للاداره: مش مستهله باسوورد للمالتى ميديا

[syllvster]

والله مش محتاجه باسوورد على الاقل كنا نشوف اى ردود والمواضيع مبتزيدش ومحدش بيرد والله حاجه تخنق الواحد يدور ويعمل مواضيع وكله عالفاضى بجد خنقتونا:42:

[MR.ELTOONY]

من غير الائق التحدث مع مشرفيك بهذه الطريقة

ثانيا موضوع احقيه الباسوورد للاقسام شى من خصوصيا واعمال الادارة ليس للاعضاء الحق فى التدخل فيها شئون الادارة

سوف اكتفى هذه المرة بلفت نظرك لما قد طرأ منك من هفوات

ولاكن بعد ذلك فلا تلومن ألا نفسك

شكرا

[Mr.TaToo]

بالاضافه الى كلام احمد احب اضيف حاجه صغيره
لماذا التذمر رغم حصولك على الباس ماهى موضوعاتك الى انت بتشتكى من عدم الرد عليها
كلها لينكات من موقع

youtube

يعنى حضرتك مرفعتش ولا ميجا مالتى ميديا للمنتدى بالرغم من وجود الكثير من الاعضاء والمشرفين قامو برفع عشرات الافلام والى قد تصل الى 2 او 3 جيجا ولم يعترض احدهم على نظام المنتدى
اعتقد انى وضحت الصوره

[shamlolawe]

والله أنا من رأي الأخ صاحب الموضوع
يعني منتديات الأفلام العربية والأجنبية بقي وجميع أقسام الملتيميديا في المنتدي يتم غلقها لو مشينا بهذا المبدأ
وكمان أنا أسف اللي بيعوز فيلم في عالم كمال الأجسام
ممكن يجده بسهوله علي النت
والسلام عليكم

[Shandid Media]

انت معاك حق ، بالاضافه لان الناس هنا مش واخده بالها من نقطه مهمه اوى ، انتو بتحرمو اخواتكو ولاد بلدكو من مشاهدة المالتى ميديا من اجل مصلحة صاحب المنتدى !!!!!!!! لو شوية تفكير هتلاقو انكو بتشتغلو لصالح شخص على حساب الجماعه

[syllvster]

تصدق يا mr.eltuny نبهتنى انى موضوعاتى ملهاش اى لازمه والله منتدى جميل جدا اللى يقول كلام مش نناقشه لأ نهدده على العموم اذا كنت شايف قسم المالتى ميديا فيه مواضيع تستاهل التعب والباسوورد انت حر انما ده راييى وأظن ان اختلاف وجهات النظر ضرورى مش كل الناس رأيها واحد ولا ايه

[kamal_net]

انت معاك حق ، بالاضافه لان الناس هنا مش واخده بالها من نقطه مهمه اوى ، انتو بتحرمو اخواتكو ولاد بلدكو من مشاهدة المالتى ميديا من اجل مصلحة صاحب المنتدى !!!!!!!! لو شوية تفكير هتلاقو انكو بتشتغلو لصالح شخص على حساب الجماعه


اكمان عاوز باسوورد للمالتى ميديا و مرتين و انا اطلب الباسورد و محدش رد علينا

[eyaz dosareh]

syllvster

حاجه تخنق الواحد
كله عالفاضى
بجد خنقتونا

دى مصطلحات تحتاج للانذار وليست للمناقشة فللمناقشة اسلوب افضل
وكمان ما فى احد انكر مجهودك وان قل ولكن انظر لطرحك فى الموضوع ولا تتعجب الجواب وليست هذه هى الروح السائدة هنا كأخوة مع بعضنا البعض كان من الممكن ان تقترح ما هو افضل للقسم بصورة افضل من ان تستخدم الفاظ فيها تهكم

وكمان حضرتك لو شايف ان الى فى المالتى ميديا مش مستاهل ادعوك لزيارة المنتديات العربية ومشاهدة قسم كمال الاجسام فيها ولنا عودة
تحياتى

[syllvster]

يا ايذ المواضيع اغلبها على اكتر من رابط وبعد ما الواحد بعد ينزل 8 روابط مضغوطين تلاقيهم مش بيتفكو وكمان انا مش معايا بريميم على الرابيد متخيل الخنقه وبعد ده كله مستغرب انى اتخنقت و المشرف يقولى انت فين مواضيعك دى كلها من على ال youtube معاك انها من على youtubeعلى الاقل تعبت نفسى ودورت وعملت مواضيع وهل انا لما رفعت فيلم ناصر حد ترك رد يا مان بجد متكهوش الواحد فى المنتدى بجد وياريت تقدر ويبقى فيه لغه حوار واذا كنت انا غلطت المفروض تناقشنى تقولى مينفعش تقول كده مش تهددنى وتقولى انت الجانى على نفسك المفروض ان احنا اخوات مش اعداء ولا ايه

[shamlolawe]

بلاش يامشرفين المنتدي
لهجة الوسية
الأسياد والعبيد ياريت تبطلوها

[monsefy]

--------------------------------------------------------------------------------

والله مش محتاجه باسوورد على الاقل كنا نشوف اى ردود والمواضيع مبتزيدش ومحدش بيرد والله حاجه تخنق الواحد يدور ويعمل مواضيع وكله عالفاضى بجد خنقتونا


مممممممممم
الظاهر انى جيت متاخر !!!
طيب ......
اولا : الاخ syllvster انت لما طلبت الباسورد منى اخدته امتى ؟
الاجابه : لماطابقت الشروط المطلوبه للحصول على الباسوورد
مع العلم انك طلبته قبل كده ورفضت لانك لم تستوفى الشروط صح ؟
تمام ... يعنى انت تعبت و اتكافات على مجهودك
ليه بقى باقى الاعضاء مش بيعمل زيك..... دى نقطه

ثانيا: موضوع ان مواضيعك معظمها من اليوتيوب محدش علق عليها
بالعكس المواضيع موجوده وفيها مشاركات جيده او (مشاهدات)
انت زعلان انك حاطط لينك فيديو ومحدش بيرد فى موضوعك
مهو احنا ياما رفعنا فيديوهات اخدت وقت وجهد كبير والمشاركات
كانت ضعيفه مزعلناش وعمرنا ما حطينا فى موضوعنا كلمه (عايزين ردود)
زى ما فى اعضاء كتير بتعمل !!!!!

[BRoCK LeSNaR]

هما اكيد ادرى

[Mr.TaToo]

بلاش يامشرفين المنتدي
لهجة الوسية
الأسياد والعبيد ياريت تبطلوها

الموضوع ابسط من كده بكتير بلاش كل الامور نكبرها وبلاش ديما السخط على اى نظام او اسلوب بدون النظرلاهدافه الاخ سيلفيستر تفه من نظام المنتدى واسلوب الاداره ورغم كده مردتش على اسلوبه ولكن عند رد المشرف عليه انتقدته
اخى لا تقوم بالكيل بمكيالين

[syllvster]

شكرا على الردود وياريت يبقى فيه روح المناقشه يا شباب ميبقاش الموضوع حكومه وشعب

[syllvster]

بالاضافه الى كلام احمد احب اضيف حاجه صغيره
لماذا التذمر رغم حصولك على الباس ماهى موضوعاتك الى انت بتشتكى من عدم الرد عليها
كلها لينكات من موقع

youtube

يعنى حضرتك مرفعتش ولا ميجا مالتى ميديا للمنتدى بالرغم من وجود الكثير من الاعضاء والمشرفين قامو برفع عشرات الافلام والى قد تصل الى 2 او 3 جيجا ولم يعترض احدهم على نظام المنتدى
اعتقد انى وضحت الصوره

مش شايف فى الكلام ده اى حاجه يا ريت تعملو على تنشيط منتدى مالتى ميديا كمال الاجسام بدل ما تهاجمنى وخلاص وانا شايف ان حتى موضوعات youtube محدش رد عليها وياريت تاخدوا اراء الاعضاء فى كيفيه تنشيط قسم المالتى ميديا وانا شايف لما انا ادور واجيب حاجات حتى لو من youtube تفيد الاخوه افضل من مفيش وشكرا ليك يا مستر تاتوو

[Mr.TaToo]

اخى سيلفستر المنتدى لاشىء بدون الاعضاء ولكن انت لاتقترح انت تهاجم اسلوب وكان ردى عليك بمثل اسلوبك اما لو كان موضوعك اقتراح كان هايتم مناقشته والتوصل فيه لنقاط الفائده الى بيها نرتقى بالمنتدى ككل
على العموم وبالرغم من اسلوبك فى طرح الموضوع وطريقتك فى المناقشه الا انه يتم بالفعل الان دراسه موضوع الباس ورد للوصول للافضل
فى انتظار مقترحات هادفه ........

[syllvster]

حاول تهدى يا مستر تاتوو من الاخر لو كتبت syllvster كده (سلفستر ) بالعربى يعنى هكتبك مستر تاتوو من الاخر والعاوز تعمله اعمله (بهرج معاك ) يامان اهدا ومتبقاش لعيب حديد

[monsefy]

ايوه كده يارجاله
عايزين اقتراحات جديده بهذا الخصوص
لو فى اى اقتراح بخصوص الباسوورد ياريت نشوفها

[AL-Samurai]

الاخ الكريم syllvster لاداعي للغضب

انا دخلت اغلب المنتديات العربية وفيها تعسف ومنّه وبخل, صدقني انت لست محتاج لمنتدى معين هناك ملايين المنتديات بتلقى كل ماتريد وملايين المواقع الي تحتوي على كل ماتريده سواء في رياضة الاجسام او غيها او في اي اهتمام اصلا.

لاتهتم وبما ان هذا المنتدى يمسكة مشرفين فهم احرار بص ثق كامل الثقه ان في مواقع ومنتديات كثيرة افضل ومجانية وكل من يقيمون عليها ناس كويسة وصدرهم رحب ويتعاملون معى الانتقادات بشكل قمّة في الروعه, ولايوجد اي تعسب وتكابر كما قال الاخ shamlolawe.

Mr.TaToo اخي الحبيب انا شفت موضيعك بالمنتدى وماشاء الله متعوب عليها بس انت فاجاتني بردك القاسي على الاخ لان بصراحة ليس له داعي, هو سال سوأل وانت جاوبة, ومايصح انك تحت من مواضيعه الي حطاها وتعب عليها خصوصا انك مشرف المنتدى.

والاخ كان قصدة بناء المنتدى, وبرايي لا ارى ان قصد الميديا يحتاج لباسوور, يعني مثلا قسم الاداره نعم يحتاج بس الميديا مجرد قسم مثل الاقسام الموجوده ولا اجد اي ضرورة لوضع باس.

على العموم انا قلت رأيي, وانتم احرار

[shamlolawe]

لو عايز أي فيلم في كمال الأجسام يا أخ سلفستر
بص إعمل سيرش في برنامج ميكرو تورنت بإسم الفيلم هتلاقيه
وكمان في مواقع بتقدم الأفلام بروابط مباشرة بس للأسف كلها أو معظمها رابيد شير فلو تنفعك أبعتهالك علي الخاص
ياعم ولا تزعل
أنا منزل بلاوي يعني

[Mr.TaToo]

فى انتظار المقترحات الهادفه.........

ياجماعه احنا مش فى خناقه
سيبك من هنا وتعالى هناك فى حاجات حلوه وببلاش ومفيش مشرفين يتحكمو ويقولو اه ولاء
هو ده الكلام الى بيتكتب انما اقتراحات لاء
كلنا عارفين ان الانترنت عالم واسع المعلومه بتلاقيها فى اكتر من مكان فى مجانى وفيه مسروق فيه كل شىء
والغرض من وضع الباس ليس الاشاره الى ان المنتدى هنا بيخترع الذره
هو حفظ الحقوق والمجهود فى ظل عدم وجود اى طريقه لحماية الملكيه الفكريه وحقوقها على الشبكه العنكبوتيه سواء كان ابداع من عضو او مجهود مبذول

...........

[ps3vsxboxvswii]

بصوا يا جماعة احنا نشيل الباسورد اللي جايبلنا وحع الدماغ ده كل يوم والتاني ونرجع زي الاول وكل عضو وضميره بقي ولو عاوزين ردود ومواضيع اعملوا مسابقة انشط عضو والحاجات ديه بقي مش هاوسيقوا يعني مش بقي طالما مافيش ردود يبقي بالعافية وعلي فكرة العنف والشدة والتعسف عمره ماجاب نتيجة يعني كل الحاجة يالين والحب بينا وبين بعضينا مش كدة خليكوا حلوين كدة وشكرا

[kamal_net]

بصوا يا جماعة احنا نشيل الباسورد اللي جايبلنا وحع الدماغ ده كل يوم والتاني ونرجع زي الاول وكل عضو وضميره بقي ولو عاوزين ردود ومواضيع اعملوا مسابقة انشط عضو والحاجات ديه بقي مش هاوسيقوا يعني مش بقي طالما مافيش ردود يبقي بالعافية وعلي فكرة العنف والشدة والتعسف عمره ماجاب نتيجة يعني كل الحاجة يالين والحب بينا وبين بعضينا مش كدة خليكوا حلوين كدة وشكرا

نعم يا اخي كلامك صح
بيقولو 50 مشاركة و 5 مواضيع في قسم كمال الاجسام و مبروك عليك الباسورد لكن احنا ماشفنا شي

[shamlolawe]

أنا بشجع موقف الإدارة في قبولها للإقتراحات
الإقتراح إلغاء الباسوود وعمل الملفات المرفوعة بإسم المنتدي زي منتديات الأفلام وبس
لمنع النقل

[heshamaction]

السلامة عليكم و رحمة الله و بركاته

في البداية أحب أحيي الأخ سلفستر اللي فتح الموضوع دا لأن فعلا الوضع محتاج تغيير، و احب أحيي حبيبي طارق تاتو و اياذ و منصفي و التوني على مجهودهم الجبار في المنتدى.


انا عندي اقتراحين لحل الأزمة:


الأقتراح الأول : يتم تقسيم منتدى المالتي ميديا إلى قسمين ، قسم عادي و الأخر مشفر، حيث يترك للأعضاء حرية وضع المواضيع و الوصلات (العادية) و التفاعل مع بعضهم البعض في القسم العادي ( حيث لا يشترط باسوورد للدخول)، و في الجهة الأخرى يتم وضع وصلات المنتدى الخاصة المرفوعة من قبل الأعضاء النشيطين و المشرفين في القسم المشفر بالباسوورد.

و مزايا هذا النظام كثيرة منها :

1- عدم منع الأعضاء بصورة مطلقة ( كما هو مطبق الآن ) من التفاعل مع بعضهم في قسم مهم مثل قسم المالتي ميديا ، حيث يسد حاجة الأعضاء الخاصة بالمشاركة و الحصول على مالتي ميديا كمال الأجسام.

2- التفرقة بين الأعضاء النشيطين ( و الذين يستحقون المكافئة ) و الأعضاء العاديين، حيث يكون لهم قسم مميز يجدون فيه وصلات مباشرة خاصة بهم غير الموجودة في القسم العادي، و بهذا نكون قد حققنا التمييز المناسب بين الأعضاء.

3- إعطاء باسوورد القسم المشفر للأعضاء محل الثقة، و بالتالي نكون قد حققنا حماية شبة أكيدة لوصلات المنتدى الخاصة.


الأقتراح الثاني: يتم انشاء مواضيع متجددة في القسم العادي و تثبيتها، تحتوي جديد القسم المشفر و ما يوجد به من ميديا بوصلات مباشرة ( منها ما هو جديد و غير موجود في القسم العادي و منه ما هو موجود ولكن بوصلات غير مباشرة في القسم العادي ) ، وحث الأعضاء داخل المواضيع على السعي للحصول على الباسوورد لأقتناء الميديا الموجودة في القسم المشفر.

و من مزايا النظام :

1- تشجيع الأعضاء و إغرائهم للتأهل للحصول على الباسوورد لاقتناء الميديا الجديدة أو الموجودة و لكن بوصلات مباشرة.

2- إنشاء تواصل دائم بين الأعضاء العاديين و أعضاء القسم المشفر، و ضخ المزيد من الأعضاء المؤهلين إلى القسم المشفر مما يساعد على تنشيط القسم المشفر باستمرار.




ياريت أكون عرفت أقدم اقتراحات جيدة و انا منتظر رأيكم فيها


تحياتي

[MR.ELTOONY]

الادارة

مناقشة موضوع باسوورد للمالتى ميديا مطروحة الان

ونتقبل جميع الاراء البناءة

اما بالنسبة للمشاركات عديمة الجدوى ومثيرة القلق ومفتعله المشاكل .. فللادارة حق التصرف

واخص بالذكر الاخ shamlolawe

وفى انتظار الاراء .. شريطة ان تكون الاراء المقترحة من من هم اعضاء نشيطيين فى منتدى كمال الاجسام

شكرا

[shamlolawe]

ياباشا شكلك ماشوفتش ردي اللي فات
حضرتك شوف ردي اللي فات اللي فيه الإقتراح وبعدين خصني بالذكر

[Mr.TaToo]

اخى الغالى هشام مرحب بيك
اقتراحك ممتاز وبناء واعتقد انه من الافضل الافكار الى هايتم طرحها سوف يكون محل دراسه والقرار النهائى سوف يكون فى القريب العاجل ان شاء الله

[MR.ELTOONY]

أنا بشجع موقف الإدارة في قبولها للإقتراحات
الإقتراح إلغاء الباسوود وعمل الملفات المرفوعة بإسم المنتدي زي منتديات الأفلام وبس
لمنع النقل

اقتراحك بالفعل كان هو السائد فى الفترة ما قبل الباسوورد

ولاكن النتيجة ؟؟؟ كم هائل من المواضيع تم نقلها الى منتديات اخرى خارج الدى فى دى

ولهذا قمنا بوضع باسوورد

[عبده طرابيه]

http://www.imagup.info/images/member/1204533894_pesm%20allh%201.gif

ايوه كده يارجاله
عايزين اقتراحات جديده بهذا الخصوص
لو فى اى اقتراح بخصوص الباسوورد ياريت نشوفها

من فترة دخلت عشان كنت هرفع اسطوانات فى القسم

فوجئت بالباسورد وطريقة طلبه

بكل صراحة :

قفلت الصفحة وأنتقلت إلى قسم أخر فورا

الأفضل من غلق القسم بكامله وضع كلمة سر للملفات

أو تسميته بأسم المنتدى كما يتم فعله فى اقسام الافلام

بالتوفيق لكم ولنا وللمسلمين أجمعين

http://www.imagup.info/images/member/1204533930_mashkor.gif

http://www.imagup.info/images/member/1204533911_yadanbiyadua8on5.gif

السلام عليكم و رحمة الله و بركاته

[monsefy]

السلامة عليكم و رحمة الله و بركاته


في البداية أحب أحيي الأخ سلفستر اللي فتح الموضوع دا لأن فعلا الوضع محتاج تغيير، و احب أحيي حبيبي طارق تاتو و اياذ و منصفي و التوني على مجهودهم الجبار في المنتدى.


انا عندي اقتراحين لحل الأزمة:


الأقتراح الأول : يتم تقسيم منتدى المالتي ميديا إلى قسمين ، قسم عادي و الأخر مشفر، حيث يترك للأعضاء حرية وضع المواضيع و الوصلات (العادية) و التفاعل مع بعضهم البعض في القسم العادي ( حيث لا يشترط باسوورد للدخول)، و في الجهة الأخرى يتم وضع وصلات المنتدى الخاصة المرفوعة من قبل الأعضاء النشيطين و المشرفين في القسم المشفر بالباسوورد.

و مزايا هذا النظام كثيرة منها :

1- عدم منع الأعضاء بصورة مطلقة ( كما هو مطبق الآن ) من التفاعل مع بعضهم في قسم مهم مثل قسم المالتي ميديا ، حيث يسد حاجة الأعضاء الخاصة بالمشاركة و الحصول على مالتي ميديا كمال الأجسام.

2- التفرقة بين الأعضاء النشيطين ( و الذين يستحقون المكافئة ) و الأعضاء العاديين، حيث يكون لهم قسم مميز يجدون فيه وصلات مباشرة خاصة بهم غير الموجودة في القسم العادي، و بهذا نكون قد حققنا التمييز المناسب بين الأعضاء.

3- إعطاء باسوورد القسم المشفر للأعضاء محل الثقة، و بالتالي نكون قد حققنا حماية شبة أكيدة لوصلات المنتدى الخاصة.


الأقتراح الثاني: يتم انشاء مواضيع متجددة في القسم العادي و تثبيتها، تحتوي جديد القسم المشفر و ما يوجد به من ميديا بوصلات مباشرة ( منها ما هو جديد و غير موجود في القسم العادي و منه ما هو موجود ولكن بوصلات غير مباشرة في القسم العادي ) ، وحث الأعضاء داخل المواضيع على السعي للحصول على الباسوورد لأقتناء الميديا الموجودة في القسم المشفر.

و من مزايا النظام :

1- تشجيع الأعضاء و إغرائهم للتأهل للحصول على الباسوورد لاقتناء الميديا الجديدة أو الموجودة و لكن بوصلات مباشرة.

2- إنشاء تواصل دائم بين الأعضاء العاديين و أعضاء القسم المشفر، و ضخ المزيد من الأعضاء المؤهلين إلى القسم المشفر مما يساعد على تنشيط القسم المشفر باستمرار.




ياريت أكون عرفت أقدم اقتراحات جيدة و انا منتظر رأيكم فيها


تحياتي


بداية احب ارحب بيك اخى العزيز هشام
و ردك عجبنى جدا جدا وسيتم مناقشه اقتراحك
ومره اخرى احييك على روحك الطيبه

[ابو الشبكات]

على فكرة ياجدعان العملية مش عملية وسة وتحكمات والكلام دة
اهو حاجة النظام فى الموضوع مش اكثر
وانا موافق على كلام المراقبين والمشرفين على المندى بمعنى اصح (القائمين على المنتدى)
:15:

[ELMOHNDS]

:42:طبعا بما اننا في منتدى الدي في دي وطبعا كل واحد ليه حق الراي الموضوع فعلا ملهوش اي لزمه باسورد للملتي مديا مش عارف ليه يعني النت ملياان علي الاخر ملتي مديا كمال اجسام المفروض انه يبقه حاجه عاديه مش عارف المشرفين مكبرنها كده ليه

[heshamaction]

بداية احب ارحب بيك اخى العزيز هشام
و ردك عجبنى جدا جدا وسيتم مناقشه اقتراحك
ومره اخرى احييك على روحك الطيبه

تسلم يا منصفي، انت من الناس المحترمة بجد اللي تستاهل كل خير و احترام

و ان شاء الله الإدارة تتوفق و تتخذ القرار الصائب اللي يرضي جميع الأطراف

[hassan_angelman]

يعني انا كعضو في المنتدى اريد ان انتفع من خبرة جميع الاعضاء لكي استمر في التمارين وارى ان الباسورد هو طريقه غير ناجحه هل المهم الردود والمشاهدات او افادة عضو يسعى ان يكون بصحه سليمه وللعلم انا قد قمت بطلب الباسورد وعلى الارجح انا لم استوفي الشروط ومن ضمن الشروط الموضوعه اني يجب ان اكتب خمس مواضيع مع العلم اني مبتدء لااعرف كيف اكتب لك موضوع يساعدكم على كل حال الحمد الله وجدت مصادر كثيره للانتفاع وان كان العبد يمنع فهناك رب يعطي ويتذكر عبده حسبي الله ونعم الوكيل .

[eyaz dosareh]

تسلم يا اخ هشام على مقترحك ولكل اخ قدم اقتراح هادف وبناء وجارى دراسة المقترحات من قبل الادارة


الاخ hassan_angelman اخوة غيرك ما كانو يعرفو يعملو مواضيع ولما طلبو مساعدة الحمد لله وقفنا جنبهم والان اصبحو ايجابيين وعطائهم فى المنتدى ملحوظ ولو طلبت المساعده صدقنى كتير هايقفو جنبك

[عبده طرابيه]

http://www.imagup.info/images/member/1204533894_pesm%20allh%201.gif

يعني انا كعضو في المنتدى اريد ان انتفع من خبرة جميع الاعضاء لكي استمر في التمارين وارى ان الباسورد هو طريقه غير ناجحه هل المهم الردود والمشاهدات او افادة عضو يسعى ان يكون بصحه سليمه وللعلم انا قد قمت بطلب الباسورد وعلى الارجح انا لم استوفي الشروط ومن ضمن الشروط الموضوعه اني يجب ان اكتب خمس مواضيع مع العلم اني مبتدء لااعرف كيف اكتب لك موضوع يساعدكم على كل حال الحمد الله وجدت مصادر كثيره للانتفاع وان كان العبد يمنع فهناك رب يعطي ويتذكر عبده حسبي الله ونعم الوكيل .

كتابة المواضيع سهلة جدا لغير المحترف فى هذا المجال أخى الحبيب

كل ما عليك فعله هو الشيخ جوجل ثم تنقل ما تجده مفيد

وتضعه هنا بكل بساطة شديدة

ملاحظة هامة :

سبب القول السابق أن الجميع ليس مدربين والجميع ليسوا خبراء فى كمال الأجسام

فمنهم كصاحب الإقتباس السابق مبتدأ ويحتاج من يساعده ويقف بجواره

ومن الصعب عليه وعلى أمثاله وضع مواضيع من خبراتهم الشخصية

لأنه لك بساطة لا يمكل الخبرة الكافية لذلك وهو لا يريد أن يتحدث

فيما يجهل فهو لازال مبتدأ ويحتاج المساعدة الفعلية



[CENTER][SIZE=3][COLOR=purple]الاخ hassan_angelman اخوة غيرك ما كانو يعرفو يعملو مواضيع ولما طلبو مساعدة الحمد لله وقفنا جنبهم والان اصبحو ايجابيين وعطائهم فى المنتدى ملحوظ ولو طلبت المساعده صدقنى كتير هايقفو جنبك

أعتقد أن توضيحى السابق يكفى وصدقنى المبتدء يحتاج كل من يقف بجواره ويساعده

قرار الفتح والغلق هذا قد يفرق مع البعض ولكنه يؤثر على الأغلبية

بالتوفيق لكم ولنا وللمسلمين أجمعين


http://www.imagup.info/images/member/1204533930_mashkor.gif


http://www.imagup.info/images/member/1204533911_yadanbiyadua8on5.gif


السلام عليكم و رحمة الله و بركاته

[hassan_angelman]

اشكرك اخي eyaz dosareh على الرد ولكني لن افتي شيء ليس لي علم فيه لهذا ان هنا بين اخواتي لكي اتعلم على كل حال انا استعنت بصديق عندي وهو الحمد الله يمتلك خبره تساعدني على الانتقال الى المرحله الثانيه .

اخي عبده طرابيه كل الكلام الي قلته هو ماكان يدور في خاطري ولم اعرف التعبير عنه اشكرك على التفهم ولك جزيل الشكر .

[heshamaction]

تسلم يا اخ هشام على مقترحك ولكل اخ قدم اقتراح هادف وبناء وجارى دراسة المقترحات من قبل الادارة




إياذ حبيبي ايه الاخبار ؟ ان شاء الله تكون بخير

شكرا على الرد و دا واجبنا تجاه المنتدى و باذن الله تتخذو القرار الصائب.

[syllvster]

اولا شكرا على الأراء البناءه والهادفه وياريت نراعى اخواننا المبتدئين برضه وكمان يا جماعه بلاش تقلل من موضوع حتى لو كان اقتباس يكفى ان اللى جابه جابه عشان يفيد الاخرين وشكرا ليكم جميعا ومازلنا فى حاجه لاقتراحات

[Ahmed0072008]

ارجو الغاء فكره الباسورد

يعني المبتدئ يتعلم ازاي!!!!!!!!!!!!!!!!!!!!1

واول مره اسمع عن الفكره الجامده دي

القسم ده اصلا ضعيف فالعمليه مش ناقصه باسورد

واحد الاخ المشرفين بيقول ازاي تكلم مشرفينك كده يعني ايه مشرفينك ايه يعني مشرف يعني هاتحبسني يعني

بلاش والنبي النبره دي في الكلام دي حاجه مستفزه

[ps3vsxboxvswii]

خلصوا بقي يا جماعة هاتولنا بقي القسم ده وخلصونا احنا زهقنا والله

[ţάүţό]

بلاش والنبي النبره دي في الكلام دي حاجه مستفزه

أخي أحمد من كان حالفا فليحلف بالله أو ليصمت

هذه نصيحة وأمر نبوي أتمنى تتقبله من أخ في الله لك

/************/
المهم السلام عليكم ورحمة الله وبركاته
إخواني أحب أشكر الجميع الجميع الجميع بدون فرز للأسماء

وهذا لأني أحتسبكم إخوانا لي من غير سابق معرفة وإن شاء الله في ميزان حسناتكم كل ماتفعلونه

بصراحة أنا أول ما طلبت الباس للميلتي ميديا وكنت أستوفي الشروط
لم يتأخر الإخوة المشرفين في إعطائه لي حتى أني نسيت من أعطاني الباس من المشرفين

المهم ولكن يوجد شيء أغضبني بصراحة وأحسست أنه يوجد خلل كبيــــــــــــــــــــر

فلما إمتلكت الباس ودخلت للميلتي ميديا وجدت البعض هناك لا يملك من المشاركات إلا القليل القليل وأقل بكثير من ما هو مطلوب في الشروط يمكن على حسب ما أذكر وجدت مرة واحد لديه فقط20 أو كده يمكن .... المهم كان هناك خلل وبقيت في حيرة بصراحة

**********
نرجع لــــــــــلب الموضوع
وهو أني أشوف أن يتم تخصيص قسم للمميزين فقط بالباس وورد ولا يتم إعطاء هذا القسم اي شروط

بل يقوم المشرفين مع بعضهم كل مرة بإختيار على حسب ما يرون ومراسلة الشخص الذين يرغبون في ضمه للقسم المميز ويعطونه الباس وماحد شاف ولا درى

ويتم إختيار الأعضاء الذين يرى المشرفين أنه هذا العضو يستاهل يكون في هذا القسم الخاص

**
وبصراحة أنا اليوم اللي قبل اللي فات حطيت موضوع في قسم الميلتي ميديا وهو أول موضوع ليا في ذلك القسم المشفر
وإسمه الموضوع
2008 Arnold Classic 2 Disc Set Prejudging & Finals
وهو فيــلم فيه قرصين لآرنولد كلاسيك 2008

ومسكين موضوعي بقي من ذلك اليوم وفيه رد لعضو واحد فقط وكنت ناوي أحط في نفس اليوم شريطين لجو كيلتر ولكن بصراحة لما شفت موضوعي اللي حطيته بقي كماهو إترددت وقلت معلش أسيبهم لوقت ثاني وخلاص


أنا طولت في الكلام آسف

والله يوفقكم في الإختيار الصائب

الله معكم جميعا

[eyaz dosareh]

ارجو الغاء فكره الباسورد

يعني المبتدئ يتعلم ازاي!!!!!!!!!!!!!!!!!!!!1

واول مره اسمع عن الفكره الجامده دي

القسم ده اصلا ضعيف فالعمليه مش ناقصه باسورد

واحد الاخ المشرفين بيقول ازاي تكلم مشرفينك كده يعني ايه مشرفينك ايه يعني مشرف يعني هاتحبسني يعني

بلاش والنبي النبره دي في الكلام دي حاجه مستفزه

مشكلة الاعضاء والمشرفين فى هذا الموضوع لا تعنيك بشئ فلم يطلب احد منك الدفاع عنه ولست محامى المنتدى واعتقد انك ما قرأت الموضوع كاملا لتحكم بهذا الكلام وللاسف طريقتك انت هى المستفزة فى الحوار وليتك اتيت باقتراح بدل الجدل والدخول فى مهاترات لا طائل منها الا تعريضك لتطبيق قوانين المنتدى


القسم ده اصلا ضعيف فالعمليه مش ناقصه باسورد
الحمد لله ادعائك باطل ولا اساس له من الصحة وشوف المنتديات العربية مواضيعنا منقولة بالاسم ... وما قدمت انت لمنتدى كمال الاجسام لتحكم بضعفه من قوته بل ماذا قدمت للمنتدى ككل ما هو نشاطك (خد
واجرى) فقط لا غير


يعني المبتدئ يتعلم ازاي!!!!!!!!!!!!!!!!!!!!1


دواء العى السؤال ليتك سألت اهل الخبرة والله لن يقصر معك احد لكن فهل عندك النية ؟

[Ahmed0072008]

اعمل ازاي مواضيع وانا لسه مبتدئ ؟

وحضرتك مشفر القسم اروح انقل موضوعين من اي منتدي اخر ويبقي انا كده اسمي عملت موضوع علشان اخد الباسورد

وبعدين انا مش بدافع عن احد ده راي في الموضوع واعتقد ده راي اغلب الاعضاء
وحضرتك مشفر القسم علشان محدش ينقل المواضيع انت المفروض تعمل مواضيع علشان المنفعه العامه مش علشان تجبر حد علي انو يرد وخلاص علي المواضيع علشان توصل مشاركاته ل 50 مشاركه

[Ahmed0072008]

والقسم اصلا مشفر ازاي هاخد واجري

وبعدين الموضوع اللي يستحق الرد هارد عليه واللي مش يستحق مش هارد

[ţάүţό]

أحبابي في الله
أنا لما بدأت أعمل هنا في المنتدى وأشارك فيه إلا لأنني وجدت أناس هنا حقا يعملون بمعنى الكلمة والقانون ينفد على الجميع وهذا ما أعجبني بصراحة
وأنا لا أقول هذا الكلام مجاملة لأحد وإنما أحكي واقع عملي يحدث حقا على أرض الواقع

إذا أتمنى أن يكون الكلام إن شاء الله تعالى في حدود النقاشية وإبداء إقتراحات بناءة وإلا فإنني أرى أن يقفل الموضوع أحسن وتنظر الإدارة لأي نتيجة وصلت وهذا إذا لم يحدث إبداء للآراء بطريقة جميلة هنا في الموضوع
وهذا والله أعلى وأعلم

بالتوفيق للجميع

[syllvster]

وانا معك اخ assassian
ولكن كثير من المبتدئين يصعب عليهم طلبات الاداره للحصول على الباسورد ومع ذلك هم الاكثر احتياجا منا للمالتى ميديا وانابس طلبت حل من كل عضو يدخل على الموضوع

[sonicmego]

اسمحولى بس اتدخل انا بصراحة معاك يا كابتن syllvster فى ان مش مستهلة باسوورد للمالتى بس بصراحة مش معاك بالطريقة اللى اتكلمت بيها دول برده مشرفين يعنى كبار وانا عن نفسى استفدت الكتير منهم وانت كمان اكيد فأنت لو كنت اتنقشت فى الموضوع من الاول بطريقة تانية مكنش الحوار وصل ل كده وانا اسف لو كلامى كان ضايقك بس انا بكلمك كأخ وكواحد بيحب المنتدى وياريت الكل ياخد اى كلام بيتقله بصدر رحم ويبوص للحاجة الكويسة فى الكلام مش دايما نستنى لبعض الوحش وشكرا تحياتى للجميع.

[romantic_egypt]

ياجماعة بجد انا عايز باسوورد المنتدي بتاع المالتيميديا حد يفيدني اظن المنتدي معمول للأفادة والاستفادة

[hassan_angelman]

اسمحولى بس اتدخل انا بصراحة معاك يا كابتن syllvster فى ان مش مستهلة باسوورد للمالتى بس بصراحة مش معاك بالطريقة اللى اتكلمت بيها دول برده مشرفين يعنى كبار وانا عن نفسى استفدت الكتير منهم وانت كمان اكيد فأنت لو كنت اتنقشت فى الموضوع من الاول بطريقة تانية مكنش الحوار وصل ل كده وانا اسف لو كلامى كان ضايقك بس انا بكلمك كأخ وكواحد بيحب المنتدى وياريت الكل ياخد اى كلام بيتقله بصدر رحم ويبوص للحاجة الكويسة فى الكلام مش دايما نستنى لبعض الوحش وشكرا تحياتى للجميع.

انا اعتقد ان الاخ syllvster لم يتجاوز ولكن فتح الموضوع للنقاش وكان من الافضل ان تعطي وجهة نظرك حول القضيه وماتكون محامي المشرفين الذين وضحو وجهة نظرهم وتقبلو النقاش

[animalring]

هو فى ايه انتوا بتكلمونا يامشرفين زى العبيد على فكرة ممكن اى حد يعمل منتدى وعمل خطة دعاية يقى فى شهر التوب

[syllvster]

شكرا ليكل المشاركين فى الموضوع بس انا ملاحظ كل اللى داخل مابين مؤيد ومعارض لم يتركو حل للمشكله والف شكر لكل الاعضاء

[Mr.TaToo]

تم التوصل الى قرار من خلال اللجنه
وهو وجود قسمين للمالتى ميديا احدهما عام والاخر مشفر
العام سيكون متاح للاعضاء دون باسورد او شروط
اما القسم المشفر يتم منح الباس الخاص به للاعضاء المجتهدين
للحصول على المالتى ميديا المميزه والحصريه ان شاء الله

[syllvster]

الف شكر ليك يا mr.tatooويارب المنتدى دائما يبقى من افضل المنتديات وبالمناسبه اقترح من اجل تنشيط قسم المالتىميديا ان يكون فيه جوايز للاعضاء الفعالين فى المنتدى وشكرا على الحل

[therock_dvd]

بصراحه ياجماعه من غير محد يزعل منى... الصح اللى المشرفين عاملينه ده والشروط اللى هما عاملينها علشان معرفه باسورد قسم المالتى ميديا مش صعبه وسهله جداً .. احنا اتعودنا على اننا نلاقى كل حاجه سهله ونخدها من غير تعب
وبعدين المواضيع مدام تستاهل التعب يبقى مفيش مشكله لما تتعب شويه
شكراً

[syllvster]

ارجو من اداره المنتدى غلق الموضوع نظرا للتوصل للحل وانتهاء المشكله والف شكر لكل الاعضاء