عروض فودافون الجديدة اللى نزلت النهاردة

[hoolamy]

1- عرض تكلم رقم واحد فودافون فى اى وقت مجانا

2- عرض تكلم اى رقم فودافون مجانا يوم الجمعة + تكلم مجانا اى رقم فودافون من الساعة12 بليل لحد الساعة 8 الصبح

ديه احدث عروض ونزلت النهاردة فى الجرايدبجانب العروض القديمه بتاعة سلفنى وخمسين فى الميه رصيد زيادة

بس المشكله انهم مش جايبين معلومات تانيه عن العرضين دول الجداد

عموما اللى يعرف جديد عن العرضين يحاول يقولنا

[SoomyNora]

والله عرض ممتاز بس ياريت اللي يعرف أي معلومات يقولنا...

[محمد الكينجو]

هو عرض جميل بس العرض ده اكيد ولا ايه

[popoday2000]

هو نزل فى الاهرام النهاردة بس مش عارفين بقى ازاى نشغل الخدمة دى ولا ازاى نختار الرقم اللى نكمله مجانا على طول

[dodo_2010_2005]

الموضوع ده مش عارف اول مرة فودافون تعمل عرض ومتحطش معملومات
انا اتصلت بخط العروض 800 مفيش اي معلومات عن الموضوع ده
ياريت لوحد عرف حاجه يقول علي طول

[sehs2005]

بالنسبه لعروض فودافون العرض بتاع النهارده لازم تكون فاتوره او تحول من كرت الي فاتوره بس هتدفع فلوس كتير اوي

[Mr.Albert]

عروض جميلة فعلا بس زي ماقلت مش جايبين أي معلومات عنها خالص في أهرام النهاردة

[micky0105421286]

عرض ممتاز بس عايزيين معلومات اكتر

[SoomyNora]

بالنسبه لعروض فودافون العرض بتاع النهارده لازم تكون فاتوره او تحول من كرت الي فاتوره بس هتدفع فلوس كتير اوي

يبقى طز فيهم واللي عاوز عرضهم أنا قولت الشركة دي هتفضل زبالة ألي الأبد

[ELBAKATOCHI]

خلاص يا جماعه انا هقولكم
على فكره الشركه مش زباله ده اولا
اثانيا العرضين حاجه واحده هيه باقه بتشترك فيها بتدفع 200 جنيه في الشهر وطبعا ده مبلغ كبير
والمميزات بقه انك ليك 600 دقيقه لأي خط وفي أي وقت
وبعد الساعه 12 تكلم فودافون مجانا ويوم الجمعه كله مجانا والمجانا ده بحد أقصى 3000 دقيقه في الشهر
ولو مش عايز تستنى للساعه 12 يبقى بتختار نمره واحده تكلمها مجانا في اي وقت
وكمان خدمة العملاء مجانا
ملحوظه انا مشترك في الباقه دي مع اني شايف ان 200 جنيه برضو كتير

[hoolamy]

خلاص يا جماعه انا هقولكم
على فكره الشركه مش زباله ده اولا
اثانيا العرضين حاجه واحده هيه باقه بتشترك فيها بتدفع 200 جنيه في الشهر وطبعا ده مبلغ كبير
والمميزات بقه انك ليك 600 دقيقه لأي خط وفي أي وقت
وبعد الساعه 12 تكلم فودافون مجانا ويوم الجمعه كله مجانا والمجانا ده بحد أقصى 3000 دقيقه في الشهر
ولو مش عايز تستنى للساعه 12 يبقى بتختار نمره واحده تكلمها مجانا في اي وقت
وكمان خدمة العملاء مجانا
ملحوظه انا مشترك في الباقه دي مع اني شايف ان 200 جنيه برضو كتير

يعنى طلع اى كلام

انا برضه قلت هى فودافون اتجننت كدة برضه

[SoomyNora]

يباشا أقل من واحد فالميه من عملاء الشركة المعفنة دي مشتركين فالباقة أم 200 جنيه دي يعني الشركة مش بتخدم عملائها أساسا ولا مهتمة بيهم وعمله عرض تافه للأغنيا بس قال يعني اللي بيدفع 200 جنيه فالشهر هيبص للدقايق المجانية ...أنا قولتلكوا هيا شركة زبالة وعروضها زي وشها

[mozy007]

علا فكرة انا فرى 600 النظام دة جامد انا مثلا فاتورتى جاتلى ب 1900 جنية مادفعتش غير 250 جنية باقى الفلوس المكلمات الى كونت باتكلم بيها فى الفرى تيم

[spike19830]

انا عمري ما شفت الشركة دي نزلت عرض الا ما يكون فيه مقلب او تقليد لموبينيل والشركة بتحسسنا انها بتتعطف علينا في العروض يعني مثلا العرض بتاع 50 % لو لغيت الاشتراك متقدرش تشترك تاني

[mada007]

دة عرض فرى 600
وانا خطى فرى 600
بيديلك 600 دقيقه شهريا ، وبتختار خدمه من خدمتين
اما فرى نمبر او فرى تايم
فرى نمر رقم تكلمه فى اى وقت ، اما فرى تايم
من الساعه 12 لحد 8 صباحا تكلم اى رقم فودافون ببلاش ويوم الجمعه طول اليوم مجانا
وهو بيزيد عن 200 جنيه شهريا
أشتراك ثابت 195 جنيه + 15% ضريبه مبيعات + رسم أرسال الفاتوره
يعنى تقريبا 230 ،
اما نقطه ان المجانى محدد بـ 3000 دقيقه فا دة غير معلن من الشركه ولو حاولت تعرف محدش هيفيدك هو محدد بكام
لكن على ما أظن ومن صديف فى فودافون ثلاث أضعاف ال 600
يعنى 1800 دقيقه
وياريت اكون افدتك

[hoolamy]

خلاص متكرهونيش فى الشركة ديه

[مؤمن خلف]

فودافون ها تفضل فودافون
أبخل خلق الله

[™ Mr.Bluetooth]

فعلا يا جماعه العرض ده منزلش انا بتجيلى رساله اول ما اى خدمه بتشتغل ما وصلتنيش الحكايه دى الصراحه

[Occ_gho]

تهريج × تهريج × تهريج × تهريج
فودافون بتستهبل جامد !
انا شحن كارت يوم 1 اغسطس المفروض استمتع بالعرض
و فعلاً بعد 24 ساعة بدأت ابعت رسايل مجانية
تفاجئت النهاردة رصيدى كان اقل من 5 جنيه
بعت كام رسالة جيت ارن على صديق لقيت الرسالة الصوتية
عفواً لقد نفذ رصيدكم ! طبعاً اتصلت بـ 800 ملقيتش اى شئ عن العرض
اتصلت برقم الشحن 858 لقيتهم بيقولوا عرض الـ 1000 رسالة انتهى !
هو كان لحق يبتدى لما ينتهى ! و برضو اسعارهم زفت زفت زفت
و عروضهم منيله بـ 60 نيله و المستخدم مش بيستفيد اى شئ نهائياً من العرض
نظير استفادة الشركة فى المقام الاول ! و كل نظام تشترك فيه مثلا كلامنا
قوانينه زى الزفت و متحجم بطريقه فظيعه بحيث انى مقدرش احول اكتر من 5 جنيه اسبوعيا لاى موبايل فودافون !
اتصلت بخدمه العملاء على اساس انهم كانوا متعاونين قبل كدة
اكتشفت انهم بيهرجوا جامد ! بقول لموظف خدمه العملاء لو سمحت انا عاوز اعرف طريقة
اسجل بيها شكوى للشركة ادانى عنوان قالى ابعت له خطاب من البريد و قالى بس مش هتستفيد حاجه !
قولتله الشركة بدأت تهرج جامد و و و و و الخ , قالى اسف يا فندم قريب الشركة هتعمل مجموعة عروض كويسه
و و و و و كلام من الحلو بتاعهم ده و فى الاخر احنا بينضحك علينا اصلاً

و انا سمعت ان شركة فودافون بحلول عام 2010 هيبقى رأس مالها كله مصرى 100 %
و عشان كدة الشركا الاجانب بيخربوها قبل ما يمشوا ! سمعت الموضوع ده من صديق
و مش عارف مدى صحته فى الحقيقه
عموماً انا عندى سنترال و كنت ( متكود ) فى الشركات الـ 3 و بصراحة اكتر شركة
مغرقانى عروض و مميزات هى اتصالات يأتى من بعدها موبينيل
و انا لغيت تكويد فودافون من الاساس عشان بيهرجوا جااااااااااااااااااااااااااااامد

[محمد كمبيو دش]

دي شركه زباله بجد عمرها مانزلت عرض كويس وولا بنستفاد منها