التماسيح

[hero2004_5]

ممكن تربى تمساح ؟؟؟؟؟؟؟؟؟؟؟؟؟؟


http://www.picture-newsletter.com/crocodile/crocodile-08.jpg

التماسيح حيوانات بر مائية
يتغذى اكثر على الاسماك والطيور المائية
والصغير منه ممتع فى تربيتة لكن المشكلة الوحيدة انه عندما يبدا يكبر يبدأ فى العض
ويفضل تربيتة فى حوض به صخور نصفها مغطى بالماء والنصف الاخر يكون بدون ماء

ولا يربى اى شىء معه
وهو يجيد السباحة
وهو من الحيوانات التى تستحمل الظروف الجوية الصعبة ويستحسن ان لا يربى واحد يربى اكثر من واحد وممكن يجلس بدون اكل اكثر من ثلاث ايام

ولكن لا يمكن تفريغة لان توفير بيئتة صعب



http://s04.imagehost.org/0718/Animal-Crocodile.jpg

[ninja911]

أنا كنت هشترى مرة تمساح بس لقيت فى خطر فى التفاهم معاه

وبالذات إن فكه قوى جداً حتى وهو صغير زائد إنه غدار

وشكراً ياهيرو باشا على الموضوع

[moe_22]

لا يا عم الله الغنى عن التماسيح و الحيوانات الغريبة دى هوة كفاية علينا حوضين السمك اللى عندنا و ان الله يحب المسحنين

و شكرا اخى على المعلومات

[casper_mab]

علي فكرة هو اكيد تربية التماسيح هتكون مميزة واكيد ممتعة بس برده الواحد يخاف علي نفسه وان مكنشي علي نفسه علي البني ادمين اللي عايشين معاه
بس لو عندك معلومات اكتر عن كيفية تربيتهم ومعدل نموهم لحد الوصول لسن الخطر وتكلفة تربيتهم واكلهم و مستلزمات الحوض وحجمه
من الاخر كل اللي تعرفه عنهم سعادتك
تحـــــــــــــــــــــــــذير لاعضاء المنتدي : كان واحد صاحبي اشتري تمساح صغير ولما كبر عض ابوه في رجله
ربنا يترها بقه ويجعله عامر

[reem86]

معلوماتك جميلة اوى عن التماسيح
بس تربيتهم هتبقي حاجة مرعبة بالزات لو جاعو
وشكرا ليك

[Mr. AhmoOoOody]

tmaseeeeeeeeeeee7 for sale

[Mr. AhmoOoOody]

tmsa777777777777777777777777777777 for sale

[خالد الجندى]

سبحان الله
متشكرين جداً يا غالى

[ايهاب811]

لا يا عم انا لسة هابدأ فى تربية السمك اقوم أجيب كارثة لا يا عم الحمد لله وشكرررررا جزيلا على المعلومات

[pureabdo]

وايه يعنى يا جماعه التماسيح بتربيها علشان اول ما تكبر تربيك

[مسترموسى]

يا جماعه عندى نصيحه للى موش هامه وحايشترى تمساح, التماسيح اللى بتتباع فى السوق دى ولده تماسيح نيلى وهى بتفقس فى يوليو وعلى ما تعدى السنه الاولى بيكون 95 % منها مات مابين الاعداء الطبيعيين والامراض يعنى البقاء للاصلح علشان بعد كدة مالوش اعداء (الا التماسيح الاكبر حجما") فا لما تشترى لازم تتاكد انه صحتة كويسه وبياكل اهم حاجه انه بياكل لان احنا داخلين على فترة البيات (الصيام) الشتوى ولو موش مستعد لها حايموت. اما مكان تربيته لازم يكون فيه جزء جاف وياسلام لو رمل ناشف وفوق منه لمبه لزوم الحراره....اوعى تفتكر انك صاحبه وانه عارفك حتتعض يعنى حاتتعض وكمان لازم تفكر لما البيه يقلبظ كدة ويقارب على ال2 متر حتعمل ايه واوعى تفكر انك حاتتبرع بيه لجنينه الحيوانات (كان غيرك اشطر) او حاترميه فى النيل او الملاحات (سبقوك وعملوها فيلمين تلاته)

[kataketobony_1]

يا كاسبر التمساح اول لما يطلع من البيضه بيبقى طوله تقريبا 35 سم و علشان يوصل لطول متر بياخد حوالى 5 سنين أما بالنسبه للتغذيه فهو لازم ياكل لحمة بعضمها زى مثلا فار او كتكوت صغير حتى يكبر و ابقى اكله فراخ صغيره او بط او وز حى او مدبوحه

[tamerfouad]

اةة تمساح لا لالا بالرغم انى اهوا الحجات الخطيرة بس داة انتحار عشان وانا نايم يخلص علية لا انا عايز اموت طبيعى مش متاكل وعلى العموم امى هتتردنى انا وهو داة لو دخلتة من باب الشقة اصلا وكمان داة ميعرفش ابوة فى الاكل يعنى يوم متجوعة يوم متموت بس على العموم ادية لحماتى عشان اخلص او لمراتك لو ديئتك او ادية هدية العمر لاى واحد بتحبة موووووووتهههههههههههه

[hero2004_5]

عندك حق يا تامر لان التمساح ميعرفش حد لما يحب ياكل


وعلى العموم شكرا على الرد الظريف ده

[moh7000]

والنبى ياباشا ما تعرفش التاسيح بتتباع فين علشان ابعت تمساح طولة 7 متر للدكتور عندى فى الكلية و اهو نستريح منوا و من امثالة

[samer_hendy2005]

اه والنبى لما تشترى واحد تبقى اشتريلى انا كمان علشان فى واحد اعرفه مزهقنى فى عيشتى
وشكرا على المعلومات الرائعه دى