الحب قدر ام قرار؟؟!

[MOON___LIGHT]

شعور كبير ومعناه اكبر،،

قصص تجهدك فيها البدايات وتجهل النهايات إلا بالأمنيات ،،

:heart: هو الحــــب :heart:


ذلك الشعور بوجود جزء من القلب في جسد اخر،،

وتتمات القلوب بوجوه مختلفة،،

هو الشعور الذي لطالما راود النفس وألهمها حب الحياة وحب ذاتها،،

واعطاها اليقين بأن لا حياة لإنسان إلا به ،،

وكم اختلفنا معًا في تفسيرات الحب،، دوافعه،، مقاصده،،

وكل ما حوى بذراته من معان وارتباطات،،



فهل يكون الحب في نظرتنا قدرا يكتب لنا وعلينا..؟؟

ام يكون قرارا نتخذه ونخلق وجوده بداخلنا.. ؟؟



للامانة الموضوع منقول..

[MOON___LIGHT]

http://up3.m5zn.com/get-7-2008-0as433mzun8.jpg


الحب يقضى على اكبر الالام لانه اعظمها...هكذا قال الحكماء

[engmst]

سلام عليكم

بجد انا سعيييييييييييد جدا اني اكون اول واحد ارد ع الموضوع الجميل ده متهيالي متفتحش هنا قبل كده في المنتدي (يا حصرياتك يا هولندا)
ع العموم انا هاوضحلك وجهة نظري في الموضوع ده بس ياريت تفهميني
انا عندي الحب لما اجي اقول مثلا انا حبيت فلانة مش معني كده ان انا الفاعل (معلش ارجعي معايا شوية لايام المدرسو في العربي وخصوصا النحو ) فاكره الفاعل والمفعول كانت "الابلة " بتقولنا ان الفاعل من قام بالفعل والمفعول به من وقع عليه الفعل
انا بقا راي ان انا لما احب فلانة مش معني كده ان انا الفاعل لا طبعا غلط معني كده ان انا المفعول به انا مش شفتها في الشارع رحت مروح جري البيت ودورت ع زرار الحب ودست عليه فحبتها لا طبعا انا حبتها غصب عني مش بمزاجي عشان كده انا مفعول به
عشان كده اقدر اقولك وبكل ثقة واقتناع ان الحب قدر وليس قرار

انا اسف اني طولت عليكي بس انا كنت عايز اوضحلك وجهة نظري بالظبط واشكرك مرة تانية ع الموضوه الحصري ده وان شاء الله يكون من احسن مواضيع المنتدي كله وهتلاقي ردود كتير (بس انا اولهم برده :flex: )

ســـــــــــــــلام

[MaX-love]

لا طبعا هو قدر وليس قرار

[NoNo_BaStOtA]

الحب هو قدر ليس بيد اى انسان اختيار من يحبة ياتى فجاة دون تفكير او اتخاذ قرار

[MOON___LIGHT]

سلام عليكم

بجد انا سعيييييييييييد جدا اني اكون اول واحد ارد ع الموضوع الجميل ده متهيالي متفتحش هنا قبل كده في المنتدي (يا حصرياتك يا هولندا)
ع العموم انا هاوضحلك وجهة نظري في الموضوع ده بس ياريت تفهميني
انا عندي الحب لما اجي اقول مثلا انا حبيت فلانة مش معني كده ان انا الفاعل (معلش ارجعي معايا شوية لايام المدرسو في العربي وخصوصا النحو ) فاكره الفاعل والمفعول كانت "الابلة " بتقولنا ان الفاعل من قام بالفعل والمفعول به من وقع عليه الفعل
انا بقا راي ان انا لما احب فلانة مش معني كده ان انا الفاعل لا طبعا غلط معني كده ان انا المفعول به انا مش شفتها في الشارع رحت مروح جري البيت ودورت ع زرار الحب ودست عليه فحبتها لا طبعا انا حبتها غصب عني مش بمزاجي عشان كده انا مفعول به
عشان كده اقدر اقولك وبكل ثقة واقتناع ان الحب قدر وليس قرار

انا اسف اني طولت عليكي بس انا كنت عايز اوضحلك وجهة نظري بالظبط واشكرك مرة تانية ع الموضوه الحصري ده وان شاء الله يكون من احسن مواضيع المنتدي كله وهتلاقي ردود كتير (بس انا اولهم برده :flex: )

ســـــــــــــــلام



انا اللى مبسوطة انك تكون اول من رد على موضوعى ,

بس رأى الشخصى ان الحب للحب فهو قدر ليس للانسان دخل فيه وساعتها الواحد يبقى المفعول به زى مقولت,

لكن الحب اللى له هدف نبيل يتوجه فلابد ان يدخل فيه القرار عشان ساعتها لابد من التوافق بين الطرفين من جميع جهاته

واخرا يبقى الحب فى اساسه قدرا...

[MOON___LIGHT]

لا طبعا هو قدر وليس قرار



الحب هو قدر ليس بيد اى انسان اختيار من يحبة ياتى فجاة دون تفكير او اتخاذ قرار


اشكركم على ردودكم الجميلة ونورتونى

[starsong]

الحب قدر

الأرتباط بمن تحب قرار

ربنا يستر

[engmst]

سلام عليكم
ياريت يا موون توضحيلي وجهة نظرك اكتر عشان بصراحة مش فاهمها انت عارفة بقا التعليم المجاني والبلاوي اللي بتحصل فيه ؟؟
ســــــلام

[rwan99]

اشكرك على الموضوع الجميييييييييييييييييل دة
انا من راى ان الحب دة قدر وليس قرار
لانة لو كان قرار مكنش هيبقى فى دموع
واوجاع وجراح وكدة
يعنى من الاخر هو قدر على الانسان بس ساعات الانسان هوة
اللى بيخطار القدر دة
شكرا تقبلى مرورى

[olla_kalla]

It Is My Destiny Absolutely

[Steif_MAAD]

انا رايي ان الاتنين واحد لانه لو هو قرار انت اخدته فده في الاخر قدرك انك تاخد القرار ده
السؤال ده بيفكرني بالسؤال بتاع هو ايه اللي بيجي الاول البيضه ولا الفرخه؟

[MOON___LIGHT]

الحب قدر

الأرتباط بمن تحب قرار

ربنا يستر


معاك فرأيك بالظبط

ميرسى على ردك يا ستار

[special472005]

الحب قدر بس الاستمرار فيه قرار
يعني بداية الحب مش بايدينا لكن علشان يستمر هو ده اللي بايدينا
احنا اللي بنقول يستمر او لا
بجد موضوع حلو اوي
ميرسي جدا عليه

[msism1988]

وكما عهدناك دوما بمواضيعك الجميلة

موضوعك الجديد جميل فعلا

وإجابتى على تساؤلك

بأن الحب يعتبر قدر لا دخل للانسان فيه

أم أنه قرار يتخذه الشخص

فالإجابة عن سؤال زى ده مستحيل تكون يا أبيض يا أسود

وانما هى فى اللون الرمادى اللى فى نص بكل الدرجات

اللى بين الأبيض والأسود

بمعنى ان الحب ليس قدرا فقط وليس قرارا فقط

وانما هو مزيج بين الاثنين

ففى البداية قد يحدث ان واحد يستريح لشخص او يعجب به

عن دون ارادته

ولكن تطور هذه المشاعر الى الحب

قابلة للتحكم فيها وهى بالتالى قرار

رغم ان فيه ناس ماعندهمش القدرة على التحكم

ودول ممكن يجيلهم حب لا ارادى

لكن اولا وآخرا هم اللى ماعندهمش التحكم العالى فى نفسهم

وده عيب فيهم هم

وممكن برده الحب ينشأ عن قرار بحت

زى ما بيحصل كتير فى الزواج التقليدى

ونلاقيهم حبوا بعض نتيجة لقرار اتخذوه لغاية

ما نمت مشاعر الحب عندهم

خلاصة القول

ان الحب ممكن يكون قرار فقط

وممكن يكون قدر فقط

وممكن يكون خليطا من الاثنين وهذا غالبا ما يحدث

وكل واحد هتلاقيه يرد على السؤال ده من منطلق

تجربته الشخصية وخبراته عن حالات الحب التى سمع عنها

وكلهم فى ردهم صادقون

وفى النهاية لك من كل التقدير وخالص الأمانى

[00adam00]

شكرا علي الموضوع الجميل ده يا موون لايت

الحب قدر .. وملهوش معاد بيجي فيه .. ممكن يجي في أي وقت ..
ومع أي شخص مكتوبلك انت تحبه
بس انا شايف انه ممكن كمان يكون قرار ..
الدليل علي كدة ان في ناس كتييير اتجوزت من غير حب
بس بعد كدة أحاط الحب بيوتهم الصغيرة .. وملئها بالدفئ
شــ ــكـــ ــر اً

[zezolovly325]

موضوع جميل بجد
شكرا

[mohalexeg]

الحب قدر وليس قرار

[MOON___LIGHT]

شكرا للجميع على ردودهم

وفعلا هو امر محير...لان الحب هو القدر والحب هو القرار ,كلاهما وجهان لعملة واحدة ,يكمل كل منهما الاخر

فيبقى الحب هو سنة الحياة التى لا يمكن ان نعيش بدونه سواء اخترناه نحن او فرض نفسه علينا

نورتونى بأراكم ونورتوا الموضوع

[ThE Red KniGht]

الحب قدر بس الاستمرار فيه قرار
يعني بداية الحب مش بايدينا لكن علشان يستمر هو ده اللي بايدينا
احنا اللي بنقول يستمر او لا
بجد موضوع حلو اوي
ميرسي جدا عليه
وانا بتفق معاك تماما فى الراى دة فعلا انا شايف كدة...
وطبعا موضوع رائع

[dr_nevertiti89]

السلام عليكم ورحمة الله وبركاتهموضوع جميل أوي
وأنا من رأي مهما اختلفت الظروف فالحب فعلا هو قدر
وزي ما قال عبدالحليم حافظ (أندم لو حبيت وآسيت وأندم لو عمري ما حبيت )
فالخلاصة يا جماعة ان كل البشر يبحثون عن الحب في كل لحظة
وأحد الحكماء قال:(مش مهم تكون مع اللي حبيته المهم انك عرفت انك تقدر تحب)
وحتى الجواز التقليدي يا جماعة مع انه قرار بتتخذه كلتا
العائلتين ولكنه في النهاية ان حدث الحب فهو قدر
لان ممكن ما يحصلش نصيب والاتنين يسيبوا بعض لان كل منهما ليس قدر الآخر
وبس كده...............

[holy.tefa]

الحب طبعا قدر
بس الارتباط بيبقى فى الأول قرار وبعدين بيبقى قدر يا اما هيحصل ارتباط او مش هيحصل وهو ده القدر

[matador_sinator]

موضوع جميل جدا وانا رايي ان الحب قدر مش قرار ..
لان الحب لو كان قرار كنا قدرنا نبطله الوقت اللي نحبه...
تقبلي مروري,,,,

[el rayk gedan]

أقولك أنا بقى رأئى الشاذ والغريب جدا..

الحب قرار وليس قدر عن تجارب..

الاول كنت أقول بكل ثقة متعرفش أزاى طبيت ووقعت..

لكن بعدين عرفت أنه هو قرار...أزاى ؟؟

أنا ببقى حاطط مواصفات للهرتبط بيها أو من غير متحط مواصفات كل واحد بينجذب لنوع معين أو شكل معين من الجنس الاخر وده حسب سيكلوجية الشخص ده..
مجرد مابيشوف البنت دى بيحصل أعجاب وليس حب...
هنا بقى الجزء بتاع القرار يمشى وراها يعرف مين دى أو يكمل طريقة..
وبعدين يقعد يفكر البنت كويسها وفيها وفيها أحاول أكلمها ولا لأ...
لحد ما يوصل للحظة الاقتناع بيها أو أقناع نفسة بيها بمعنى أصح وهنا بقى يكون مفيش رجعة للقرار ويكون طب فعلا...

فا أنا رأئى أنة قرار وليس قدر..

غريب أنا صح ؟

[rn_zkr]

ياريت الحب كان قرار على الاقل كان قرارنا هيكون
لكن رايى الحب قدرغصب عننا بنقع فيه