طب الأسنان

[doctor_hosny]

يا جماعة طب انا بشكر المنتدى الجميل ده وفعلا هو مفيد جدا وانا بصراحة حبيت اقدم اى مساعدة للمنتدى علشان كدة اللى عنده اى استفسار عن اى حاجة ليها علاقة بطب الاسنان او بسنانه هو شخصياَ يكلمنى ويقولى وانا ان شاء الله كفيل بأنى ارد ع
http://images.google.com/images?q=tbn:iEdrJtci8SMJ:www.pl****villevet.com/images/smiling%2520tooth%2520200.GIF ليا

[egyptianking34]

salamo alykom dr hosney i will be thankfull if u really helped me either to find a link for this book online or tell me a place where i can get or buy this book in cairo,,,since really i am inneed for it

Clinical Oral Science by Malcolm Edgar, DDSc PhD FDFRCS (Editor), Malcolm Harris MD FRSRCS FFDRCSI (Editor), Sajeda Meghji BSc MPhil PhD (Editor)
ISBN 0723610592 Publisher: Wright

[doctor_hosny]

Hi man iam sorry but i don't know right now from where u can buy it in Egypt but this is the link of the book and u can buy it from the net
http://www.dentalbooks.co.uk/categories/mfds.htm
And soon i will know where u can buy it and i will tell u

[egyptianking34]

thanx in advance doc..and i am waiting to send u many greetings when u succed to find it in egypt......thanx again

[kane1267]

ممكن ياجماعه شويه عربي
وانا عن نفسي سناني بتوجعني من الحجات الساقعه
ملهاش حل دي
او دوي معين؟

[doctor_hosny]

اهلا بيك ياباشا خلاص هنكتب عربى هو الراجل اللى فوق كان بيسالنى على كتاب فى طب الاسنان وانا قولتله يجيبه منين اما بالنسبة لحالتك فى الوجع عامة فى الأسنان مع الحاجة الساقعة او السخنة او الاتنين مع بعض ان فى التهاب فى العصب فى منطقة الوجع وطبعا لازم يتعالج ويتلحق قبل ما لا قدر الله يقلب بخراج علشان كدة نصيحتى ليك انك تروح لدكتور وتكشف لان لازم يتعمل اشعة عليه اوك ياباشا وانا فى الخدمة ولو انت ساكن فى القاهرة ممكن لو تحب تجيلى الكلية اشوفهولك على تانى اسبوع فى الدراسة

[dr_waleed]

جميل موضوعك ده يا دكتور حسني
وبالمناسبة اي مساعدة انا جاهز
انا طبيب اسنان خريج 2002 القصر العيني
وهابدأ الماستر ان شاء الله في شهر 10 في التيجان والجسور
وشكرا على الموضوع تاني مرة

[Ta-mir]

أنا كنت عايز أسأل عن تقويم الأسنان ، وعن أسهل طريقة لعمله وأرخص الأماكن ، لأني مش عارف تكلفته بس سمعت إنه مكلف جداً

ممكن ؟؟

[doctor_hosny]

بص يا سيدى تقويم الاسنان عبارة عن تعديل وضع الاسنان اللى مش فى وضعها الطبيعى ده بيتم عن طريق حاجة اسمها طاقة الوضع اكيد عارفها انى بدخل طاقة فى الاسلاك المخصوصة للتقويم والاسلاك دى على المدى الطويل فى خلال شهر مثلا بتحول تخرج الطاقة دى ازاى؟ مثلا انتى لو جبت سلك وتنيته وسيبته هتيجى بعد فترة مثلا شهر تلاقى السلك رجع لوضعه الطبيعى والتقويم بيعتمد على نفس الفكرة تقريبا.
أما أسهل طريقة لعمله فده بيعتمد على الحالة اللى فيها الاسنان والسن بتاع المريض نفسه
وأرخص الاماكن بصراحة انا مقدرش افيدك فيها بس عامة المستشفيات الجامعية زى الدمرداش والقصر العينى بتبقى ارخص الاماكن
أما بالنسبة لو حبيت تعملها فى عيادة دكتور فأنا بصراحة رأيى انك ماتسترخسش علشان فى معامل أسنان مجرد ما الدكتور بيديهم مقاس بق العيان هما بيعملوا كل حاجة وبتبقى وظيفة الدكتور الوحيدة انه بيركب بس التركيبة فى بق العيان فعلشان كدة افضل انك تعمل حاجة نضيفة وعامة لو حبيت تعملها وانت ساكن فى القاهرة انا ممكن افيدك فى المكان اللى تعملها فى ولو حبيت تعملها فى مستشفى جامعى ممكن اساعدك فى الموضوع ده عن طريق الكلية عندنا
أما بالنسبة للتكلفة فطبعالو هتعملها فى عيادة برة بيبقى مكلف جدا وممكن فى بعض الحالات يبدأ من 5000 جنيه وممكن اقل طبعا ده بيختلف على حسب الدكتور والحالة
واى خدمة ياباشا

[doctor_hosny]

ربنا يخليك يا دكتور وليد انا اسف انى أتاخرت فى الرد عليك بس انا فعلا كنت مشغول الفترة اللى فاتت علشان كان عندى امتحانات ومتخافش مكنتش شايل حاجة بس ده موضوع كبيررررررررررررر انا كنت عايز اسالك ايه المواد اللى مع التيجان فى الماستر وايه نظام التقديرات؟

[Ta-mir]

يا سلام الله ينور عليك يا دكتور حسني ..... وألف شكر على الإفادة
أنا سألت عند دكتور أسنان عادي ( قريبي ) وهو قالي حيوصي عليا دكتور تقويم

و طبعاً إن شاء الله حتعملها ب 3500 جنية ( الواسطة بقه ....... )

إن شاء الله خير ...... ألف شكر مرة أخرى يا دكتور

[dental-mido]

انا بدرس فى طب اسنان المنصوره و يشرفنى انضم للقسم الخاص بطب الاسنان

[dr_waleed]

ربنا يخليك يا دكتور وليد انا اسف انى أتاخرت فى الرد عليك بس انا فعلا كنت مشغول الفترة اللى فاتت علشان كان عندى امتحانات ومتخافش مكنتش شايل حاجة بس ده موضوع كبيررررررررررررر انا كنت عايز اسالك ايه المواد اللى مع التيجان فى الماستر وايه نظام التقديرات؟
دلوقتي انا بتأسفلك في التأخر للرد يا دكتور حسني علشان كنت في عمرة

بالنسبة لمواد التيجان والجسور انا لسه بادئ part 1 وده فيه
dental materials
oral pathology
general anatomy+head and neck in term 2
oral histology and emberiology (practical only)
اشعة فم

هيا دي المواد اللي اهادرسها وعلى فكرة انا تقديري العام جيد وتقدير المادة كمان جيد ومع ذلك الحمد لله سجلوني في القسم عقبالك ان شاء الله

الدراسة بدأت في 8\10 وهامتحن في1 الترم الأول وفي 4 الترم التاني

وهلا بيك يا دكتور ميدو .. شرفتنا

[alidentist]

بالنسبة للعضو الذي اسنانه بتوجعة مع الماء البارد و السكريات، هذا الألم ليس يدل على وصول التسوس للعصب،بل يدل على انه يعاتي من بداية تسوس بسيط. و لكن اذا امتد الألم الى الماء الدافئ فهذا يدل عن التهاب بالعصب. و اذا امتد الألم عند المضغ فقط،و خف عند شرب الماء البارد فهذا يدل على بداية تكون خراج تحت الضرس. و في كل الحالات السابقة يجب اللجوء لطبيب الأسنان.
alidentist2003@yahoo.com

[midok33]

أهلا بالزملاء :)

فيه موقع جميل عن طب الاسنان والافلام اللي فيه معمولة كتثقيف صحي للمريض patient education

www.dentalwisdom.com

[supersonic]

السلام عليكم ورحمة الله وبركاتة انا طالب فى جامعة قناة السويس وعايز انضم لمجموعة طب الاسنان بس لى عندك طلب الدكاترة برة قالبينالدنيا كتب وانا مزنوق فى شوية كتب لو عندك linksلكتب ممكن ننزاها فى ال opertive و crown ابقى شاكر جدا

[drwesdom]

:icon2600: ابحث عن الموهبون فى فن الاسنان لاننى اعتبرة فن جميل ويحتاج الى ثقل الموهبين وليس الى كمية دراسة هائلة كى تكون دكتور مميز.

[doctor_hosny]

اولا طبعا انا بتأسف للأخ supersonic انى ماردتش عليه بس فعلا ظروف خارجة عن ارادتى المهم ان بالنسبة للكتب لو انتى قعدت تنزلها يبقى ماعملتش حاجة خالص لان هى هى اللى فى المكتبة وبصراحة متقنعنيش انك هتقعد تذاكر على الكومبيوتر قدامك طيب لو حبيت تحط خط تحت حاجة هتعمل ايه عامة انا عندى كتب ال operative & crwon بتاعة الكلية عندنا ولو حبيت ممكن تصورها او باى طريقة

[besso1977]

:icon2600: اهلا بكل الاخوة الكرام لم يتم الرد على سؤالى بخصوص الموهبين فى الاسنان ارجو الرد حتى نتمكن من الحديث فى عدة موضوعات بخصوص المجال العملى

[dentalman]

سلام عليكم يا دكتور حسنى
انا دكتور احمد ، طبيب اسنان دفعة 2001
كنت بس عايز استشيرك كده اما تعمل حالة عصب وتفضل اكتر من زيارة تغسل وتعمل ارريجاشن ومجرد ماتقفل بحش وؤقت، يقوم يورم ويتعب المريض
يبقى المشكلة ايه؟؟
هل ظهرت حاجات اقوى من المحلول الكلورى اللى بنستخدمه ف الغسيل؟؟
وشكرا يا باشا

[doctor_hosny]

بص يا دكتور بالنسبة لحكاية المريض لما يورم فده ممكن يكون نتيجة ان ماشلتش كل العصب او انك عملت انجرى للبيريودنتل تيشوا او ممكن اخر حاجة بقى ان ممكن يكون جزء من العصب انفكتد يكون عدى الايبكس
أما بالنسبة عن سؤال الاريجيشن فبصراحة محدش قلنا على حاجة نستخدمها غير الصوديوم هيبوكلوريد او السلاين وعامة انا شايف الكلور بصراحة حلو اوى
ياجماعة انا الكلام اللى قلته ده برده على حد علمى بس وفوق كل ذى علم عليم وانا لسة طالب فى بكالوريوس وشكرا

[doctor_hosny]

اما بالنسبة للاخ بيسو طبعا التالنت مهم جدا فى شغلنا بس مش معنا كدة ان اللى مش عنده هيبقى حمار ومش هينفع بالعكس انا واحد من الناس اللى التالنت بتاعتهم متوسطة بس فاهم كويس وطالما فاهم كويس مع التدريب قدرت ان يبقى شغل ايدى حلو والحمد لله سواء فى اوبريتف او كرون او اندو

[drwesdom]

شكرا على الرد د-حسنى على اجابتك بخصوص الموهبين. لكن انا قصدى ان الموهبين لا يجدوا العنانية الكافية من الكلية لان معظمهم مش متفوقين دراسيا فلا يجدوا من ينمى الموهبة. وانت عارف ان المهم للكلية بنسبة كبيرة النظرى. على فكرة انا مريت بهذة التجربة بشهاتة اساتذة الكلية.

[midok33]

هل ظهرت حاجات اقوى من المحلول الكلورى اللى بنستخدمه ف الغسيل؟؟


أما بالنسبة عن سؤال الاريجيشن فبصراحة محدش قلنا على حاجة نستخدمها غير الصوديوم هيبوكلوريد او السلاين وعامة انا شايف الكلور بصراحة حلو اوى

هناك محلول EDTA* وهو أقوى بكثير من الصوديوم هيبوكلوريت :icon30:
وبيستخدم في sclerosed canals وله القدرة انه يوسعها لك شوية عشان تعرف تشتغل

وانا فاكر انه في امتحان البكالوريوس كنت شغال في upper lateral وكان file 10 مش بيدخل في الـ canal :sadwalk0:
والدكتور المشرف قال لي لازم تستخدم EDTA ولحسن الحظ لقيته مع احدى الزميلات وجاب نتيجة ممتازة :clap0000:

لكن عموما الكلور شغال برضه :bye10000:






*Ethylene Diamine Tetra-acetic Acid

[doctor_hosny]

طبعا بشكر الدكتور اللى قال على Edta لانها فعلا معلومة كويسة وانا عن نفسى مكنتش اعرفها
وبالنسبة لموضوع الموهبة فبصراحة انت عندك حق فى الموضوع ده لان حتى فى الكلية الدكاترة الكبار مش بيبقوا عارفين حتى بالطلبة الكويسين فى العملى ده غير انك حتى لو شغل ايديك 10/10 مش هيعترفوا بكدة لان الدكاترة بيبقوا عايزين يتعبوك على الفاضى وخلاص مثلا فى سنة 2 عندنا دكتور كويس جدا وايده حلوة اوى ومش هقدر اقول على الاسم كان اشتغل سنة اوبرتيف ديمو يعنى ولما جيه يمضى الشغل بعديها بكام سيكشن فوريته السنة اللى هو عاملها عارف قالى ايه قالى الفلور وحشة اوى وادانى 6/10 عليها وانا بامانة ربنا مالمستهاش
ومرة تانية كنت بشتغل كلينيكل وحبيت اورى للمعيدة الشغل علشان امضى الكفيتى وقالتلى وحش وانزل بالفلور وكدة انا بصراحة كان عجبنى شغلى فاستنيت شوية ومن غير ما اعمل حاجة زيادة خليتها تشوف تانى قالتلى ايوة كدة كويس اوى واحسن من اللى قبل كدة :-)
المهم ان مفيش فعلا اهتمام خالص بالموهبة فى الكلية

[drwesdom]

:icon2600: شكرا د-حسنى على الرد. احب اضيف حاجة مهمة لازم الا نقف على البرنسيبالز فى الشغل لازم يكون فية مرونة ولازم نفكر ونبدع ونخترع حل للمشكلات لان الناس اللى بتحط البرنسبالز بشر مثلنا يحتمل الخطاْ و الصواب لازم يكون لنا وجود بينهم. بالنسبة لموضوع الاريجشن edta لتوسيع القناة كويسة قوى لكن ناخذ بالنا من حاجة مهمة لازم نعمل غسيل فورى للقناة بعد استعمالها بالمحلول لانها لم بقيت بالقناة سوف تستمر بالتوسيع باستمرار لوحدها.

[drwesdom]

كل عام وانتم بخير والامة الاسلامية فى ازدهار

[doncamello82]

السلام عليكو يا جماعه
لو سمحتو حد يؤلى اى سيت انزل منو حجات عن الهليتوزيز و ال mouth breathing عند الاطفال و شكرا مؤدما

[waell]

انا طالب بكالوريوس فى عين شمس و عندى حاجات كتير اكتر من رائعة ممكن تفيد كل الطلبة وحتى الدكاترة
ياريت رسالة على الخاص او اى حاجة تعرفنى ازاى ارفع الملفات
انا عايز اساعد بجد
ودة ايميلىslamdank_1@hotmail.com

[omasoft]

السلام عليكم ممكن حد يدلني على موقع فيها أفلام يخص طب الأسنان مثل عمليات زرع وتلبيس وتنظيف وتبييض الأسنان سواء كان الموقع انجليزي أو عربي وبكون ممتن اله كثير

[complex]

حبيت أشارككم في المنتدى الرائع ..

د.محمد من السعودية (يعني قريب انشالله :bye10000: )

وأتمنى أن نفيد ونستفيد من بعض ..

[mostafabasal]

اولا بالنسبه للاخ اللي عاوز يعمل تقويم اسنان ممكن يعمله ببلاش يعتبر في مركز ابحاث طب الاسنان بمستشفى احمد ماهر
تقريبا هتتكلف الخامات بس حوالي 350-400 جنيه
و طبعا ده سعر عمرك ما تتخيل انه موجود اساسا بالنسبه للتقويم الثابت
ثانيا بالنسبه للاخ اللي بيسال عن موضوع الاريجيشن هوه ما وضحش السن او الضرس رقمه كام بس لو كان انتيريور انا افضل فى هذه الحاله اني اعمل ابيسيكتومي لو كان خلفى انا بستعمل محلول كلور مذاب معه قرصين اريثروبريم لكل 5 ملي
وجرب الطريقه دى و بلغني
ثالثا احب اعرفكم بنفسي انا طبيب اسنان مصطفى درويش خريج جامعه الاسكندريه دفعه 2003

[doctor_hosny]

السلام عليكم ممكن يا دكتور مصطفى تقولى سبب اختيارك للابيسيكتومى فى الانتيريورز والكلور فى البوستيريورز

[whitemolar]

ممكن اعرف ايه هوا اريثروبريم دا.... و لو سمحت اكتبو صح بالانجليزى.... وياريت تقلنا الطريقه دى انتا جايبها منين ... هل هيا خبره ولا من texet books و الف الف شكر
د. اسلام صفوت

[whitemolar]

Erythroprime is a antibiotic from Marcolide group (Erythromucin 250mg + Trimethoprim 80mg)
اوك انا لقيته .. بس اشمعنا دا بالذات و هل يمكن استبداله باى antibiotic آخـــــــــر ؟؟؟

[dr_leedo]

السلام عليكم جميعا
ايه رايكم نعمل رابطة لاطباء الأسنان بالdvd
انا وليد/ أسنان اسكندرية دفعة 1997

[adel17]

سلام عليكم يا دكتور حسنى
انا دكتور احمد ، طبيب اسنان دفعة 2001
كنت بس عايز استشيرك كده اما تعمل حالة عصب وتفضل اكتر من زيارة تغسل وتعمل ارريجاشن ومجرد ماتقفل بحش وؤقت، يقوم يورم ويتعب المريض
يبقى المشكلة ايه؟؟
هل ظهرت حاجات اقوى من المحلول الكلورى اللى بنستخدمه ف الغسيل؟؟
وشكرا يا باشا
اسمح لىبالاستفسار عن وحدة علاج قناة العصب هل جذر واحد ام متعدد الجذور واخبار انحناء الجذور بالاشعة واخبار التاكل فى العظم حول قمة الجذر عموما مع الغسيل استخدم مضاد حيوى مناسب ولاتغلق بحشو مؤقت فترة الالتهاب يكفى قطنة بالفورماكريزول

[mostafabasal]

السلام عليكم
اعتذر عن الرد لفتره لاني كنت مشغول لبعض الوقت
بالنسبه لسؤالك يا دكتو حسني عن سبب اختيار الابسيكتومي للانتيريورز هو الاكسس و الرءؤيه الواضحه لان صعب اوي انك تعمل الكلام ده في البوستيريورودي عن تجربه ايام ما كنا طلبه في امتياز بالذات لو كان العيان عنده تشيك بلكي اوي(bulky cheek) او فتحه الفم ضيقه و بنستعيض عنها في البوستيريورز بالاريجيشن مع اعطاء اكبر فتره ممكنه للتنظيف
اما بالنسبه للدكتوراسلام احنا بنستعمل عموما في حالات الابسيس اي نوع من الانتي بيوتك اللي بيشتغل علي الان ايروبك بكتيريا و مش شرط الاريثروبريم ممكن تجرب اي نوع تاني بس انا بفضل ده لان فيه جرعه فلاجيل وده من افضل المضادات الحيويه ضد الان ايروب البسيط
واي استفسار انا في الخدمه

[koooby111]

hi......plz if anybody can help me in egypt to give me an information about the MSDF examination in cairo what about it?? i hear that there is the same examination in jordan but i want 2 get more details about it and what the benefit i'll have if i do this exam coz i'm from iraq so plz anybodye can help me

[omar140]

ANY WUESTION ABOUT DENTAL WORK IN SAUDI ARABIA OR LIBYA, SEND IT TO


A-DENT2010@YAHOO.COM

[omar140]

ANY QUESTION ABOUT DENTAL WORK IN SAUDI ARABIA OR LIBYA, SEND TO


A_DENT2010@YAHOO.COM

FEMALES ONLY PLEASE

[Prof.Dr.Hitham]

السلام عليكم ورحمة الله وبركاته
أنا هيثم طالب طب أسنان سنة رابعة
وحابب أسأل الدكتور مصطفى عن مركز ابحاث طب الاسنان بمستشفى احمد ماهر ؟؟لو ممكن تعطينا معلومات عن طبيعة عمل هذا المركز وهل ممكن وأنا طالب أدخل وأشوف أو حتى أتدرب في هذا المركز

[dentist_hego]

انا في كلية طب اسنان الازهر سنه تانيه وانا عايز مواقع عن طب الاسنان بس اقدر انزل من عليها حاجات في طب الاسنان مجانا ياريت ترد عليا

[dentist_hego]

انا في كلية طب اسنان الازهر واتمني اكون عضو معاكم واستفيد من الحاجات اللي بيتجيبوها في الموقع

[mostafabasal]

السلام عليكم ورحمه الله و بركاته
ردا على البروف الدكتور هيثم مركز الابحاث باحمد ماهر يعتبر من وجهه نظري انه رقعه طبيه خاصه جدا بالمستشفيات التعليميه علي مستوي الجمهوريه لانه يتميز باساتذه متميزه تعتبر المفروض انها صفوه وزاره الصحه اضف الى ذلك نظافه المكان و وفره الخامات علاوه الى ذلك احساسك التام بالتعلم و الاستفاده عن اي مركز تدريبي.الفرصه غير متاحه لك الان للتعلم هناك سيكون لك حظ اوفر في فتره الامتياز ان شاء الله و نصيحه لو لقيت الموضوع بتاع اجراءات تخليص ورق التدريب في المركز معقد لا تيأس و تشبث اكتر و اكتر لان الفرصه دي بيتهافت عليها كتيييييييييييييييير

[mostafabasal]

بالنسبه لكل اعضاء القسم الطبي و خصوصا اطباء الاسنان اضع بين ايديهم لكبر مكتبه تقويم اسنان بس لمرجع واحد بس يعني كل اصدارات مرجع واحد فقط من اول ما ظهر
www.angleorthodontist.com

[اخت مسلمه]

شكرااا علي الموضوع

[ahmed zaher]

السلام عليكم
اريد موقع ممكن انزل منه عمليات impaction and cyst

وشكراااااااااااااااااا

[Amr Bahgat]

فعلا يا جماعة احنا محتاجين فيديوهات لعمليات جراحية للأسنان , انا عن نفسي حاولت كتير و لم اجد الا اشياء مختصرة او
اعلانية , و اعتقد ان هذه الأشياء موجودة في المنتديات الأجنبية أو ال Groups

Amr Bahgat 1st part master degree in oral medicine and periodontics

[mody21]

على فكره يا جماعه انا احب اعبر عن اعجابى بالموضوع و اخص بالشكر الدكتور حسنى الى امتعنا بالموضوع ده
بجد الف شكر و انا مش طبيب اسنان انا دكتور صيدلى
بس شايف ان الموضوع يهم جميع التخصصات
طبعا" فى كلام كتير مش بفهمه كويس بس انا هنا معاكم للأتطلاع مش أكتر و بجد لو لقيت مواضيع قيمه تفيدكم مش هتأخر على اجدع اطباء اسنان سلااااااااااااااام

[doctor_hosny]

يا جماعة هو الموضوع واقف ليه من زمان ياريت لو حد عنده اى سؤال بخصوص طب الاسنان يتفضل يطرحه وانا هحاول على قد ما اقدر اجاوبه
http://graphics.glittermaker.com/5/194/115425927633766.gif

[minanemo]

salamo alykom i will be thankfull if u really helped me either to find a link for this book online
[B]dentel implantology by carl misch]

[ahmedaziz200]

يا جماعه لو سمحتو انا عايز اتعلم تقويم ومتقولوليش كورسات علشان ده تهجيص انا محتاج زميل عزيز يكون بيعرف يشتغل تقويم ونقعد سوا ويعلمني

انا عارف ان الموضوع مش هياخد ايوم ولا اسبوع ولا حتي شهر
بس يا ريت هو الي ميزهقش مني

[karabantas4444]

جرى اية يا جماعة هوا انتوا سألتوا المريض عن الوجع
يعنى مدته نوعه
مينفعش تشخص من غير متعرف الحاجات دى مش بس من انه عن طريق المية الساقعة
خللى بالكوا المرة الجاية

[karabantas4444]

جرى اية يا جماعة هوا انتوا سألتوا المريض عن الوجع
يعنى مدته نوعه
مينفعش تشخص من غير متعرف الحاجات دى مش بس من انه عن طريق المية الساقعة
خللى بالكوا المرة الجاية

[sesy_sisy]

السلام عليكم ورحمه الله وبركاته
سني 41 سنه واسناني مفرقه عن بعض والاسنان السفلي طويله قوي ومفرقه اكثر من العليا واذا اكلت اي سكريات اشعر بالم
كبير مع العلم لا استطيع ملديا عمل تقويم فهل من علاج غير مرهق

[Ellooll_21]

ana dr asnan lsa mt7`rga this year w nfsy ashtrk m3ako f elmontada what can i do

[berryslove]

Many Tanxxxxxxxxxxxxxxxx

[sheryio1]

hiii Dr. hosny thanks for this special topic it's really great and useful
ana fe sana tanya w kan 3andy so2al :
bel nesba lemt7anat el postgraduate benemte7en fe mawad Teb kaman (i.e :anatmy, phsyology, bio, wel 7agat deh)

thanx a lot

[ahmedmamm]

السلام عليكم و رحمة الله و بركاته
Doctor Hosni
تحيه طيبه و بعد
إزاى أساعد طبيب أسنان قريبى من خلال النت لأنى بأجلس على النت كثيرا جدا والحمد لله عندى سرعه عاليه جدا جدا إزاى أقدر أساعده وأعمل إيه لوتكرمت لو تقدر تفيدنى وهو عمل ماجستير فى الخارج إزاى أقدر أساعده وهو بالمستوى العلمى ده لأنه بيحب الخير جدا جدا و مابيتأخرش عن مساعدة أى حد و أنا نفسى أخدمه....
بعد إذن حضرتك قولى أعمل إيه و أحمل كتب إيه ولا ستادى كيس ولا فيديوهات ولا قواميس ولا إيه.....
أنا دخلت مواقع كتير بس مش عارف أحمل إيه
أرجو من سيادتك التكرم بإعطائى النصح وخصوصا إن حضرتك دكتور.
وهو طبيب أسنان متخصص فى التركيبات
وتذكر حضرتك أن الدال على الخير كفاعله إن شاء الله .
أنا متابع و منتظر رد سيادتكم الكريم إن شاء الله فى أقرب وقت.