call center agents

[wafaagory]

يا جماعة انا قدمت فى وظيفة الكول سنتر فى شركة الاتصالات والاعلان طبعا كان الجمعة الى فاتت فانا قدمت السى فى بتاعى وحددولى ميعاد للانتر فيو يوم الثلاثاء فيا ريت لو حد عندة علم بالموضوع دة يوضحلنا اية هو نظام الانتر فيو دة وفى امتحان عملى ولا لا يعنى يوضحلنا اية السيستم

[اليانو بونابرتو]

بالتوفيق ان شاء الله
انا كنت قريت الاعلان بس لاني كنت مشغول اليومين المحددين بالجرنال مرحتش
انا كنت عيز اعرف لو ينفع اقدم دلوقت ولا لأ
ولو ينفع ايه الاوراق ولو تعرف التيلفون تبقي تما م

[qamarmero]

لو سمحت انا كمان رحت الانترفيو الي كان يوم الثلاثاء بس قالولي هنكلمك في خلال 3 اسابيع محددوش يوم معين هما قالولك الكلام ده امته؟؟ في نفس اليوم ولا اتصلو بيك؟؟؟؟ وياريت تقولي انت رحت يوم ايه وايه الي اتعمل معاك بالضبط

[taghreed mohame]

ياريت يا جماعة تقولوا اية هى شركة الاتصالات دى عشان انا ما شفتش الجونال وتقولوا مكانها اية
شكرا جزيلا

[qamarmero]

ده كان اعلان في الاهرام شركه (اتصالات)الي زي موبينيل وفودافون الشبكه الثالثه
وكان معاد تقديم السي في يوم الاثنين والثلاثاء الي فاتو خلاص كان في القريه الذكيه الي عند بوابه مصر اسكندريه الصحراوي
وعموما خيرها في غيرها تتعوض وربنا يكرمنا كلنا

[wafaagory]

شكرا ليكم وبالنسبة للاخ الى بيسال عن ميعاد النتر فيو انا رحت يوم الاتنين وقدمت السى فى بنتاعى وبعدين اتلكلمت مع واحد شوية يالانجليزى يعنى اسئلة عادية يعنى قدم نفسك ولية عايز تشتغل فى الاتثالات وكدة يعنى المهم بعد لما خلصت لقيتة كتب على السى فى انى اكسبتت معاهم وبعدين رحت لواحد تانى اخد منى السى فى وقلى على الميعاد يوم الثلاثاء القادم بس لكن مفيش حد قالى حاجة غير كدة وكمان اعتقد ان كل الناس الى كانت مقدمة معاية اتكتبلهم اكسبتد على السى فى وهما كمان اتفلهم ان النتر فيو يوم الثلاء مش عارف بقى مين الى قلك ان هنتصل بيك بعد 3 اسابيع وبالنسبة للتقديم هو كان يومين اتنين بس يوم الاتنين والثلاثاء وياريت يا جماعة الى يعرف الانتر فيو دة عبارة عن اية واية نظامة يقلنا لو سمحتم

[qamarmero]

هوا بيكتب على السي في اكسبت ولا ايه الي اتكتب يعني انا شوفت علامه حرف a على الورقه من فوق على فكرة انا بنت انا كمان....ورحت يوم الثلاثاء واتسالت نفس اسالتك ورحت لواحد تاني خد مني رقمي وكتب اسمي وقالي انه هيكلمني في خلال 3 اسابيع انا مش عارفه ليه عموما اانا ليه واحده صاحبتي شغاله في موبينيل بقالها سنتين هكلمها بكرةكده واسالهاك كان في ايه في الانترفيو بتاعها التاني لان في موبينيل بيعملو 3 انترفيويمكن اتصالات يطلع زيه وياريت لو ينفع نتكلم على الميل الخاص لو ينفع وانشاء الله لما تروحي الانترفيو بتاعك ربنا يوفقك وشكرا على ردك عليا

[wafaagory]

على فكرة انا ولد مش بنت ولو انتى عايزة نتكلم على الايميل زى مقلتى انا معنديش مانع ولو عايزة نتواصل على المنتدى هنا مفيش بردو مانع بس يا ريت تسالى صحبتك دة الى شغالة فى موبينييل اية نظام النتر فيو دة انتى بتقولى ان فى موبينيل بيعملو 3 انتر فيو فياريت تساليها هل النظام فى النتر فيو واحد ولا بيتغير من مكان لمكان وشكرا وانا ايميلى
ahmeed_top23@yahoo.com

[mayoka]

يا جماعة انا من المنصورة هوه الكلام ده بس في القاهرة يعني و اللا ايه و في مجال لتقديم اليومين دول تاني و اللا خلاص اتقفل و لو عايزة اقدم اقدم ازاي ميرسي ليكم اوي يا ريت حد يفيدنا

[ahmosad]

انا روحت انترفيو اتصالات الاربعاء الفات ومحصلش نصيب على العموم المقابلة عبارة عن الامتحان الاول بتقسموا 3 مجموعات وتختاروا واحد منكو يتكلم عن نقاط القوة و الضعف فى اتصالات بالانجليزى وبعد ماتخلصوا بتخرجوا بره وبينادوا على اسماء الناس المرفوضة
الامتحان 2 كانكك بترد على مكالمة تليفون بالعربى وخلى بالك فى ده
الامتحان3 معرفهوش لان ما دخلتهوش

[qamarmero]

انا مش فاهمه حاجه يعني انت عملت الانترفيو التاني يوم الاربعاء على طول كده
انت وديت السي في يوم الاثنين وقالولك تيجي يوم الاربعاء على طول كده وبعدين ايه الي حصل معاك علشان يرفضوك وياريت معلش تشرحلي الكلام الي انت كاتبه ده بالتفصيل شويه لان انا فهمي تقييييل:)
على فكرة انا من اسكندريه ياجماعه وسافرت الصبح بدري يوم الثلاثاء علشان اجي اقدم السي في وربنا يسهل ويكلموني

[mando24]

انا كمان رحت الانترفيو اللى كان يوم الثلاثاء اللى فات وعملت الانترفيو وكتبوا على السى فى انى اكسبتد وبعدين رحت لواحد تانى خد منى الاسم ورقم التليفون بس محددوش وقت محدد للانترفيو التانى ولسة ما اتصلوش بية لحد دلوقتى

[bogy]

طب ممكن حد يضع لنا الايميل لكى نقوم بارسال السى فى علية

[qamarmero]

الموضوع خلاص خلص وكمان الناس الي راحت وقدمت زي حالاتي خلاص مش هيكلمونا وللا حاجه عرفت انهم اكتفو بالعدد خلاص

النصيب

[ميزو المجروح]

شكرررررررررررررررررررررررررررررررررررررررررررررررر رررررررررررررررررررا ياريس بجد

[بشوين]

شكرا جزيلا لك

[elpop211]

السلام عليكم ...
عندي معلومة مهمه احب اعرفها واوضحها للناس ....
وبخصوص الشغل في مجاتل خدمة العملاء فالكول سنتر
في واصله كول سنتر (WA ) في الحي العاشر مدينة نصر شارع محمد متولي الشعراوي
مبنى الشركة بجانب مصنع حديد اسمو آل رفاعي ... الكول سنتر دا عايزين ناس كتير agent
في مجال الـcustomer services مجرد انك هتقدم نفسك بالانجليزي وتتكلم كلمتين عن مجال خدمة العملاء بالانجليزي وامتحان انجليزي صغير وهايف جدا كدا انت يبقى accept معاهم يا جماعه انا كنت لسه عندهم النهارده والموضوع في متناول اي حد بيعرف ينطق كلمتين انجليزي وشغلك موجود عندهم ....

[mando24]

لو سمحت كنت عايز اسال هو انا بعمل الانترفيو فى وقتها على طول بمجرد انى اديهم السى فى

[elpop211]

اول ما هتدخل الآنسه اللي موجوده هتديلك application تملى فيها بياناتك وهتطلب منك صورة شخصية والسي في بتاعك عشان هتدبسهم كلهم مع بعض بعدين هتديلك الامتحان الانجلش الهايف البسيط وحاول تخلصو في نص ساعه لانو مش محتاج وقت واللي ما تعرفوش حلو بردو اعمل اي حاجه المهم ما تسيبش حاجه فاضية .... وبعد ما تخلص هيجي واحد ينادي عليك هيتعرف على حضرتك ويطلب منك تقدملو نفسك بالانجلش طبعا وتعرف ايه عن خدمة العملاء هيا دي كل الحكاية

[mando24]

شكرا جدا على اهتمامك وربنا يبارك فيك ويوفقك

[mando24]

لو سمحت يا جماعة اى حد شغال فى اتصالات يقول لى الانترفيو التانى كان عبارة عن ايةبس بسرعة ياريت عشان الانترفيو الاسبوع اللى جاى:sadwalk: