لكل من يملك المعرفه ارجوا الافاده

[wow2006]

بسم الله الرحمن الرحيم
كنت عاوز معلومات عن فكره هى ممكن متكونش جديده بس انا عاوز اعرف اسمها او فكرتها او طريقه عملها بالمختصر اى معلومات عنها
الفكره ظهرت فى فلم ocean's eleven و هى الفكره كانت انهم فصلوا التيار عن المدينه كلها عن طريق موجه كهرومغناطيسيه زى الموجه الناتجه عن القنبله النوويه بس مفيش تاثير حرارى
1-ممكن اعرف ازاى الفكره دى و ايه تفسرها على الالكترون
2-هل من الممكن حد يشرح بالصور
3-انا مش عاوز الضرر الى حصل فى الفلم انا عاوز الفكره
و يا ريت الرد شكرا........

[shamlolawe]

معلش عشان بس ده كلام أفلام
بس حسب علمي معلش عشان تولد مجال زي ده محتاج طاقة كبيرة جدا ولو وقفت علي أيديك الإثنين مش هتعرف
تعمله أساسا

[volda]

بص يا سيدي

هو اللى انا اعرفه ان حاجه زي كده بتشتخدم في مجال الحروب اكتر منها في مجال العلم

يعني اقرب حاجه سمعتها وليها نفس التأثير تقريبا حاجه اسمها القنبله الالكترونيه

وليها نموذجين أحدهما أمريكي يعرف باسم إي أم بي (الكترومجناتيك بلاس بومب) أو قنبلة النبضات الكهرومغناطيسية،

والثاني بريطاني ويعرف باسم أتش بي أم ( هاي باور مايكروويف) طورتها شركه ماترا بايدينامكس

في أحد مصانعها بمقاطعة كنت البريطاني

وبيكون هدفها عامة هو تدمير جميع الأنظمة الإلكترونية المتطورة

بما فيها شبكات الكهرباء والكومبيوتر وأنظمة الرادار والملاحة الجوية والاتصالات السلكية واللاسلكية

وشبكات الأقمار الصناعية وقطع البث الإذاعي والتليفزيوني لمدة72 ساعة من خلال الموجات المغناطيسية

أو موجات الميكروويف

التي تتولد عن انفجارها بقوة تصل إلى ما يقرب من مليار وات في الثانية الواحدة

وتنتشرعلي مسافة مئات الأميال.

يتم إطلاق هذه القنبلة بواسطة صواريخ توماهوك أو بواسطة طائرات (بريديتور)

التي تعمل بدون طيار لإسقاطها وتفجيرها فوق الهدف مما يودي إلى

إنتاج موجات كهرومغناطيسية عالية الكثافة تفوق بكثير تلك الموجات التي تتولد عن الانفجارالنووي

بهدف تدمير جميع الدوائر الإلكترونية العاملة في محيط الهدف،

ويمكن لهذه الموجات اختراق التحصينات والمخابئ الموجودة تحت الأرض

أيضا من خلال منافذ التهوية وأجهزة التكييف لتقوم بتدمير كل الأجهزة العاملة بداخلها.

القنبله دي برضه مش بتنفجر زي القنبله النوويه او القنابل الاخرى مصدرة ضجيج وبخار والكلام ده

زي بالظبط ما ظهر في الفيلم

لكنها تعلن عن نفسها من خلال صوت فرقعه حاد جدا يشبه صوت الرعد

ويمكن سماعه من مسافة مئات الكيلو مترات ويعقب ذلك توهج أضواء النيون في الشوارع

وأجهزة التليفزيون والكومبيوتر في المنازل والمكاتب ثم تنطفئ الأضواء وتتوقف جميع الأنظمة والأجهزة الإلكترونية

عن العمل للابد، وبعد ذلك تفوح رائحة غاز الأوزون المختلطة برائح البلاستيك المحترق

الناتج عن ذوبان وانصهار كوابل الكهرباء وأسلاك الهاتف والقواطع الكهربية وشبكات الكومبيوتر

ويؤدي ذلك بالضرورة إلى توقف جميع الاتصالات السلكية واللاسلكية والبث الإذاعي والتليفزيوني

والبورصات المالية ومحطات تنقيه المياه ومصافي تكرير البترول وأنظمة الطوارئ والاستدعاء الآلي

وغرف العمليات والرعاية المركزة وبنوك حفظ الدم في المستشفيات وأبراج المراقبة

وأنظمة الملاحة الجوية في المطارات وحتى الـ mp3 اللى هو مشغل الموسيقى العادي




بالنسبه للمعلومات دي اتمنى انها تكون مفيده

مصدرها منقول من مواقع الانترنت ومن المهندس المعيد عندي في الكليه

وشكرا

[volda]

نسيت احطلك صوره للقنبله الالكترونيه

معلش

اتفضل

http://img145.imageshack.us/img145/7712/1696imgcacheth8.gif

يارب تكون مفيده

[volda]

http://img237.imageshack.us/img237/2550/ebombcc1.jpg


http://img78.imageshack.us/img78/6673/ebombuy8.jpg

[wow2006]

بجد شكرا على المعلومات انا حولت اسال ومحدش عرف فقلت اكتب فى المنتدى بجد الموضوع ده هيكال دماغى و سلام

[volda]

كويس انك لجأت للحل ده

طيب يا ترى المعلومات اللى انا جبتها فادتك؟؟

ولا انت اصلا ما قريتهاش؟؟