بخصوص موضوع فرصة عمل قويه جدا تغنيك عن السفر للخارج ((ملحوظات مهمة جدااا))

[$$HOSSAM.C$$]

بسم الله الرحمن الرحيم

السلام عليكم ورحمة الله وبركاته اخوانى الاعضاء الكرام

طبعا انا عارف ان فيكم ناس نفسها تكلمنى واللى نفسه يشتغل وفيه اللى مش طايق يكلمنى بس اقول لكم اتركوا لى المسافة لكى اوضح لكم الامر

اولا يا جماعة الموضوع ده صادق مية فى المية بس اكيد من شروطه ان الشخص يجيب 4 معاه ويدفعوا فلوس طبعا باقل من سعر السوق انا عارف طبعا اننا مش ناقصين ندفع ولا حتى جنيه بس انا اقول لكم فقط انى مهمتى كانت فقط هى نشر الموضوع نشره فقططططط بس ده مش تهرب لا والله ده بس علشان انا والله العظيم قسما بالله فى ناس طعبت عليا جدااا منكم ومتفتكروش انى مبسوط وكده لا انا شاب زى زيكم والاغراء اللى كان امامى هوا اللى عمانى عن التفكير بس المهم انا بتاسف ليكم كلكم كلكم واقول لكم انا بنفسى وامام الله انسوا الموضوع ده تمام لان احنا مش ناقصين خالص وكفاية ظروف المعيشة الصعبة بس على العموم اللى مش قابل اسفى والله مش زعلان منه بالعكس هوا بس الاغراء كان شديد شوية بس انا اقول لكم واوجه كلامى لبعض الناس كفاية كده سبونا فى حالنا احنا مش ناقصين وانا على فكرة اتنازلت فعلا عن الشغل ده مش عاوزه اللى هوا يقتصر على الاعلان بس وانا حكلم عمرو النهاردة واقول له انسى الموضوع ده وانا مش حشتغل تانى لان بجد كده كفاية علينا صحيح اللى كان حياخد الارباح انا وانتم والله بس مش معنى انى اروح ادفع فلوس لا مش عاوزين حاجة وبكده كلامى خلص واللى اكيد مش طايق يشوف الموضوع انا اسف له ولغيره وعندكم الايميل ابقوا كلموا عمرو واظن انا كده مش غلطان وعملت اللى عليا .........

وشكرا جزيلا اخوكم حسام

[matrix_freedom]

بصراحه يا حسام مش عارف اقولك ايه ؟ غير انك بصراحه انسان محترم
وكلامك صح فعلا الواحد بيقع ادام اي اغراء ولو الكل فكر شويه ان حد عرض عليه شغل وربح ويوصل ل3000جنيه فى الشهر هيجري على طول من غير مايعرف التفاصيل وهل هيا متعبه ولا لاء وكل حاجه عنها هيجري عشان اول حاجه يعملها انه يروح للناس كلها ويقولهم يا جماعه تعالوا اشتغلوا فى فرصه نحقق فلوس منها لان اي واحد عايز يخدم غيرة وبصراحه يا جماعه الكل عارف ان اعضاء منتدى دي في دي من افضل الناس وكلهم متعاونون الحمدلله ومفيش حد طلب حاجه من حد غير وساعده بالفعل والكل عارف كدا ودا يدل ان لو حد حط اعلان او عايز يساعد حد هيكون من اجل الجميع لانه عايز يساعد يعني مش مصلحه شخصيه وللاسف احنا دايما بنقع فى اي اغراء وبالذات فى الفلوس اي مسئول هيقعد يزوق فى الحاجه عشان يقنعك ويخبي عليك الخبايا ايلي هتتعبك وعشان كدا كلنا بنكون مبسوطين وفى الاخر لما نلائي الحقيقه بنزل ونحبط والحمدلله ان حسام عرف الغلطه بتاعته وعرف الشركه ماشيه ازاي واتأسف يا جماعه يعني الراجل كتر خيره قلبه علينا ولما لقى فى مشكله نبهنا وكمان بما اننا متعاونيين هنلائي فرص احسن واحسن ولو فكرنا احنا نحط ايدينا فى ايد بعض ممكن نعمل شغل لنفسنا احنا زي ما الكل بيشوف الصينيين جايين بلدنا عشان يبيعوا منتجاتهم بنفسهم احنا لو حطينا ايدينا فى ايد بعض وقلبنا على قلوب بعض وكل واحد يحب لنفسه كما يحب لاخيه والله والله والله هنكون احسن شعب واغنى شعب فى العالم بس اهم حاجه هو التعاون واننا نخاف على بعض لان يا جماعه

الفلوس مش بتعمل الانسان بالعكس الانسان هو ايلي بيعمل الفلوس
وانا يا حسام اول واحد تقبلت اعتذارك لانك بصراحه مبادره منك كويسه ودا يبين حسن نيتك
ويارب فعلا كلنا نلائي فرصه ونحط ايدين فى ايد بعض...

[$$HOSSAM.C$$]

بشكرك يا ما تريكس وربنا يخليك لينا كلنا انا يا جماعة رغم انى اتاسفت بس فى حاجة مهمة وهى ان الاستاذ عمرو اللى شغلنى والله ده راجل محترم جداااا وهوا بس حب يساعدنا كلنا يعنى هوا ما غلطش بس هوالموضوع انا لاقيت فيه ناس اتفاعلت لدرجة كبيرة جدااااا وعلشان كده اتنازلت عن الموضوع ده خالص لانى شاب مصرى زيكم وكلنا اخوات وحبايب هوا بس البطالة هى اللى عقدتنا كلنا لدرجة انها بتاخد العقول كلها بس فى حاجة مهمة جدااااا

وهى اننا يا جماعة كلنا مصريييين انا وانتم وعمرو وكلنا اخوات هوا بس الموضوع ده عاوزين نحاول نخرج منه بكل حسن نية وكلنا نسامح بعض لاننا اخوااااااااات زى ما ماتريكس قال اننا مش لازم نحبط من البطالة لأ لا احنا لازم والله ناخد بايد بعض وكمان يا جماعة والله والله المنتدى ده اتعمل علشان كلنا نكون اسرة واحدة ماشى الغلط فينا موجود بس مش لدرجة اننا نسكت لأ لازم نصححه ونزيله ونقضى على البطالة دى اللى خربت بيوتنا وربنا يزيحها عننا وان شاء الله مصر تكون احسن دولة فى العالم بخيرة الشباب والناس الطيبة وانا اتاسف لمرة اخيرة لكم وبشكر ماتريكس على كلامه وده يدل على انه ابن بلد اصيل ما غلطش فى ابن بلده لأ ده قاله ولا يهمك وكده وارجوكم تقبلوا اعتذارنا وعاوزين بقى المنتدى ده بجد يكون صيحة بجد علشان نتعاون ونكون اكتر من الاخوات والسلام عليكم ورحمة الله وبركاته.... اخوكم حسام