ولدة السمك الجوبى يا ورداية وأنا هارد فوراً