وظيفة لله يا ولاد الحلال

[mrcomputer1983]

السلام عليكم
لانى زهت وقرفت من البحث عن وظائف فقررت التوقف عن البحث عن وظائف
ولكن عندى طريقة اخرى خطرت لى هى ان اطلب المساعدة من الاخوة اعضاء المنتدى
واللى عند وظيفة كويسة يبعتلى او يتصل بى
ايميلى هو bmhnew1983@yahoo.com
ورقم موبايلى 0107182570
وارجوكم بلاش معاكسات او اشتغالات بس اللى عنده وظيفة او يقدر يساعد هو اللى يتصل
اما من يريد التسلية فحسبى الله ونعم الوكيل فيه من الاول
ملحوظة انا من ساكنى الاسكندرية واللى عايز السى فى بتاعى لانه لقالى حاجة يكلمنى
او يبعتلى ايميله وانا ابعتهولوه علطول
علما بانى خريج حقوق لكنى ابحث عن عمل فى مجال الكمبيوتر(صيانة الكمبيوتر)
ومعايه دورات صيانة ومعايا الرخصة الدوليه لقيادة الحاسب
ويا بختك عند الله يا من تمشى فى حاجة الناس
ملحوظة :سامحونى على الطريقة الجديدة فى عرض مشاركتى ولكن من يملك على لوما
فلياتى فى مكانى ويتحمل ما اتحمل

[not available]

السلام عليكم

معلش اصبر وإن شاء الله ربنا يوفقك

وعلى فكرة مش انت لوحدك اللى كده - فيه شباب كتير اوي كده

وانا منهم - انا المفروض مهندس زراعي ومعايا كورسات جرافيك و ICDL

وبرضه مش شغال دلوقتي

ربنا يوفقنا جميعا

[manoual]

ياريت والله نعمل موضوع هنا فى منتدى الوظايف بأن كل واحد يعرض هوة بكالوريوس أيه والوظيفة المرادة ايه
والكل يدور على شغل
وأنا كمان مع أى حد مع الفكرة دى
وأنا بقى بكالوريوس تجارة 2006 بتقدير جيد ومعايا دورات أنجليزى من الجامعة ألامريكية ودورات فى الكمبيوتر
والicdl كمان وكنت أشتغلت فى السعودية لفترة بسيطة

[mrcomputer1983]

شكرا على ردودكم وتفاعلكم مع الموضوع والحقيقة انها ازمة لا يحلها الا الله ومن بعده جهود اخوانى الكرام فى المنتدى والحقيقة لقد حدثت استجابة من بعض الاخوة ولكن كل شئ مازال فى مرحلة التحضير ولا شئ تم فعليا الى الان ولكنى متفاؤل وساعلن عن كل شئ فى حينه
جزاكم الله خيرا جميعا اخوانى الكرام
ولا زلت عند عرضى لاعضاء المنتدى وظيفة لله يا ولاد الحلال

[ashrafohm]

يا جماعة في شغل في القاهرة كتير جداً جداً بجد

وبالذات في مجال الكمبيوتر

ممكن يكون المرتبات مش عالية ، بس بصفة مؤقتة لحد ما ربنا يكرمنا ونلاقي شغل أحسن

انا شغال في سايبر ومحتاجين ناس والله وياما عملنا اعلانات ، اللي عنده خبرة كويسة في المجال ده واللي بيعرف يكتب على الكمبيوتر واللي شايف في نفسه القدرة على الشغل والتحمل يا ريت يراسلني على الخاص علشان نحدد معاد للمقابلة ، وان ما حصلش توفيق بالنسبة للشغل اللي انا بتكلم عنه ولكن عايز تشتغل ، باذن الله قدر الامكان ادلك على الاماكن اللي ممكن تشتغل فيها وانا اشتغلت في اماكن كتير جداً وعارف اماكن كتير برضه

الشغل موجود يا جماعة والله بس لازم تكون متميز ولو بقدر بسيط

[mrcomputer1983]

اخى الكريم شكرا على تفاعلك وجزاك الله خيرا
ولكن تبقى لدى ولدى كثير من الشباب مشكلة وهى الانتقال من بلد لبلد
وانا عن نفسى موافق اشتغل فى اى مكان او اى بلد ولكن هل لو اتيت الى القاهرة سيفى المرتب
المقرر للشغل المعروض بمستلزمات السكن والمصاريف الاخرى
عن نفسى انا مستعد اشتغل طول اليوم ولكن ما العمل مع مشكلة المسكن والمصاريف الاخرى

[حسام باشا حسنين]

:42::42::42::42:اخوكم حسام باشا من المنصورة لو عايز انا فى الخدمه والسعر مفجأأأأأأأأأأأأأأأأأأأأأأأأأأأأأأأه

[حسام باشا حسنين]

بالحق نمرتى hossam_hassanin2001@yahoo.com 0168724315

[memeelomda]

بالحق نمرتى hossam_hassanin2001@yahoo.com 0168724315
أخى حسام ياريت توضح اكتر

[mrcomputer1983]

اخوانى الكرام لا اريد ان يتحول الموضوع الى مكان للاعلان عن اشياء مبهمة اللى عنده عرض يا يعرضه بوضوح امام الجميع يا اما يسكت لانى لست مستعد للدخول فى مغامرات بقول عايز شغل يقولى عندى تاشيرات وانا اجيب منين اساسا ثمن التاشيرة وكمان اعمل بيها ايه اروح ادور فى السعودية على عمل يا الاقى يا ملاقيش وهخسر كام فى الموضوع ده ارجوكم بالله عليكم اللى يقدر يساعدنى فعلا يتفضل اما غير ذلك فشكرا على تفاعله ولكنى اريد عروض جدية كما تفضل البعض وكلمنى على الايميل ولكن الى الان لم اجد عرض نهائى كل قالى ابعت السى فى وانشاء الله هنكلمك قريب وانا منتظر فعلا
جزاكم الله خيرا جميعا
وانا لازلت عند طلبى وظيفة لله يا ولاد الحلال

[User.1]

الله كريم أن اليه وأن اليه راجعون

[mrcomputer1983]

شكرا اخوانى الكرام على المرور ووالله ان ثقتى بالله لم ولن تتزعزع قيد انملة ولا للحظة واحدة ودائما اقول لنفسى الله يخبئ لك الكثير فقط استمسك بحبله المتين وتوكل عليه واعتمد عليه واعلم ان رزقك على الله وليس على العباد وما العباد الا اسباب فقط يعينوك على اكمال مسيرتك فى هذه الحياة الدنيا ووالله العظيم يا اخوانى الكرام سنتذكر هذه الايام يوما ونقول لقد كنا فى الماضى نفعل كذا وكذا فصبرا ال ياسر فان موعدكم الجنة فقط استمسكوا بكتاب الله وسنته تفوزوا وتنجوا وجزاكم الله خيرا

[wellarock]

ياريت والله نعمل موضوع هنا فى منتدى الوظايف بأن كل واحد يعرض هوة بكالوريوس أيه والوظيفة المرادة ايه
والكل يدور على شغل
وأنا كمان مع أى حد مع الفكرة دى
وأنا بقى بكالوريوس تجارة 2006 بتقدير جيد ومعايا دورات أنجليزى من الجامعة ألامريكية ودورات فى الكمبيوتر
والicdl كمان وكنت أشتغلت فى السعودية لفترة بسيطة

جرب هنا يا باشا الموضوع لسه جديد http://www.dvd4arab.com/showthread.php?t=1273815
والله الموفق..

[mrcomputer1983]

جزاك الله خيرا اخى الكريمwellarock على المرور والتفاعل

[mrcomputer1983]

السلام عليكم اخوانى الكريم اين تفاعلكم مع الموضوع
جزاكم الله خيرا

[مدحت بيومي]

الواحد والله مش عارف يتفاعل ازاي ولا يقول ايه في الحال اللي احنا فيه
كل اللي نقدر عليه اننا ندعي ربنا يرزقنا بخير الاعمال اللي يرضى عنها ونرضى بيها

اخوكم محمد مدحت
سلام

[mrcomputer1983]

مش عارف اقول ايه بس انا خلاص فقدت الامل وخلاص بعت القضية لان حتى مفيش فايدة وسلملى على البلد بتاعتنا مصر

[mrcomputer1983]

الى الان لا جديد كلها محاولات من اعضاء للمساعدة لكن ليس هناك شئ جدى الى الان فما الحل وما النهاية
مع العلم انى لازلت عند طلبى وظيفة لله يا ولاد الحلال