بيموتوا على طول\مش عارفه اعمل ايه\اهملتهم خالص...عاشوا..!!

[wardaya128]

السلام عليكم ورحمة الله وبركاته

بجد انا دورت كتييييييييييييير اوي على مواقع تربية اسماك وككيفية العنايه وييييييييييه وحاجات كده بقى
ومابقيتش عارفه اوصل لحاجه عدله قمت سيبت الموضوع نهائي..واهملت السمك اللي عندي وخليته عايش كده زي ماتيجي ....تيجي..!!! :no000000:

وكللللللل ده وانا عضوه من زمان في الديفيدي وانا ماعرفش ان هنا في قسم خاص للاسماك وكمان بيبذل فيه الجهد الرااااااااااائع ده...
المهم...هادخل في الموضوع...
انا اشتريت سمك يمكن من سنه...او يمكن اكتر او اقل بس مش فاكره...
المهم ان انا في الاول كنت جاهله جداااا بالعنايه بيهم ولازم يموتوا كل ما اجيب شويه...
شويه شويه ابتديت اتعلم ...وباقيت اعتني جدا واحطلهم الادويه بصفه منتظمه واغير المياه كل فتره معقوله...(زي ما الكتب اللي اشتريتها بتقول...كل ستة اشهر المياه كامله..لكن كل شهرين...تلت المياه يتغير بس..!!)
بس بردو....بلاقي السمك يموت....طاب ليه؟؟مش عارفه....؟؟!!!
ظبتط الحراره وكنت حاطه كسر رخام...شيتله وحطيت بداله اللي كان متوفر عندي(رمله)..بعد غسيلها كويس طبعا...لاني ماكنتش قدرت الاقي نوع فرض للحوض كويس زي ما قرأت في الكتب..
ماعرفتش الاقي في ولا محل من اللي اعرفهم...!!
والسمك اللي عندي...نوعا ما تماسك...وفي جوبي فرخت...وكنت مبسوطه جدا...
بس بردو...استمر السمك في الموت...!!
بجد كنت مراعيه كل حاجه ...وعملت كل اللي اقدر عليه...ومش عارفه اعمل ايه اكتر...!!
ومابقيتش اجيب سمك جديد تاني مهما كانت الاغرائات عشان مش يموت واتعقد..
انا ما اعرفش اسامي الاسماك اوي لاني قرأت في كل مكان كذا اسم للسمكه الواحده...وكل واحد بينطقها بشكل مختلف عقدني ومابقيتش عارفه ايه هي الاسامي الحقيقيه.. :sadwalk0:
عندي 2 انجيل...3 فان تيل او فونتيل مش عارفه ايه الصح
3 نوع غريب اوي ...مش عارفه اسمه بس هو نفس لون الفانتيل دي-فونتيل- وديله كبير شويه بس الجسم نفسه اكبر واطول من السمكه الفونتيل...وعندي كذا واحده جوبي ...بس عمالين يموتوا..:(
دوول اللي فاضلينلي تقريبا بعد معانا طويله في ابقائهم على قيد الحياة..
مرت عليا ايام...كان البيت كله مليان احواض صغيره..كله حوض فيه سمكتين او تلاته او واحد بس...ويكونوا عيانين بدرجات قوه للمرض متفاوته وانواع مرض مختلفه...
في اللي عليهم نقط بيضاء...وفي اللي بقى لونهم اسود..!!..وفي اللي بقى ديله وعند منابت زعانفه ماشيه خطوط حمرا دم كده...(متأكده انها مش ده لون السمكه...لانها مابتجيليش كده)
وفيه اللي خفوا(قله جدا) وكله مات..
معادا سمكايه..بقالها 7 شهور قاعده في حوض لوحدها...جايلها المرض الاسود ده..قعدت 3 شهور كده وخفت...ورجعت تاني عيت بنفس المرض مافيش يومين...وعلى الحال ده بقالها 3 او اربع شهور تانيين..:(
مش عارفه اعمل فيها ايه خايفه انقلها الحوض الكبير...تعدي الباقي..
انا دلوقتي...اهملتهم خالص :sadwalk0: ...ومش بعمل حاجه غير اني بأكلهم اكل مالوش لازمه...واغيرلهم المياه كل فتره..
و...بس...!!والغريبه انهم عايشين..يعني معدل الوفاه قل عن الايام اللي كنت بعتني بيهم فيها...!!
شكلي كده انا السبب :icon1366: لو كانوا عصافير كنت اطلقت سراحهم وخلصت...على الاقل يعيشوا حياتهم بعيد عني يمكن يرتاحوا :icon1366:

اعمل ايييه؟؟؟؟؟؟؟؟؟؟؟؟؟؟؟؟
انا اسفه اني طولت وحاكيت بالتفصيل زياده عن اللزوم وازعجتكم..بس بجد ده يمكن عشان اول مره الاقي مكان فيه ناس بتفهم ويقدروا يسمعوني.. :icon1366: عانيت جدا بسبب ان مافيش حد بيفهم في الموضوع ده حواليا



شكرا ليكم جدااااااااااااا وشكرا لحسن استماعكم...
وجزاكم الله خيرا...ووضع لكم مجهوداتكم في ميزان حسناتكم...

السلام عليكم ورحمة الله :bye10000:

[ninja911]

أختى ورداية متقلقيش من أى حاجة بالنسبة للسمك وأنا بإذن الله موجود لأى سؤال

بالنسبة لموت السمك عندك قبل كده فده طبيعى جداً لأى هاوى مبتدىء فى الهواية

الأخطاء كتير جداً ومش أى محل ممكن تسأليه يجاوبك بالتفصيل

يعنى المشكلة عامة لأى هاوى جديد إلا لو هاوى قديم تابع معاه

على حسب ما فهمت إن عندك عدة أحواض

فبالنسبة للسمك دلوقتى المفروض تفضى حوض مخصوص ويغسل جيداً (بالماء فقط) مع الملح

وتخرجى كل الجرش وتغسليه من البداية وتتركيه منقوع فى ماء مملح ل يوم واحد

ثم تملأي الحوض وتتركيه بعد إضافة 4 ملاعق كبيرة ملح إليه

وأثناء ذلك يكون السمك فى حوض أخر بالطبع وإختارى أفضل الأحواض من حيث نقاوة المياه ورائحتها

ثم فى اليوم التالى تنقلى السمك فى كيس مع بعض من المياه القديمة

وتضعى الكيس فى الحوض النظيف وأنت ممسكة به بدون أن تخلطى المياه فى الكيس بمياه الحوض النظيف

ثم تضعى بعض من ماء الحوض النظيف بفنجان على المياه القديمة فى الكيس الذى بداخله السمك

ثم تكررى هذه العملية 4 مرات كل خمس دقائق مرة لتتعادل المياه القديمة مع المياه الجديدة

وليأخذ السمك على المياه الجديدة ولا يُصدم

ثم تضعى السمك (فقط) بدون مياه الكيس فى الحوض النظيف

وأنا متابع معك بإذن الله

[wardaya128]

اه انا بنضف الحوض بالطريقه دي بالظبط بإستمرار
معادا نقطة الملح دي..!!
اربع ملاعق؟؟
كانوا بيخوفوني منه اساسا..يقولولي انه يلاح ذو حدين..!!مع اني ماسمعتش عن اضرار واضحه ليه قبل كده...
فبكتفي بشوية صغيرين لا يتعدوا الملعقه الصغيره....!

شكررررررااااااااااااا جداا جداااااااااااااااا
على الرد الرائع ده وبجد انا حاسه اني كده اتطمنت...
واي حاجه هبقى اسئل حضرتك اكيد... :msn-wink:
منا اما صدقت بقى :bleh0000:

لالا..شكرا اوووي
ةجزاك الله خيرا ووضعه لك في ميزان حسناتك :blush-an:

[ninja911]

هههههههههه

أى خدمة يا وردايه dumbbells

[wardaya128]

طيب انا كنت عاوزه اسأل...دلوقتي السمكه اللي بقالها مليون سنه في حوض صغنون لوحدها...وبتاعني من المرض العجيب اللي قلت عليه
وهو انها اسودت كلها...نصف جسمها وزعانفها وذيلها بالكامل...
اسودوا اسودوا يعني
يعني سواد فحمي...!!

دلوقتي هي تقريبا من كتر ما السمكه اتنقعت لونها راح :shiny000:
ماعرفش ياعيني السمكه بقت باهته كده

هي كان اول ماجبتها نصها لونه زيتي غامق...والنص التاني زيتي فاتح
بعد ال 7 شهور او الاكتر من كده علاج ووضعها في الحوض الصغير...المرض دلوقتي تقريبا راح...والنص الغامق راح بردو...مش بقولكوا من كتر النقع :shiny000:

دلوقتي فاطل نقطه من المرض ده في زعنفتها من فوق...نقطه صغيوره كده..
ماما زهقت منها انها في حوض لوحدها وباقلها مليون سنه بتتحايل عليا احطها ويا اخواتها...

هل كده ممكن يتعدوا من بعض؟؟
لو اتعدوا من بعض هازعل اوي :icon1366: لأن الباقي ياعيني مستحملين معايا باقلهم كتير اوي
لأن في سمكتين تقريبا قبل كده جالهم نفس المرض ده بس ماكنش بالقوه دي...وفجأه جالهم البتاعه الابيض ده وماتوا....بس كانوا سمكتين حلوين اوي :icon1366:
فأنا مش عاوزه اكرر المأساة



اعمل ايه؟؟ :in_love0:

[ninja911]

[=wardaya128]طيب انا كنت عاوزه اسأل...دلوقتي السمكه اللي بقالها مليون سنه في حوض صغنون لوحدها...وبتاعني من المرض العجيب اللي قلت عليه
وهو انها اسودت كلها...نصف جسمها وزعانفها وذيلها بالكامل...
اسودوا اسودوا يعني
يعني سواد فحمي...!!

دلوقتي هي تقريبا من كتر ما السمكه اتنقعت لونها راح :shiny000:
ماعرفش ياعيني السمكه بقت باهته كده

هي كان اول ماجبتها نصها لونه زيتي غامق...والنص التاني زيتي فاتح
بعد ال 7 شهور او الاكتر من كده علاج ووضعها في الحوض الصغير...المرض دلوقتي تقريبا راح...والنص الغامق راح بردو...مش بقولكوا من كتر النقع :shiny000:

دلوقتي فاطل نقطه من المرض ده في زعنفتها من فوق...نقطه صغيوره كده..
ماما زهقت منها انها في حوض لوحدها وباقلها مليون سنه بتتحايل عليا احطها ويا اخواتها...

هل كده ممكن يتعدوا من بعض؟؟
لو اتعدوا من بعض هازعل اوي :icon1366: لأن الباقي ياعيني مستحملين معايا باقلهم كتير اوي


ههههههههه

تغيير اللون شىء طبيعى فى هذا النوع يا أخت ورداية وهذا يرجع إلى التهجين والخلط بين أنواع السمكة الذهبية ومفيش مرض ولا حاجة


لأن في سمكتين تقريبا قبل كده جالهم نفس المرض ده بس ماكنش بالقوه دي...وفجأه جالهم البتاعه الابيض ده وماتوا....بس كانوا سمكتين حلوين اوي :icon1366:
فأنا مش عاوزه اكرر المأساة

اعمل ايه؟؟ :in_love0:


تغيير اللون اللى حصل للسمكتين طبيعى

لكن المرض اللى جالهم شىء أخر لا علاقة له بتغيير اللون ويرجع للإصابة الموجودة فى الحوض والتى أرجوا أن تكون زالت

وياريت لو تقدرى تصورى السمكتين بموبيل مثلاً وترفعى الصور

[wardaya128]

ايه ده يعنيي هم مش عيانين؟؟
:clap0000: :clap0000: :clap0000:

بجد والله؟؟
:clap0000: :clap0000: :clap0000:

بس لا ازاي؟؟ :no000000:
تغيير لون؟؟؟ :5eek: :5eek: :5eek: :5eek:
ده مش جلدهم هو اللي متغير لونه..دي طبقه على جلدهم...مش جلدهم نفسه...!!!
يعني بتبقى حاجه كده لونها ماطفي على جلدهم..
وهل لما الجلد بيبقى ليه لون معين...ممكن يروح بالوقت؟؟؟؟؟؟؟؟؟!!!!!!!!!!!!!!!1
ازاي؟؟

للاسف موضوع السمكتين دول كان من فتره طويله اوي :sadwalk0: لو كانوا موجودين كنت صورتهم بس ده كان من زماااااااااان


بس انا مستغربه بجد ازاي لون جلد سمكه يتغير؟؟
طيب لو حضرتك بتقولي كده عشان مش عاوز تصدمني وتقولي انها ممكن تموت قريب :icon1366: لا مش مشكله ممكن حضرتك تقولي...:( انا كده كده خلاص فقدت الامل فيهم كلهم

[ninja911]

ده شىء طبيعى فى الجولد فيش

ولأن زى ما قلتلك يا ورداية السمكة بتبقى مهجنه غالباً على (بلاك مور)

وده اللى بيديها اللون الأسود

وعلى فكرة اللون ده مش نهائى لأنه ممكن يتغير تانى

ومتقلقيش لو فيه حاجة هقولك عشان لو فى مرض نعالجه لكن الحمد لله مفيش أى مرض

[wardaya128]

طيب هانقلهم وربنا يستر والسمك مش يتعدي:(

انا صحيح فاقده الامل بس بخاف عليهم اوي:(