المساعد الشخصي الرقمي

مشاهدة النسخة كاملة : إلي طلاب جامعة القاهرة و جامعة عين شمس

powerpoisson2
24-07-2008, 12:39 AM
السلام عليكم و رحمة الله و بركاته...............
يا إخوة يا ريت لو سمحتم عايز رأيكم أنهي أحسن كلية هندسة جامعة عين شمس و لا جامعة القاهرة .....
يا ريت الرد يبقي بسرعة عشان خلاص فاضل حوالي يوم واحد علي تقديم الرغبات:detective2:
وشكرا لكم مقدما
wow2006
24-07-2008, 06:12 PM
بالنسبه لهندسه القاهره الى انا فيها النظرى عندنا كتير و مش مهتمين بالعملى الا فى بعض اقسام الى اسمعوا ان عين شمس اصعب بالنسبه للدكتره بس كلهم متعقدين:whistle: بس اختار.. بالمنسبه احنا عندنا اقسام كتير 10 اقسام و كمان فى كرديت :thumbdown:و ربنا معاك اخر حاجه اعدادى القاهره فى الشيخ زايد مش فى الجيز:31:ه
minningengineer
24-07-2008, 08:05 PM
جامعة عين شمس أصعب من جامعة القاهره من حيث الأساتذه والمعيدين
على عكس جامعة القاهره اللى أنا كنت فيها أعضاء هيئة التدريس ناس متفاهمه جداً (الغالبيه منهم)
إمتحانات عين شمس أصعب
من حيث الضغط فى الدراسه هاتلاقى فى القاهره الضغط أكبر من حيث كم الإمتحانات اللى يقطم الوسط
وممكن تلاقى نفسك بتمتحن يوم جمعه أو يوم عطله رسميه مش فى عندهم مانع خالص
كم المناهج أكبر فى جامعة القاهره
جامعة القاهره فيها أقسام مش موجوده فى عين شمس والعكس صحيح
يعنى عين شمس على سبيل المثال فيها قسم تحكم آلى ودا مش موجود فى القاهره
وفى القاهره أقسام زى هندسة الطيران أو هندسة البترول المناجم والفلزات أوالهندسه الطبيه وهكذا
وبالنسبه للشغل بعد كده يعتبر مفيش فرق بين القاهره وعين شمس اللى هايفرق هو الواسطه أو التقدير وإمكانياتك الشخصيه
ولو مافيش قسم معين فى دماغك يبقى تشوف الجامعه الأقرب ليك وخلاص
ونصيحتى ليك لو إنت مش بتاع مذاكره أوى أو بتدور على الراحه يبقى تبعد عن القاهره وعين شمس أحسن تعمل زى واحد صاحبى ماتعرفوش
وربنا يوفقك وقبل دا كله إستخير ربنا الأول
powerpoisson2
25-07-2008, 06:37 AM
الاخ minningengineer و الاخ wow بارك الله فيكم و جزاكم الله خيرا علي هذه الردود
ربنا يسهل ما فيه الخير .........
shatou
25-07-2008, 07:22 AM
عزيزى السائل:
انا مهندس كهرباء خريج عين شمس 2006 وبشتغل فى شركة إنبى ومعايا مهندسين خريجى القاهرة...
انا مش هجاوبك على سؤالك! إلا لما تقولى انت تقصد بايه احسن بالظبط؟؟ وضح لو سمحت اوجه المقارنة وصدقنى هافيدك كويس اوى إن شاء الله....
powerpoisson2
25-07-2008, 09:19 AM
الاخ shatou بارك الله فيك ز جزاك الله خيرا
اوجه المقارنة اللي انا اقصدها هي يعني مثلا اللي عليها طلب أكتر من حيث الشغل يعني إن شاء الله ...
و اللي برة بيعترفوا بيها أكثر لما تخرج تسافر برة و اللي فيها أقسام أحسن و اللي أسهل من يث المواد و كده يعني و لو انت مكاني و قدامك الاتنين تختار أنهي ؟
معلش طولت عليك و مستني ردك علي نار إن شاء الله .... فاضل كام ساعة بس
بارك الله فيك
shatou
28-07-2008, 11:19 PM
الاخ shatou بارك الله فيك ز جزاك الله خيرا
اوجه المقارنة اللي انا اقصدها هي يعني مثلا اللي عليها طلب أكتر من حيث الشغل يعني إن شاء الله ...
و اللي برة بيعترفوا بيها أكثر لما تخرج تسافر برة و اللي فيها أقسام أحسن و اللي أسهل من يث المواد و كده يعني و لو انت مكاني و قدامك الاتنين تختار أنهي ؟
معلش طولت عليك و مستني ردك علي نار إن شاء الله .... فاضل كام ساعة بس
بارك الله فيك

انا بعتذرلك شديد الاعتذار عن انشغالى عن الرد وقتها والله ظروف قهرية...
بخصوص سؤالك صدقنى مش فارقه خالص من ناحية الشغل مادام جبت التقدير العالى هيا هيا باذن الله....
بالنسبة للاعتراف بالجامعه بره مصر فانا اؤكدلك ان جامعة عين شمس سمعتها ممتازه وخاصة فى كندا ولو محضر بكالوريوس او ماستر وعايز تكمل بره هتكمل على طول بدون اى معادله...
اما بالنسبة لجامعة القاهرة فانا ليا زملا فى الجامعه لما سافروا بره طالبوهم بشهادات معادله!! هما صحيح قفلوها بس عطلتهم قرب سنه كده على الفاضى...

جمله "أنهى اقسام أحسن" ملهاش معنى خالص صدقنى...انت لو فى دماغك مسبقا قسم معين دور فى انهى جامعه وادخله لو مفيش قسم معين ان شاء الله على اخر اعدادى هتكون بلورت الموضوع فى دماغك وهتختار القسم اللى بتحبه...

انا لو مكانك ورجع بيا الزمن هختار جامعه عين شمس تانى لعدة اسباب:
1. قرب المكان
2. السمعه
3. جمال الكليه (والله صدقنى ده عامل مهم)
4. انا ليا اصحاب كتير هناك من قبل ما ادخل وبالتالى فدونى لما دخلت...

واخيرا مش مهم الجامعه المهم بجد وخدها نصيحه من اخ كبير بجد بجد بجد بجد أفحت نفسك فى إعدادى وهات فيها التقدير وكمل بعد كده براحتك...

تحياتى...
Vorochilov
28-07-2008, 11:40 PM
عموما أنا لسه ملتحق بهندسة عين شمس النهارده و أنا أعرف إن خريجي هذه الجامعة ممتازين جدا والدراسة حلوة هتطحن في الكليتين:2:
romany italiano
31-07-2008, 11:19 PM
هو التقدير مهم قوى فى الشغل ولا الانترفيو والدورات ودماغ الواحد هى اللى بيكون ليها الاهميه الاكبر
وانا من طلاب هندسه القاهره قسم باور الدراسه اغلبيتها نظرى والعملى نادرا ماتلاقى دكتور ولا اتنين يكلموك فيه على الطايروالمناهج كبيره
actronx
04-09-2008, 01:07 AM
على حسب الاقسام . اقسام هندسه في اقسام القاهره اعلى وفي اقسام عين شمس اعلى