(جات الحزينة تفرح ملقتلهاش مطرح) [الأرشيف] - موقع الدي في دي العربي

مشاهدة النسخة كاملة : (جات الحزينة تفرح ملقتلهاش مطرح)

lolo87

01-07-2008, 03:26 AM

بصراحة كل مقول المثل دة اقعد اضحك واضحك واضحك

معلش ياشباب هوة عنوان غريب شوية بس دة اقرب وصف للحال بتاعنا اليومين دول

يعنى يوم متنزل لعبة شديدة يقرفونا والمشكلة ان مفيش غيرها

هوة مثلا زى الكونسول الى مبيونش شغال ومش ملاحق

دة اخرة جرينا ورا كروت الشاشة

الشركات كسبت على قفانا ودونا احلى بومبة

وخلينا بقى فى الايام العجاف دى ودةعشان نحرم نشترى منتاجتهم ونكسبهم لطالما لم نحظى باى اهتمام

دة يوم ميتكرمو ويتعطفوا علينا يقومو منزلين لعبة بقالها سنة زى ماس ايفكت

دة غير التاجيل المستمر الى بقى موضة

دة غير الحركات القرعة الى بتحصل نسخة روسى ونسخة هندى ونسخة تايوانى

احنا مخدناش من الموضوع دة كل غير اعلانات ودعاية فقط لا غير

صحيح انا نسيت محنا عندنا كريسس الله يخربيت كريسس ويخربيت اليوم الى نزلت فية دة انا قربت اسمعها غيابى

وفى النهاية كاسلوب متبع مع ملاك ال pc مش هقول غير

(جات الحزينة تفرح ملقتلهاش مطرح)

mamdoh_22

01-07-2008, 12:23 PM

ياباشا انا معاك في الحوار ده وانا كنت ال هحدث الجهاز بتاعي عشان يتماشي مع الالعاب ال جايه شكلي كده هخليه وارواح ادورلي علي عروسه احسن :sadwalk:
يعم احنا خدنا ايه من العاب الكومبيوتر بتاعت اليومين دول انت اكيد فكار الحركه النص كم ال اتعملت في اسسن كريد وكلو نزلها بتاع تلات اربع مرات من غير فايده :42:
دلوقت الالعاب الموجه للكومبيوتر لاسف بقت تحس ان هيه رخمه وملهاش طعم وتحس ان هما عملنها اي تقفيل وخلاص وخلي الناس بتاعت الكونسل تعيش
لو جدع اديني لعبه ليها طعم او هدف نزلت اليويمن ال فاتو:thumbdown:
وانا قولت لو موضوع الحمايه ده اتنشر يبق انسه وخد الكبنسه(الكبنسه دي حاجه معرفش ايه هيه):15:
وسلامتي لكرايسس

النسر المنفرد

01-07-2008, 01:46 PM

ليه التشاؤم ده

فى عندنا العاب بتجنن موووووووووووووووووووووت

Call of Duty 4

CNC Tiberium wars

Bioshock

Half life 2 Episode Two

وانا ذكرت الالعاب التى ليس عليها خلاف

وقائمة الألعاب المذهلة اطول من هيك بكثير

Stalker

Gears of War

MOH AirBorne

CNC kane Wrath

Company of Heroes

Mass Effect

Crysis

نقطة مهمة يجب التركيز عليها

صناع العاب الحاسوب يركزون على جانب اللعب الاونلاين ..طبعا حتى يجبروك على الشراء

فنجد الروائع الأسطورية

مثل سلسلة World of Warcraft

لعبة Team Fortress 2

واللعب الجماعى فى COD4

بالنسبة للأسعار وتغييير كرت الشاشة

فكل من تجاهل كرايسس واشترى كرت 1950Pro

لعب احدث الألعاب بصورة رائعة

ان كنا نتحدث عن الأسعار تحديدا فى مصر

فهى مرتفعة بشكل لا يصدق بخاصة مع مستوى الدخل

يعنى من اسخف الأمور ان يكن سعر الكرت فى الولايات المتحدة العظمة الثرية الامريكية ارخص منه فى مصر

هذه مشكلة فى المستوردين وطمعهم المبالغ فيه

هناك ربح مقبول وما زاد عنه فهو سرقة عينى عينك

betengan

01-07-2008, 02:55 PM

لو عملنا مقارنة بسيطة بين ال pc و xbox360+ps3 هنشوف الظلم الواقع على ال pc
صراحة السنة دى خصوصا "2008" سنة عقيمة فى الالعاب لل pc خصوصا حتى الآن منتظرين devil may cry 4 و far cry 2

®™KįnG

02-07-2008, 04:14 AM

فعلا الاسعار هنا مولعه مووووت
ما اظنش انى فى حد يقدر يدفع 400جنيه عشان لعبه واحده مدتها لا تتعدى ال3 ايام
لو كان سعرها بسيط شويه كان الكل اشترى ومكانش بقى فى حاجه اسمها دون لود
كنا ريحنا دماغنا واشترينا وفى نفس الوقت كانت الشركات كسبت شهرتها فى مصر بدل الزل اللى احنا شايفينه دا
وعلى رايك يالولو
جات الحزينه تفرح ملقتلهااش كرسى

MAST3R

02-07-2008, 09:51 AM

يا جماعه الموضوع وما فية ان زمن الحاسب انتهى وولى وشركات الالعاب بدأت تكبر دماغها عن الحاسب اللى اللعبة ما بتخدش يومين على نزولها وتلاقى امة لا اله الا الله بتلعبها منسوخة يعنى اية اللى يجبرهم على كدة ينزلوها على ps3 xbox 360 والكل يلعبها اصلية غصب عنهم هو دا الشغل ولا بلاش دانا شوفت الجيم بلاير بتاع اخر جزء لباتلفيلد باد كومبانى نزلوة حصريا للكونسول وبصراحة شىء خيالى فى اللعب وخد عندك farcry 2 قالو كنسلو النسخة الخاصة بال pc يعنى بعد كده هانغنى ظلموه

atefabbas1

02-07-2008, 11:38 AM

يا جماعه انا هقول كلمة واحدة عاوز تلعب games اشترى جهاز العاب وافضل ps3 والعب وادعيلى علشان خلاص الكمبيوتر ده بقى موجود علشان الناس تشتغل ده فيه دلوئتى جامعات بتحل امتحانات من على الكمبيووتر مش معقولة يعنى يحطوا جيمز على الكمبيوتر ده وبعد الامتحان يلعب 15 دقيقة يعنى زمن العاب الكمبوتر انتهى يعنى انا عندى harddisk 700 gb
viga 512 shader 4
proccesor 3.4 cach memory 4 mb
ram 4 gb
ِlcd monitor 30 bosa
يعنى الجهاز ده المفروض يشغل crysis زى الجن ولا البى اس 3 بس العبة عكس ما تتوقعون زى ما يكون بشغلها على جهاز بينتيوم 3 يعنى مش قادر اوصفلكوا انا اشتريت ps3 و فيفا 2008 و كرايسيس وبس وبقيت العب عليه ومش بجلس على الكمبيوتر الا فى حالة واحدة لو هشوف خدع العاب واسرار الالعاب واسعارها وشكرا وهذا هو راى

lolo87

02-07-2008, 05:25 PM

منا قلت كدة فى الاول فى مواضيع قديمة شوية محدش رضى يصدقنى

ان الالعاب مخصصة لجهازين معروفين

ياجماعة فكرو معانا شوية هوة احنا مش هنلعب اللعبة دى و اية ياريت فكرة من احد الاعضاء

®™KįnG

02-07-2008, 05:50 PM

هههههههه
طب ما تشدو حيلكم يلا
ونعمل فريق زى RELOADED او Razor1911
ونصبنع كراكات وترينرات وباتشات
يعنى ايه اللى هما بيعملوه احنا مش قادرين نعمله
هما عندهم مخ وامكانيات
احنا عندنا مخ بس مفيش امكانيات
هو دا الفرق الوحيد
ونعمل فريق جديد عربى باسمنا او باسم المنتدى او اسم نختاره مثلا
kings arab
وانا ابقى الرئيس
ههههههه
وتخيلو اول سبق صحفى حصرى كراك للعبه alone in the zeft من صنع عرب مصريين
ايه اللى يخلينا نستنى لما الكراك ينزل واحنا ممكن نصنعه
اهو دا اللى بيقوله عليه
( احلام الفتى الفااااشل)

احمد البرنس

02-07-2008, 06:06 PM

ايه هى البرامج المستخدمه فى الكراكات وطريقه ازاى واحنا نحاول........

Cairo

02-07-2008, 07:04 PM

غريبه فعلا سا lolo انت دايما تطلع معترض ومتشائم ومتضايق
وكمان بتهدد بأيه انك ماتشتريش منتجات الشركات الكبري من كروت وخلافه
وكأن الشركة مستنيه انك تشتري عشان تعلرف تحقق مكسب او حتي الشعب العربي كله
عشان تعرف احنا مش ضمن ال Target بتاعها خالص احنا كمالة عدد
ومش هانفرق معاهم في حاجه
وبعدين انت زعلان ان مافيش العاب وكأنك من اول المنفعين لنتجين للالعاب والالعاب دي حق مشروع انك تسرقها وتلعبها من غير ماتدفع فيها
بدون أي مبرر
اسمحلي اقولك لما تكون بتدفع يبقي ليك حق الاعتراض
لطالما انك كائن مستهلك فارضي باللي يجي واسكت
وياريت كل الناس تبطل المظاهرات المعموله علي قلة الالعاب
عشان الناس مش بتشتري حاجه وفي الاخر زعلانه منش الركات بالغم من ان الشركات حقها المشروع انها تدور علي حقها المنهوب لأن صناعة الاالعاب اصبحت تكلف الكثير والكثير ياريت نقدر النقطه دي ونرضي بالمقسوم
بس برضه احب ابشركم ان الفتره الجايه هاتبقي احسن بكتتير جدا جدا وهاتعوض كل اللي فات
وزمن ال PC اوشك علي الرجوع بدليل اعلان نزول ال Fifa2009 لتكون Next Gen Graphics زي ال Consoles بالظبط ودي بدايه كويسه
وكمان الفتره الجايه في
Stalker
Farcry 2
Fallout 3
PES 2009 & Fifa 2009
Crysis Warhead
Hawaks
Brothers in arms
COD 5
Prince of persia
High lander
DMC 4
اعتقد ان كل دول كفايه

badroz

02-07-2008, 08:11 PM

وكأن الشركة مستنيه انك تشتري عشان تعلرف تحقق مكسب او حتي الشعب العربي كله

يا اخ Cairo اول مبادئ التسويق هو توسيع قاعده المستهلكين بأي شكل , يعني عربي هندي افريقي اي شئ هيفتح اسواق في هذه المناطق الناميه اللي ضاربها السلك بيكون هدف في حد ذاته .. لان التقنيه استهلاك فضلا عن كونها ادمان .. و السوق العربي هو اكثر سوق استهلاكي غير انتاجي عرفه التاريخ .
الشركه فعلا مستنيه ان اهل هذه المناطق يشتروا و يحققوا مكاسب و لو دخلت مواقع شركات زي chaintech و Nvidia و Gigabyte هتجدنا ضمن ال Target و نص واحيانا قد تجد اللغه العربيه مع غياب لغات اجنبيه اخري .

وبعدين انت زعلان ان مافيش العاب وكأنك من اول المنفعين لنتجين للالعاب والالعاب دي حق مشروع انك تسرقها وتلعبها من غير ماتدفع فيها
كلام سليم لكن حقوق الملكيه الفكريه لازالت رفاهيه في الشرق الاوسط و ليست كذلك في الغرب حيث الرجل يقف ليشحت طعاما لكلبه , شئنا ام ابينا هذا واقعنا لا فرار منه .. و بالتالي حديثك عن حقوق الملكيه الفكريه لشخص دخله اليومي اقل من 1 دولار مثلا سيكون كالقاء محاضره عن "تحديات الليبراليه المعاصره في عالم الغد" علي ام محمد بائعه الخضار الموجوده علي ناصيه الشارع !

وياريت كل الناس تبطل المظاهرات المعموله علي قلة الالعاب
عشان الناس مش بتشتري حاجه وفي الاخر زعلانه
من حق الكل ان يزعل و بدون ما يشتري برضوا , فين المشكله هنا ؟
احنا بنتبادل مواد مقرصنه عبر الانترنت , و طبيعي انه تكون مواضيعنا الحواريه كلها بتدور في نفس هذا الفلك , الغريب هيكون لو اننا تحدثنا في عكس ذلك !
الموضوع مالوش علاقه بكوننا عرب او غيره , في ناس كثير حول العالم بيقولوا نفس الكلام و حاسين بالاحباط ايضا مثلنا و خاصه ان سوق الجيمز مش كله ناس كبار وفوق العشرين زي حالاتنا بل فيه ناس صغيرين كثير حول العالم و ميقدروش يصرفوا علي نفسهم او يجيبوا كونسول بمئات الدولارات فضلا عن الالعاب نفسها !

بس برضه احب ابشركم ان الفتره الجايه هاتبقي احسن بكتتير جدا جدا وهاتعوض كل اللي فات
انا شخصيا مختلف معاك و متشائم لسبب بسيط لان انتقادنا هنا مكانش لقله الالعاب .. ايوه الحاسب اتطور وبقي بينزله كل شهر اكثر من لعبه , لكن كلها العاب ميته في مجال واحد .. الحاسب اتحبس في خانه واحده فقط , و هم من ارادوه كذلك !

لو لاحظت هتلاقي ان الانتقاد اصلا كان موجه لسياسه الاحتكار اللي هي اصبحت بالفعل سمه من سمات التجاره بالمستقبل , النهارده Gears of war للاكس بوكس 360 فقط ... و Metal Gear solid 4 للبلاي ستيشن 3 فقط .. يبقي تتوقع تشوف ايه مستقبلا ؟؟
صحيح زمان كان بينزل بعض الالعاب حصريا للكونسول كشذوذ عن القاعده و محدش كان بيلاحظ او بيتضايق , لكن الان الاحتكار الان اصبح القاعده الرئيسيه و ليس الشاذ فانفجرت المشكله في وجوهنا جميعا بهذا الشكل .
بقت المشكله مشكله جشع .. و لو محصلتش وقفه جاده من قطاع المستخدمين يبقي محدش هينفذ من غيلان الصناعه دول سواء كان بيستخدم حاسب او كونسول .. و الدليل ان جمهور الكونسول بدأ من دلوقتي يعاني من جشع الشركات .. و يشعر انه امام نصبايه لا تنتهي !

lolo87

02-07-2008, 08:36 PM

اخى كايرو عايز تفهمنى انك الوحيد الى على راسك ريشة ومش متشائم

اعذرنى

انتا بعيد تماما عن الى بيحصل اليومين دول

ثانيا انتا معاك فلوس روح كسب الناس دى الى بيضحكوا وبيستغلو امثالك

ثالثا معظم الالعاب الى انتا ذكرتها نازلة 2009 دة اذا مكنش فية تاجيل

رابعا واضح من كلامك انك عندك جهاز العاب ومنتش حاسس باى حاجة

خامسا الالعاب المذكورة انتا تضمن منين ميحصلش فيها زى ماحصل للعبة وحدى فى الظلام

اظن وصلتلك نظريتى ياسى كيرو باشا

اخيرا لو فى اهتمام ولو بسيط اكيد كلنا هنلاحظة

Cairo

02-07-2008, 08:46 PM

يا اخ Cairo اول مبادئ التسويق هو توسيع قاعده المستهلكين بأي شكل , يعني عربي هندي افريقي اي شئ هيفتح اسواق في هذه المناطق الناميه اللي ضاربها السلك بيكون هدف في حد ذاته .. لان التقنيه استهلاك فضلا عن كونها ادمان .. و السوق العربي هو اكثر سوق استهلاكي غير انتاجي عرفه التاريخ .
الشركه فعلا مستنيه ان اهل هذه المناطق يشتروا و يحققوا مكاسب و لو دخلت مواقع شركات زي chaintech و Nvidia و Gigabyte هتجدنا ضمن ال Target و نص واحيانا قد تجد اللغه العربيه مع غياب لغات اجنبيه اخري .

دة اخرة جرينا ورا كروت الشاشة

الشركات كسبت على قفانا ودونا احلى بومبة

انا مقتنع بكلامك ميه في الميه
بس انت ماخدتش بالك من حاجه مهمة جدا
احنا مش بنتكلم علي قطع الكمبيوتر عامة
احنا بنتكلم علي ال High End Parts اللي احنا بنكون في ال Target بتاعهم في اخر القائمه ولو قارنت النسب بتاعتنا مع النسب بتاعتهم هاتلاقي ان ولايه امريكيه واحده مبيعاتها تتعدي الشعب العربي كله
وماتستغربش من الكلام ده الشعب الامريكي شعب بيشتري بكل فلوسه حاجات
شعب لا يدخر بل ينفق علي كل جديد حتي ولو كان ليس له اهميه
لكن احنا بنعمل 10 مواضيع عشان نجيب كارت شاشه ب 300 جنيه يعني 50 دولار
اعتقد ان الفرق واضح جدا

كلام سليم لكن حقوق الملكيه الفكريه لازالت رفاهيه في الشرق الاوسط و ليست كذلك في الغرب حيث الرجل يقف ليشحت طعاما لكلبه , شئنا ام ابينا هذا واقعنا لا فرار منه .. و بالتالي حديثك عن حقوق الملكيه الفكريه لشخص دخله اليومي اقل من 1 دولار مثلا سيكون كالقاء محاضره عن "تحديات الليبراليه المعاصره في عالم الغد" علي ام محمد بائعه الخضار الموجوده علي ناصيه الشارع !

تشبيه جميل جدا ومظبوط جدا للاسف بس حتي وان كان هذا صحيح يجب ان يكون عندنا الوعي والمعرفه باننا امه مستهلكه ولا نستحق الا مايقذف لنا عشان نفوق من الوهم اللي احنا فيه

من حق الكل ان يزعل و بدون ما يشتري برضوا , فين المشكله هنا ؟
احنا بنتبادل مواد مقرصنه عبر الانترنت , و طبيعي انه تكون مواضيعنا الحواريه كلها بتدور في نفس هذا الفلك , الغريب هيكون لو اننا تحدثنا في عكس ذلك !
الموضوع مالوش علاقه بكوننا عرب او غيره , في ناس كثير حول العالم بيقولوا نفس الكلام و حاسين بالاحباط ايضا مثلنا و خاصه ان سوق الجيمز مش كله ناس كبار وفوق العشرين زي حالاتنا بل فيه ناس صغيرين كثير حول العالم و ميقدروش يصرفوا علي نفسهم او يجيبوا كونسول بمئات الدولارات فضلا عن الالعاب نفسها !

بالفعلا من حق الكل يزعل بس مش من حق اي حد يعترض في فرق كبير
وتاكد اني من الناس الحزينه جدا علي حال ال PC في الفتره الماضيه
لكن ماباليد حيله
واحب اقولك اني لو كنت من سكان الولايات المتحده أو اروبا كنت هاكون اول من يشتري النسخ الاصليه وليست المسروقه
وسياسة خد اللي تقدر عليه واجري (تجميل الالعاب بصورة غير شرعيه) جابت نتائجها علي رأس المستهلكين الشرعين والغير شرعيين
لكن الارقام بتتكلم عتلي ان الشركات دي من حقها انها تلغي ال PC من خططها تماما

و لاحظت هتلاقي ان الانتقاد اصلا كان موجه لسياسه الاحتكار اللي هي اصبحت بالفعل سمه من سمات التجاره بالمستقبل , النهارده Gears of war للاكس بوكس 360 فقط ... و Metal Gear solid 4 للبلاي ستيشن 3 فقط .. يبقي تتوقع تشوف ايه مستقبلا ؟؟

دائما وابدا كانت هناك سياسة الاحتكار فيما يخص ال Consoles
لكن الان تحولت من احتكار الي ابتعاد عن السوق الخاسر وهو ال PC market

وفي خبرين احب اقولهم واحد حلو والتاني وحش

الخبرالوحش
واضح ان في العاب كتيير هاتنزل لل PC في الفتره القادمه لكنها
للاسف هايكون عليها حماية شديده للغايه وهاتعملها Online Activation لمره واحده فقط
يعني تلعبها وترميها
وده هاينطبق علي العاب كتيير في المستقبل
يعني ماتفرحوش بالعاب كتيير هاتنزل ومش هاتعرفوا تلعبوهاالا عند شرائها اصليه
والامل الوحيد خو الانتقال الي ال Xbox360
الا في حاله استبدال ال HD-Dvd بال Bluray وساعتها هايبقي زيه زي ال PS3 مش هاتقدر تلعب العابه

الخبر الحلو

بنسبة 90% وبصوره غير رسميه تأكد نزول لعبة GTA IV لل PC
اقرا الخبر التالي

هنـــــــــــــــا (http://rockstarscammer.blogspot.com/)

Cairo

02-07-2008, 09:12 PM

انتا بعيد تماما عن الى بيحصل اليومين دول

ازاي بس يالولو ماكلنا في الهوا سوا
مش كلنا Pc Gamers
وكل ال PC gamers لإي العالم كله بيعاني مش في مصر بس

ثانيا انتا معاك فلوس روح كسب الناس دى الى بيضحكوا وبيستغلو امثالك

:oh:واضح انك لسه صغير علي العموم مقبوله منك يا lolo مش هاقدر اجاوب عليك عشان ماكبرش الموضوع

ثالثا معظم الالعاب الى انتا ذكرتها نازلة 2009 دة اذا مكنش فية تاجيل

كل الالعاب دي هاتنزل في الفتره من شهر 8 الي 11 /2008 بدون اي تاجيلات
انا ذكرت الالعاب المضمون تزولها فقط

رابعا واضح من كلامك انك عندك جهاز العاب ومنتش حاسس باى حاجة

مواصفات جهازي موجوده تحت في التوقيع وماعتقدش انها افضل من جهازك

خامسا الالعاب المذكورة انتا تضمن منين ميحصلش فيها زى ماحصل للعبة وحدى فى الظلام

لا توجد اي ضمانات وذلك لانك تحصد مازرعت

اظن وصلتلك نظريتى ياسى كيرو باشا

اخيرا لو فى اهتمام ولو بسيط اكيد كلنا هنلاحظة

:jap: :jap::jap::jap:

lolo87

02-07-2008, 09:48 PM

انا بردو الى لسة صغير

امال الى بتعملو دة اية وايجاباتك الغريبة دى اية

ثم منين عرفت انها مضمون نزولها هوة حضرتك عضو فى احدى الشركات الالعاب

badroz

02-07-2008, 10:11 PM

احنا بنكون في ال Target بتاعهم في اخر القائمه ولو قارنت النسب بتاعتنا مع النسب بتاعتهم
غلط .. ده اكبر غلط انت بتعمله يا اخ Cairo الحكايه مش بتتحسب كده خالص !
المسأله مش مسأله مين في اول القائمه و مين في اخرها , الحكايه بتتحسب بحجم السوق المستهدف نفسه و كم المكسب اللي تقدر تطلعه منه في العام الواحد , يعني لا يمكن مثلا تقارن منطقه بها 10 اشخاص بمنطقه بها 20 في الاستهلاك خلال فتره عام و العكس صحيح , العربي لما كل سنه استهلاكه للحاسب بيزيد الضعف ع الاقل تفتكر ده نجاح ساحق ام لا ؟ طبعا الاجابه هي نعم كبيره ( حتي ولو كان استهلاكه عشر استهلاك العالم) هيظل نجاح ساحق لان نجاحه بيقاس علي امكانيات سوقه هو في الماضي و الحاضر وليس سوق غيره !

وماتستغربش من الكلام ده الشعب الامريكي شعب بيشتري بكل فلوسه حاجات
شعب لا يدخر بل ينفق علي كل جديد حتي ولو كان ليس له اهميه
لكن احنا بنعمل 10 مواضيع عشان نجيب كارت شاشه ب 300 جنيه يعني 50 دولار
اعتقد ان الفرق واضح جدا
بصراحه انا مختلف معك كليا في النقطه دي , لو كان الشعب الامريكي فعلا "فاييس" و بيصرف كثير مكنتش ظهرت عندهم مواقع hardware test بهذا الكم الرهيب فبنفس منطقك كان بالاولي ظهرت عندنا احنا لاننا الاحوج منهم باعتبارنا الافقر وليس هم !
و رغم ذلك فالناس عندنا بتسأل مره واثنين و تلاثه لسبب ابسط من ذلك وهو انه لا يوجد عندنا خدمه (ما بعد البيع) و التاجر العربي بيعتبرها شئ وهمي ك (العو) و (ابو رجل مسلوخه) بينما هم وصلوا لخدمه استبدال القطعه بالاحدث منها فور نزولها !
السوق عندهم افضل لان في مراعاه و معايير جوده صارمه بتضبطه لكن السوق عندنا بينمو بدون هذه المعايير اصلا فبتلاقي المشتري العربي مالوش غير ربنا بعد مساعده اولاد الحلال بالمنتديات !!
انت بتتكلم علي طبقه قليله من الامريكان و هم اللي انا اتكلمت عنهم قبل كده في موضوع alone in the dark من اصحاب الشاشات ال 36 بوصه البلازما في غرف نومهم , هؤلاء علي كثرتهم ليسوا اغلبيه ساحقه او تمثل حجم السوق الامريكي كله , فالحياه لا تزال باهظه هناك و ليس الجميع يمتلك تلك الرفاهيه !

يجب ان يكون عندنا الوعي والمعرفه باننا امه مستهلكه ولا نستحق الا مايقذف لنا عشان نفوق من الوهم اللي احنا فيه
كلام كيبر و بيعني اننا غارقين في كميه كبيره من الاوهام و انا متفق معك في تلك النقطه تحديدا .
لكني بختلف في نقطه المعرفه و الوعي , لان حتي الوعي و المعرفه نسبيين, هناك وعي و معرفه من الاساسيات و هناك و عي و معرفه من الكماليات والرفاهيات , يعني الشرقي عندما يسعي للمعرفه يجب عليه ان يسعي للمعرفه الاهم بالنسبه له بالفتره الحاليه, لما نطالب بالاصلاح من وضعنا كعالم مستهلك علينا ان نبدأ السلم من اوله وليس من اخره , يعني المطالبه بانتاج الالعاب يجب ان تسبقها مطالبه بنتاج ماهو اهم من ذلك بمراحل و الا فسنكون كمن يحرث في الماء !
و لكي تنتج او تبدع عليك اولا ان تشعر بذاتك وان وجودك اصلي علي الارض ولست ضيف , لا ان تشعر بالدونيه او النقص عن غيرك او انك (لا تستحق الا ما يقذف في وجههك) لان احد اركان المأساه اننا لا نشعر بذاتنا ولا نشعر اننا بشر من اساسه و دوما مستسلمين لقدرنا ايا كان !

احب اقولك اني لو كنت من سكان الولايات المتحده أو اروبا كنت هاكون اول من يشتري النسخ الاصليه وليست المسروقه
وسياسة خد اللي تقدر عليه واجري (تجميل الالعاب بصورة غير شرعيه) جابت نتائجها علي رأس المستهلكين
مين عارف يا اخ cairo حياتك هناك كانت هتبقي عامله ازاي بامريكا !!
انا اعرف ان متوسط ساعات العمل هناك حوالي 60 ساعه يعني لو فضلعندك وقت تتابع الاخبار او تعرف ايه اللي بيحصل حواليك بالدنيا مثلا يبقي خير و بركه , فمابالك باللعب نفسه !
و بعدين انت ليه بتنظر للموضوع من زاويه اللصوصيه فقط ؟ انا شايف الموضوع ثقافه لا بد منها لا اكثر ولا اقل ؟ الالعاب و الكتب و الافلام كلها اشياء تدخل ضمن اطار الثقافه و لا يمكن حرمان الناس منها لقله المال , المعرفه هي الشئ الوحيد اللي من حق الجميع و الجهل جريمه اكبر بكثير من مكسب شركه او اثنين , انا عارف ان كلامي ده نظري بتاع ورق و مينفعش للواقع , لكن انا حاسس اني مش لوحدي واكيد في ناس كثير بالعالم بيفكروا كده !

الخبرالوحش
واضح ان في العاب كتيير هاتنزل لل PC في الفتره القادمه لكنها
للاسف هايكون عليها حماية شديده للغايه وهاتعملها Online Activation لمره واحده فقط
يعني تلعبها وترميها
وده هاينطبق علي العاب كتيير في المستقبل
يعني ماتفرحوش بالعاب كتيير هاتنزل ومش هاتعرفوا تلعبوهاالا عند شرائها اصليه
علي مين يا باشا , ده برضوا الحاسب و الاجر علي الله , طول ما في برمجه و بيناري داتا يبقي مش هيعرفوا ياخدوا مننا حق ولا باطل , بس الحكايه عايزه صبر و خلق طويل و مفيش اكثر منه عندنا هههههههه !!
املهم الحقيقي في القضاء علي القرصنه هو تحريك الحكومات للضغط علي شركات خدمه الانترنت لحجب القرصنه في غضون الخمس سنوات القادمه في اوروبا , واديك شايف مواقع تورنت كامله بدأت تقع و يتقبض علي اصحابها ... متهيألي هو ده الخبر الوحش اللي ينافس خبرك بجد :(

sasa7030

02-07-2008, 10:23 PM

هههههههههههههههههههههههههههههههههههههههههههههههههه ههههههههههههههههههههههههههههههههههههههههه
والله موضوع متميز وعندك حق واحسن حاجة
(جت الحزينة تفرح ملقلتهاش مطرح) :sadwalk::sadwalk:

Cairo

02-07-2008, 11:12 PM

غلط .. ده اكبر غلط انت بتعمله يا اخ Cairo الحكايه مش بتتحسب كده خالص !
المسأله مش مسأله مين في اول القائمه و مين في اخرها , الحكايه بتتحسب بحجم السوق المستهدف نفسه و كم المكسب اللي تقدر تطلعه منه في العام الواحد , يعني لا يمكن مثلا تقارن منطقه بها 10 اشخاص بمنطقه بها 20 في الاستهلاك خلال فتره عام و العكس صحيح , العربي لما كل سنه استهلاكه للحاسب بيزيد الضعف ع الاقل تفتكر ده نجاح ساحق ام لا ؟ طبعا الاجابه هي نعم كبيره ( حتي ولو كان استهلاكه عشر استهلاك العالم) هيظل نجاح ساحق لان نجاحه بيقاس علي امكانيات سوقه هو في الماضي و الحاضر وليس سوق غيره !

وجهة نظر رائعة الحقيقه ماشاء الله
بس خلي بالك ان النظرية دي لاتنطبق في هذه الحاله
هاقولك ليه
لو بتتكلم علي ال Standard range للحاسب الالي كلام لا غبار وهي فعلا متبعه منذ مده متمثله في منح من Intel و MS و IBM وغيرهم للنمو بالمستهلك العربي لصالحهم طبعا طبقا للنظرية اللي طرحتها
لكن لما تيجي تتكلم علي ال Hi-End range اقدر اقولك صعب
والسبب واضح وهو ضعف الامكانيات الماديه وتفاوت اسعار العملات
ولو تلاحظ مثلا ان الحاجات ال Hi end ماكانتش بتنزل مصر الا من يمكن بداية السنه دي العمليه بدات عليس استحياء شيد
لأن ببساطه مين يقدر يشتري كارت ب 600 دولار

ده كانت نقطه الحوار الي طرحها لولو ولم نقصد بالكلام ال Standard PC

صراحه انا مختلف معك كليا في النقطه دي , لو كان الشعب الامريكي فعلا "فاييس" و بيصرف كثير مكنتش ظهرت عندهم مواقع hardware test بهذا الكم الرهيب فبنفس منطقك كان بالاولي ظهرت عندنا احنا لاننا الاحوج منهم باعتبارنا الافقر وليس هم !
و رغم ذلك فالناس عندنا بتسأل مره واثنين و تلاثه لسبب ابسط من ذلك وهو انه لا يوجد عندنا خدمه (ما بعد البيع) و التاجر العربي بيعتبرها شئ وهمي ك (العو) و (ابو رجل مسلوخه) بينما هم وصلوا لخدمه استبدال القطعه بالاحدث منها فور نزولها !
السوق عندهم افضل لان في مراعاه و معايير جوده صارمه بتضبطه لكن السوق عندنا بينمو بدون هذه المعايير اصلا فبتلاقي المشتري العربي مالوش غير ربنا بعد مساعده اولاد الحلال بالمنتديات !!
انت بتتكلم علي طبقه قليله من الامريكان و هم اللي انا اتكلمت عنهم قبل كده في موضوع alone in the dark من اصحاب الشاشات ال 36 بوصه البلازما في غرف نومهم , هؤلاء علي كثرتهم ليسوا اغلبيه ساحقه او تمثل حجم السوق الامريكي كله , فالحياه لا تزال باهظه هناك و ليس الجميع يمتلك تلك الرفاهيه !

هاضربلك مثال بسيط جدا علي كلامي
كارت الشاشه الجديد من Nvidia GTX280
تخيل سعره 730 $
لكن يوم نزوله كان عليه اقبال شديد للغايه
تخيل حتي من اصحاب الكروت العاليه زي اصحبا الكروت ال 800GTX وال ultra
والمصيبه الاكبر ايضا من اصحاب ال 9800GX2
ولما تدخل علي NEwEgg هاتلاقيه out of stock وكل ده ليه عشان يزود اداء الالعاب بتاعته من 70 FPS الي 80 FPS
فعلا شعب بيصرف الفلوس في مكانها
ده غير اللي عنده 3 Way Sli
والاكثر GTX 280 Sli يعني 730 $ * 2
حوالي 1500 دولار اضرب في 5.5 تساوي 8250 جنيه مصري
يعني مرتب موضف في سنه كامله
ده كارت الشاشه بس
تخيل لو جاب بروسيسور Quad Extreme :glasses:
انت متخيل ده فرض واحد يبقي فين المقارنه
وبالرغم من ان الناس شايفه ان الفرق مش كبير ومع ذلك ماذالت بتشتري وبالرغم من ان سوق ال Computer Gamers وصل لمستوي سيء ومع ذلك مازالت تشتري
لكن حنا عشان قعدنا شهرين من غير العاب زعلنا وقلنا ياريت ماجبنا اجهزه خالص
الفرق واصح لوحده ياخي الغالي ادخل علي ال Forums الاجنبيه والمنتديات العربيه وهو هايبان ليك اوي

مين عارف يا اخ cairo حياتك هناك كانت هتبقي عامله ازاي بامريكا !!
انا اعرف ان متوسط ساعات العمل هناك حوالي 60 ساعه يعني لو فضلعندك وقت تتابع الاخبار او تعرف ايه اللي بيحصل حواليك بالدنيا مثلا يبقي خير و بركه , فمابالك باللعب نفسه !

كله في علم الغيب عند الله
زعلي فكره ان مش مؤيدي السفر لأمريكا تماما
بالنسبه لساعات العمل احب اؤكد لك ان مافيش اي مقارنه بيننا وبينهم في هذا المجال
لأن بكلامك ده محسسني ان الناس هنا بتشتغل عدد ساعات اقل والشغل تمام
ده اذا لقوا اي شغل اصلا
تعرف ان اقل ساعة عمل ب 20 دولار ولا يقعد علي كرسي بمواصفات معينه عشان تريح ظهره وتعرف ان الهواا المحيط بيه لازم يكون مناسب مايوكنش فيه ملوثات كتيره درجه حرارته مظبوطه والرطوبه في مظبوطه تبعا لل Standards المفروضه علي الشركات
ياجدع اسكت سيبنا في الهم اللي احنا فيه

تعرف كمان ان في اوربا شهر 8 اجازه من الاعمال
يعني الشركات بتقفل والناس بتروح تصيف مع نفسها في أي حته
ده غير شهر 1 طبعا

و بعدين انت ليه بتنظر للموضوع من زاويه اللصوصيه فقط ؟ انا شايف الموضوع ثقافه لا بد منها لا اكثر ولا اقل ؟ الالعاب و الكتب و الافلام كلها اشياء تدخل ضمن اطار الثقافه و لا يمكن حرمان الناس منها لقله المال , المعرفه هي الشئ الوحيد اللي من حق الجميع و الجهل جريمه اكبر بكثير من مكسب شركه او اثنين , انا عارف ان كلامي ده نظري بتاع ورق و مينفعش للواقع , لكن انا حاسس اني مش لوحدي واكيد في ناس كثير بالعالم بيفكروا كده !

لا ياخي صدقني انا مش باصصلها كده خالص
انا زي زيكم باخد الالعاب من مواقع ال Torrent وبالعب علي طول وماشتريتش في اي يوم اي لعبه ومش هاشتري ولا لعبه لطالما ان سعرها باهظ جدا
لكن لو كان سعر النسخه الاصليه 50 جنيه مثلا فأني بالتأكيد هاشتري الالعاب اللي تستاهل فعلا
لأن ده حق المنتجين اننا ندعمهم

لا يمكن حرمان الناس منها لقله المال , المعرفه هي الشئ الوحيد اللي من حق الجميع و الجهل جريمه اكبر بكثير من مكسب شركه او اثنين

اتفق معاك وهو ده المتبع لكنه ايضا يتسخدم كتبرير لأغراض اخري والغايه لا تبرر الوسيله

علي مين يا باشا , ده برضوا الحاسب و الاجر علي الله , طول ما في برمجه و بيناري داتا يبقي مش هيعرفوا ياخدوا مننا حق ولا باطل , بس الحكايه عايزه صبر و خلق طويل و مفيش اكثر منه عندنا هههههههه !!
املهم الحقيقي في القضاء علي القرصنه هو تحريك الحكومات للضغط علي شركات خدمه الانترنت لحجب القرصنه في غضون الخمس سنوات القادمه في اوروبا , واديك شايف مواقع تورنت كامله بدأت تقع و يتقبض علي اصحابها ... متهيألي هو ده الخبر الوحش اللي ينافس خبرك بجد :(

املنا في الله وفي ال Game Crackers كبير وادينا هانشوف اللي هايحصل
وبالنسبه للمواقع ماتقلقش مش هايقدروا يسيطروا علي كل المواقع
لأنها بكل بساطه P2P وخصوصا مع السرعات الفائقة الموضوع خرج من ايديهم تماما

بقالي فتره كبيره جدا لم ادخل في مناقشات جاده علي المنتدي من بعد ماتدهور حاله وانا سعيد فعلا بالمناقشه معاك

®™KįnG

03-07-2008, 01:47 AM

ايه ياجماعه انتو سخنتو كدا ليه
لعبه زى دى تعمل فيكم كدا
انا والله ماهى فارقه معايا موضوع الاستعجال دا
احنا قداام اوى فى الحوااار دا يمكن عشان lolo لسه جديد مش واخد على كدا
انا من يوم سبلنتر سيل 3 والحمايه اللى كانت عليها واللى قعدنا نتكلم ونقول هنشتريها اصليه بردو وعملنا فرح استنينا 9شهور تقريبا لغايه اما نزل باتش ليها
ميخلينيش استنى شهر او شهرين على لعبه زى دى
بس بجد
انا نفسى اصنع كراك
انا بعرف اعمل كراك لاى برنماج او جلب السيريال نمبر الخاص بالبرامج التي تنتهي فترة او مده تجريبها بس مجربتش الحكايه دى على الالعاب
تقريبا بتختلف ببرامج تانيه
بس هجرب كدا يمكن الاقى نفسى عملتت كراك وانا مش واخد بالى ولا حاجه :)))

memo lovely

03-07-2008, 02:41 AM

أجمل ما فى الموضوع المناقشة ال غير عادية مابين الاخ Cairo و الاخ badroz بجد حاجة غير عادية .. وبالنسبة للموضوع فا يا لولو بجد مش بحبطك او حاجة لكن مافيش حاجة ادمنا غير اننا نستنى .. او نعمل احنا حاجة زى ما King Of Games بيقول وده طبعا شئ صعب لكن يعنى ربنا يسهل وانا شخصيا لو اطلب منى حاجة وقادر عليها فا اكيد مش هتراجع عن فعلها

®™KįnG

03-07-2008, 03:08 AM

طب حلو اوى
الكلام دا
انا اقدر اقولكم على طريقه بس بصراحه عايزه صبر ونفس طووووووووووووووووووووووووويل جدا
وانا بصراحه مليت لانى لواحدى
واكيد مفيش حاجه بتيجى بالساااهل
اللى عايز يضشااارك يعرفنى وانا هشرحلكم تستخدمو البرنامج ازاى واللى عنده فكره او لمحه يشاركنى بيها هاااا؟؟
مستنى رايكم؟؟

lolo87

03-07-2008, 03:12 AM

المشكلة ان النوعية دى من الالعاب هيا الى بتعجبنى صراحة ومستنيها من زمان

ياجماعة دانا قربت انسى الشغل الى كنت بعملة فى سايلنت هيل ومملكة الشر

الواحد زهق من نوعية خد مسدس وامشى

memo lovely

03-07-2008, 03:48 AM

أخى كينج .. كل ما عليك انك تشرحلى العملية وانا هعمل ال علية ان شاء الله واشطة ادينا يعنى بنجرب

sub_zero2100

03-07-2008, 12:50 PM

هى فعلاا كـــدة

sub_zero2100

03-07-2008, 12:53 PM

Alone in the Zeft
انت جبتها من الاخر..هى فعلاا كــدة.
King of arab حلو جداا ومهزرش بس عايزة امكانيات ودماغ مش طبيعيه يمكن تكون موجودة بالمنتدى وانا بقوله اطلع عليك الامان عايزين منك خدمة :2:
وانا عاوز انفجر من الكلام اللى عندى...
والموضوع من مضمونه بل من اوله لأخره لا يعبر الا عن الاحساس بالظلم الواقع على ملاك البى سى وشعور طبيعى جدااا...
تخيلوا الواحد دافع دم قلبه على انه يطور جهازه للجيمز وفى الاخر ميحصلش الا كام لعبة مش من مستوى كرت الشاشة المحترم اللى شاريه بعدين يقعد مكتف ايديه يستــــــــــــــــــــــــــــــنى لعبة جديدة تنزل على البى سى والكونسول ساعتها مفيش يوم بمر الا ولعبة جديدة وحصريا عليه طب انت ايه شعورك ساعتها...
طب ياعمى انا اتفلقت عبال ماوصلنى واشتريت كرت الشاشة طيب اللى يسمعك كــدة يقول فى العاب مش ملاحقه تنزل على البى سى والراجل عاوز يلعبها بأسرع وقت ويستمتع فيها ويشوف احلى جرافيك واداء محصلش....

واللله انا غيرت كرت الشاشة اللى عندى على شان استمتع بلعبتين اللى هم FarCry 2 و Alone In The Zeft
طيب ياعم الكرت صارله شهر مركب ملعبتش حاجة منهم لسة وتحسسنى انى شريت كرت شاشة جديد...
والللللله العظيم صرت دافع اخر 4 شهور مايقارب بل اكثر من 700 دولااار!!!!!!!! 700 دولار مش جهاز جديد!!! بس مجرد تحديث.... طب اللى حيسمعنى من صحابى ولا واحد من اهلى ويعرف اللى دافعه للكمبيوتر مش حيقول عنى اللى حاجة وحدة بس... مجنون ... دى اقل تشبيه ليك ساعتها..
الواحد صار بفكر فى ظل المعاناه دى اللى بمر فيها و بيقول انا مجنون!!! طيب بدال الهباب اللى اسمه هوس العاب ده مش احوش حق الماجستير اللى بتكلف بلاوى زرقه احسن لى ولمستقبلى....
وربنا المستعان اذا نزلت Farcry 2 على اجهزة الكونسول غير ابيع كل مايتعلق بالالعاب بجهازى واشترى جهاز اكس بوس او بلايستيشن 3 على الاقل الواحد بيريح ظهره شوى وبلاقى حاجة يتسند عليها وهو بيلعب..
وبعدين صرت اتابع افلام ومسلسلات اكتر من قبل لما مكانش عندى كرت شاشة او كنت بايعه ساعتها ايه السبب ؟ طبعا مفيش حاااجة السنة دى....مفيش غير خووووووووازريق للكمبيوتر زى تأجيل كراك ومش عارف ايه....
انا عندى احساس انه الكراكر اللى كانوا يفكوا حماية الالعاب صاروا يشتغلوا بشركات الالعاب وانعرض عليهم اغرائات خيالية ومين حيرفض العرض ده ومنستبعدش يكون بيحصل...
فعلااا جااات الحزينة تفرج لقت الكونسول فى مطرحها :42:

®™KįnG

03-07-2008, 02:07 PM

ياجماعه انا وصلت لحاجه والله وتقريبا قربنا اوى اوى اوى

اللعبه زى ما انتو عارفين عليها حماايه SecuROM

لما جيت اخترق الحمايه دى وجيت اشغل اللعبه جابلى اسم الحمايه واسم البرنامج اللى انا شغال بيه وقالى
لازم اقفله الاول قبل ما ااشغل اللعبه
وجابلى اسم الموقع الخاص بالحمايه
وقالى اقفل البرنامج دا
االى انا بقى متفائل بيه
انه طالما موقع الحمايه خايف من اابرنامج دا يبقى اكيد الحل فيه
طبعا كلكم متشوقين لمعرفه اسم البرنامج
هشرحلكم كل حاجه بالصور وان شاء الله لو قدرنا نفك الحمايه دى
هتبقى دى اول خطوه لسلم القرصنه
:)

احمد البرنس

03-07-2008, 02:31 PM

نحن فى انتظار البرنامج المستخدم لفك الحمايه

®™KįnG

03-07-2008, 02:48 PM

انت مضفتش ايميلى ليه ياحمد
انا بعت رساله خاصه ل5 اعضااء ياريت الاضافه لو مستعدين

®™KįnG

03-07-2008, 03:54 PM

®™KįnG

03-07-2008, 04:01 PM

البحث فى البرنامج عن اى شىء تتعلق بالكلمات دى

reg.ini
password
unlokcode
serial
اللى عنده استعداد من اللى انا بعتهلهم رساله خاصه يضيف ايملى وفى برامج كتيره غير دا بس عايزه مشاركه ياجماعه

memo lovely

03-07-2008, 04:10 PM

تم اضافت اميلك ياأخى على الياهو واتمنى ان يكون ليك ايميل على الهوت .. لان بصراحة مش بحب الياهو ... وخلى كزا واحد يشترك معانة الاخ ماهر " sub_zero2100 " اعتقد ان دماغو ممكن تبقى حلوة فى الموضوع ده ونحااول كلناان شاء الله لاعلى وعسى نعمل حاجة .. والله المستعان

badroz

03-07-2008, 04:26 PM

ولو تلاحظ مثلا ان الحاجات ال Hi end ماكانتش بتنزل مصر الا من يمكن بداية السنه دي العمليه بدات عليس استحياء شيد

شوفت انت قلت ايه يا cairo .. بدأت علي استحياء شديد ..وهو ده مربط الفرس لاي تاجر انها بدأت بعد ما كانت مش موجوده اصلا, كأنك رميت بذره لنوع جديد من الاستهلاك في سوق صحراوي , معني انها بدأت = انها مع الزمن هتنمو و هتكبر شئنا ام ابينا .

ده كانت نقطه الحوار الي طرحها لولو ولم نقصد بالكلام ال Standard PC
انا بصراحه مش مقتنع بحكايه ال standard PC لانه اجلا ام عاجلا نمو سوق الحاسب هيجمع ككل و هيصب في خانه الربح لصناع المتليمديا و ده قدر لا مفر منه و هما عارفين كده و مبسوطين , الحكايه ماشيه بتسلسل مدروس مفيش خطوه ينفع تسبق الثانيه و نفس الكلام اللي بيحصل لنا دلوقت هتلاقيه حصل بالدول المتقدمه بالحرف في يوم من الايام , زمان زمااااان قوي لما كان الجي فورس 4 نازل لسه فلته حصري في السوق الغربي كان ثمنه بالجنيه الاسترليني بيوازي راتب موظف من حمله الشهاده العليا في بريطانيا و كان وقتها محدش بيشتري التكنولوجيا دي اصلا لا في الغرب ولا في الشرق , و لذلك انا اؤكد لك انك لو نظرت لحجم استهلاك كروت الشاشه في اي دوله متقدمه علي مدار عشر سنين يستحيل هتلاقي الشراء و الاقبال هي نفسها في كل السنين , لان زي ما قلت لك السوق مع الوقت بيكبر وهما سابقينا بخطوات في السن يعني مقارنه سوقنا مع سوقهم زي مقارنه عيل عنده 5 سنين بعيل عنده 10 سنين في العمر !

والاكثر GTX 280 Sli يعني 730 $ * 2
حوالي 1500 دولار اضرب في 5.5 تساوي 8250 جنيه مصري
يعني مرتب موضف في سنه كامله
ده كارت الشاشه بس
تخيل لو جاب بروسيسور Quad Extreme
و اتخيل ليه طالما اليوتوب وفر عليا الخيال ؟
http://www.youtube.com/watch?v=sA8waCvKv48
انا لما شفت الفيديو ده اتأكدت اني عمري ما لعبت كريسس اصلا , و بالمنظره ده مش هقدر العبها قبل 10 سنين يدوبك اكون كونت نفسي عشان اقدر اشتري الشاشه ال 30 بوصه اللي حاتطها الباشا :)

زعلي فكره ان مش مؤيدي السفر لأمريكا تماما
بالنسبه لساعات العمل احب اؤكد لك ان مافيش اي مقارنه بيننا وبينهم في هذا المجال
لأن بكلامك ده محسسني ان الناس هنا بتشتغل عدد ساعات اقل والشغل تمام
ده اذا لقوا اي شغل اصلا
تعرف ان اقل ساعة عمل ب 20 دولار
كلامك سليم بس خد بالك من نقطه مهمه , هناك الحياه نفسها اغلي , يعني ال 1 دولار في امريكا متقدرش تشتري بيه رغيف عيش فينو حاف و تاكله !
لكن بنفس ال 1 دولار في القاهره تقدر تشتري 1 كيلو مكرونه و 3 بيضات و تعمل طبخه لو عايز !
انا مره وقفت عند بتاع فاكهه ولقيت فوج سياحي بيشتروا (مشمش) باعداد مهوله ولما سألت عرفت السبب و هو ان كيلو المشمش عندهم = كيلو اللحمه عندنا !
مشكله بلدنا الرئيسيه هي افتقارها للتخطيط = افتقارها لاداره سليمه تمتلك رغبه حقيقيه في الاصلاح و التغيير و ليست اداره محميه بالفساد اللي حوليها !

تعرف كمان ان في اوربا شهر 8 اجازه من الاعمال
يعني الشركات بتقفل والناس بتروح تصيف مع نفسها في أي حته
ده غير شهر 1 طبعا
في اوروبا الحياه احسن لسبب بسيط و هو ان العدد اقل , اقل حتي من امريكا ام الجوع نفسها !
في اوروبا تقريبا الانجاب شبه متوقف , و الواحد بره تلاقيه متجوز معندوش عيال لكن عنده 3 عربيات و هكذا !
لكن في امريكا الحياه بدأت تغمق و شيئا فشيئا حقوق العامل الامريكي هتسقط بسبب رخص العماله الاسيويه اللي بتاخد وظائفهم ( و العماله في اسيا مفيش لا حقوق انسان ولا حقوق بتنجان والعمل هناك طول اليوم متواصل لحد ما العامل يقع و ميحطش منطق و مرتبه عشر مرتب الامريكي) و غيلان الصناعه الامريكيه عايزين مكسب ان شالله الشعب الامريكي كله يقعد في البيت !

وبالنسبه للمواقع ماتقلقش مش هايقدروا يسيطروا علي كل المواقع
لأنها بكل بساطه P2P وخصوصا مع السرعات الفائقة الموضوع خرج من ايديهم تماما
لا اقلق و نص , المثل بيقول : اللي بيحضر العفريت يعرف يصرفه .
و هما في الغرب بيطبقوا المثل ده حرفيا في مجال التكنولوجيا , اذا كانوا القراصنه محميين بقانون حريه التبادل عبر الانترنت فممكن القوانين ببساطه تتعدل و البنود تتضيق و الهكر يمشي يكلم نفسه !
المسأله مسأله وقت لكن طالما بدأوا يتحركوا و الحركه بتجيب نتايج يبقي تتشائم و نص .. واكبر مثال هو موقع اونيك للتورنت الموسيقي اللي اتقبض علي صاحبه في هولندا من اوضه نومه (هولندا اول دوله تعدل قوانينها عشان توقع القراصنه ) و في ولايات بامريكا بدأت تطبق النظام ده و ناس يتقبض عليها بسبب المواد اللي بيرفعوها !
و اسألني انا (بدرس حقوق و العياذ بالله) وبقولك هو ده المستقبل و الحكومات هتبدأ تضغط بالفعل علي شركات الانترنت عشان يحجبوا و يشفروا و و الخ بس عشان سوق النت في مصر و دول العالم الثالث في مرحله نمو فمش عايزين ياخدوا الخطوه الجنونيه دي نهائي عشان ما يقتلوش الطفل في المهد , لكن الخطوه هتحصل اجلا ام عاجلا !

بقالي فتره كبيره جدا لم ادخل في مناقشات جاده علي المنتدي من بعد ماتدهور حاله وانا سعيد فعلا بالمناقشه معاك
انا اسعد والله بالكلام معاك , وياريت كل يوم تنزل لعبه معقده زي alone in the zeft علي رأي الكينج عشان الناس هنا تتجمع و نسمع بعضينا .

badroz

03-07-2008, 04:46 PM

®™KįnG

03-07-2008, 06:17 PM

يا King و انا شوفت الصور اللي انت حاتيطها , و مش فاهم الهيدر والايندز بتاعه القوائم الرهيبه دي كلها ممكن تتعدل ازاي و هتبقي لو اتعدلت حتي تبع ايه ولا اعرف وظيفه اي لوج من المعروضين حتي :(

ياتري انت فاهم و هتقدر تعدل في القوائم الكثيره دي كلها ؟ والاهم هتعدلها لوحدك ؟, ده كأنه فيلم ماتريكس يا بني :)

ماهو دا اللى انا بتكلم فيه ياجوودعان
الموضوع عايز دراااسه وعايز كذا دمااغ تفكر مع بعضها انا لواحدى بجت ممكن اتجنن واشد فى شعرى بس بحااول

memo lovely

03-07-2008, 06:37 PM

كل الل انا قدرت اوصله بالصور اهو
بس ايد لوحدها متسقفش هل من متطوووع؟:41::15::42:

http://img77.imageshack.us/img77/7692/alone1yr3.jpg

http://img354.imageshack.us/img354/8327/alone2yw5.jpg

ودا اخر ما توصلت اليه جلب السريال
ادانى السرياال داااا
ومش دا اللى احنا عاوزينه

http://img354.imageshack.us/img354/2707/alone3qw9.jpg

هااااااا؟؟
محدش ناوى يتطوع ويساااعدنا

يا أخى انا هساعد بس انا مش فاهم اوى فى الموال ده انا بس عايزك تشرحلى .. وانا هعمل اى حاجة مادام انا قادر .. وبعدين انا مش شايفك اونلاين !

®™KįnG

03-07-2008, 08:02 PM

انا موجود ياباشا على الياهو

sub_zero2100

03-07-2008, 09:58 PM

ezzmoka

09-07-2008, 10:53 AM

السلام عليكم .. حد فاكرنى :jap:
مش مشكلة
انا قريت الموضوع و عجبنى بعض الردود فيه من ناس مخها كبير ما شاء الله
انا بس عاوز اعلق على كام نقطة بدون اقتباسات
اولا موضوع الملكية الفكرية
مينفعش تقول ده علم و مينفعش حد يبيعه
لأن ده مش علم
العلم مش انك تلعب اللعبة .. العلم انك تتعلم ازاى تعمل اللعبة
و ده مش هتتعلمه انك تلعب اللعبة
انا حاليا شغال فى مشروع روبوت و ماسك جزء ال micro-controller
و الحمد لله كل لحظة بقضيها فى المشروع ده بطلع بكنوز من العلم
العلم ده بجيبه ببلاش من على المواقع الرسمية بتاعت ال micro-controllers من غير لا كراك و لا شفرة
لأن ده علم مش لعب و الناس دى بتقدر قيمة العلم
اضربلك مثال
دلوقتى انا لو شفت تى شيرت متعلق فى فاترينة فى محل ينفع أكسر الفاترية بطوبة و أخده ؟
مش ده علم ؟ انا هاخد التى شيرت اجربه اشوفه اتعمل ازاى !
و بعدين لو الراجل صاحب المحل مش عاوز حد ياخد التى شيرت كان حطه فى خزنة حديد !
ايه رأيك فى الكلام ده ؟ ينفع ؟ هل انت لما تلبس تى شيرت هتتعلم بيتعمل ازاى ؟
على فكرة عشان محدش يتنرفز عليا و يحدفنى بالماوس :2: انا الجهاز بتاعى مش قوى و مش عندى لا ps3 و لا xbox

ثانيا فى نقطة الهاردوير بتاع الكومبيوتر
فى كلمة قلتها زمان هنا على المنتدى ان دائما و ابدا الكونسول هيدى اداء أعلى من كومبيوتر فى نفس امكانياته
يعنى متجبش كمبيوتر ب 10 آلاف دولار بتاع dell ابو تكييف منه فيه ده :eek: تقول بيدينى اداء احسن من ps3 ابو 500 دولار
هشرح ليه دايما و ابدا الكونسول هيديك اداء اعلى
الكونسول بيتعمل ب Chips لل cpu و gpu الخ الخ تقنيتها RISC او reduced instruction set computer و دى بتكون تكلفتها قليلة و برمجتها سهلة بس طويلة
ال RISC بيتصمم لأستخدام محدد و معروف مسبقا عشان يؤدى الوظيفة اللى مطلوبة منه بأفضل أداء ممكن
و مش مطلوب منه انه يؤدى وظايف اخرى
الكومبيوتر بيتعمل بتقنية CISC او complex instruction set computer دى بتكون تكلفتها عالية و برمحتها معقدة
الكومبيوتر مش بيتصمم لأداء وظيفة معينة .. بتعمل بيه اى حاجة و كل حاجة
و بالتالى فى معظم الأحيان لو جبت RISC و CISC و حبيت تعمل بيهم وظيفة واحدة معينة (بكرر تانى وظيفة واحدة معينة) بتلاقى عادة ال risc هيديك اداء أعلى
تانى نقطة برضو فى ليه الكونسول بيديك اداء احسن هى ال os او ال operating system
اى operating system شغال على كومبيوتر من اول التسعينا هو multi-process operating system
يعنى انت لما بتفتح الويندور و اتكيت ALT+CRTL+DELETE و جبت خانة ال processes هتلاقى قائمة طويلة عريضة فيها حاجات كتير اوى شغالة و انت اصلا مش مشغل حاجة خالص .. دانت لسه فاتح الجهاز بتاعك
كل البرامج دى شغالة فى ال back ground انت مش بتحس بيها خالص جه كمان اللى اكتر من كده ان فى برامج مش بتظهر فى القايمة دى عشان بتكون قبل ال operating system
كل برنامج من دول بيسحب جزء و لو بسيط من امكانيات الجهاز بتاعك
فتلاقيهم كلهم على بعض سحبوا جزء لا بأس به من امكانيات الجهاز بتاعك و انت اساسا لسه مشغلتش حاجة
تخيل بقى لو شغلت برنامج داونلوود و برنامج اغانى و شغلت لعبة .. طريقك اخضر بقى :whistle:
تعالى شوف نفس اللعبة على الكونسول
ال os بتاع الكونسول فى الأغلب مش بيكون multi-process و بيكون single process يعنى مشغل اللعبة و معندوش حاجة تانية ممكن فى الحاجات الجديدة تلاقى شوية برامج بسيطة اوى عشان يعملولك user interface ظريف بدل ما تلاقى شاشة سودة .. بس دى بتبقى برامج قليلة جدا (واحدة او اتنين) و بسيطة جدا
فبالتالى كل امكانيات الكونسول محفوظة للعبة اللى شغالة باللعبة بتستفيد بكل قوة الهاردوير المتاحة

™ The Rock

10-07-2008, 01:07 AM

بالمناسبه فيه نسخه جديده نزلت من alone in the zeft وفيه شرح ضرب الحمايه
يا رب يكون الطريقه ديه كويسه

MAST3R

10-07-2008, 11:13 AM

مناقشة اكثر من رائعه يا شباب وفعلا كنا مفتقدين هذا التجمع الجميل من زمان وبصراحة عاجبنى رد الاخ العزيز ezzmoka جداااا وراى فى الموضوع انة على راى المثل الحاجة ام الاختراع يعنى لو الامور كلها ماشية سالكة يعنى تنزيل العاب ولعبها لا نجد اى متعى بعد فترة من الزمن ولعل وجود لعبة زى وحدى بالظلام معترسة فى الطريق ماكناش تجمعنا زى كدة ..
المهم .. لو نركز شوية فى موضوع الترفية الالكترونى والعاب الفيديو نجد انها اخزت نصيب الاسد من اهتمام الشركات العملاقة والان نرى عملاق شركات التقنية والالكترونيات sony وعملاق صناعة البرمجيات Microsoft تتنافسان على اخز نصيب الاسد فى الكعكة الجديدة والايرادات الا معقولة من صناعة الترفية الالكترونى والعاب الفيديو فها هنا نجد الالعاب الحصرية لكل منة العاب ونرى هذا التقدم المزهل فى صناعة الالعاب الالكترونية والجرافيك المزهل فى صناعه هذة الالعاب والمحاكاة الطبيعية من حركة الكاءنات والفيزيائية التى تتمتع بها البيئة الالكترونية ..

خلاصة القول انة وبحلول عام 2010 سوف نرى ما لم نكن نحلم بة فى ظل هذا التنافس المرعب بين الشركات لتقديم ما هو افضل وذلك لاكل اكبر قدر من الكعكة .. وها نحن العرب للاسف الشديد فى زيل القائمة من صناعه هذة المادة والتى تسابق الغرب فى ضرب اركان مجتمعنا الاسلامى وجعلنا اكثر كائنات البشر خطورة وكأننا نحن من كواكب مجهولة اتت من الفاء السحيق لذا يجب علينا ان نحاربهم فى ما يتابهون بة ولكن.....
هل من مجيب ..؟

yehia_me

10-07-2008, 03:36 PM

السلام عليكم
اولا احب اشكر صاحب الموضوع علي الموضوع الجميل

ثانيا بالنسبه لحكايه الالعاب والpc و ps3 والكلام ده احب بس اقول حاجه حتفرق ايه لمل تلعب ps3 ولا pc ؟
يعني مثلا الالعاب الي في ps3 اكيدحتلاقي زيها في pc او حتي شبيها لها وبعدين انتو متعصبين اوي كدا ليه هي الالعاب واكله دماغكو للدرجادي يعني انا مثلا عني جهاز بنتيم 4 و كارت شاشه 256 زرامات 2gb وشغال معيه زي الفل ولما جبت لعبه a-creed شتغلت معايه وافلتها كمان هي اه كانت علي لوو بس شغاله

علا فكره انا جايب الجهاز ده اوريب ب 2500 جنيه وجايب العاب جديده كلها وشغاله . بس بصراحه لعبه كريزسس الخنيقه مشتغلتش عندي بس مش مهم
ولو بتقولو اني ps3 ارخص من pc فده بالنسبالي كلام مش صحيح لان زي منتا شايف انا جايب الجهاز ب 2500 ج ولو الامكانيات مش كويسه ممكن تجمع جهاز جامد جدا ب 5000 ج
اما ps3 فده سعره اخر مره شفته فيها كان ب 3500 ج ولو فعلا مش غالي طب شوف اسعار الالعاب بتعته كام يعني مثلا انا شفت لعبه fifa 08 كانت ب 650ج وده يعني حرام يعني انا لو معيايه 650ج عمري محشتري لعبه ده
ولو في حد بيشتري لعب ده شوف حيدف كام في خمس لعب تقريبا تمن الجهاز بتاعي

ونيجي للالتلفزيون انا سمعت اني لازم اجيب hd tv علشان يشتغل بكل طاقته او ممكن lcd . plasma
ودوله سعرهم غالي جدا في مصر ولو شغلته علي tv عادي الصوره بتطلع وحشه جدا وانا مجرب ده بنفسي

يعني من الاخر ps3 ده مشروع فاشل بذات في مصر لاني شايف الناس عامله ازاي وانا عارف اني كتير من الشعب المصري مش حياضر علي التكاليف ده وحتي لو ادر مش حيرضي يتفع المبلغ ده في مجرد لعب
فالpc مثلا لو كان غالي شويه الناس تشتريه لانها عارفه انو مش للعب بس لكن لاستغدمات كتير

وفي سؤال للي في مصر
عايز الاعضاء مثلا يروحو يسؤلو السؤال ده لاهلكم مثلا

اشتري ps3 ولا كمبيوتر ؟ المعظم حيؤلو كمبيوتر ولو الو اشتري ps3 عايزكم تقولوهم خلي بالكم اللعبه 500 (حد ادني) طبعا مش حعلق علي الرد

وفي النهايه انا قلت راي
شكرا

lolo87

12-07-2008, 07:34 PM

ومازالت الحزينة ملهاش مطرح الى الان

osama aly 14

13-07-2008, 06:24 AM