الحب من طرف واحد(دعوة للنقاش)

[dead man walken]

اهلا بيكوا في الموضوع البسيط ده و اللي هايناقش مشكلة ممكن يكون كتيير منا وقع فيها
و هي (الحب من طرف واحد)
الحب من طرف واحد في رأيي مأساه كبيرة جداً بيقع فيها الانسان و بيكون كلها الم و عذاب
ممكن يكون سببها الفراغ العاطفي او الاحتياج للحب و ممكن يكون الحب بجد و صادق بس مش عارفين نعبر عن اللي جوانا للطرف الاخر
و هنا بنقع في دايرة مقفولة من احلام اليقظة و الاوهام اللي بتلهب حرارة الحب من غير اي فايده
عايز اعرف راي ادم لما يكون بيحب من طرف واحد و هايكون تصرفة ازاي هل هايعبر عن حبة و زي ما تيجي تيجي
ولا هايكتفي بالحب في صمت من بعيد لبعيد
و كمان رأي حواء هاتعمل اية خصوصا ان موقفها هايكون اصعب عشان تقاليدنا الشرقية هاتمنعها من اظهار حبها او الافصاح عنة

عايز اعرف اراكوا و يا رب الموضوع ينال اعجابيكوا

[xmora]

اولا مشكووورة يا مان على الموضوع الرائع دة
وبالنسبالى انا لو اتحطيت فالوضع دة اكيد هتصرف كالاتى.....
هحاول الاول الفت نظروا ليا يعنى كلامى معاة متكلمش كتير اقرفو ولا اسكت خالص ازهقو ..ممكن طريقة كلامى معاة تكون نصها بالكلام ونصفها بالعيون علشان اخلية يبقى مشتاق للكلام معايا بعد كدة
وكمان وقفتى ..اكيد هاخد بالى من طريقة كلامى مع صحابى قدامو او مع حد تانى من الاخر لازم يشوف منى وقفات ملفتة
وهستخدم كل الحيل عشان الفت نظرو من غير ميحس طبعا
بس لو مفيش امل خالص بقى يمان عن نفسى هبعد تماما وعمرى مهخلية يشفنى ولا هفكر انى اشوفو لانو لو فضل قدامى ممكن ادخل بقى فدائرة احلام اليقظة بقى وماما تدخل عليا تلاقينى بكلم روحى وشغل الجنان دة

مشكوورة على الموضوع وتقبل مرورى:42:xmora:42:

[dead man walken]

اولا مشكووورة يا مان على الموضوع الرائع دة
وبالنسبالى انا لو اتحطيت فالوضع دة اكيد هتصرف كالاتى.....
هحاول الاول الفت نظروا ليا يعنى كلامى معاة متكلمش كتير اقرفو ولا اسكت خالص ازهقو ..ممكن طريقة كلامى معاة تكون نصها بالكلام ونصفها بالعيون علشان اخلية يبقى مشتاق للكلام معايا بعد كدة
وكمان وقفتى ..اكيد هاخد بالى من طريقة كلامى مع صحابى قدامو او مع حد تانى من الاخر لازم يشوف منى وقفات ملفتة
وهستخدم كل الحيل عشان الفت نظرو من غير ميحس طبعا
بس لو مفيش امل خالص بقى يمان عن نفسى هبعد تماما وعمرى مهخلية يشفنى ولا هفكر انى اشوفو لانو لو فضل قدامى ممكن ادخل بقى فدائرة احلام اليقظة بقى وماما تدخل عليا تلاقينى بكلم روحى وشغل الجنان دة

مشكوورة على الموضوع وتقبل مرورى:42:xmora:42:


مشكوورة جدا علي مرورك الكريم
و احترم وجهه نظرك و شايفها منطقية اوي بالنسبة للبنات

[سندس المصرية]

لو اتحطيت فى الموقف ده هكبر دماغى وهحاول اشغل نفسى فى اى حاجه تانيه اذكر ربنا اعرف ربنا اكتر واعرف دينى اكتر لان ربنا اولى بالتفكير فيه واشغل نفسى بمزاكرتى وشغلى واستحالة المح لان حيائى يمنعنى من حتى مجرد التلميح وانا شايفه ان علاقات الحب معظمها بتبقى غير جاده وانها مجرد تسليه للوقت وان الواحد لو شغل نفسه فى حاجات مفيدة يكون افضل وان الانسان الى شايف ان حبه ده من طرف واحد لازم يعرف ان ده مش اخر الدنيا فى حاجات تانيه كتير حلوة فى الدنيا ولازم يفوق ويقنع نفسه ان ده مش اخر المطاف ويشوف حياته وربنا هيرزوقه او يرزقها بالانسان المناسب ليها

[MaX-love]

والله الحب من طرف واحد ده اصعب شئ ممكن يكون فى الحياه
اسألوا مجرب :glasses:
لمده 7 سنين
والله 7 سنين
ومش عاف اقول ايه تانى :sadwalk:

[βlue_ωheat]

الحب من طرف واحد ذي النفخ في قربة مخرومة.................................

سهر.....و خيال و احلام............

الحب من طرف واحد يلقيك من ناطحات السحاب الي هوة عميقة................

الحب من طرف واحد كمن يتخيل انه يستطيع ان يمشي علي الماء و هو يعلم انه يغرق......

ابحث عن حب اخر من فورك.....و ستجد قلبا اخر يشعر بك......

تحياتي

[دريم احمد]

موضوع جميل والاجمل انه يتفتح للنقاش
الحب من طرف واحد هو اسوء شعور ممكن يقع فيه الانسان
وعن نفسى فلو حصل واتحطيت فى الموقف (( وربنا ميجبش وحش))
هحاول أوصل لها بأى طريقه من غير موضح ده ولو منفعش يبقى لازم أوضح ده
بالكلام الصريح ولان مينفعش افضل كاتم فى نفسى وساكت وكمان عندى
امل لغايه متتخطب او ترتبط وانا واقف اتفرج
لان من وجه نظرى ان ديه هتكون أخر محاوله وهى الكلام وساعتها يقمى اه يقمى لاء
ولو منفعش خلاص انتهى ولازم احاول انسى وابعد وانهى الموضوع بنسبه 100%
وبعد كده احاول اعتبرها اخت ليا مش اكتر

[dead man walken]

اول حاجة عايز اشكر كل الاعضاء علي مرورهم الكريم و ارأهم اللي بجد غاية في الروعه
و اسمحولي ارد عليها بسرعه
سنسدس المصرية: فعلا رأيك جميل و يحترم و غالب علية الطابع العقلي و الروحاني اكتر من العاطفي
max-love: مش هاقدر اقول غير ربنا يوفقك في حياتك و حاول تعوض ال7 سنين اللي فاتوا لانهم كتير اوي علي تجربة حب من طرف واحد
blue_wheat_3: قدرت تلخص الموضوع كلة في ردك
دريم احمد: رد جميل و عملي

[MEROHEMALOVER]

لو اتحطيت فى موقف زى دا هحاول اظهر له دا فى نظرات عنيا لكن من غير ما يبان فى كلامى حاجه بحيث يبقى هو اللى محتار ويحاول يتكلم:whistle:

[dead man walken]

لو اتحطيت فى موقف زى دا هحاول اظهر له دا فى نظرات عنيا لكن من غير ما يبان فى كلامى حاجه بحيث يبقى هو اللى محتار ويحاول يتكلم:whistle:

تصرف كويس و في ذكااااااااااااااااااء بهنيكي علية

[SwEeT_CaNdY]

الحب من طرف واحد دة اصعب حاجة فى الدنيا وحوار النظرات دة غلط لانة ممكن تعد سنين توهم نفسك انة بيبد لك نفس النظارات ونفس الشعور ويطلع فى الاخر بيحب واحدة تانية وطبعا معلهوش اللوم لانة ماوهمنيش بحاجة انا اللى وهمت نفسى واصعب حاجة لما تكون انتة اللى جارح نفسسك بايدكمش حد جرحك

[dead man walken]

الحب من طرف واحد دة اصعب حاجة فى الدنيا وحوار النظرات دة غلط لانة ممكن تعد سنين توهم نفسك انة بيبد لك نفس النظارات ونفس الشعور ويطلع فى الاخر بيحب واحدة تانية وطبعا معلهوش اللوم لانة ماوهمنيش بحاجة انا اللى وهمت نفسى واصعب حاجة لما تكون انتة اللى جارح نفسسك بايدكمش حد جرحك

كلام جميل اوي

[dead man walken]

السلام عليكم و رحمة الله

بعد ما عملنا استطلاع لرأي للناس لو كانوا في حالة حب من طرف واحد
دلوقتي عندي سؤال لما الواحد بيكوون بيحب طبعا بيكون حاسس بحب حبيبة/حبيبتة
لكن في الحالة بتاعتنا الواحد بيكون حاسس بفطور في المشاعر من الطرف الاخر عشان اصلا مش بيحبة
طيب لية الواحد بيستمر في وهم نفسة بالحب و بيحاول يقنع نفسة بكل الطرق ان الطرف التاني بيحبة؟؟؟؟؟؟؟؟؟؟؟؟

[EmPeRoR20]

ده أصعب مما تتخيل

[dead man walken]

ده أصعب مما تتخيل

واضح انك تعبت منة اوي
ربنا معاك
بس انا عندي سؤال مين المسؤل عن العذاب اللي بنكون فية احنا ولا الظروف ؟

[EmPeRoR20]

واضح انك تعبت منة اوي
ربنا معاك
بس انا عندي سؤال مين المسؤل عن العذاب اللي بنكون فية احنا ولا الظروف ؟
ههههههههه لا يا عم الواحد مش ناقص
و كل الموضوع و ما فيه قسمة و نصيب و الظروف بتلعب دور فى الموضوع ده
و أنا بعتلك رسالة ع الخاص موضح فيها كل حاجة

[NoNo_BaStOtA]

رد على السؤال لانة بيبقى عايز الطرف التانى يحبة بيحاول يقنع نفسة بدة يمكن يتحقق الوهم ويبقى حقيقة بس اللى بيحب من طرف واحد مابيبقاش عارف انة بيوهم نفسة غيلر لما يفوق

[NoNo_BaStOtA]

طبعا احنا المسؤلين لان الحب بيحتاج عقل يفكر ويميز اذا كان الطرف دة بيحبك ولا لاء

[NoNo_BaStOtA]

[COLOR="Red"][B][I][U]صح الكلام دةCOLOR]

[mostafa_power]

طب تعمل ايه بقا لو كانت حتى مش بتقدر تبص فى عنيه
عشان تعبر له
انا شايف ان هى او هو يدعو ربنا لان الله
بايده قلب من تحب
وشكرا على الموضوع

[starsong]

السلام عليكم و رحمة الله

بعد ما عملنا استطلاع لرأي للناس لو كانوا في حالة حب من طرف واحد
دلوقتي عندي سؤال لما الواحد بيكوون بيحب طبعا بيكون حاسس بحب حبيبة/حبيبتة
لكن في الحالة بتاعتنا الواحد بيكون حاسس بفطور في المشاعر من الطرف الاخر عشان اصلا مش بيحبة
طيب لية الواحد بيستمر في وهم نفسة بالحب و بيحاول يقنع نفسة بكل الطرق ان الطرف التاني بيحبة؟؟؟؟؟؟؟؟؟؟؟؟


باشا أحب أهنيك على الموضوع الجامد ده

لكن خلينا نعلى درجة صعوبة السؤال شوية كمان !

الواحد المفروض يعمل أيه لما يلاقى فطور فى المشاعر من الطرف الاخر

لكن الطرف الأاخر بيدعى انه بيحبه ؟؟؟؟؟؟؟؟؟؟؟؟ تعمل أيه ساعتها ؟

[darkness slayer]

ما راح ازيد اشي على حكي الشباب ...بس المشكلة الاكبر مش كيف توصل مشاعرك للشخص الثاني ..المشكلة بتكون في رفض الشخص الثاني لمشاعرك.....
تحياتي ليك

[Sherrou10]

ردودكم كلها بحترمها بس قولولى اعمل ايه انا عبرت عن اللى جوايا وهى عرفت كده و قالتلى انت زى اخويا