يوميات ابو حديدة

[فرسان الحب]

أحبابي وأصحابي وكل ما ليا في الدنيا ديا أصدقائي النهاردة هابدا معاكوا

أولى يومياتي العزيزة اللذيذة في كل ما هو ظريف ولطيف وطريف في

هذا الزمن اللي أبدا عمره ما كان ضعيف

يا سلااااااااااااااااااااااام الله يمسيك بالخير يا أستاذ مدبولي لما قلت

(يرحم زمان وليالي زمان) (واه يا زمان الجزر سوق الحمير انتشر )وكل

اللي بيهم البشر أكل وشرب والبعد عن لحم البقر اصله بيقولوا لحم البقر

خطير وفيه مرض كبير بيخلي البني آدم شرير ....

عموما عشان ما نخرمش عن الموضوع ونحكي ونعيد أسبوع عاوز

اقولكم ومش اكرر ولا اعيدلكم انه الفيديو كليب بتاع اليومين دول بيعلمنا

كل حاجة حلوة وجميلة وان كان يعني الاحترام فيها حاجة قليلة بس

بيعلمنا حاجات وحاجات واهم حاجة من الحاجات هي الانحرافات يعني

ازاي يدلع البنات ويخلي الولاد دايرين في الشوارع والحارات يعلم

البنت ازاي تلبس البنطلون الجينز ابو لبيسة والبدي النص الشفاف زي

الكيسة وازاي تتمايل وتتدلع وازاي ماتكونش على دينها حريصة ..

شفتوا الشغالة ذات الصوت الجميل بوسي سمير وهي بتنهق زي الحمير

ولا الفنانة الشقية اللي خلاص ودت الشباب العباسية وهي بتغني العب

العب العب اللي اسمها ماريا ولا معبووووووووووووووووودة

الجماهير ام فكر كبير الآنسة الموقرة نجلا اللي عدت حدود البقر

وشتمت كل الغجر وهيا بتطلب أيد الحصان بكرة واخيرا وليس أخرا

الفنانة ذات الإمكانيات الجسدية المذهلة الفنانة المدمرة ذات الصواريخ

الموجهة واللي بتغني وتقول رجب رجب رجب صاحبك موتني رجب

صاحبك بهدلني رجب صاحبك بيـــ........ ......؟ ياللا بلاش نجيب في

سيرة الناس المثل بيقول امشي عدل تحتار الرقابة فيك والمطربات بتقول

امشي عوج ما حدش يقدر عليك

سعدت وياكم واتمنى رؤياكم واقضي بقية عمري معاكوا

وانتظروا يوميات ابو حديدة ومشكلة جديدة