بصراحه انت عندك حق ايها الرجل فى كل ما تقول بس انت الخسران

[dalila7777]

هاى يا بنوتات ويا ولاد طبعا العنوان مش غريب لان يا بنات الرجل دايما على حق وكل كلامه صح ايه فى ايه حد بيضرب بصم بس وافهمونى الموضوع بسيط خالص وهى انى حعرض تجارب لبنات اعرفهم واكيد مرت عليكم وفى اخر كل تجربه بصراحه عندك حق بس انت الخسران
مثلا موضوع ان المراءه تقعد فى البيت مع العلم ان بعض الانسات مهنهم من المهن المستحبه للمراءه زى التدريس والطب لكن ما علينا ليه زميله مدرسه اتخطبت وخطيبها اشترط عليها بعد الجواز انها ما تشتغلش جتلنا وقالتلنا حاخد اجازه وراجعه ازاى ده شارط عليكى انك ما تشتغليش المهم قالت انه حيتحايل عليها ترجع الشغل وفعلا قعدتله شهر قبل الجواز خلت حياته جحيم كل شويه رنات على موبايله كنت مشغول مع مين يقولها كان الشغل مريحنى من اسئلتك تقوله وانا اشتغل ليه ربنا يخليك ليه انا اقتنعت بوجهة نظرك انت صح علطول وكلم اخوها انا موافق انها ترجع الشغل لانها بقت فضياله ما ورهاش غيره حطاه فى دماغها طبعا الوظيفه بتاعتها موجوده لانها اخدت اجازه ولانه مقتدر ماديا وجاب لنفسه الصداع عيطتله وظيفتى انشغلت طبعا هو السبب ولو قعدتله مش حتسيبه فى حاله وصديقتى الخطوبه عندهم كتب كتاب ماعندهمش الغرام والانتقام والدبل والكلام ده المهم ادامه حل من اتنين يا ترجع الشغل يا تقعد وتحطه فى دماغها وتقرفه فى حياته لان الشغل بيلهيها عنه على الاقل ادام ما فيش اولاد يشغلوها او اى شىء ذو قيمه المهم فتحلها حضانه عشان تنشغل عنه ولو انها كان نفسها تشتغل معاه لكنه رفض ورفض جدا لانه بقى متفتح مومن بعمل المراءه واى حد من عيلته يقول اقعدى يقوله لا ما تقلش بعد ما يكون فى اللى يلهيها عنك هى حتقعد من نفسها بس بينى وبينكم انا حقعد فى البيت هو فى شغل احلى من تنغيص حياة الرجاله ونرجع نقول جملتنا بصراحه انت عندك حق ايها الرجل فى كل ما تقول بس انت الخسران

[romanza]

هو مش حكاية ان هو ندم على انها أعدت من الشغل عشان الأعدة وحشة

لأ ده عشان هي زهقته في عيشته لحد ما استسلم

مافيه ناس زوجاتهم مش بيشتغلوا وأعدين في البيت ومريحين أزواجهم على الآخر يعني

انتي كده هتخللي الزوجات تتمرد على الأزواج

ربنا يستر

وأتمنى من الله ان الموضوع يفيد ولا يضر اللهم آمين

وميرسي على الموضوع

[MaX-love]

هه............................

[el rayk gedan]

السلام عليكم..

dalila..!!

عاملة أية ؟ يارب تكونى بخير..

أنا ليا تعليق على كلامك..

قعدتله شهر قبل الجواز خلت حياته جحيم

شهد شاهدا من أهلها..

الراجل وهو خاطبها قالها يابنت الحلال أنا محبش مراتى تشتغل..

هى قدمها الاختيار دلوقتى يا ترفض يا توافق..

أدام هى عاوزة تشتغل وافقت لية وقالتلة مش هشتغل..؟؟

أتمنى تجوبينى أنتى على السؤال ده يا أنسة دليلة..!!

والكلام كتير وموضوعك مليان نقط هنتكلم فيها بعد ما تجوبينى على سؤالى..

..،

[dalila7777]

ده مش تحدى وبجد اكيد الولاد عندهم القوه البدنيه اقوى من اى بنت انا متاكده من ده رغم الاثبتات العلميه اللى بتقول ان المراءه اقوى بدنيا وان الرجل يفطس لو استحمل الحمل والولاده والحاجات دى وفعلا عندك حق ايها الرجل انت الاقوى اخويا حبيبى كنا سوا بنشترى الكمبيوتر وطول الطريق انا الاقوى طبعا بنات ايه روحوا كده ولا اتكلمت وقلتله انت صح وطبعا انا برقتى وصوتى المنخفض تعبت بائع الكمبيوتر ورمى قله وانا ماشيين بجهاز الكمبيوتر واخويا حبيبى بقله مش حقدر اشيل معاك مش انت ولد قالى والجهاز ده بتاعك وانا مالى قلتله عيب الرجال قوامين قالى طاب اشيل الشاشه وتشيلى الكيسه وانا حشيل الكى بورد والحاجه قلتله مقدرش تعبانه وعندى عشى ليلى مش حعرف الرجال يا حبيبى قوامين عن النساء بصرا حه شال كله وانا جيت على نفسى وشلت الكى بورد ووقفت اوقف تاكسى قالى تلاتين جنيه قلتله عشرين بس اخويا حيعيط اديله اللى عايزه قلتله لالالا كده حرام هو انا اللى شايله روح الله يسهلك رجع التاكسى واخويا كان حيفرقع عموما عشان يحرم بس بصراحه ايها الرجل انت على حق بس بصراحه واللهى اخويا كان صعبان عليه

[dalila7777]

وحشانى ردودك الناريه على افكارى المهم انت عارف ان الحب منه لله هواللى بيكون السبب يعنى هى اساسا ما كنتش تعرف اقكاره قبل ما تحبه ولما بتحب مش بتقدر تتخلى عن حبيبك مهما كانت عيوبه يا تحول افكاره يا يحولك تبادل فكرى وثقافى وكمان تبادل فى حرقت الدم وعموما ده حصل قصادى الموقف ده بنقل تجربه لبنت مقهوره غلبانه زى بلظبط وانت عارفنى كائن ضعيف لا يملك الا الرضوخ والاستسلام لافكار الرجل بس بطريقتى يعنى هى استسلمت لافكاره بس بطريقتها ثم ان كل شىء مباح فى الحرب والحب

[el rayk gedan]

ده مش تحدى وبجد اكيد الولاد عندهم القوه البدنيه اقوى من اى بنت انا متاكده من ده رغم الاثبتات العلميه اللى بتقول ان المراءه اقوى بدنيا وان الرجل يفطس لو استحمل الحمل والولاده والحاجات دى وفعلا عندك حق ايها الرجل انت الاقوى اخويا حبيبى كنا سوا بنشترى الكمبيوتر وطول الطريق انا الاقوى طبعا بنات ايه روحوا كده ولا اتكلمت وقلتله انت صح وطبعا انا برقتى وصوتى المنخفض تعبت بائع الكمبيوتر ورمى قله وانا ماشيين بجهاز الكمبيوتر واخويا حبيبى بقله مش حقدر اشيل معاك مش انت ولد قالى والجهاز ده بتاعك وانا مالى قلتله عيب الرجال قوامين قالى طاب اشيل الشاشه وتشيلى الكيسه وانا حشيل الكى بورد والحاجه قلتله مقدرش تعبانه وعندى عشى ليلى مش حعرف الرجال يا حبيبى قوامين عن النساء بصرا حه شال كله وانا جيت على نفسى وشلت الكى بورد ووقفت اوقف تاكسى قالى تلاتين جنيه قلتله عشرين بس اخويا حيعيط اديله اللى عايزه قلتله لالالا كده حرام هو انا اللى شايله روح الله يسهلك رجع التاكسى واخويا كان حيفرقع عموما عشان يحرم بس بصراحه ايها الرجل انت على حق بس بصراحه واللهى اخويا كان صعبان عليه

السلام عليكم..

والله أنتى ليكى واحشة أكتر..

نرجع لموضوعنا القوة مش مقياس الرجولة..ممكن يبقى قوى لكن مش راجل فى تصرفاتة مثلا..

وأنتى عارفة كويس معنى الاية بتاعت (الرجال قوامون على النساء)

ودى معناها غير المعنى الظاهرى الى هو المعنى الى بتتكلمى بية..هو أن الراجل أقوى من الست..

لما تكملى الاية..

هتلاقى ربنا بيقول (((الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا))
ربنا فضل الرجال على النساء فى الاية..

فتفضيل الرجال على النساء من وجوه متعددة: من كون الولايات مختصة بالرجال، والنبوة، والرسالة، واختصاصهم بكثير من العبادات كالجهاد والأعياد والجمع وخصهم الله بالعقل والرزانة والصبر والجلد الذي ليس للنساء مثله. وكذلك خصهم بالنفقات على الزوجات بل وكثير من النفقات يختص بها الرجال ويتميزون عن النساء.

يعنى مش عشان يقدر يتعارك ويتخانق ..

أخوكى ميقدرش يشيل الحاجة كلها..أية المانع أنى أساعدة ولا عشان هو راجل يبقى زى التور..

مع أنى مش قادر أتصور هو كان أزاى هيقدر يشيل الشاشة والسى بى يو..
والكيبورد والسماعات والماوس..

هو أخوكى ده مش زينا برده عنده أيدين ورجلين..؟؟

أنا كدا رديت على الجزء الى كتبتية تانى..

لكن لسة مستنى أجابة سؤالى الى طرحتة فوق..

وبالتوفيق دايما..،

[نغم الحياه]

طبعا أنا رأيى إن البنت تشتغل
أولا .. تثبت ذاتها وتحس بقيمتها وسط المجتمع وتكون عضوة فعاله فى مجتمعها ومنتجه وليست فقط مستهلكه
ثانيا .. تشارك فى بيتها وتبنى حياتها مع الإنسان إللى هترتبط بيه
لكن بالنسبه لصديقتك وخطيبها أعتقد حالتهم إستثنائيه لان المفترض إتنين مخطوبين يكون فى بينهم حوار ونقاش جاد وتفاهم مابين الطرفين ويكون بينهم حب وإحترام لكن بصراحه الحاله إللى وضحتيها أنا شيفه إنه لعب عيال أو عقليتهم غير ناضجه
تحياتى ...
نغم الحياه
...

[dalila7777]

الحاله اللى عرضتها كان الدافع الاساسى هو الغيره انه يخليها تقعد من شغلها وده عن قناعه عنده وهى بحبها ليه
بقت طلبتها اوامر عنده الا فى موضوع الشغل
ومش كل حاجه بتجرى حسب الاتفاق وخصوصا لو طبيعة عمل الزوج بتخليه يغيب كتير عن بيته ليها الف حق فى طلب العمل والموضوع اكتر من مره كان جينتهى بلانفصال لولا تدخل الاهل لكنه استسلم للامر الواقع لان اللى بينهم مش معركه
هو لقى ان راحت باله فى عملها وهى عارفه وجهة نظره اللى رافضاها لكن معلش فى عامل خفى الاتنين متشديدين فى ارائهم العامل الخفى اللى وفق بين وجهات النظر الحب المتبادل ممكن هى كانت تقعد فى البيت لو خطتها ما كنتش جابت فايده مش ضعف منها ولا هى جوازه والسلام لكن فى حب وتراحم ومشاعر قويه صعب تتكرر ومش لعب عيال لان الحب بيكون حاله جميله اوى كلنا بنبصلها ونقول دول عيال فى خناقتهم لكن مستحيل يستغنوا عن بعض ونتمنى نكون مكانهم
لانهم اكيد وجدوا السعاده لما كل واحد فيهم اتنازل عن وجهة نظره شويه عشان الطرف الاخر مش عشان جوازه والسلام
لكن اللى بينهم اقوى الحب بيخلى الرجل كائن مقبول مستحب وجوده والحب بيخلى اشرس مخلوقه زى الفراشه البريئه
بيخلق لغة حوار ما يدركهاش الا اللى جرب مشاعر ارقى من انها توصف ومش لعب عيال والاتنين مراكزهم مرموقه اما بلنسبه لاخويا بجد شال الكيسه والشاشه وانا كنت واقفه وشايله كيس بلاستيك فيهم الماوس وكان بيدعيلى باخلص الدعاء
منك لله ونا بفاصل التاكسى وليه ايدين ورجلين زينا يا رايق انت بس انوى تشترى جهاز وانا اخليك تشيله كله

[dalila7777]

انا بشتغل ومؤمنه جدا بعمل المراءه لكن يا صديقاتى لو جوزك مقتدر وحتقعدى فى البيت ليه لا اوجع قلبى ليه حد يلاقى الراحه ويقول لا ابقى عبيطه دى وجهة نظرى واثبت لذاتى ايه للعلم انا ثقافتى بسيطه اوى مش عبقريه لكن بحسبها بلعقل انا ابهدل نفسى ليه لان بجد الناس بقت وحشه ودى حقيقه مش كل الناس يعنى اروح الشغل واركب مواصلات او حتى انزل بعربيتى الصبح فى الزحمه وحرقت اعصاب وكله على حساب بيتى طاب ليه ادام اللى انا عايزاه حعمله فى بيتى انا للعلم ضد الافكار الذكوريه لكن نفكر بهدوء وده حوار من القلب مش بستشهد بيه الا بارائى انا وبس انا انسانه وشايفه بلاوى بتحصل فى الشوارع للبنات ما يشتغلوا ويتهدوا فى الشغل وانا قاعده فى مملكتى بعمل اللى انا عايزاه زهقت انزل اعمل شوبينج اربى العيال اراقب جوزى او حتى اعمل محشى كرنب او اكمل دراستى عبر الانترنت او اعمل دراسات عليا
اتعب نفسى ليه والراحه متاحه طاب اسالوا اى ولد لو لقيت الراحه حتقول لا لكن احنا عباقره بنجرى ورا التعب انا مش ضد عمل المراءه لكن لو لقينا الراحه ليه لا اتعب نفسى ليه وانزل فى الحر وارجع مش طايقه نفسى بلا هم ده حتى حرام اتبتر على النعمه وعموما مهما المراءه عليت فى شغلها البيت هو النجاح الاول فى حياتها مش تعصب مع الرجل لكن وجهة نظر منطقيه اه حقول ذاتى ومستقبلى وحاجات من دى بس بجد الجو وقعدة البيت احلى الشغل بيقتل الملل لكن بصراحه ممكن اقتل الملل فى البيت بالف طريقه العب ايروبكس اقرى قران العب مع العيال اتعلم طبخه جديده عارفه ان كلامى فيه بعض الرجعيه لكن قمت الرجعيه مانراه لما الست بتبقى محشوره فى المواصلات العامه وصوتها بيعلى وبيتحرق دمها وبينعكس على ردود افعالها مع الاخرين البنت مخلوق رقيق زى انا كده وطبعا اللى عارفنى عارفين رقتى وطيبتى وصوتى المنخفض اووووووووووووووى ودفاعى عن المخلوق المسكين الرجل لكن بافكار حديثه سيبيه يشتغل ويتعب وانتى ربى العيال واتعلمى وزيدى ثقافه وكونى وراه وحققى المقوله بتاعت وراء كل عظيم امراءه هم صح جدا وانا عاجبنى كلامهم اوى وحعمل بيه نصيا

[el rayk gedan]

ومش كل حاجه بتجرى حسب الاتفاق

مين قال الكلام ده ...وجهة نظر مين يعنى؟؟

ده حتى المثل بيقول كل شئ بالخناق الا الجواز بالاتفاق..غريبة أوى وجهة النظر دى..

يعنى تهاوده وتريحة وتعمل بكلام تانى غير الى أتفقة علية؟؟...أمال أحنا عمالين نقول أن فترة الخطوبة أهم حاجة عشان الافكار تبقى واضحة أزاى ؟؟

دى غلطة عندها..المفروض تفهمة وجهة نظرها وأذا كان كل واحد متمسك برأية يبقى يسيبوا بعض أحسن وهما لسة ع البر..





وخصوصا لو طبيعة عمل الزوج بتخليه يغيب كتير عن بيته ليها الف حق فى طلب العمل

هنا الكلام أختلف..متقوليش لو الكلام بالامثلة مايحلش مشاكل..

لو هو فعلا بيغيب عن بيتة كتير..يبقى كانت فهمتة كدا..

أما أذا كانت فهمتة وبرده مصمم...يبقى هيا فى أيديها توافق أو ترفض وهى تتحمل مسؤلية قرارها..

الراجل بيقول أنا عاوزك متشتغليش...اية بقى الى غلطة..هو بيدور على الست الى تناسبة..!!

هو لقى ان راحت باله فى عملها

راحت بالة بالاكراه...كأن بديلك سكينة وقولك أقطعى صباعك يأما أضربك بالنار...طبعا هتقطعى صباعك بأرادتك دلوقتى..مش كدا ؟؟

ممكن هى كانت تقعد فى البيت لو خطتها ما كنتش جابت فايده مش ضعف منها

لا اله الا الله أنتوا عاوزين تطلعوا الراجل فى الاخر أنه أضعف خلق الله وأن الست تقدر تضربة بالجزمة..المبدأ من البداية غلط

ولا هى جوازه والسلام لكن فى حب وتراحم ومشاعر قويه صعب تتكرر ومش لعب عيال لان الحب بيكون حاله جميله اوى كلنا بنبصلها ونقول دول عيال فى خناقتهم لكن مستحيل يستغنوا عن بعض ونتمنى نكون مكانهم
لانهم اكيد وجدوا السعاده لما كل واحد فيهم اتنازل عن وجهة نظره شويه عشان الطرف الاخر مش عشان جوازه والسلام


المفروض العكس يا أستاذه...أنتى بتقولى هما بيرجعوا لبعض عشان الحب الى بينهم...زى ما تكونى بتقولى عشان الاولاد الى بينهم..
المفروض الحب يخليهم يتغاضوا عن عيوبهم وميبقاش فى مشاكل أصلا وأن وجدت متوصلش لأنفصال..،

لكن اللى بينهم اقوى الحب بيخلى الرجل كائن مقبول مستحب وجوده

كائن مقبول مستحب وجودة..؟؟!! بصراحة أنا أفتكرتك بتتكلمى عن حيوان أليف بيتربى فى البيوت

والحب بيخلى اشرس مخلوقه زى الفراشه البريئه

نفس الحيوان الى جه فى بالى فوق بس ده أكبر شوية ولية شعر كتير حوالين راسة وبيعيش فى الغابات الاستوائية..!!

وليه ايدين ورجلين زينا يا رايق انت بس انوى تشترى جهاز وانا اخليك تشيله كله

مش موضوع وزن تقيل..الفكرة كلها أن أزاى هاشيلة ؟؟ ( الشاشة فى أيديا الاتنين والكيسة هشيلها بسنانى؟؟)

وفى الاخر أحنا بنتناقش مش بنتخانق..

بس خليكى فاكرة أنتى مش بتناقشى أنتى عاوزة تخرجى الست فى الاخر أحسن من الرجالة بالباطل..

وكلنا عارفين أن كل مجتمع فى الصالح الطالح..

ومستنى وجهة نظرك فى كلامى..،

[el rayk gedan]

انا بشتغل ومؤمنه جدا بعمل المراءه لكن يا صديقاتى لو جوزك مقتدر وحتقعدى فى البيت ليه لا اوجع قلبى ليه حد يلاقى الراحه ويقول لا ابقى عبيطه دى وجهة نظرى واثبت لذاتى ايه للعلم انا ثقافتى بسيطه اوى مش عبقريه لكن بحسبها بلعقل انا ابهدل نفسى ليه لان بجد الناس بقت وحشه ودى حقيقه مش كل الناس يعنى اروح الشغل واركب مواصلات او حتى انزل بعربيتى الصبح فى الزحمه وحرقت اعصاب وكله على حساب بيتى طاب ليه ادام اللى انا عايزاه حعمله فى بيتى انا للعلم ضد الافكار الذكوريه لكن نفكر بهدوء وده حوار من القلب مش بستشهد بيه الا بارائى انا وبس انا انسانه وشايفه بلاوى بتحصل فى الشوارع للبنات ما يشتغلوا ويتهدوا فى الشغل وانا قاعده فى مملكتى بعمل اللى انا عايزاه زهقت انزل اعمل شوبينج اربى العيال اراقب جوزى او حتى اعمل محشى كرنب او اكمل دراستى عبر الانترنت او اعمل دراسات عليا
اتعب نفسى ليه والراحه متاحه

أنا ليا تعليقين مختصرين جدا على الجزء ده..

أولا الكلام بتاعك فوق مش قانون ولا قاعدة دى وجهة نظرك الشخصية..

لأن فى ناس بتحب شغلها جدا لدرجة أنها مش بتفرق معاها لا الجو ولا أى عوائق أدام هى مش مقصرة فى بيتها..

ثانيا الكلام الى قولتية فى المشاركة دى يتناقض كليا مع الكلام الى قولتية فوق..


البيت هو النجاح الاول فى حياتها مش تعصب مع الرجل

أنتى أنسانة مثقفة ياريت مشوفش كلمة تعصب مع الرجل دى تانى..
أنتى عارفة كويس أنها وجهات نظر يعنى مش شرط الراجل ده يبقى له نفس فكرة الرجل ده...كل واحد حسب مستوى تعليمة وثقافتة وفكرة والبيئة الى أتربى فيها

لكن بصراحه ممكن اقتل الملل فى البيت بالف طريقه العب ايروبكس اقرى قران العب مع العيال اتعلم طبخه جديده عارفه ان كلامى فيه بعض الرجعيه لكن قمت الرجعيه مانراه لما الست بتبقى محشوره فى المواصلات العامه وصوتها بيعلى وبيتحرق دمها وبينعكس على ردود افعالها مع الاخرين البنت مخلوق رقيق

ده الكلام الى فضلنا نقولة أنا والشباب هنا حوالى تلت أو أربع شهور

وقولتوا علينا مجتمع ذكورى..جاية أنتى تقولية دلوقتى بكل أقتناع وبرده مصممة تطلعى الراجل رجعى متخلف

ودفاعى عن المخلوق المسكين الرجل

أنتى عاوزة تزعلينى منك وتصنعى لنفسك أعداء فى المنتدى..صح يا دليلة؟؟

بجد أنتى زعلتينى ولو حد غيرى بيتناقش معاكى كنتى سمعتى منة كلام مش كويس..رجاءا أختارى الكلام قبل ما تكتبية..،

لكن بافكار حديثه سيبيه يشتغل ويتعب وانتى ربى العيال واتعلمى وزيدى ثقافه

دى الافكار الحديثة بالنسبة ليكى ..يشتغل ويتعب وأنتى ربى العيال وأتعلمى وزيدى ثقافة..

وهو الراجل لو ماأشتغلش كان وفر المستوى الى أنتى عايشة فى دلوقتى وخلاكى موجودة دلوقتى ع النت وبتتناقشينى بثقافتك..
أظن الراجل محتاج أكتر مش شفقتك يا أستاذه دليلة..


وكونى وراه وحققى المقوله بتاعت وراء كل عظيم امراءه هم صح جدا وانا عاجبنى كلامهم اوى وحعمل بيه نصيا

تصحيح : وراء كل رجل مجنون ست مليانة بالافكار دى..

وأتمنى تركزى فى كلامى وتستفادى منة أى حاجة..

ومستنى تعليقك..،

[dalila7777]

بص يا استاذ انت اخويا شال الكيسه ويشهد عليه اللى فى سوق العصر مع الشاشه ازاى
شتا الكيسه ووالشاشه واتمختر بيهم على سلم رخام كمان واللهى انت بتحسسنى انه بطل ولو شاف الموضوع حيضربنى انا كائن ضعيف حتقلب عليه المواجع المهم اما بلنسبه للاتنين اللى بحكى عليهم انا القصه دى حصلت على يدى وطبعا بخصوص الكائنات اللى بتقول عليها انت عارف انى بنصف الرجل على المراءه دايما ومش متعصبه مانت عارف
اما بلنسبه لردك ان اللى اوله شرط اخره نور وان الاتفاق اتفاق الرجل مش متزمت هو بس كان عايز يقعدها فى البيت وشغله
بره البيت باستمرار وحبه ليها خلاه مستأنس يا رايق يعنى بينفذ طلبتها وهى تربيه دلوقتى شويه وبعد الجواز العيال حيربوهم هما الاتنين ويا كل الشباب انا معاكم بدافع عنكم ضد بنات جنسى شفتم انا طيبه ازاى انا مع قعاد البنات فى البيت بعد الجواز لاسبا ذكرتها ولحبى الشديد لاخواتى الولاد زى ما انتم عارفين انا ضد صحبتى وقلتلها اتنيلى اقعدى فى البيت لكن مخها عايز يشتغل لكن انا متاكده انها حتزهق وتفضاله بعد الجواز وخصوصا انه وسيم جدا امال حتراقبه امتى وتفتش الموبايل بتاعه امتى وتقلب فى جيوبه الشغل حيمنعها من ممارسه سلطتها كزوجه لكن هى مخها تقدمى وانتم شايفين انا موقفى مع الرجاله الطيبين الحونييين ومع عدم شغلها لكن ربنا يوفقنى وانقل افكارى لكل البنات وحعمل مثل زى القعده فى الدار احلى من الجو الحار ولو عايزه تعمرى اوعى على شغل تدورى دى امثال انا اللى عملاها واى نقل يبقى سرقه لحقوق الملكيه الفكريه اما وان كنتى حسه بملل اعملى ورصى شوية حلل وان جوزك اتجرء عليكى بلاش المثل ده حيزعل الولاد

[el rayk gedan]

مستنياك بره المنتدى

لالالا خلاص يا دليلة حرمت أنا مش ناقص ضرب..:mdr:

انت عارف انى بنصف الرجل على المراءه دايما ومش متعصبه مانت عارف

أيوة طبعا عارف ومستعد أشهد زور بكدا..:mdr: !!

ويا كل الشباب انا معاكم بدافع عنكم ضد بنات جنسى

أنا شهدت مجانا المرة الى فاتت المرة دى هاخد كام..:mdr:؟؟

شفتم انا طيبه ازاى

أنا أشهد بالحق أنتى بره المنتدى طيبة جدا ومش بلاقى أفكارك دى بره المنتدى...لكن معرفش لية بتقولى كدا فى المنتدى ؟؟
وتفضاله بعد الجواز وخصوصا انه وسيم جدا

ينهار أبيض ده انا كدا مراتى مش هتخلينى أخرج بره البيت حتى للشغل :mdr:

ويارب تكونى أقتنعتى ولو بجزء من كلامى..،

تحياتى ليكى يا دليلة

[dalila7777]

انا مش بصوت ولا حاجه ده تعبير صوتى عادى الشباب وانا دالخه المنتدى هات يا معاكسه يلا معلش انا بنوته ضعيفه عربية الاسعاف لالالا مش انا اللى ضربتهم ولا بلعب حديد ولا اى حاجه هما اللى وقعوا ما علينا
جايبلكم حكايه واو
لبنت زى القمر بس حظها قليل شويه ليه لان كل ما تتجوز رجل يتكل على الله يموت واتهموها بانها نحس وده حرام دينيا عشان كده انا جايبه لكل الشباب الطيب الامير الحبوب هديه هى بتدور على عريس فرز اول كويس طول بعرض ومستبيع وانا رشحتلها واحد بس هو يوافق مستنيه الرد يا شباب ملحوظه قريب اوى حفتح كده موضوع اسميه خاطبة المنتدى بدل القاعده والاجازه وانتم عارفين لسه بدرى على دخول المدارس

[starsong]

أستاذة دليلة أسمحيلى أدخل فى الموضوع مباشرة

طبعا واضح أوى من أسلوب الموضوع مدى اجادتك للكتابة الساخرة فكرتينى

بأحمد رجب ربنا يخليه لنا .. ما علينا

أنا شايف أنك بتبصى للموضوع من زاوية مش سليمة خالص و ده على فكرة

هيتعب أوى أى بنت بتفكر بنفس الأسلوب و عايشة معانا هنا فى الشرق


حضرتك فى عرضك للموضوع و ردودك عليه بتصورى أن طلب الرجل من مراته

أنها تقعد فى البيت و تسيب الشغل انه تخنيق عليها أو أنه تحكم و سيطرة

و هنبدأ بيقى ندخل فى الكلام المغلوط أياه انه مش متجوز خدامة و الكلام

ده ! الكلام ده أن دل على شىء فللأسف بيدل على أفكار مضطربة بتعيشها

بنات اليومين دول من فاهمين هو دورهم أيه فى الحياة فطرتهم اللى ربنا

فطر الناس عليها .. ربنا عز و جل خلق الناس ذكر و انثى علشان ده

يكون له دور اساسى و ده يكون له دور تانى أساسى برضوا ميقلش عنه فى

الأاهمية ! ده دور تكاملى لما كل واحد يؤدى دوره زى ما ربنا ما أراد

هتلاقى حياة احسن و مجتمع قوى متماسك ..

صدقينى لما الراجل بيقول لمراته تقعد فى البيت فده لانها غالية جدا عنده

زى الجوهرة عاوز يحافظ عليها أولا و يريحها ثانيا و علشان هى تشوف

دورها اللى ربنا خلقها علشانه ثالثا ! دورها أنها تكون الصدر الحنين

لجوزها و مكان راحته و ملاذه من الهموم ! تخيلى لما الست هانم تكون بره

فى الشغل متبهدلة طول النهار و ترجع مخنوقة و تعبانة و متعصبة و تلاقى

بيتها كمان محتاج مجهود كبير علشان تزبطه احكيلى بقى جوزها هيلاقى

فين الراحة اللى هو اتجوز علشان يلاقيها ؟؟؟؟؟؟؟؟؟

طيب مين هيربى الأاولاد و ياخد باله من دراساتهم و من تربيتهم ؟ الدادة ؟؟

هو حضرتك عارفة أيه حد أهم أسباب الانحلال الأاخلاقى اللى احنا شايفينه

فى الجيل الجديد دلوقتى ؟؟؟ هو ده مفيش ام فاضية تربى و لا أب موجود كله

تايه فى زجمة الحياة ؟

أنا مش عاوز اطول اكتر من كده فى النقطة دى لكن المقصد من كلامى

هو ان لو البنت فعلا عارفة أيه هو دورها فى الحياة دورها اللى ربنا

طلبه منها وقتها بس هتفهم أن طلب جوزها أنها تقعد فى البيت فده من

منطلق حبه و حرصه عليها .. ساعتها بس أكيد البنت هتقدر ده و هتحاول

قدر ألامكان أنها تكون الأنسانة اللى تسعد زوجها و تكون ملاذه من هموم

الدنيا و مشاكلها .. تحياتى

[spartacus]

بجد الواحد مش عارف يقول ايه بس للصراحة كل راي له اسبابه المنطقية وله بعض الاسباب غير المنطقية ( لا والله فعلا مش عشان ارضى كل الاطراف )

بس الموضوع داخل فيه عوامل كتير مشتتة الافكار زي نوع الشرائح الاجتماعية ونمط حياتها وطبعا افكارها المسبقة الملائمة منها والتى فاتها الدهر ومعدل الدخول ونوع العمل ونفسية البشر انفسهم والظرووووف

هستعرض بعض الامثلة من شكاوى الجانبين

ابتدى من وضع الراجل

يعنى الراجل عايز يظبط حياته على شكل معين وتقسيم عمل بينه وبين رفيقته هو بالعمل وهى البيت

طب الزوجة تقدم استقالتها .. وبعدين بعد الشر ماهو الزمن اصله ابن ستين فى سبعين الراجل يا ولداه ممكن بعد الشر ( مع انى ماعرفشى الراجل ده تبع مين ) يحصله حاجة يعجز او يتوفى لا قدر الله.. المرأة ساعتها هاتعمل ايه ومين هايرعاها وبرضه هاتشتغل لا محال علشان توفر الحياة لنفسها او لولادها وفى امثلة كتير كده شوفناها

فرضا الراجل صحته بخير بس بزيادة ( قوى ومفترى ) ومن محبى تعذيب الجنس اللطيف وبيسيبها الشغل علشان لما يعذبها ترضى بالعذاب لأن خلاص خسرت العمل فتخضع لخسارة اشياء اخرى

فرضا الراجل طلع مش كويس بيسيبها الشغل ( لو كانت شغالة ) علشان لما يطلقها ترجع تبوس ايدو ماهو هو الملجأ

الراجل كويس بس اختلفوا وهايطلقوا .. هايعرف يرجعلها الشغل او هايديها التعويض المناسب

الجانب الاخر : الراجل برضه راجع من الشغل محتاج يستكين لمراته وهيا الشغل على المواصلات قاطعوا نفسها يا نينى عين روح قلبى يعمل هو ايه وهاتعمل هيا ايه لما الاوضاع تكون فى تبادل

بلاش عايز يستكين هو حتى بس عايز ياكل مايلاقيش طبخة جامده كده تخشبه

بلاش : يرجع يلاقى البيت مش مترتب والدنيا متشقلبة

لأ بجد الموضوع ده مش هايحله غير تطور نمط حياتنا والمستقبل اللى بالطبع مع التطور هيغير مفاهيم كتيرة بتقديمه حلول للمشاكل المتبادلة اللى انا مش عارف هتتحل ازاي ( يخرب بيتها الفلسفة بوظة دماغ الواحد )

بس اكيد زوال مشاقية العمل وتقليص عدد ساعات العمل والعائد العادل الملائم لمعيشة كريمة وسبل المعيشة الكريمة والمواصلات اللى مش زحمة هتحل وتبسط امور كتير

للعلم انا كنت بكتب الموضوع ده وانا مصدع وحاسس بتوهان .. اقصد يعنى نعتبره دردشة او فضفضة اكتر منه رد علمى

وليا عودة وانا مركز لأنه فعلا موضوع مهم


واشكر كل من ساهم بمداخلة اثرت الموضوع

فالحوار الحقيقى الصادق من كل الاطراف والذى هدفه الوصول للاحق هو حوار بناء ومفيد


وشكرا ليكى سيدتى دليلة على طرح الموضوع الجميل مع تسجيل اعجابى بكامل اسلوبك وان كنت اختلف معك ببعض النقاط


تقبلى تحياتى و ودى