المساعد الشخصي الرقمي

مشاهدة النسخة كاملة : كيف اصبح IT manager

dead-man-inc
29-08-2005, 04:37 AM
بسم الله الرحمن الرحيم

يا جماعه عندى تسائل بس انا عايز ابقا it manager ايه هى الكورسات الى لازم اخدها علشان احترف الموضوع ده ؟؟
ابقا شاكر ليكم جدا لو حد ساعدنى فى الموضوع ده
akrameladl
29-08-2005, 09:01 AM
بص يا سيدى
اولا لازم يكون عندك حس قيادى بحيث تعرف تقود مجموعة من الموظفين كلهم شايفين انهم احسن منك وانك مبتعرفش حاجة وهمه اللى عارفيين
الكلام دة معناه انك اولا لو الشركة اللى هتشتغل فيها شغاله على الويندوز لازم يكون معاك الاتى :
كورس MCSE مهندس نظم معتمد من ميكروسوفت
وطبعا الشركة هتكون شغالة ببرنامج محاسبى اوصناعى او الاتنين
يبقى لازم تكون بتفهم كويس فى الداتابيز
يعنى تكمل الكورس وتاخد كمان داتا بيز ادمنيستراتور
لازم كمان تكون بتفهم فى البرمجة عشان لو عندك عيال بتعمل برامج تعرف اذا كانو شغالين ولا بيهيسو
وطبعا لازم تكون استاذ صيانة و اديك تتلف فى حرير عشان المستخدمين هيطلعوا عنيك فى الموضوع دة
والشركة بتاعتك طبعا هيكون لها website يعنى لازم يكون عندك حس فنى لانك المسئول عنه
وطبعا كمان لازم تكون بتعرف تغنى على الادارة العليا بتاعتك لانهم فاكرينك تقدر تعمل اى حاجة بضغطة زرار
طبعا كمان نص كلامك لازم يكون بالانجليزى عشان عقدة الخواجة اللى عند الادارة العليا ويحسوا ان انت واد ماليكش حل
وطبعا كل ما وصلت للمنصب دة وانت سنك صغير كل مايكون احسن

مع العلم ان انى وكل اللى زى حلاتى شربوا المر من كيعانهم عشان يوصلوا للمنصب دة
اما بالنسبة للمؤهلات فالترتبيب كالاتى
هندسة اتصلات
اى هندسة تانية
حاسبات و معلومات
علوم حاسب الى
تجارة بس تكون معبى كورسات لما معمى وتكون طاحن شهادات ميكروسوفت كلها وياحبذا لو شهادات سيسكو بالمرة ممكن توصل
هذا والله اعلم
وربنا معاك يابنى فى طريق الاشواك اللى انت اخترتة
dead-man-inc
29-08-2005, 03:58 PM
يااااااه ديه ليله كبيره موووت بس توكلت على الله وابتديت mcse بس انا هاخد فى kit ايه رئيك فيها ؟

شكرا ليك يا اخ akrameladl على المعلومات والاهتمام

شكرا
akrameladl
30-08-2005, 08:24 AM
مية مية بس غالية حبتين
ربنا معاك
dead-man-inc
30-08-2005, 03:35 PM
يا سيدى مافيش حاجه رخيصه اليومين دول

شكرا ليك مره اخرى