Fifa 06 المميزات والعيوب....*تقرير كامل*

[HERO-911]

اسمحوا لي ان اكتب رأيى المتواضع عن لعبه fifa 06 وهي الاصدار الاخير لعشاق الفيفا والذي يتطور سنه عن سنه

FIFA 06
بعدما صدر هذا الجزء كنت ملهوفا للعبها بشده.....و لكننى عندما لعبتها اكتشفت الاتى

انها تشبه كثيرا لعبة winning eleven والتى لعبتها عدة مرات سابقا....و لكنى رأيت في هذه الاصداره شيئا هاما....انها الان لعبه مزدوجه ....اى انها fifa+winning eleven وهذا جعلها افضل بكثير و ان كان لم يعجب البعض ولكن مطورى هذه اللعبه اخذوا منwinning eleven الواقعيه الشديده في اللعب و ايضا نظام اللعب الشهير فيها و اخذوا من fifa التى تعودنا عليها التطوير الدائم في طريقه اللعب بالاضافه الى الحركات أو الترقيص كما نطلق عليه و لكن لماذا كل هذا هل لان مشجعي winning eleven في ازدياد دائم...للاسف هذه هى الحقيقه لانه بالرغم من جمال اللعبه و هي في هذه الحاله الا اننى حزين لفقدانها النظام الخاص بها أو الاستايل المعروف للفيفا....و لكن برغم كل هذا فانني سعيد بهذه اللعبه التي جمعت بين اثنين من افضل اللعب على الاطلاق, ولكن دعوني اتحدث عن اللعبه بالتفصيل ولكن قبل ذلك دعونى اقول شيء هام وهو انها
تحتوي على 21 دوري مختلف و 10,000 لاعب محترف



اولا:الهجوم

الهجوم هنا في هذه اللعبه يمكن ان تقول انه سليم جدا و لا يوجد به اصابات..آه..اقصد عيوب بل يوجد ميزات جيده مثل تغيير التكتيك الخاص بك بضغطه زر... اعلم ان هذا كان موجودا في fifa 2005 ولكن هنا اسهل كثيرا ...و سوف تعرفون قصدى عند اللعب ... وايضا انك من الممكن ان ترفع الكرات من اي منطقه و لا يشترط الركنيات , انا اقصد انك قبل ان تصل لمكان corner من الممكن ان ترفع الكره بسهوله بل و تجعلها تلف ايضا و ذلك بالضغط على 'Q' اثناء الرفع ثم تلتقطها بعدها بسهوله وتحرز هدفك, ومن الجديد ايضا موضوع الوان تو أو

one,two وهذا عن طريق ان تضغط على 'Q' اثناء ال bass فمثلا لو قلنا ان هناك لاعبين لاعب اول و اخر ثان...فان اللعب الاول سوف يمرر الكره للاعب الثانى و اثناء ذلك يجري اللعب الاول من تلقاء نفسه و حينها يمرر اللاعب الثانى الكره للاعب الاول وهذه حركه جديده لم تكن موجوده من قبل.

اما بالنسبه الى الضربات الحره فيكفي ان اقول انها على طريقه winning و ربما افضل
و ايضا هنا الكورنرز او corners على طريقه winning خالص و ربما هذا افضل بكثير

و طبعا بالنسبه ال ضربات الجزاء او penalty كما يدعى فهى هنا انت وحظك !!

يوجد شئ اخير يدعى man marking واعتقد انه من الممكن ان تحدد لاى لاعب ان يبقى كظل لاعب اخر من الفريق المضاد....و لكننى غير متأكد من هذا


ثانيا: الدفاع

الدفاع هنا يوجد به اخطاء عديده اهمها انه عندما تكون انت فى المقدمه ولاعب مضاد قادم عليك فانك تتحرك من وراء اللاعب و ليس من الامام اى انك تمرره من امامك ثم تجرى وراءه وهذا طبعا ليس في كل الاحوال و لكن يمكنك ان تتحكم في اتجاهاتك لتعالج هذه المشكله.....,و من اهم العيوب التى تضايقنى شخصيا هي وجود ثغره في ركن من اركان الدفاع و هو يسمح دائما بمرور اللاعبين المضادين منه وعندها يرفعوا كراتهم ثم...و انت وحظك بقى..وللعلم هذه القصه لا دخل لها بخطتك
اما من ميزات اللعب الدفاعي هنا انه يوجد اتاحه فرصه لعدم اتخاذ قرار بالفاول foul وهذا عندما تعرقل اي من اللاعبين
فان الحكم يعطيك فرصه اخرى ولا يحكم عليك طالما ان الكره مع الفريق الاخر وذلك عن طريق ظهور علامه صغيره على الشاشه و من يلعبون winning سوف يعرفون ما اقصد
الكورنرز هنا تعتمد على ذكائك و عن طريق تحركك السريع الى المكان الذي تتوقع سقوط الكره به ثم تشتتها الى اى مكان اخر
اما الضربات الحره فليس لك دخل فيها كالعاده و ان كنت حتى الان لا اعلم كيف يقفز الحائط البشري !!!!

و ضربات الجزاء ايضا الجديد فيها انك ممكن ان تحرك الحارس من مكانه فيذهب الى اليمين او الى الشمال....و طبعا الباقى معروف بالنسبه للخطط و التكتيكات فهو لم يتغير كثيرا

المره القادمه
GAME MODES أو اشكال اللعب

[bega]

شكرا علي التقرير الجميل و ارجو الاستمرار

[nightmare7570]

ياجماعة الي عندو الرابط شغال وسمجرب وسريع ياريت يعطيني اياه لانو بدي اللعبة ومشكــــــــــــــــــور على الجهد والى الامام

[HERO-911]

شكرا لكم كثيرا وبالنسبه للرابط ممكن العثور عليه في قسم التحميل بالروابط المباشره

[khaled_acmilan]

السلام عليكم ورحمة الله وبركاته

مشكور يا هيرو على التقرير وبالنسبة ليا أنا بتعجبنى لعبة وينينج اليفن جدا عن الفيفا بحس إن التحكم أفضل وزي مانت قلت إن مشجى وينينج اليفن فى ازدياد اللعبة ده مكنتش معروفة للناس من سنتين بس تقريبا(أنا أقصد الجديدة) إنما وينينج اليفن 3 والمشهورة باليابانية فهي معروفة بالنسبة لروادى محلات البلاي ستيشن 1 أما اللى نزلت على البلاي ستيشن 2 فبصراحة كانت أفضل من فيفا فى أشياء عدة إلا انها أحيانا تحتاج إلى باتشات لتعديل الانتقالات والملابس وآسف للإطالة واستمر يا هيرو فموضوعك جميل......تقبل تحياتى والسلام عليكم ورحمة الله وبركاته

[HERO-911]

السلام عليكم ورحمة الله وبركاته

مشكور يا هيرو على التقرير وبالنسبة ليا أنا بتعجبنى لعبة وينينج اليفن جدا عن الفيفا بحس إن التحكم أفضل وزي مانت قلت إن مشجى وينينج اليفن فى ازدياد اللعبة ده مكنتش معروفة للناس من سنتين بس تقريبا(أنا أقصد الجديدة) إنما وينينج اليفن 3 والمشهورة باليابانية فهي معروفة بالنسبة لروادى محلات البلاي ستيشن 1 أما اللى نزلت على البلاي ستيشن 2 فبصراحة كانت أفضل من فيفا فى أشياء عدة إلا انها أحيانا تحتاج إلى باتشات لتعديل الانتقالات والملابس وآسف للإطالة واستمر يا هيرو فموضوعك جميل......تقبل تحياتى والسلام عليكم ورحمة الله وبركاته

فعلا و برغم كل شئ فان winning مازالت التوب للاسف و لازم نقول الحق
بس بامانه كل واحده ليها نظام مختلف عن التانيه
يعني ساعات احب العب فيفا و ساعات وينينج
و في الاول و الاخر الاتنين فيهم متعه و استايل خاص
و شكرا ليك يا خالد
و رمضان كريم

[eyan200]

الف شــــكر وأتــمــنى لكـ التوفيق فى حياتــكـ
&&&&&&&&&&&&&&&&&&&&&&&&&&&&&&&&&وأتــمنى لكـ الدوام
M*.&.gamil$$$$$$$$$$$$$$$$$$$$$$$$$$$$$$$$$$$$$$$$$$$$

[Mohammed Lotfy]

موضوع ممتاز أخى العزيز
ألف شكر على التقرير الرائع :icon30:
و بإنتظار منك المزيد و المزيد :bye10000:

[AERO]

موضوع محترم
متشكرين يا برنس

[حسام محمد]

شكرا يا مان عالموضوع الجامد ده

[phantom]

تقرير رائع فعلا ... ...و أنا على العموم هسيفه عندي لغايت ما أشغل لعبة Fifa2006 ...منتظرين بقيه التقرير بفارغ الصبر... رمضان كريم

[مُحب الرحمن ورسول الله]

الف شكر يا مان على التقرير وكده هتخلينى أوقف بحثى عن اللعبة

[™MαFiα]

التقرير فعلا اكثر من رائع اخى الكريم
وفى انتظار باقى الاجزاء
تحياتى

[zero0co0l]

فعلا انا ملاحظ ان اللعبه سبه ويننج اليفن اووووي
ولاحظت كده من الديمو بتاعها

[™MIDO]

شكرا على التقرير الرائع

[HERO-911]

شكرا لكم بشده يا جماعه وعلى تدعيمكم الشديد لي و اوعدكم باستكماله قريبا
و رمضان كريم

[HERO-911]

ثالثا:اشكال اللعب Game modes

1-career mode او كما يدعى في هذا الجزء manager mode
هذا النظام يعتبر افضل واحد على مدار الفيفا و اختصارا لي ولكم فسوف اقول لكم على الجديد و اعذروني ان نسيت شيئا
اول شئ انك عندما تختار ال career mode فانك تدخل غلى المنطقه التى تريد اللعب فيها و اقصد هنا البلاد ثم تختار الفريق الذي يناسبك- وبالمناسبه لن تضطر هذه المره ان تدرب فرق درجه ثالثه او حتى ثانيه ولكن سوف يكون متاح امامك بعض من فرق الدرجه الاولى - وبعد ذلك تختار شكل المدرب و المعلومات الشخصيه عنه ثم تتعاقد مع الفريق والجديد هنا ايضا انك تتعاقد مع الشركه التى سوف تمولك و تصرف على المباريات وتكون انت ملزم امامها بالفوز والحصول على الكأس
و لكنك ايضا سوف تحصل على نقود بعد فوزك في اي مباراه والعكس ....و ايضا في المباريات الهامه فقط سوف تتحكم في سعر التذاكر اذا كانت عاليه او متوسطه او منخفضه و في جميع الحالات - اقصد الفوز و الخساره- سوف تحقق ربح
و بالنسبه الى الاشياء الاخرى التى اضافوها الى career mode فيوجد هنا quick simulate و visual simualte و اظن ان الفرق واضح من الاسم....و اكتشفوا الباقي بانفسكم حتى لا احرق اللعبه كلها.
2-practice mode
التمرين هنا عادي جدا و كما كان في فيفا 2005 بالظبط و لكن الاختلاف الوحيد هو انك هنا من الممكن ان تحفظ اعاده الاهداف replays و عامة انصحكم بالتدريب كثيرا خصوصا على الضربات الحره

3-tournament mode
لا اتذكر حقيقي اذا كان يوجد فرق شاسع بينها وبين الفيفا السابقه لها ام لا ولكنك عندما تبدأ تختار اولا البلد التى تريد ان تلعب فيها الدوره ثم تختار بعدها الكأس الذي تريد اللعب عليه ثم يظهر لك كل الفرق المتاحه لهذه البلد و تختار منها كما تشاء سواء ان كنت تريد اللعب بفريق واحد او اكصر من ذلك و طبعا كلما اخترت اكثر طالت فتره الدوره و اظن انها قد اختلفت و لكن في اشياء بسيطه للغايه تكاد لا تذكر و ايضا عندك هنا نفس الاختيار القديم و هو create tournament او تنظيم الدوره حسب رغبتك و اعتقد ان الكل يعلم ماهية هذا التنظيم

4-play online & multiplayer
لم يتبقى سوى شيئان و هما اللعب من خلال الشبكه و ايضا لا يوجد جديد فيهما

المره القادمه
الجديد في ال my fifa 06 :icon30:

[hitman47]

شكرا يا مان على التقرير الرائع

[HERO-911]

thnx hitman
i hope u like it

[aziz_0]

تقرير جميل وناقصه بعض الصور للعبة

[teefa_San]

مشكووووووووووووووووور

[™ The Rock]

مشكور يا باشا

[Neo424]

thanxxxxxxxxxxxxxxxxx man

[HERO-911]

i'll try to bring some pics
dont't worry & thnx any way

[XVID_WATCHER]

شكرا على المعلومات القيمة

[to_be_loved_1]

مجهود رائع و مشكور عليه و أقدر أقول انك بهذا التقرير ناقد متميز أتمنى ان أكون صديق لك و لكل من في الموقع و شكراً

[HERO-911]

انا لى الشرف يا باشا
و اشكرك كثيرا على كلماتك
و عموما ايميلى
supermad_419@hotmail.com

[محمد ®]

بجد موضوع رائع و شرح متميز
و كنت اتمنى لو تفدنى فى موضوع الشبكه

4-play online & multiplayer
لم يتبقى سوى شيئان و هما اللعب من خلال الشبكه و ايضا لا يوجد جديد فيهما


انا بصراحه بواجه مشكله عويصه و هى ان اللعب على الشبكه بطئ جدا و الموضوع ده عند اكثر من واحد باكثر من شبكات مختلفه.
فبرجاء ان علمت شئ فى هذا الموضوع ان تفيدنا.
و اظن ان اللعب 3 او 4 فى نفس الوقت اصبح غير ممكن.

و منتظرين منك مزيد التقدم

[mohammed_memo]

شكرا على التقرير الهام
والبنسبه للمشكله اللى عند الاخ محمد هى نفس المشكله اللى عندى
وياريت اللى يلاقى حل ما يبخل علينا بيه
والله ولى التوفيق

[HERO-911]

واللهي حسب معلوماتى ان شركة EA sports حددت عدد اقصى للاعبين الى 8 افراد و دي ميزه ماكنتش موجوده قبل كده
لكن بالنسبه لحكاية البطئ دي انا لسه مجربتهاش online او حتي lan لكن حكايه البطئ دي ممكن تكون عيب في الجهاز يعني عايزه رامات مثلا او حاجه تانيه

[tefa_algen]

هيرو وانت هيرو فعلا لا تعلييييييييييييييييييييييييييييييييييييييييييييييق

[HERO-911]

allah y5aleek ya gamed
thnx alot man

[HERO-911]

رابعا:my fifa 06
طبعا لن اتكلم في هذا الجزء عن الاشياء العاديه و لكن عن الجديد فقط....
1-game settings
فمثلا في الgame settings يوجد شئ جديد للغايه وهو السيناريو.. طبعا اظن ان الاسم واضح ...هو امكانيه الدخول الى الماتش بسيناريو معين كاعطاء نفسك او فريقك المضاد مزايا او عيوب معينه (اهداف-كارت احمر-كارت اصفر-بداية الماتش من جزء معين كالشوط الثانى او حتى الوقت الاضافى...وهكذا)و هذا بالنسبه لفريقك و الفريق الاخر وبالنسبه لى هي ميزه جيده في حاله واحده فقط وهى عندما تشعر بالملل وتريد شئ جديد

2-profile manager
وهو عباره عن profile معلومات عنك كمدرب و عدد المرات التى فزت فيها....و ايضا نسبه نجاحك و هكذا
3-tactics help
وهويعلمك كيف تسطيع ان تغير من تكتيكك اثناء اللعب وليس الاضطرار الى الخروج من الماتش لتغييره وهو ينقسم الى قسمين
التكتيك الدفاعي و التكتيك الهجومى وهو يحتاج الى مهاره في التنفيذ

4-fifa 06 challenges
وبالنسبه لى فأنا اعتقد ان هذا هو افضل جزء....طبعا من الاسم واضح المعنى الذى هو بالتأكيد تحديات تتحداك الفيفا في فعلها مثلا انت اولا تختار المنطقه التى تريد ان تلعب بها وهى عباره عن zones فمثلا يوجد zone 1, zone 2,etc و كلما زادت صعوبة التحدي زادت معه الpoints التى تحصل عليها و سوف اعطيكم امثله للتحديات الموجوده فمثلا كان يوجد تحدي في zone 1 يقول احرز هدفا في لقل من 5 دقائق تحصل على 750 points وطبعا ايضا من ضمن التحديات حصولك على كؤوس المنطقه و حينها الpoints تزيد معك و ايضا هنا في بعض التحديات تستخدم فيها نظام السيناريو فيقول لك اعطى فريقك كارت احمر و حقق الفوز امام اي فريق من هذه المنطقه.....وهكذا وهي بصراحه ممتعه جدا في ان تتحدي اللعبه في اشياء تكون صعبه في بعض الاحيان

5-fan shop
وهو الذي تشتري منه الاشياء بالpoints التى حصلت عليها و بالنسبه للاشياء هذه فهى ....اولا شئ يدعى classic payer bios وهى عباره عن معلومات عن اللاعبين القدامى امثال voller و ايضا من الممكن ان تشتري 3rd kit لعدة فرق و ايضا الاستادات التى ممكن ان تستطيع اللعب فيها .....و عدة كرات للعب و لكنها من التصميم الفاشل لEA sports و ايضا
من الممكن شراء teams منهم واحد كلاسيك و هذا يضم اللاعيبين القدامى و اخر يضم اللاعبين الموجودين حاليا و لكن بتصميم خاص و هو عباره عن تجميع افضل اللاعبين فى العالم و جمعهم في فريق واحد ...و يوجد شئ اخر من الممكن ان تشتروه وهو الفيديو الخاص بالدورى الاخير في انجلترا وايطاليا والمانيا و فرنسا....و الباقى اكتشفوه بأنفسكم يا شباب

6-tips & hints
وهي بالطبع عده معلومات توضح لك اشياء مهمة واصطلاحات جديده في هذه الفيفا و بالطبع لن اقول شئ عنها لأنكم سوف تحتاجون ان تعرفوا هذه الاشياء بأنفسكم...

المره القادمه
EA sports retro
&
EA sports extras

[XVID_WATCHER]

جيد تابع يا صديقى

[ErroR]

اية يابني الحلاوة دي
انت بجد داهية وتجنن
شكرا علي المجهود وربنا يوفقك في المزيد

[Dr_Genius]

و الله مجهود رائع رائع رائع

[HERO-911]

shokran ya gma3a
واللهى مش عارف اقولكم ايه غير
thnxxxxxxxxxxxxxxxxxxxxxxxxxxxx

[أيمـن]

ممتاز يا هيرو
الف شكر

[HERO-911]

thnx ayman
very muccccccccccccccccch

[dr_amir85]

شكراااا علي لتقرير
وننتظر منك المزيد

[HERO-911]

sure
thnx ..& wait for more

[AHBatrek]

الف شكر على هذا التقرير الممتاز و المفيد لكافه اعضاء المنتدى

و ارجو من اداره المنتدى تثبيت الموضوع لتعم الفائده لكل الاعضاء

[HERO-911]

thnx very much
for ur support
thnx again

[elshenawy19]

شكرا يامان على التقرير الرهيب بس على فكرة انا ملاحظ انك متحيز كده لوينينج اوى مش عارف ليه
وعلى فكرة الفيفا حلوة وليها طابع خاص وحتى لما اتغيرت ليها طابع خاص انا شايف انه خاص بيها
وطريقه اللعب من جواه مش زى الوينينج خالص ده رايي
ولكن مشكور مرة اخرى
وعلشان ماكونش زكرت ان الويننج رهيبه ومن الالعاب الحلوة الى انا باحبها بس على البلاى ستيشن لكن على الكمبيوتر ماحبيتش حتى اجربها واظن ان ده راى شخصى مش عايز حد يتاثر بيه

وعلى فكرة انا شفت واحد بيقولك انت تخليني اوقف بحثى
اخى الفاضل ارجو انك متتاسرش براى حد وحاول انك تاخد راي نفسك يعنى خوض التجربة

[reloaded]

بجد موضوع رائع و شرح متميز
و كنت اتمنى لو تفدنى فى موضوع الشبكه

انا بصراحه بواجه مشكله عويصه و هى ان اللعب على الشبكه بطئ جدا و الموضوع ده عند اكثر من واحد باكثر من شبكات مختلفه.
فبرجاء ان علمت شئ فى هذا الموضوع ان تفيدنا..
و منتظرين منك مزيد التقدم

اولا شكرااا جدااا علي التقرير الجميلل
نفس المشكله عندي اروجوا ان تكون لها حل

[dirty_pop_83]

شكرا على الموضوع الجميل ده.. بس أنا عندى سؤال..

أنا ملاحظ ان تغيير الخطة يكون داخل اللعبة فقط.. بس عندما أقرأ الهيلب فانه يعتمد على وجود الأنالوج ستيك زى البلاى ستيشن.. هل يوجد طريقة لتغيير الخطة باستخدام الكيبورد فى البي سي؟؟

وشكرا

[to_be_loved_1]

شكرا على الموضوع الجميل ده.. بس أنا عندى سؤال..

أنا ملاحظ ان تغيير الخطة يكون داخل اللعبة فقط.. بس عندما أقرأ الهيلب فانه يعتمد على وجود الأنالوج ستيك زى البلاى ستيشن.. هل يوجد طريقة لتغيير الخطة باستخدام الكيبورد فى البي سي؟؟

وشكرا

:clap0000: أخي ستجد ما تريد موجود في ردي على أخ أخر فيه هذا اللينك الموجود في نفس المنتدي الألعاب

http://www.dvd4arab.com/forums/showthread.php?t=132767

[donmido]

... أولا الف شكر لصاحب الموضوع على التقرير الجميل ده .. بس عندي تعليق على موضوع الثغره اللي في الدفاع اللي بيمر منها الخصم بسهوله وانت وحظك :) .. كلامك صح فيها .. بس ليها حل .. وانا بنفذه وناجح جدا .. وللعلم انا لعبت في اللعبه دي ماتشات كتيره كده واتقنتها تمام الحمد لله .. وعلشان تتغلب على المشكله دي .. بمجرد لما تحس ان اللاعب اللي معاه الكوره بيفكر يرفع الكوره في المكان الفاضي في الدفاع .. تقوم بتوجيه اقرب اللاعبين للمنطقة اللي رايحه فيها الكوره قبل متترفع .. على الاقل هتحصل اللاعب اللي بيجري في الناحيه التانيه ... وطالما حصلته وانت بتتقن الدفاع كده انت اخدت الكوره مستريح اوي .. وموضوع اتقان الدفاع ده انا شايفك بتقول ان لاعيب بيجري من ورا ولاعب بيجري من قدام .. مفهمتش انت تقصد ايه بصراحه .. بس هو في البدايه لما تلعب فيفا 2006 تجد صعوبه شديدة جدا في طريقة الدفاع .. بس لما تتعود عليها هتلاقيها سهله جدا .. وفي الدفاع هنا الموضوع مختلف شوية عن اي فيفا اتعملت قبل كده .. كنا بندوس على d واللاعب غالبا بيتوجه لوحده ويروح يقطع الكوره .. لكن لو عملت كده في الفيفا الجديده لا يمكن تاخد الكوره وخصوصا لو بتلعب على اصعب مستوى world class .. اللي المفروض يتعمل هو توجيه اللاعب بالاتجاهات فقط ولما تكون خلاص ضامن الكوره تحت رجليك وجمب المهاجم تدوس على حرف ال d مره واحده بس .. ودايما وانت بتجري جمب مهاجم تجري بالاتجاهات من غير متدوس على اي حاجه وتحاول تقرب تبقى جمبه اوي .. هتلاحظ ان المدافع بدأ يشده وياخد الكوره منه بسهوله .. الكلام ده محتاج ممارسه .. الموضوع فعلا مش سهل ودي المتعه اللي فيه .. اي صعوبه في فيفا 2006 هتلاقوها فده لانها بدأت تميل للواقعيه بشكل ملحوظ واللي بيلعب كوره في الحقيقة يفهم الكلام ده :) .. واسف للاطاله وارجو انكوا تكونوا فهمتوا حاجه :) .. وشكرا

[HERO-911]

شكرا يا جدعان علي الكلام الجامد ده
بالنسبه لelshenawy
شكرا على كلامك الجميل ده و على فكره انا مابحبش العب وينينج من اصله و بموووووووت في الفيفا بس بصراحه الوينينج اقرب للواقعيه....عموما جرب تلعبها على الكمبيوتر
بالنسبه لdirty pop
انا بصراحه بلعبها بالجوي ستيك و معرفش ازاي بالكيبورد بس نصيحتي ليكم كلكم اللعبه اسهل بكتيييييييييير بالجوي ستيك و جرب وانت تشوف الفرق
بالنسبه لdonmido
شكرا ليك جدا على اضافتك الرلئعه في الموضوع
وبالنسبه لموضوع الدفاع انا قلت انك ممكن تتغلب على العيب ده بالاتجاهات و تحكمك في اللاعب
عموما يا سيدي انا شايف برضه انها كان ممكن تبقى احسن من كده
وشكرا لمشاركتك معي

[hamo_3006]

مشكور
مشكور
مشكور مشكور

[mostafa_moner]

شكرااااااااا على التقرير الرائع انا برضه راى كدة وينج الفين احلى وتقريرك بيوضح دة شكرااااا ياباشا

[moradgold]

الف شكر على التقرير الهايل

[HERO-911]

thnx everyone
و احب ان اعتذر على تأخيري في كتابه باقى التقرير واعدكم باستكماله حالا

[HERO-911]

خامسا:EA sports retro
تضم هذه الخاصيه الجديده بعض الفيديوهات المثيره والطريفه ايضا....فبها فيديو لافضل 10 اهداف ومنهم هدف لبيكهام خطير جدا...وهذا في option يدعى memorable moments
ويوجد option اخر يدعى FIFA game retrospective وهذا فيديو طريف يوضح مدى التغير الذي حدث في هذه اللعبه من اول fifa 97 حتي fifa 06 وهو جميل جدا.........
اما اخر شئ وهو classic player bios وهو عباره عن نبذه مختصره عن اللاعبين القدامى
الذي يوجد فريق بهم

و أخيرا:EA sports Extras
ويحتوي على لقاء مع اللاعب الشهير Eto لاعب برشلونه الاسبانى.....وايضا على فيديوهات لاخر احداث الدورى الانجليزى ,الايطالي,الفرنسى والالمانى...وايضا يحتوى على اعلان للعبة NBA 06 و اخيرا الcredits

وهكذا اكون قد انهيت هذا التقرير-من وجهة نظري-على خير وكل عام وانتم بخير
HERO-911

[Real Neo]

شكرا علي التقرير الرائع يا باشا

وياريت لو تقدر تجيب البتش بتاع اللعب علي النت

[™ The Rock]

مشكور يا باشا علي المجهود العظيم وعايزين اكتر

[yasso.]

marvelous effort

[walid26]

ألف شكر علي المجهود المهول :)

[HERO-911]

الف شكر يا جماعه على الردود الجامده دي
و اعتقد ان انتوا مفروض تكتشفوا الحاجات الباقيه بنفسكم وهى عموما حاجات صغيره
وشكرا مره تانيه

[ayman9]

شكرا على التقرير الرائع

[Ahmed Mekky]

Allah yenawar 3alek 100/100

[HERO-911]

thanks for u all
and i hope that u really like it

[badr83]

الف شكر على الموضوع الجامد ده هى فعلا بقت مختلفه بس مش هى دى ال fifa

[abs4now]

thanx for the great report although i disagree with you in some points

[HERO-911]

thnx everyone
لكن زي ماقت قبل كده......ده من وجهة نظري
و الاختلاف في الرأى لا يفسد ود قضيه

[حجوووو]

مجهود جميل جدا وننتظر المذيد

[maq2006]

الف شكر يا مان

[حسام محمد]

بصراحه اللعبه لا تاتي بشئ ولا تمثل شئ بالنسبه ل Pes 5

[haitham_92004]

الف شكر على الشرح الهايل دا

مع انى كنت من محبى فيفا من سنة 99 و لكن بعد ما لعب وننج الفن 7 و من ساعتها كرهت فيفا

و فعلا الوونج الفن حطمتها

و ممكن اقول على الفيفا انها خلاص راحت عليها و بقت هبل

انا نزلت فيفا 2006 علشان بس اعرف عدلوها و لكن للاسف ! لقتها هى الفيفا مع تقليد بعض الحاجات من الووننج

و طريقى باص الكورة زباله و كل اللعبة مركزة على الثرو العالى و الشوط مش حلو و تحس انها تافهة كدا

و الجرافيك مش حلو و جوه اللعيبة مفهاش غير رونى و بعض الاعبين .. اما الوننج مليئة بالوجوه

و الكور العارضية نصها اهداف ! و انا بحب الاهداف تبقى صعبة لاضافة التشويق الى اللعبة

انا نفسى الوننج الفت تاخد رعاية الشركات و البطولات المختلفى اللى الفيفا مستحوذة عليها ولا ادرى السبب

و فعلا اللى يقول على الفيفا احسن يبقى مالعبش وننج الفن

سلام عليكم

[AC MILAN]

بارك الله فيك يا أخي على الموضوع الرائع جدا

[HERO-911]

الف شكر يا جماعه على الكلام الجميل ده.....
و احب اوضح للأخ هيثم ان الفيفا مش وحشه اوي كده
بس احنا كنا نفضل انها تكون احسن من كده
عشان الفيفا مش شكل و بس دى طريقة لعب و كل مره بتتغير .....و ممكن السنه الجايه تبقى احسن بكتييييييير

[wolvereine]

تشكر يا عسل على الموشوع الجميل ده و ربنا يخليك للفيفا

[sataahlawy]

thnx alotttttttttttttttttttttttttttttttttt ya basha

[mohamed wahid]

شكرا علي التقرير الرائع يا باشا