مشكلة المصنفات معاااااااااايا الحقوووني يا نااااس

[tamoora]

السلامو عليكم في الاول
انا بقى اللي عندي مشكله ملهاش حل نهائي
انا يا خونا عندي سيبر نت وعايز اسطوانات ترخيص ويندوز اكس بي بروفيشنال او اكشن باك ورحت سالت على الاكشن باك لقتها اتلغت بس مسالتش في ميكروسوفت انا سالت واحد فاتح سيبر زيي وبعدين سالت على الاسطوانه بتاعت الترخيص اللي طلبنها لقتها 135 دولار ما يعادل 800 الا شويه مصري وال ايه بترخص جهاز واحد ولازم لكل جهاز اسطوانه انا طبعا اول ماسمعت الخبر ده جالي احباط من كل حاجه ومبقتش عارف اعمل ايه اقفل السيبر اللي انا باكل منه لقمة عيش ولا استني قدري ونصيبي اللي موجود عند المصنفات وعلى فكره انا معمولي قضيه قبل كده مزوله نشاط بدون ترخيص وخدو من جهااااااازين وطبعا اللي بيرووووح عند الحكومه مااااااااا؟؟؟؟ وانا عندي 8 اجهزة دلوقتي ولسه مجدد السيبر وصارف حوالي 15000 تجديدات شامله وربنا يسترها عليا وعلى الجميع ياريت اهل الخبره يدلوني اعمل ايه انا مسلّم امري لله وربنا معانا ومع الجميع
معلش انا اسف طولت عليكو بس هيه دي حكايتي مع المصنفات ومش عارف اعمل ايه !!!!!!!!
tamoora_tito@yahoo.com

[mdogs]

القضيه بتعتى اتحكو فيها بدفع 5000 جنيه غرامه بسبب اسطوانات الويندوز و انا لسه فاتح من شهر

المشكله ان عندى ويندوز XP home اصلى

و المباحث عيزهXP Pro


رغم موافقه ميكروسوفت و المصنفات الفنيه

و طبعا سعر الواحده 800 جنيه و مطلوب واحده لكل جهاز

اى مطلوب 8000 جنيه للعشره اجهزه اقصد 9 فقط حيث ان الحكومه صادرت جهاز ده غير الغرامه و مصاريف المحامه و دخول الحجز و الكلبشات و عربيه الترحيلات و النيابه و المحكمه

مش مهم كل ده ... المشكله ان الموضوع ممكن يتكرر تانى

و هو ده الذنب الى انا عملته .. فتحت سيبر .......هاهاهاه .....بعد السلف و الدين

[hayel2005]

والله انتم صعابانين عليا وحكايتكم دمعت عينى، بس فى حل يمكن يكون عبيط شوية بس احسن من اللى انتم فيه ، ممكن تجيبوا اسطوانات ويندوز ملينيوم او ويندوز 98 وخلاص والأسطوانة ممكن تقف بحوالى 150 جنيه على الأكثر وهاتلاقيهم ومش لازم تعتمد على مايكروسوفت وفى ناس بتعلن عن اسطوانات اصلية ويندوز للبيع فى المجلات او الجرائد او الوسيط بتلاقيها رخيصة قوى وممكن تلاقى برضة فى سوق الجمعة او سور الأزبكية حاجات من دى رخيصة برضة لغاية لما تجمع الأسطوانات اللى انت عايزها ، وعلى فكرة فى واحد صاحبى عمل كدا ونجح الموضوع ده معاه ،،،،،، وربنا سوفقكم ان شاء الله ، وكل عام وانتم بخير..

[WelWel]

فكرة ممتازة يا أخى

[esmael_amins]

صديقي العزيز اعرف مشكلتك لأني مريت بها واحب اقوللك ان المصنفات الفنية دول بهائم وهناك طريقة يعرفها جميع محترفيين ضرب المصنفات الفنية علي قفاهم سواء بتوع الداخلية او وزارة الثقافة ولكن لأنه عهد وايضا لعدم معرفة السر وانتشارة وتسريب الخبر لهؤلاء البهائم ومعرفتهم به استطيع ان اقوللك فكرة وكلنا شغاللين بيها وبنستعبطهم بيها زي الحمير ولكن علي الماسنجر عشان اشرحهاللك مظبوط وتطبقها بنفسك وبريدي هو ESMAEL_AMIN_2005@HOTMAIL.COM وغدا بأذن الله هبقي اقوللك هجلس ع النت امتي عشان طبعا انت عارف ظروف رمضان وكل عام وانتم بخير


ملحوظة لجميع الاخوه المحترمين الاعضاء اعذروني لأني غير متفرغ ولن استطيع ان اشرح هذا الموضوع لغير كاتب هذا الموضوع وهو بقي يبقي يقوله لكم واعتذر لعدم ردي علي اي حد بعد كده بشأن هذا الموضوع لأني فعلا مش فاضي


ملحوظة اخري : الموقع مرصود من قبل كلاب المصنفات والرقابة وانا عندي علم اليقين بذللك ولكن لا استطيع التفسير فأرجوا الحذر وعدم ذكر اسماء او عناويين سايبراتكم وطبعا تليفوناتكم

والهي يا رب ياخد كل الظالمين اللي جايين علي ناس غلابة وسايبين بتوع الوصلات بتاعة الدش اللي بيقبضوا منهم

[yalaa13]

اولا اشكرك جدا على استعدادك للنصح والارشاد وان وضعت بريدك على الماسينجر بتاعى وهكلم حضرتك اول ما تبقى اون لاين ومتشكر مره ثانيه

[Ehab_Ehab]

ملحوظة اخري : الموقع مرصود من قبل كلاب المصنفات والرقابة وانا عندي علم اليقين بذللك ولكن لا استطيع التفسير فأرجوا الحذر وعدم ذكر اسماء او عناويين سايبراتكم وطبعا تليفوناتكم



معنى ده ان مفيش امان والواحد مايعرفش ياخد حريتة حتى هنا
حسبى الله ونعم الوكيل

[T_FAROK]

هنا في مصر الواحد مابيعرفش ياخد حريته في اي مكــــــــــــــــــــــــان

وانا معاك في حسبي الله ونعم الوكيل

[kane1267]

فعلا امتي ربنا يريحنا من المصنافات و

[wael_nassar2005]

طب يا جماعه فيه ناس كتير وانا منهم عندى نفس المشكله اعرف الحل ازاى يا ريت الناس اللى مرت بالتجربه تفدنا فى الموضوع ده

[SCORPION_VAMPIR]

i am a net cofe owner and all what u wanna say
if u want to buy windows cds i can tell u where u can get it with low price

[yalaa13]

اعتقد ان الحل الوحيد هو استعمال ويندوز 98 فهو الارخص
انا مش عارف فيه ايه بالضبط كل حاجه معقده فى البلد ده طب الناس تقفل محلاتها وتسرق الناس ى الشوارع ولا ايه ثبعدين بتوع المصنفات دول عايشين عالرشوة و القرف وبياكلوا ولادهم من الحرام ومبيعملوش قضاي غير لكام واحد علشان يعملوا نفسهم شغالين غير كده فتح مخك تاكل ملبن
لكن ربنا موجود وكل ما نبت من حرام فى جسم بنى ادم النار اولى به كما قال الرسول الكريم كمان مفروض الناس اصحاب السوفت وير يرخصوا منتجاتهم علشان الناس متلجأش للكوبى ومفروض الاصدار يصبح مجانى بعد عدة سنوات من انتاجه ما هو ويندوز 98 ده معفن وبيقع على طول ومش هيستحمل المجازر اللى علشبكة دلوقتى من هاكرز وسباى وخلافه
والله الموفق للجميع

[tamoora]

يا جماعه بعتذر على الغيبه الطويله دي مني لاني كنت في مشاكل ما يعلم بيها الا ربنا وشكري لجميع الناس اللذين ساهمو في حل مشكلتي ومشكلة الناس الغلابه اللي بتجري على لقمة عيشها عشان تعيش
وانا الحمد لله بعد تعب مرهق للاعصاب والجسم الحمد لله توصلت لحل مشكلتي مع المصنفات وياريت تكون هيا الحل زي ما شركة مايكروسوف قالتلي
ويارب كلكم تلاقو حل زي ما انا لقيت عشان حل رخيص ومبيكلفش وصادر من شركة مايكروسفوت نفسها واللي عايز اي تفاصيل عن هذا الموضوع يرسالني على

tamoora_tito@yahoo.com

[tamoora]

يا جماعه بعتذر على الغيبه الطويله دي مني لاني كنت في مشاكل ما يعلم بيها الا ربنا وشكري لجميع الناس اللذين ساهمو في حل مشكلتي ومشكلة الناس الغلابه اللي بتجري على لقمة عيشها عشان تعيش
وانا الحمد لله بعد تعب مرهق للاعصاب والجسم الحمد لله توصلت لحل مشكلتي مع المصنفات وياريت تكون هيا الحل زي ما شركة مايكروسوف قالتلي
ويارب كلكم تلاقو حل زي ما انا لقيت عشان حل رخيص ومبيكلفش وصادر من شركة مايكروسفوت نفسها واللي عايز اي تفاصيل عن هذا الموضوع يرسالني على

tamoora_tito@yahoo.com

[migoonly]

شد حيلك يا تيتوا لان السيبر بتاعك محتاجك بعد ما كل الناس سبوه وخصوصا الاباطره العظام انت اكيد عارف مين هما بس والله قلبنا معاك ومع عمو نجيب (بيجن) ورنا يوفقك في انك تقدر تستخبي من المصنفات وكل اهلي ارض المحاج قلبهم معاك يا ريس وفي الختام لك مني الف تحيه وسلام يا تمورا تمورا بس قولي قبل ما امشي انت اي تمورا فيهم الاول ولا الثاني
سلام

[tamoora]

ماشي يا ميجو يا تحفه يا حلفوفي الكبير اولا معرفش اباطره كانو عندي في السيبر ولا حاجه ومسيرك ترجع انت و هوه [/SIZE] [/SIZE] محدش بيدخل روتانا ويقدر يسبها يا بطل وانت عارف ومجرب غيبت قبل كده ورجعت تاني وهترجع انت وهوه وان شاء الله الخط بتاع فرج حبيبي هيقف وهتجيلي تقولي انقذني يا تمووووووووووووور وبعدين بلاش تتقل على صاحبك اوي كده مش كل يوم عنده بحجه جايه تسلم عليه[/B][/SIZE] اذا كان حبيبك عسل متلحسووووووووش كله ولا انت ماشي بمبدأ ابو بلاش كتر منه

سلامي لفرج باشا صاحب وصله النت

[tryme_nor]

هاى تمورا
لو عايز الحل ممكن تراسلنى على tryme_nor@hotmail.comوانا هؤلك الحل وانا كما فاتح سيبر وحليت المشكله دى تماما بس راسلنى

[tamoora]

اوك يا باشا تمت الاضافه بنجاح ولينا لقاء