موضوع نقاش للجميع : مامعنى الحب عند المرأة ؟؟

[islamsamir]

السلام عليكم

حقا لم أعد اعرف تفسيرا للحب في الجزائر عند المرأة ،، فحقا صدق الشاعر حين قال لو وقف كل رجال العالم ندا واحدا امام إمرأة لما فهموها ،، فالمرأة دائما تبقى لغزا في نظر الرجل الذي دائما يحاول ان يثبت نفسه و جدارته امامها لاكن للأسف يفشل لأنه لا يعرف مفاتيح قلبها و خاصة المرأة التي يحبها للأسف

في هذا الموضوع هناك مجموعة من الأسئلة موجهة إلى حواء و نتمنى من كل مرأة ان تقوم بالإجابة عليها و لما لا حتى الرجل يمكن ان يتفضل و يعطينا نظرته الشخصية من خلال خبرته الشخصية

1. لو خيروك بين الرجل الرومنسي و الرجل ( الراااجل كيما حنا نقولوا بالدارجة ) فمن تختارين و لمذا ؟؟
2.متى تقوم المرأة بإظهار عكس مشاعرها للرجل ؟؟ مثلا تحبه لاكن لا تعترف بذلك و تظهر العكس
3.ماهو معنى الرجولة في نظر المرأة ؟؟
4.لمذا و متى تحاول المرأة السيطرة على الرجل بإعطائه الأوامر ؟؟
5.متى و ماهي الحالات التي تسمح و تترك المرأة فيها من تحب ؟؟
6.كيف يكسب الرجل المرأة بكلامه فقط ؟؟
7.كيف يحافظ الرجل على حب المرأة له ؟
8.لمذا ترفض المرأة الرجل و حتى و هي تحبه ؟؟
9.كيف يجب التعامل مع المرأة ؟؟
10.ماهو أفضل ردة فعل يقوم بها الرجل حين تتمرد عليه المرأة ؟؟
11.ماهي المواضيع التي تحب المرأة ان تسمعها من عند الرجل ؟
12.كيف تجعل المرأة تحترمك و تطيعك ؟؟
13.كيف و متى يكون الرجل مثيرا و جذابا و مميزا في نظر المرأة

و شكرا لكم لتعاونكم معنا و أي سؤال مميز آخر ماعليكم إلا طرحه في الموضوع
أرجوا من كل عضو ان يقوم بالإجابة على كل الأسئلة

[romanza]

وعليكم السلام ورحمة الله وبركاته

1- يعني ايه يخيروا بين الرجل الرومانسي والراجل؟؟ هو ايه الفرق أصلا وللا تقصد ايه

الرجل الرومانسي والراجل اللي مش رومانسي يعني؟؟

أكيد الرومانسي

2- تظهر العكس لأن خجلها يمنعها بإظهار مشاعرها، أو كبريائها ممكن يمنعها أو انه مش بيحبها مش هتروح تقوله انها بتحبه

3- الرجولة معناها الأخلاق، الاحتواء والحنية والحزم في نفس الوقت

يكون رجل بمعنى الكلمة يعني يكون في المواقف الصعبة بيعرف يتصرف صح زي أي رجل
عنده أخلاق
يغار على أهل بيته ويرعاهم ويكون حنون في نفس الوقت.. الرجل مش بالكلام بالفعل

يعني مش أي كلمة يقولها وخلاص تتسمع بلا مناقشة يبقى كده رجل

والمثال على المعنى الحقيقي للرجل هو الرسول سيدنا محمد صلى الله عليه وسلم

4- المرأة تحاول السيطرة على الرجل وإعطاء الأوامر؟؟

لما يكون ابنها وعايزة مصلحته

5- الحالات اللي تخلي المرأة تترك من تحب

هما كتير انا هقولك على سبيل المثال لا الحصر

- انها تحس انها بتضحي عشانه كتير وهو مابيتعبش نفسه في إنه يحاول يرضيها

- انها تحس منه بالقسوة والجرح بلا أدنى إحساس انه عمل في حقها أي حاجة غلط

- انه يكون عصبي معاها بشكل زايد عن المحتمل

- لما يكون دائم سوء الظن بيها أو شكاك ده طبعا شيء متعب جدا ومش معقول كل حاجة هتبررها عشان بتحبه

مهما استحملت هييجي وقت وتتعب

- الخيانة.. ماحدش يقدر يلوم واحدة سابت اللي بتحبه عشان خانها

- الاستهزاء واللامبالاه شيء صعب.. الواحدة مهما حبت وحست اللي أدامها بيستهزأ بيها كتير وواخدها هزار

ده بيجرحها من غير ماهو يحس

وكتره بيزود عنها إحساس الجرح ده وممكن مرة ماتستحملش حاجة زي دي


6- يكسب المرأة بكلامه فقط؟؟

لما تكون هي هبلة وعلى نياتها

7- الرجل يحافظ على حب المرأة له بإنه يحافظ عليها وعلى مشاعرها

يكون رومانسي معاها.. حاجة مهمة جدا ان المرأة تحب تسمع من زوجها كلمة بحبك

هو عارف انها عارفة ده ومتأكدة منه لكن برضه بتحب تسمعها عشان ده عامل زي الميا اللي بتسقي الوردة (الحب)

برضه يكون حنين وطيب معاها ويخاف عليها

حاجات كتير أوي

8- ترفضه لنفس الأسباب اللي هي بتاعت انها تسيب واحد بتحبه

9- يجب التعامل مع المرأة زي ما كان سيدنا محمد عليه الصلاة والسلام بيعامل سيدتنا عائشة

10- أفضل ردة فعل عند التمرد ده يعتمد على شخصية المرأة

مش أي واحدة هتمشي معاها نفس ردة الفعل

فيه ناس عايزة سياسة وتشوف هي متمردة ليه وممكن يكون عندها حق

وفيه ناس متمردة وخلاص وعايزة يتشد عليها وفيه وفيه..

11- أي موضوع شيق مش تافه بين اتنين بيحبوا بعض المرأة تحب تتكلم معاه فيه طالما يثير اهتمام أحد الطرفين

المواضيع التافهة ممكن ساعات تخليها تزهق من الكلام

12- المرأة تحترم وتطيع الرجل لما يكون رجل بمعنى الكلمة

13- السؤال ده رده يعتمد برضه على شخصية المرأة

انا مثلا لا اشوف جوزي في موقف يبان طيب فيه بكون مبسوطة أوي

يعني مثلا لما اشوفه بيتعامل مع أطفال ويهزر معاهم

أو ولد صغير بيعيط ياخده في حضنه ويهزر معاه يخليه يضحك

دي حاجة تزوده في نظري جدا خاصة لما يشيل عن حد هم بحاجة بسيطة زي الابتسامة

أو أي موقف تاني الاقيه قريب فيه أوي من ربنا أو بيساعدني فيه اني اقرب من ربنا أكتر
دي حاجة كفيلة تخليني احس انه أحسن رجل في الدنيا كلها

شكرا لطرحك للموضوع اللي ممكن يفيد ناس كتير
جزاك الله خيرا

[islamsamir]

مشكورة جدا جدا أختي الفاضلة على هذا الرد المفصل ،، جازاك الله خيرا

[نابليون_بونابرت]

جامد اوى الموضوع
هاقراه واقولك رايي
اذا سمح لى الوقت فيما بعد

[MOON___LIGHT]

موضوع جمييل فعلا ,



وردودك هايلة يا Romanza انا رأى زيييك تمام حقيقى قولتى اللى فدماغى :wink:

[romanza]

مشكورة جدا جدا أختي الفاضلة على هذا الرد المفصل ،، جزاك الله خيرا


العفو جزانا وإياكم كل خير

[msism1988]

لى عودة لقراءته باستفاضة فيما بعد

[rwan99]

1. لو خيروك بين الرجل الرومنسي و الرجل ( الراااجل كيما حنا نقولوا بالدارجة ) فمن تختارين و لمذا ؟؟
السؤال مش واضح بس انا بحب الراجل بمعنى الكلمة فى كل شىء افعال اقاويل كل شىء
2.متى تقوم المرأة بإظهار عكس مشاعرها للرجل ؟؟ مثلا تحبه لاكن لا تعترف بذلك و تظهر العكس
بتقوم بعكس مشاعرها لتاكد من حبة والمفروض ان هوة الراجل يعنى هوة اللى يقولها على مشاعرة مش هية دة طبعا لما يتاكد من مشاعرها عن طريق افعالها
3.ماهو معنى الرجولة في نظر المرأة ؟؟
الرجولة تحمل كل الصفات الطيبة بمعنى قوة طيبة عقل شجاعة مروة كرامة حب عطاء التزام كل المعانى والكلمات الجميل
4.لمذا و متى تحاول المرأة السيطرة على الرجل بإعطائه الأوامر ؟؟
لما بيعمل حاجة ويندم عليها والحاجة دى تكون غلطة فى حقهم الاثنين
5.متى و ماهي الحالات التي تسمح و تترك المرأة فيها من تحب ؟؟
الخيانة الكذب الغدر الكبرياء
6.كيف يكسب الرجل المرأة بكلامه فقط ؟؟
لن يسطتيع الرجال كسب المراة بكلامهم لانها تحب الفعل وليس القول
7.كيف يحافظ الرجل على حب المرأة له ؟
بالولاء والحب والصدق والعطاء ولازم طبعا تكون هيا كمان كدة
8.لمذا ترفض المرأة الرجل و حتى و هي تحبه ؟؟
هذة اسباب تختلف من شخص لاخر يعنى مثلا ان مريت بكدة من قبل ورفضتة علشان كرامتى وكبريائى
9.كيف يجب التعامل مع المرأة ؟؟بحذرة بطيبة بحب فهى حنون اذا احبت تحمى من تحب وتعطى لة كل احنان وحياتها واذا كرهت فاطقى شر الحليم اذا غضب
10.ماهو أفضل ردة فعل يقوم بها الرجل حين تتمرد عليه المرأة ؟؟
انة يسبها فترة كدة لوحدها وهية هترجعلوا غصب عنها
11.ماهي المواضيع التي تحب المرأة ان تسمعها من عند الرجل ؟
انجازاتة وحبة لها
12.كيف تجعل المرأة تحترمك و تطيعك ؟؟
بلادب والاخلاق
13.كيف و متى يكون الرجل مثيرا و جذابا و مميزا في نظر المرأة؟
عندما يقوم بشىء مختلف مش عارفة اصل انا معنديش خبرة قوى
فى انهاية دة راىى

[spartacus]

موضوع رائع ومميز اخى islamsamir

وردود ممتازة ل romanza و rwan99 اكيد الشباب راح يستفيدوا منها فى التعامل مع من يحبوهم واكيد هتحمى احباب كتير من الفراق .. تمنياتى الطيبة لكل الاحباب

تقبلوا تحياتى و ودى